((أعد انجومي واعد انجوم))

[القارظ العنزي]

اعد انجومي واعد ...... انجوم
ويعدها صاحب ........... مثلي
مراقب يفهم .......... المضيوم
قلبه من البيض ......... منهبلي
اشكي له والقدر ........ مقسوم
من اللي جرالي ...... ويحصلي
يالقرم خلي حرمني ...... النوم
ما يرحم الحال ......... ويسلي
وان غاب ما ينشد عن المحروم
واقول عساه في .......... حلي
وان غبت انا كني من .... القوم
ما ينشد لو كنت ......... منملي
يا اعد نجوم يا اعد ...... نجوم
وش حيلتك قل ......... بالخلي
حياتي غبنة تزيد ......... هموم
وايضا القهر زاد في ....... غلي
يا حبي اللي بدا ........ مشؤوم
زود على القلب ........... منتلي
حب اساسه بدا .......... بغيوم
ما ظنتي يالقرم ......... ينحلي
وان كان عندك لنا ....... مفهوم
عجل وارسل لنا .......... الحلي
عسى السعادة في دربك .. دوم
ولا يوم للحب ............. تنذلي

القارظ العنزي

[أعد النجوم]

القارظ اللي ذكرني اليوم

يامرحبا يابعد كلي

قصيدك اللي يجي مرسوم

رسمتها رسم بالملي

ضامك زمانك وانا مضيوم

من وضعنا الدمع ينهلي

ياصاحبي ياكبير القوم

ياللي ابد ماتبا الذلي

ان كنت من عاشقك مظلوم

من خافقك خله يولي

الحب يذبح قلوب قروم

سيف(ن) على الروح ينسلي

دعيت يارب ياقيوم

يجيك خلك ويجي خلي

الهم طول وراح النوم

والحل مابه ابد حلي


يالقارظ الله يعينك دوم

وانتا عزيز(ن)على الكلي


مرحبا بك يالقارظ وهذي ابيات مجارة لعلها ترتقي لذائقتك

وأبد انت وافي وكفيت ووفيت وهنا ماودي اتعبك برد اخر اللي انكتب يكفي
ربي يسعدك

[القارظ العنزي]

صح السانك غالينا أعد النجوم
والحقيقة ودنا نعيش مع قصايدك
العزيزة من عز العزيز لأنك شاعر
مقل بالنسبة لنا وشعرك مميز قلنا
نهيضك لعلنا نفوز بالرد ونستمتع
بشعرك المميز لاهنت ولا هان ردك

[أعد النجوم]

اهلا بالقارظ شاعرنا العزيز

والله انا الان جالس اجهز قصيدة راح تعجبك ان شاء الله

ولكني ماشي على مهل

يعني كل فتره اكتب بيت بيتين

صحيح زي ماقلت اني مقل وانا صراحه اغبطك شخصياً ماشاء الله عليك بغزارة الشعر عندك


انتظرني خلال هاليومين وبتشوف شي يسر خاطرك


ربي يسعدك شاعرنا العذب

[القارظ العنزي]

العفو سيدي لا تقيس بحري المالح
على نهرك القراح ولو قل نثرك فشعرك
حكمة ولو قل وشعرنا نسمة تهب بها الرياح
يمينا وشمالا

[أعد النجوم]

لا والله هذا من تواضعك لله درك

وانت شاعر المنتدى من قبل ومن بعد

ونحنا مانجي الا من بعدك

[القارظ العنزي]

الله لا يهينك
وعسى عمرك
طويل مراقبنا
الحبيب الغالي
اعد النجوم

[احلام عابره]

ياعد النجوم ياعد النجوم
شف لنا بالقارظ....... حلي

خاطره على الدوم مهموم
ودمعه على الخدين.يهلي

قلبي من وناته..... مكلوم
وادعيله دوم وانا...اصلي

يالله ياحي ....... ياقيوم
يالي على العرش.. متعلي

تسعد القارظ عقيد. القوم
والهموم عن صدره.. تولي

[القارظ العنزي]

ياللي قافك تقل ..... ملحوم
بالسيف والرمح ..... يا دلي
اهدي لك من ريحة القيصوم
ومن ريحة الشيح ... والفلي
من ريحة بدواننا ... وحزوم
يفرح بها الطرش..... ويفلي
يا سيدي دعوة ...... القيوم
منكم عند الرب ....... تنزلي
يرحم بها واحد ..... مظلوم
قلبه من الحب ...... منعلي

[ابو معتز]

صح لسانك شاعرنا ألكبير القارظ العنزي
تميز فاق الوصف ياغالي
يعطيك ألف عافيه .

[القارظ العنزي]

صح بدنك ابو معتز لاهنت