مشاهدة النسخة كاملة : صومعة توماس العامرة
الصفحات : 1 2 3
[
4]
5 6 7 8
ماشاء الله
تغيب عن صومعتك
واخرتها بزر اللي يشارك
ههههههه
ماشاء الله
تغيب عن صومعتك
واخرتها بزر اللي يشارك
ههههههه
إن لهذا الغلام لشأن
ان كبر وترعرع ليكون اعجوبة عصره
وهل ياترى
سيكون خليفه توماس قاهر غراب البين
يعقب غراب البين
والله ما وراه الا المصايب
تدرين إنه تدور حوله الشكوك إنه هو اللي خلا السفينة تعترض بقناة السويس
هو وجه نكبة اصلا
لو نقدر نستخدمه لنكب القارة القطبية الجنوبية
نجربه هناك ونقيس مدى تأثيره \
ثم بعدين نستخدمه ضد اعداء الملة
وشرايك ترسله للصين ياكلونه ونفتك منه
ههههههه
^
^
دايم احاول به والعرص فاهم ويرد علي يقول انا لحمي مرّ
تحسبني مثلك
وش رايك نذبحه ونسوي عليه مضغوط ونعزم عليه الاعضاء ياكلونه ؟؟!!
افاااااا
دام لحمه مر
تبنا نامله؟
واخزياه
بعلم الاعضاء
هههههههه
قطرة ندى
04-06-21, 11:57 AM
صباح الخيير
من زمان عنكم كيفكن :MonTaseR_103:
قطرة ندى
04-06-21, 11:58 AM
اغيب كده ولاتقيم ولا فقدناك
ولاشي :shocking:
^
^
معاك توكلنا ؟؟؟!!!
اول شي يا نسييم وشلون تدخلين الصومعة بدون ما تمرين على غراب البين هناك عند الباب
معاه مقاس حرارة وقدامه معقم ويشيك على توكلنا
النظام نظام :MonTaseR_112:
تدرين تعالي كل يوم ونوظفك بدال غراب البين تشيكين على توكلنا لرواد الصومعة
توماس
علمت عليك البلديه
وبيسكرون الصومعه
لعدم وجود اجراءات احترازيه
ههههههه
وغراب البين وش شغلته ؟؟؟!!!
https://j.top4top.io/p_1922wdufi1.jpg (https://top4top.io/)
أصلا اي واحد يمر مع طرف الشارع يحشره ويسأله عن توكلنا
تخبرين ليبرالي وماسكه معاه الوطنية
:MonTaseR_142:
امحق ليبرالي
اقول ياراعي الصومعه
ليش غايب عن صومعتك مايصير
الضيوف تجى ولا تلقي راعيها
^
^
انا ما بغيب ما بغيبش كدا اونطة
أنا بغيب عشان افنن ،، عشان ارسم ،، عشان أخطط
انا شغلتي شغلة مزاج يا استاذ مش لعب عيال
<<< حطيت مقطع وحيد سيف باليوتيوب ولا ضبط
اللهم صل وسلم على نبينا محمد
إذا جت ليلة الجمعة تتمنى تكون طويلة على شان تتعلل وتسهر
وذا جيت تنام تتمنى تكون طويلة على شان تشبع نوم
واذا جاء الصباح تتمنى تقعد بدري على شان تحس بالويكند انه طويل
وشلون تجي هذي
تجي بوانيت ابو غمارتين
ههههههه
قطرة ندى
04-10-21, 05:08 PM
عساكم من عواده شلونكم:رحيق::الجوهره:
قطرة ندى
04-19-21, 05:38 PM
:112::s:كيفكم اخباركم
كيف رمضان معكم الصراحه ماافي وقت ابداااااا
دعواتكم الي عندهم اختبارات
^
^
اللي عنده اختبار الله يوفقه
مبارك عليكم رمضان
وتقبل الله صيامكم وقيامكم
الصومعة ما قدرنا نسوي فيها افطار صائم للظروف الراهنة
لكن اذا تبون فطور جماعي بالدس علموني :MonTaseR_106:
ولا احد يسأل عني
ولا من قولتن الرجال وش عنده مختفي
بينتوا على حقيقتكم
لكن هين
<< برّطم وزعل
هههه لاتزعل يارجال تعال احب راسك امووواه
الربايع في المطبخ والربع تربيعة على البلوت واعفاك
نطلع اناوياك هالاسبوع ناخذ عمره ): يبيه يحلق الكدش
ميرسي حطاب
مية وردة لك:ورده:
