" عهد الأخوة " ~ حصرية إلى القارظ العنزي [الأرشيف] - منتديات مسك الغلا

أنا فداهم

07-15-20, 12:23 AM

*

قصيدة موجهة للشاعر الكبير القارظ العنزي أتمنى في ختامها أن تقولوا " آمين "

^

أبا أوعدك يا صاحبي ما أخليك
ياللي لخطواتك بالصدر مدهال

باقي على عهد الأخوة أناديك
لو كان بعدك سبب ضيقة البال

سلمت يالقارظ و تسلم قوافيك
اللي لها ترمي العذارى الشال

أنت الرفيق اللي لو تبتعد بجيك
لو كنت في أرض النشاما اليوم نزال

لا تترك أرحامك وهم بين أياديك
خاف تفطر رمضان و تصوم شوال

خلك رحوم الله يرضى لي عليك
قبل تغرب وتضيق بك الأحوال

والله لونك بلندن وتنادي لألبيك
اجمع رحولي و أنوي لك الترحال

عسى الشمل يلتم و تشوف مغليك
اللي بسبب غيبتك دمعه همال

-

*

ابو معتز

07-15-20, 12:30 AM

الله يجمعكم ويجمع كل صاحب بصاحبه
صح لسانك شاعرنا شاعر الوفاء أنا فداهم
يعطيك ألف عافيه وتسلم ياغالي .

Άмό0όĻα

07-15-20, 01:20 AM

أبا أوعدك يا صاحبي ما أخليك
ياللي لخطواتك بالصدر مدهال

باقي على عهد الأخوة أناديك
لو كان بعدك سبب ضيقة البال

الله .. !
بعد في صحوبيـة بهالوفا!
شي جميـل والله
الله يجمعكم دايما على خيـر ومايفرقكم ابد

عسى الشمل يلتم و تشوف مغليك
اللي بسبب غيبتك دمعه همال

اللهم اميـن .. !

سلمت يمينك
ابدعت والأبيــات جميلة جدا
احساسك وصدقك فيها سابق لها
صح لسانك
كالعادة بدي قيمك مارضي =( مع اني زمان ماقيمت
تستاهل كل خيـر
:ورده:
.
.

أطياف الفرح

07-15-20, 01:44 AM

عسى الشمل يلتم و تشوف مغليك
اللي بسبب غيبتك دمعه همال

اللهم امين يجمع شملكم وشمل كل غايب يارب

ماشاء الله صح لسانك وبوركت يمينك

ابيات جدا جميله نالت اعجابي

استمر ولك الفايف ستارز.

أنا فداهم

07-15-20, 03:13 AM

الله .. !
بعد في صحوبيـة بهالوفا!
شي جميـل والله
الله يجمعكم دايما على خيـر ومايفرقكم ابد

اللهم اميـن .. !

سلمت يمينك
ابدعت والأبيــات جميلة جدا
احساسك وصدقك فيها سابق لها
صح لسانك
كالعادة بدي قيمك مارضي =( مع اني زمان ماقيمت
تستاهل كل خيـر
:ورده:
.
.

لو خُليت خُرِبت

أنا أعرف القارظ العنزي من حوالي خمس سنين
وهو أكثر من صديق
ويستاهل الأبيات وقليلة بحقه يشهد الله

يعطيك العافية أمولة على المرور العطر
واعتبري التقييم وصل

كوني بخير

:MonTaseR_2:

أنا فداهم

07-15-20, 03:16 AM

الله يجمعكم ويجمع كل صاحب بصاحبه
صح لسانك شاعرنا شاعر الوفاء أنا فداهم
يعطيك ألف عافيه وتسلم ياغالي .

اخي الشاعر ابو معتز

اللهم آمين يا رب
ما عليك زود حبيب قلبي
الله يعافيك
وشكراً لمرورك العذب

كن بخير :MonTaseR_222:

أنا فداهم

07-15-20, 03:19 AM

عسى الشمل يلتم و تشوف مغليك
اللي بسبب غيبتك دمعه همال

اللهم امين يجمع شملكم وشمل كل غايب يارب

ماشاء الله صح لسانك وبوركت يمينك

ابيات جدا جميله نالت اعجابي

استمر ولك الفايف ستارز.

