الــــغــربـــــــــــة

[بو نوره]

مدخل: أبيات تائهة ومبعثرة مشتتة لا يجمعها إلا أمر واحد.....غربة

طال السفر لين ضيعت العناويني
وان ضاق صدري من الغربة تمنيتك

إشتقت لك حيل ياسيد المزاييني
خذاني الشوق وداني على بيتك

الليل ما باته ولا غمضت عيني
أخاوي الليل من وجدي وخاويتك

في ذمتي يابعد روحي وحشتيني
غصبٍ علي ماهو بكيفي انا جيتك

مقدر انا انساك كيف انساك يا عيني
مامر ساعة ولا لحظة تناسيتك

حبك مع الدم يسري في الشراييني
السالفة ماهي اني بس حبيتك

حبك عن الزين والحلوات معميني
ماشوف غيرك ولا صدقت لاقيتك

تدرين لا زاد همي وش يسليني
بس أتذكر سوالفك وتناهيتك

أغمض عيوني أتخيلك في يديني
وأدخل معك جو رومانسي وضميتك

كل العذارى يخالط زينهم شيني
الا أنتِ لو قلت حلوة بس.....ذميتك!!!

أنت كمال الحسن والملح والزيني
خلقك وأخلاقك وذوقك وإتيكيتك

يا بعد كل البشر الأقصى والأدنيني
من جمعة الناس انا راضي بتشتيتك

يا أحلى قصيدة عشق وأغلى دواويني
ماأغني البيت وافي لين غنيتك

يفداك قلبي ونبضه والشراييني
ولوعندي أغلى من الخفاق فديتك

والسالفة بإختصار إنك وحشتيني
وخذاني الشوق وداني على بيتك

مخرج:غربة في غربة في غربة

قلم بو نوره

[أعد النجوم]

يا سلام يا سلام

ايش الابداع هذا

لله درك من شاعر

كل بيت احلى من الثاني


شاعريه غير طبيعيه في منتدانا

ياخي وينك عنا من زمان


صح لسانك وسلم بنانك شاعرنا العذب



يختم ل 3 ايام

تقييمي

خمس نجمات

[القارظ العنزي]

اطلع برا يا متخبي
مسوي فيها ضعيف
الله وين مخبي كل
هالقصيد بو نورة
صح السانك على
هالمقطوعة الموسيقية
والرومانسية صراحة
تحفة صح السانك عليها
ملايين بل مليارات لاهنت

[ابو معتز]

صح لسانك يا شاعرنا المبدع بو نوره
إبداع يفوق كل إبداع
وتميز يتعدى كل تميز
يعطيك ألف ألف عافيه .

[بو نوره]

يا سلام يا سلام

ايش الابداع هذا

لله درك من شاعر

كل بيت احلى من الثاني


شاعريه غير طبيعيه في منتدانا

ياخي وينك عنا من زمان


صح لسانك وسلم بنانك شاعرنا العذب



يختم ل 3 ايام

تقييمي

خمس نجمات

على راسي يا بعدي
على راسي والله
بالعكس مثلك ومثل القارظ ولا يهونون البقية يحتفى بهم
فانتم شعراء شعر اصيل
عساكم على القوة

ربي يسعدك كما اسعدتني
اولا بوجودك
وثانيا بكلماتك الجميلة

ارق التحايا

[بو نوره]

اطلع برا يا متخبي
مسوي فيها ضعيف
الله وين مخبي كل
هالقصيد بو نورة
صح السانك على
هالمقطوعة الموسيقية
والرومانسية صراحة
تحفة صح السانك عليها
ملايين بل مليارات لاهنت

صح بدنك
شهادة من شاعر الموقع افرح بها واسعد
ربي يعلي شانك اكثر واكثر
ما زلت اقول انت واحلام قطبي هذا القسم بلا منازع

ارق التحايا

[بو نوره]

صح لسانك يا شاعرنا المبدع بو نوره
إبداع يفوق كل إبداع
وتميز يتعدى كل تميز
يعطيك ألف ألف عافيه .

هلا حبيبي بو معتز
هذا من ذوقك يالغالي
اسعدتني يا اخي

ارق التحايا

[حمدفهد]

صح لسانك وسلمت يداك الوضاءة وقلبك الطاهر يحفظك ربي

القصيدة عذبة الالفاض.
لكن هناك ملاحظة في التناسق مثل :-
العناويني + المزاييني + الشراييني.
عيني . اختلفت عنهم.
وحشتيني + يسليني ...
يديني + عيني.
ركز على نمط واحد في القافية
تقبل ملاحظتي بصدر رحب ( وجهة نظر )
اخوك / حمدفهد

[بو نوره]

صح لسانك وسلمت يداك الوضاءة وقلبك الطاهر يحفظك ربي

القصيدة عذبة الالفاض.
لكن هناك ملاحظة في التناسق مثل :-
العناويني + المزاييني + الشراييني.
عيني . اختلفت عنهم.
وحشتيني + يسليني ...
يديني + عيني.
ركز على نمط واحد في القافية
تقبل ملاحظتي بصدر رحب ( وجهة نظر )
اخوك / حمدفهد

قصدك الالفاظ...مش الالفاض

اخوي عديناها هالمرحلة من سنيييييييييين
ريح بالك....اعجبتني كلمة ركز
المهم انها لامست اطراف ذائقتك العالية

[سلمان الخالدي]

ما شاء الله اخي الفاضل ابو نوره ابيات رائعه جدا تستحق الشكر والتقدير عليها
ربنا يسعدك يالغالي

[بو نوره]

ما شاء الله اخي الفاضل ابو نوره ابيات رائعه جدا تستحق الشكر والتقدير عليها
ربنا يسعدك يالغالي

اخوي سلمان
احب هالاسم
هلا بالغالي
والله هذا من طيب اصلك ودماثة خلقك وذوقك يا الامير

صح بدنك وبيض الله وجهك يالقرم