قطرة ندى
04-26-21, 04:35 AM
ليش غايب يااتوماس خير وش
فيك لاتزعل يعني حتى انا ماحدا يسال عني يااهل مسك الغلا
ماتحبوا الجدد انتو:MonTaseR_210:
^
هههههههههههه
نتغلا
مساءكم خيرا يا قوم
المتحوّر الهندي وين وصل ؟؟:th_freezin:
وصل قلعه وادرين
انت ماتقضب ارضك
كل يومين نسأل وندورك
طفشناااا وتاليها مافي فطور
امحق صومعه
ههههههه النحشه
يا ساتر انكم هلكى
بس تدورن الاكل
المتحور الهندي وصل الاردن وانتم تدورون السمبوسة
على العموم لا تخافون
عندي طب شعبي ماهو للمتحور وبس
الا يضبط الجهاز التنفسي كامل :icon10:
ذبحني العطش
البارح قال لنا ابي اسوي لكم مضغوط مثل حاشي باشا
وصرنا نضرب لين ذبحنا العطش اليوم
فعلا قدرنا نجامله ونمسح الصحن لكن الضريبة كانت عطش
معاقبكم الوالد ! شف وش انتم مسوين يالكدش
توقعتك بعت الصومعة وتفرغت للعبادة بهالعشر &
قطرة ندى
05-04-21, 01:41 PM
السلام عليكم احبائي
اللهم بلغ جميع المسلمينىواعضاء المنتدى ليلة القدر واعتقهم من النار:Dl3:
<<< غراب البين يسلم عليكم
غراب البين هجر عشه يقول كله قمل :MonTaseR_102: ): مايقصد شي
وين وصل الصاروخ الصيني
من هو المقرود اللي يطيح عليه
بيطيح بالصين
الله يجعل كيدهم في نحرهم امييييين
كل عام وانتم بخير
تقبل الله منا ومنكم صالح الاعمال
الفريده
05-17-21, 02:50 PM
وانت بخير وصحه وسلامه
امين
قطرة ندى
05-21-21, 11:18 AM
مساء الخير :x117:
مساء النور
يالله انك تحييهم كل واحد باسمه
ما ادري وش اقول لكم أو اكتب لكم
مزكم والخشم يسيل
لكن عندي لكم مسابقة الجائزة فيها قيمة
تعرفون يوم يسيل خشمك وانت مزكم ثم تنشق نشقة مدري وشلون اوصفها لكم
اللي يكتبها بالحروف العربية أو الانقليزية يحصل على الجائزة والتوصيل علينا
أدري ان بعضكم يمكن ينقد علينا
أو يقول لو أنك ساكت احسن لك
لكن اللي ينتقدنا هنا يفضل إنه يروح ياخذ له جولة صغيرة على مشاهير السناب ثم يجي هنا
لأنه راح يحس ان سالفتي مثمنه وله قيمة معنوية ومادية
صحيح اني خلصت فاين البيت،، بس كله يرخص على شاني
وفي هذه المناسبة نشكر الاخت جيجي ( العاملة المنزلية ) على ما قدمته لنا من مشروبات ساخنة لتخفيف الزكمة
وبصراحة اول ما شربت من الخلطة اللي مسويتها تذكرت الشاي اللي يجيبنه الحريم للنافس بعد الولادة
ما ادري هل هي تنتقم للفترة الرمضانية أو غير ذلك
الشيء الذي أنا متأكد منه إني خلصت الفاين وخليتهم يجيبون لي من الفاين اللي بالمطبخ والان المطبخ ما فيه فاين
إما انها تسويلي نفس الخلطة الفعالة اللي شربتها ذلك اليوم وثاني يوم صارت مثل الحصان والا ما اخلي لها قطعة فاين بالمطبخ
لأنها زكمت وقالت وش يبي يعطيني المستشفى وراحت تصنع علاجها بنفسها
الان اتوقع لا يوجد فاين بالبيت وهذا ان دل على شيء فهو يدل على ضرواة المرض في جانب
وفي الجانب الاخر هو الصمود والقوة التي نجابه فيها هذا المرض
الفريده
05-22-21, 12:43 AM
سلامتك
قطه يا اعضاء كل وحد يقط كرتون فين يستاهل
يمكن خلطت الخدامه ماتصلح لك ولا كان سوتلك:3:
اما مسابقتك فعلا تشبه مسابقتهم قريبا بتوصل لشهره والثراء قبل توصل للمحكم والديون بعيد الشر عنك
هههههههه
لا يقف العلم عندهم
أنا سويت خلطة لي سريه وفعاله
والامور ماشية :y2o01875:
وانت بخير توماس
اللهم امين
https://www.al2la.com/vb/t115577.html
^
تعرف على الفنتازيا هنا
هههههههههههه
الصومعة تعاني لا بد ان نحيي فيها سهرات ليلية حسب الإجراءات الاحترازية والثقافة المجتمعية
فانتازيا الكترونية للمعلمات : -
حواء 1 : يا خية ابي انشدك عن فلانة هي حامل يا خطية شفتها هاك اليوم وبطنها شبرين قدامها
حواء 2 : ما ادري والله ، لكن قبل كم يوم شفتها بصالة الانتظار بالمستشفى لكنها جالسة ما هو واضح بطنها
حواء 1 : هالمنصة والتعليم عن بعد ما خلانا نعرف كل شي
حواء 2 : ما عليك خمس دقايق واجيب لك الخبر
حواء 2 تفتح الواتس وترسل وتعطي نغمات واتس على فلانة ممرضة بالمستشفى وما ردت عليها وراحت ترسل لفلانه وعلانه لين جابت التقرير كامل
حواء 2 : ايه طلعت حامل بالشهر السادس والظاهر انها لو نحسب لها نلاقيها من اول ليلة لأن عرسها كان بالاجازة القصيرة اللي بالترم اللي فات
حواء 1 : والله ما كاسر خاطري الا فلانة لحد الان ما حملت مع انهم سوو انابيب مرتين
حواء 2 : ...........الخ
حواء 1 : ...........الخ
حواء 2 : ...........الخ
حواء 1 : ...........الخ
حواء 2 : ...........الخ
حواء 1 : ...........الخ
هذي هي فلانة الحامل >> :MonTaseR_106:
من الفضاوة التي اعيشها الان صرت ادافع عن المدرسين وشاركتهم النعي على الاجازة الطويلة
وصرت اتكلم باسمهم أحسن منهم
واخر شي قلبت عليهم وانحشت لكم هنا :t:
أم زكي وينك
:112: : اهلا بك يا مسيو توم
والرجاجيل لا تجمعوا
شلون يجودون القران هههههه
اكيد تسوون الهوايل
يمه منكم بس
غراب البين الليبرالي يعرب عن تأييده لمنع الصلاة بمكبرات الصوت بالمساجد
وتهاوش مع توماس بالصومعة وطرده توماس من الصومعة
وجلس على مكان مرتفع ومعاه مكبر صوت حجري
ومصوبه على الصومعة وما غير مرة يكبر ومرة يغني ومرة يقلد اصوات
:smoke1:
أنت كذا :32: يالزحل
ادعس عليهم ياتومس ددسن يقصد ادسن هوع هع
^
ههههه
ما توديناش في ستين داهية :MonTaseR_112:
ماتخفش ياقدع
سبنا ندحك شويه :SnipeR95:
أحس اني لازم اروح اشتري اي شي
ما ادري ليش هوس الشراء صار داء مستعصي عندي
لدرجة اني اطلع من البيت ابي اروح اشتري
وش اشتري .. ؟؟ ما ادري
آآخ لو الزمن يرجع وهالهوس موجود
وين رايح يا توم ،، رايح اشتري جارية
ومنين جاي يا توم ،، من السوق اشتريت هذه الجارية
هيك يكون هوس الشراء له طعم
ماهو باهت،،، ذاك اليوم طلعت من محل اواني منزلية بملاعق
قالوا لي وش عندك شاري ملاعق وعندنا ملاعق الدنيا
استغربوا جاي هذا كبر راسي وانقل بيديني درزن ملاعق بس
قلت لهم هذولي غير شكل
هذولي كبيرات وابي يوم افطر برمضان نخلص على الشوربة بوقت قياسي
ماهو يقيم الصلاة وانا ما خلصت الشوربة
طبعا جبتهم قبل رمضان
المشكلة إني ما اتذكرهم إلا على السفرة مع الفطور واقول لهم وين ملاعقي
وليه ما جبتوهن
وعلى هالحال ما جابوهن لي الا تقريبا بالخمس الايام الاخيرة من رمضان