أختي أطياف الفرح

اللهم آمين يا رب
صح بدنك ولا هنتي على مرورك العذب
ازدادت الأبيات بريقاً بتواجدك المميز

كوني بخير وسعادة

:MonTaseR_1:

القارظ العنزي

07-15-20, 04:00 AM

يا مرحبا بك يا بعد كل ......... غاليك
يا عالي الفكرة بقافك ....... والامثال
قافك وصلني وانا قافي ...... يحييك
ويرفع لك الراية على رأس .. ما طال
الرب يعلم يا فداهم كم .... ... اغليك
وياكم لك من داخل القلب .. .. تمثال
وانا ادري انك بالوفاء طار ... طاريك
والناس تشهد في اقوالك ...والافعال
وارحامي اللي على بالك ...... تناديك
انا لها واصل من سنيات ..... وطوال
والبعد اللي تشتكي به ........ ويذيك
ماني بعيد دام ان القلب ........ فعال
وانا بلاية بالغنادير هي ......... ذيك
بنت تعذبني على طول ....... يا خال
حطت بقلبي من البلاوي .... دواكيك
وحطيت له في داخل الجوف معدال
قلي وش اسوي عسى الرب . يعطيك
من خير ما ترجيه زوجات ... واموال
وحنا ما نستغني وان ودك .. اوافيك
وانا اشهد انك بالمناعير ........ رجال
تأخذ وتعطي بالمراجل وانا ... اخيك
وتستاهل اللي من اجلكم يرفع عقال

حمدفهد

07-15-20, 06:48 AM

صح لسانك وسلمت يداك الوضاءة وقلبك الطاهر . صدق المعاني تنبي عن صاحبها والسيرة الطيبة تبقى طيبة إلى الأبد يحفظكم ربي ويجزاكم الجزاء الأوفى في الدنيا والآخرة.
اخوكم/ حمدفهد

حمدفهد

07-15-20, 06:52 AM

يا مرحبا بك يا بعد كل ......... غاليك
يا عالي الفكرة بقافك ....... والامثال
قافك وصلني وانا قافي ...... يحييك
ويرفع لك الراية على رأس .. ما طال
الرب يعلم يا فداهم كم .... ... اغليك
وياكم لك من داخل القلب .. .. تمثال
وانا ادري انك بالوفاء طار ... طاريك
والناس تشهد في اقوالك ...والافعال
وارحامي اللي على بالك ...... تناديك
انا لها واصل من سنيات ..... وطوال
والبعد اللي تشتكي به ........ ويذيك
ماني بعيد دام ان القلب ........ فعال
وانا بلاية بالغنادير هي ......... ذيك
بنت تعذبني على طول ....... يا خال
حطت بقلبي من البلاوي .... دواكيك
وحطيت له في داخل الجوف معدال
قلي وش اسوي عسى الرب . يعطيك
من خير ما ترجيه زوجات ... واموال
وحنا ما نستغني وان ودك .. اوافيك
وانا اشهد انك بالمناعير ........ رجال
تأخذ وتعطي بالمراجل وانا ... اخيك
وتستاهل اللي من اجلكم يرفع عقال

صح لسانك لافض فوك ولا شلت يداك الوضاءة وقلبك الطاهر أحسنت الرد الجميل لا عدمناك أدب وثقافة وحسن خلق يحفظكم ربي.
اخوك/ حمدفهد

أعد النجوم

07-16-20, 02:56 AM

صح لسانكم جميعاً

نجم ضاوي

07-22-20, 03:07 PM

سلام ياللي . . على بالي طواريك
عد ماهلت عيوني من الدمع همال

منهو على حسن المبادئ يجاريك
أدب وطيب وأخلاق ياطيب الفال

عز الله القارظ . يا فداهم بيغليك
اثبت لي اليوم إنك كفو ن ورجال

أما . النجم ضاوى .. يقدر معاليك
يانعم الخوي والسند في كل الأحوال

عيتني وعجزت كيف بقافي اجاريك
عز الله إنك . . من كريمين الافعال

اقلط تفضل وسط الحنايا مراكيك
مثلك .. ما نبيعه .. بغالي الاموال

وابشر نجم ضاوي . بيده يقهويك
يا الله طلبتك .. لا تغير .. لنا حال