يا الشاعر

[بو نوره]

ردي على اخوي القارظ
::
::
بسم الله أبدأ
::
::
يالشاعر اللي بنا سوره
والنفس ماهيب منطربه

والناس لاشك معذوره
في القيض لا شالت القربه

و يمناك ماهيب مقصوره
في واسع الوقت او كربه

الزين ماخذ معك دوره
و اقلع ب قلبك مع سربه

ابو نهيدين مزبوره !!
وش جاب حظك على دربه ؟

يا نور ربي سنا نوره
اللي ركز في الحلا حربه

لا شك ذكّرت ابو نوره
بالجادل اللي شعل حربه

اشعل علي حرب مسعوره
ولا فيه عذر اتعذر به

في ثورة العشق مسطوره
ما احتلت بعده و لا قربه

عامين مصبر على جوره
عندي أمل و اتصبّر به

وبعض المواعيد مخفوره
وبعض المواعيد مختربه

والعاشق اللي فرك زوره
ما يهتني زاده و شربه

افكار ماهيب محصوره
يا شاعرٍ قرم نفخر به

بو نوره

[أعد النجوم]

صح لسانك بو نوره انت والاخ القارظ

ابدعتم بورك فيكم

جميل منكم هذا البدع والرد

نتمنى نشوف قصايد كثيرة من هالنوع

[بو نوره]

صح لسانك بو نوره انت والاخ القارظ

ابدعتم بورك فيكم

جميل منكم هذا البدع والرد

نتمنى نشوف قصايد كثيرة من هالنوع

شكرا يا مراقبنا العام
الجمال تجلى بوجودك ياشاعر المناجاة يالرائع

ارق التحاي لك يا اخي الغالي

[القارظ العنزي]

صح بدنك بو نورة
كفيت ووفيت وصح
السانك لاهنت شاعر
لا يشق لك غبار بلا
منازع حفظك الله بحفظه

[ابو معتز]

صح لسانك شاعرنا ابو نوره والقارظ نجوم ألمنتدى
سلمكم الله و رعاكم ويعطيكم الف عافيه .

[بو نوره]

صح بدنك بو نورة
كفيت ووفيت وصح
السانك لاهنت شاعر
لا يشق لك غبار بلا
منازع حفظك الله بحفظه

هلا بشاعرنا الرائع والنشط
هلا بمطوع الكلمة
ربي يحفظك ويديم لنا ابداعاتك

شرفت والله يا خوي