كنت بالصين قبل كورونا بشهرين واستفحل معي داء الشراء وخويي ابو نواف يمسكني ويسحبني برى المحل
يقول ما توقعتك كذا
المهم اني اشتريت بعض الحاجات لليوم بكراتينهم ما فتحتهم
كل ما شفت خويي ابو نواف اقول له ياخي ليه ما خليتني اشتري طاولة البلياردو
شافني بالصين واقف قدامها وسحبني ما خلاني اشتريها
له تأثير علي اشوى من خوينا الثالث اللي نتهمه انه وجه نحس على الصين وانه هو الخفاش الاسود اللي تسبب بفايروس كورونا المستجد
تومس عندي ديرة مهجورة عشرة بيوت ومسجد تشتريها
تصلح بهالاوضاع الحالية لاحد يهشّك ولاينشّك يالكدوش :TXh02864:
توماس
عندى لك فكره
طير للهند
واشترى كيرم
وسوى مشروع الناشئين لبطوله الكيرم
تحت اشراف غراب البين
والحكم السنغالي توماس
وانا اصير اشجعكم ههههه
قطرة ندى
06-05-21, 01:07 PM
مساؤ كيفكم اخباركم اشتق لكم مااشتقتولي ياساتر ولا تقيم ولا لايك انتو ليش قاسين كده:MonTaseR_95:
الاخوة رواد الصومعة الكرام
تحية طيبة معطرة بالمسك والجوري
ناسف لانقطاعنا عن الصومعة وذلك أنه خلال الفترة السابقة تم تسليم مفاتيح الصومعة
للأخ غراب البين ليتمكن من نقل مختبره الطبي والقيام ببعض التجارب على فايروس كورونا لصنع لقاح فعال
ونفيدكم أن اسم اللقاح في حال فعاليته ونجاحه سيكون باسم : ( غرابينكا )
وحسب الترسيبات التي وصلتنا مع الارملة السوداء والتي تقوم مقام فيران التجارب أنه يؤخذ عن طريق الشم
قول والله
اجل بنشم بس عسي مابوه عطسات ولا كورونات
ههههه
خخخخخخخخخخخخخ
محتاجين شخص صحيح معافى نبي نجرب عليه العقار
احتمال الاثار الجانبية للعقار تنم عن كثافة ولمعان وحيوية للشعر :319280174::4Bw02997:
صايرين كثير من الاعضاء الكرام ما يتفاعلون معنا خاصة بالمواضيع الفلسفية
وهذا لا يكون إلا لمشكلة من أحد المشاكل التالية :
1- إما انهم يمرون بمرحلة البوح الاستقراطي وهذا النوع يجعل من الشخص بواحا متميزا ولكنه لا يستطيع المرور على مواضيع المنتدى بالشكل التفاعلي المطلوب
2- أو انهم يحبون 15 حبيب دفعة واحدة وهذا يولد حالة من عدم الاستقرار والخوف
3- يعانون من كثرة الانشغالات وليس لديهم الوقت الكافي لمتابعة كل ماهو جديد
4- انعدام الفائدة في سوق المواضيع وتكاد بورصة المواضيع الجديدة تهوي للحضيض
5- عندهم مؤسسة تجارية وصاكينهم بمخالفة للإجراءات الاحترازية بسبب ابو ابراهيم
6- ابو ابراهيم هذا له شهر ما داوم بعد المخالفة ويوم نسأله عن السبب يقول شلعت سن ، يوجعني سن ، أعالج سن
صار له خلع اربعة اسنان وحشى ثلاثة ما ادري وش خلا لليوم الاسود
الاسباب كثيرة لكن ابي اتغدى فتكم بعافية
عليك بالعافيه
بس ماكن غداك طول؟؟؟؟؟؟ ههههههه
دنيا الغرام
06-25-21, 09:05 AM
صباح الخير جمعة مباركة:x117:
هلا جودي
أي غدا اللي طول
بعد ربع ساعة حسب توقيت الصومعة فيه غداء ثاني حياك :MonTaseR_158:
دنيا الغرام
هلا نورتينا
الله يبارك فيك
معاك ثاني مرة اذا جيتي جيبي معاك قهوة وشاي ومعمول :MonTaseR_171:
والان نترك الكيبورد مع الشوشة الذهبية
الشوشة الذهبية اصغر فرد بالعايلة دايم شوشتها منفوشة
( ة ة ةةةةةةةةة ةة ةةةةةةةةظر ن هى ةوملاح اخ ع9ى هغفىؤؤؤؤؤؤؤؤؤؤوؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤءرلاؤؤؤ ؤؤاىىىىىىىىىىىىىىىىىىىىىىىىى اا )
انتهت الاجازة وكانها يوما من ايام الربيع
اول ما بدت كنت ناوي اسوي واسوي واسوي .... حتى تحف نويت اصمم واصنع تحفة من الجبس
مسكت كذا عاد وش اسوي << النفسية ما تنحارش
وراحت الاجازة ولا صلحت لمبة بالبيت :41556:
وينك يا غراب البين تواسيني بانتهاء اجازتي
:112: << ام زكي تزغرت على نهاية الاجازة :MonTaseR_68:
سبعك يا وجه النكبات :v:
قررت ازوج غراب البين من ام زكي
وش رايكم ؟
البارح طبخت لشباب الاستراحة كان عددهم ستة البارح
هم يزيدون وينقصون مثل العايلة وقت الغداء بالعطلة الصيفية ما تدري من ياكل معك ومن يكون نايم ومن اللي توه مفطر ومن اللي يوقف على الباب ثم يبص بصة على السفرة ويشاور نفسه ثم يقول ماني مشتهي
هذا اللي يوقف على الباب هو نفسه اللي وقت الزنقات يفزع لاخوانه ويطبخ لهم اندومي
اللي يجلطك اللي يقول اغرفوا لي بعدين اكل هذا اللي يفكر بالمستقبل
المهم
قالوا الشباب نبي هالمرة دجاج ذبحنا اللحم
جبت لهم دجاجتين مبرد 900 جرام
طبعا من قوة قدر الضغط اختفو الدجاجات ولا بقى الا العظام
وكل البارح بالقروب مستلميني وما لي وجه اوطوط حولهم
المشكلة سألت مستشار المطبخ وقال خلاص هاتهم يكفون
يا شماتة ابلة ظاظا فيني
ايوه زغرتي يا ام زكي :112:
على أنغام وازعاج الورعان اللي يلعبون يلاحقون بعضهم صجوني
نقول لكم مساء الخير
:essen::essen::essen:
حواء وآدم في المطعم
....
بعد ان ينزل الطعام أمام حواء وادم في المطعم يبدأ الاثنين بالاكل
حواء تقتنص الفرصة وتمدح الاكل بشيء من المبالغة حتى تكسب جولة اخرى في قادم الايام :32::32:
ادم يقوم بعملية الاكل وكأنه ينجز مهمة اوكلت اليه بشكل عاجل حيث انه دائما يأكل بسرعة
حواء تأكل وكانها تستمتع بكل لقمة على حدة :MonTaseR_22:
ادم لديه من خمس إلى عشر دقائق ليأكل وكأنه في فسحة مدرسية :MonTaseR_171:
عندما ينتصف عصير البرتقال لدى حواء يكون آدم قد شفط الشفطات الاخيرات التي يصاحبها صوت نهاية العصير الذي امامه
ثم يقوم بإمالة الكوب ليتمكن من شفط آخر قطرة معلنا نهاية الوقت المستقطع للأكل :MonTaseR_218:
من باب المجاملة حواء تمد له كوب العصير تقول له تبي اعطيك من عصيري ترى ما اشربه كله
في النهاية تلاقيها تشربه كله للاسف بس بدون حركة الشفط اللي يسويها آدم
آدم ينتهي من الاكل ويقوم باللعب بالشوكة والملعقة
حواء ما زالت تأكل ببطيء واستمتاع :MonTaseR_22:
آدم يقوم بأكل الرز حبة حبة ويلتقط بعض قطع الطعام الصغيرة من الاطباق ليشارك حواء ويقطع بعض الوقت
حواء تمسك الجوال وتفتح الواتس وتبتسم
آدم وش السالفة ضحكينا معاك
حواء ما فيه شيء سالفة بيني وبين خواتي >> اكيد يحشن بجارتهن :MonTaseR_171:
آدم يفتح الجوال ويقفله ثم يفتحه ويقفله ثم يناظر سقف المطعم ويعلق عليه
حواء ما زلت تأكل ببطيء :MonTaseR_22:
آدم ينتهي من كل شيء يمكن فعله على طاولة الطعام وينتظر حواء تنتهي من الاكل :MonTaseR_62:
آدم يتجشأ :MonTaseR_187:
حواء ما زالت تأكل :essen:
آدم يصنع حركة بأعضاء وجهه << هذي مشفره :MonTaseR_10:
آدم يتجشأ للمرة الثانية ولكن في هذه المرة تكون في سياق الحديث وتقسم الكلمة نصفين بينهما التجشأ:MonTaseR_112:
ثم آخيرا تنتهي حواء من الاكل وفجأة تخرج مناديل معطرة من شنطتها اليد وتمسح فيها وتقول يله مشينا
في هذه اللحظة آدم يمتلك شعور المواطن الذي قد انهى معاملته من موظف بدائرة حكومية على وشك التقاعد
وهو يكاد يطير :MonTaseR_57:من الفرحة :MonTaseR_215:
:111:
عالبركه اهم شي نفتك منهم اثنينهم
ومباركين عرس الاثنين
هههه
هههههههه
صراحه عليك تشبيهات جدا واقعيه
اهنيك ع خفه دمك
^
ميرسي جودي
فيه واحد يوم خلص صلاة مدحوه وقالوا له ما شاء الله على صلاتك ،، تحمس وقال لهم هذي صلاتي بدون وضوء وشلون لو اني متوضي
عاد أنا اقول هذا أنا كذا وأنا بدون ملهم يلهمني الافكار
شكل انشر عند حقين السناب
محتاج ملهم ذكر يلهمني في كل ما يتعلق بالجوانب السلبية بالحياة
ونحتاج ملهمة انثى لتلهمنا عن كل شيء جميل << فديتها انا
وبرضو بالمرة أحتاج قرين من النوع الذي يستخدمه الاعشى وعنترة بن شداد وتابط شرا
ابيه يسوي لي قصايد ابيعها على هذولاك :41556:
هالحين اكتب لكم وانا يدي اليسرى استجابتها للأوامر العقلية تعاني من تأخر وقتي
بالانقليزي time delay
وذلك بسبب اثار مؤقته ان شاء الله لتطعيم ضد كورونا
طبعا أدري تقولون تاخرنا وهذا اللي قال لي الممرض
انا بصراحة تفشلت لأنه سألني قال جرعة ثانية قلت لأ
قال وليه تاخرت << طبعا يقولها وفي الجوار طلاب ثانوي ومتوسط
المشكلة إني حسيت اني ازاحم هاليافعين اللي يا دوب شنباتهم خاطة
عاد انا هذا كبر راسي واقف بينهم
شوي واقول له يا ولد استر علي
وقلت له الله كنت برمضان ابي اطعم وتعبت وبعد العيد تعبت وهليت عليه السبحة
اتوقع إنه يوم جاء يبي يطعمني شكله وده يطعنها طعن
المهم حبيت اعلمكم إني الان انتمى للملقحين نظاميا وأي واحد يحاول يمنعني من اي دخول او نشاط وقتها سيجد ما لا يسره :41556:
كثير من الناس هذه الفترة تعاني من عدم استقرار في كل شيء << حسب مركز الدراسات التابع لغراب البين
حتى الحزن والفرح تتداخل عليه ، فلا يدري هل هو في نعمة ليفرح أم نقمة ليحزن
أصبح الحليم حيرانا
صحيح ان الكثير من الناس في الاونة الاخيرة اصبح يستقي الكثير من الافكار والمباديء بشكل مباشر او غير مباشر من تطبيقات التواصل الاجتماعي
حتى أنك في المجتمع تجد من يقول الفكرة ثم تجد التأييد من الجميع
كلهم شاهدوا المقطع الذي يتكلم عن شيء ما وشاهدوه بإرادتهم وبدون مشاركة أحد واقتنعوا فيما يتكلم من قشور وكلهم ارسله بالمجموعات
هم أولائك النفر في وقت ما قبل التواصل الاجتماعي تجدهم عندما يتكلم احدهم بفكرة تجد من يعارضه
ثم تزداد المعارضة لتاخذ ربما ساعتين او ثلاثة للنقاش والحوار
وكلهم يأتي بدلائل وينقضها الاخر
وهكذا حتى نعتهم الاخرون ( مشابطي )
كل ليلة تجد من يطرح شي وتجد من يناقضه
وهكذا
أذكر أننا في سكن الجامعة وذكر احدهم أن بنات الغرب خاصة الهولنديات أجمل من السعوديات
حنا وقتها لو تعطينا همبرقر مع بيبسي نشهد بما تريد سواء للغرب أو الشرق
لكن " الكحتنه " على قولة حسام تحسين بيك
ليلة كاملة نقول له هل اطلعت على جملة من بنات البلد لتحكم أم كيف بنيت نتائجك
هو يناقش من مزاج وحنا نناقش بمزاج
عاد هل كلامه صحيح يا جماعة الربع ؟؟؟
حنا قبل ندافع حمية جاهلية ؟؟
ندافع وحنا نشوف الزول وكان يهز كياننا هز << بدا يشطح
لأن السالفة قديمة وهالحين يوم نشوف عينة بالاسواق ودي ارجع واقول له صدقت
وشوي نهتف ،، هولندا ,,, هولندا
وشرايك بشيبوب يعين ويعاون
هههههههههههه
سوى انتر فيو لبنات المنتدى واختار اللي تصلح
وعساك عالقوه
اما ملهم ذكر
ياكثر الاعضاء هنا
طب وتخير
ههههههههه
مير شخبار المعاريس
عسي ما تطلقوا بس ههههه
عاد حتي الشباب الهولنديين يمدحونهم
بدون برقر وبيبسي
عالعازه ابو سروال وفانيله ههههههه
يوم قرأ سروال وفانيلة فوق ويناطر لنفسه وهو الان فعلا لابس سروال وفانيلة وجالس يكتب لكم بالمنتدى
وقدامي ابريق شاي على شمعة ومداوم عن بعد لظرف صحي > تطعيم > وجع يد
هنا ايقن توماس أن الوضع فعلا يحتاج انفجار كبير وتعديل وانتفاضة للشباب
ما يصير البنات من الثمانينات يعيروننا بالسروال والفانيلة
أول شي من بكرة ابي ألبس شورت - أقصر شورت - يمكن يكون بالسوق
هو صحيح ان شعر الرجلين ما يساعد على المنظر انه يكون ممتع لكن اللي ما يستمتع لا مانع أن ينقرف
نعرف عدونا من صديقنا
ثم تي شيرت ضيق جدا يبرز مقتن الشباب
ونروح نسوي حديد ثم نلبس الشورت والتي-شيرت ونمشي بوضعية نقدم اكتافنا ونبعد يدينا شوي عن البدي
وناخذ كوب كوفي وسماعات ونمشي بالممشى الرياضي ونص الفانيلة معبية عرق جاي بشكل قوس من الكتف للكتف
عاد على كثرة الشعر برجولي والعرق يمشي مع على الطبقة الخارجية من البشرة ثم يتسحسل مع الشعر ثم يقفز على الرصيف
الا انكم ما تشوفونه لأن الدنيا حر بسرعة ينشف
وقتها : ممنوع اي وحدة حامل تمشي معاي بالممشى تعجب فيني ،، اسمحوا لي ،، لأني وقتها اعيش جو غير شكل وكأنني الرجل الوحيد وبعدي الطوفان
<<< حرك حرك <<< اللي بعدوا
هههههههههه
وربي انت مصيبه
عليك تشبيهات تموتني ضحك
اي عاد ذيك الساعه
نفكر نمدحكم
بس حامض علي بوزكم
نصير زى الهولنديات ونتفصخ بالشوارع
اللي يبينا لا تزوجنا ذيك الساعه يعرف حنا ولا الهولنديات
ااما انه يحمد ربه
او انه ينتحر ههههههه
احمدي ربك اللي ما جبت كل الوصف
لن حالة الوصف مازالت تخيم على مخيلتي
خاصة انه يوم يمشي مشوار بالحر والعرق يتصبب منه ثم تدخل ملابسه بسبب الحركة المستمرة هناك بين اللي يمين واللي يسار
ثم يوقف لثانية ويسوي حركة برجوله تزيد من انفراج الزاوية الحادة لتسمح بالملابس انها تخرج للحياة مجدد
وذلك بعد ان صكت عليها قوى الطبيعة ومع الاحتكاك صارت من أسوأ الاماكن تلوثا على كوكبنا المدهش
عن هذا المكان ، لو يعلم علماء الفيروسات والجراثيم عن البيئة الخصبة التي نشأت خلال فترة الاستعراض الرياضي
كأن ادرجوا الرياضة ضمن النشاطات التي تستلزم التصاريح اللازمة لضبط الإجراءات الاحترازية وصنعوا اقمشة خاصة تستخدم لمرة واحدة
حتى لا تسقط ضحايا بريئة
ههههههه
حسبي الله ع ابليسك
شكلك جبت العيد
العيد قرب قلنا نجيبه :SnipeR95:
رسالة لبنات حواء
بنات إذا تبون تسوقون لازم تعرفون كيف تتعاملون مع الدوارات
السالفة ماهي مطبخ :crazy:
غراب البين يقول يبي يجيب عمال ويكسر شباك الصومعة يخليه كبير مرة لأنه صغير
ويبي يحط عليه ستارة شفافة وبجنبها شجرة على شان يطلع منظر الصومعة من الداخل حلو
فيه أماكن كثيرة يشتاق لها الواحد خاصة اذا زمان ما جاها
كثير ما اتذكر ذكريات بالشرقية والغربية ( عاد هذي بأي بلد؟! > مشفرة ) واتمنى لو ينقلني الواقع كما ينقلني الخيال :MonTaseR_140:
جميع الفصول من وحي الخيال :MonTaseR_143:
الفصل الاول
https://j.top4top.io/p_1922wdufi1.jpg
غراب البين جالس أمام الصومعة يشرب الشاي و يفكر كيف إن الاسرائيليين الان بدأوا يطبقون مخططاتهم على ارض الواقع
وكيف كانت بداياتهم وكيف كان ملك سليمان عليه السلام وقصتة مع الهدهد الذي ذهب إلى أرض اليمن
قال حتى أنا ابري اروح لليمن ؟؟!!
<< وشلون يا غراب البين ووليه ؟؟!! كذا فجأة ؟؟!!
قال بس هيك ؟؟!! << وحط اصبعه على راسه يعني مزاج
وهو يشرب الشاي مسك الابريق وطشه على بعد سبعة امتار
وقال : انا اشرب هالشاي وانا رايح لليمن؟؟ !! وين انا عن الشاي العدني !!
وين انا عن أم الحضارات اليمن، أول من أجاب دعوة ابراهيم وأول من كسا الكعبة
اطرق غراب البين برأسه نحو السماء يفكر مليّاً ثم انه اخذ قطعة قماش ووضع فيها ( أواعيه: بالشامي ) وحطها بمقاره وقرر الانطلاق ليلا قبل ما تفك الفكرة
لا يوجد لديه خرائط قوقل ولا بوصلة ميكانيكية ليحدد وجهته لكنه مثل حال الكثيرين الذين لا يعلمون وجهاتهم وفي نهاية المطاف تصيب معاهم
غراب البين من النوعية اللي ما يسأل ويكابر
وهو يطير بسرعة 8 ماخ وعلى ارتفاع 30 ألف قدم وجد نفسه يحلق فوق نهر وبجنبه نهر
نزل ولقى نفسه بالعراق !!
قال ياحووووول كل هذا وانا اطير عكس الاتجاه
ثم إنه بعد الحيرة سأل شيخ كبير السن عن اليمن
و حدد الاتجاه وانطلق يشق عباب الساحب وهو يغني فوق هام السحب
كان يغنيها على وزن الموالات العراقية وبمجرد دخوله حدود السعودية قلبها على وزنية أبو نورة
:MonTaseR_187:
ننتظر باقي الخيال الخنفشارى البوهيمي الانكشارى المتوازى الاضلاع والمحيطات
وعقب ابو نوره
نبي شيلات ههههه
دنيا الغرام
07-13-21, 03:28 AM
صباح الخير سمعت عندكم قهوه
فينها يااتوماس الحلويات والقهوه :icon10::icon10::thumbdown:
القهوة موجودة حياكم الله
ياكليب شب النار يا كليب شبه
جودي
هذي رواية بعد ما تكتمل راح نكتب عليها الاكثر مبيعا في العالم :MonTaseR_112:
هذا اذا اكتملت او انباعت
ههههههههه
^
تكتمل وتنباع وإذا ما انباعت ثقافية نبيعها مجانا مع كوب ستاربوكس ونرفع سعر الكوب خمس ريالات
وبكذا تنحل مشكلة الطبعة الاولى :يحيى:
طيب الطبعه الثانيه
بتكون بأي بوفيه ههههههه:MonTaseR_135:
^
^
هههههههههههه
:0005::0005::0005:
vBulletin® , Copyright ©2000-2024,