تحية وفاء لأخي سلمان الخالدي

[حمدفهد]

السلام عليكم ورحمة الله وبركاته
هذه القصيدة تحية وفاء وتقدير واحترام لأخي الشاعر/ سلمان الخالدي حفظه الله في السر والعلن.

{ تحية وفاء لأخي سلمان الخالدي }
يا سلامي على أهل الوفاء يا سلامي
سلامي عد نبت العشب وهتان سقاه

واخص بالسلام سلمان تعداه ملامي
نعم يلوم اللي ما يفهم الشعر ومعناه

واقول الصدق والصادق يفهم كلامي
يا زين شعرك يالخالدي وطيب مبناه

أحيي الناقد البناء لا الحاقد بأقلامي
اكتب فيه نقد كسيل تحدر من علاه

اجيد الهجاء لهجيت وحقق أحلامي
اشد من لهيب النار يحرق منه وطاه

سامحوني ولا تسألوني وش علامي
اسألوا البحر لطاش أمواجه لاتحداه
الشاعر/ حمد بن فهد المخالده السبيعي

[رونق]

والنعم فيك وفيه
وصح ليانك اخوى ماقصرت
يعطيك الف عافيه

[ابو معتز]

صح لسانك يابو فهد
والنعم فيك والنعم بالخالدي
سلمكم الله و رعاكم
ويعطيكم الف عافيه .

[حمدفهد]

والنعم فيك وفيه
وصح ليانك اخوى ماقصرت
يعطيك الف عافيه

تسلم لنا الأيادي البيضاء والقلوب الصافية على مدى الدهر يحفظك ربي..
اخوك/ حمدفهد

[حمدفهد]

صح لسانك يابو فهد
والنعم فيك والنعم بالخالدي
سلمكم الله و رعاكم
ويعطيكم الف عافيه .

صح بدنك مدد بلا عدد يحفظك ربي عزيز الشأن
اخوك/ حمدفهد

[سلمان الخالدي]

وعليكم السلام ورحمة الله وبركاته

تسلم اخي الغالي طبعا انا ماكتب في المواضيع لحاجه في نفسي
وذكرت ذلك في مقال لي وانما اكتب في الاقسام الشعريه فقط
وهذه انشوده رد تقبلها اخي الوافي وهي باستخدام الاشعه تحت الحمرا


حي الجواب الي مايبي له محامي
في المنتدى مكتوب وحنا قريناه

من شاعرن مايلحقه من ملامي
طيبه مع الفنجال ولا كفحناه

ماغاب طيبن فيك وابعد ونامي
يمناك تكتب وترسل الطيب معناه

وصل الكتاب الي تعلى وسامي
والقلب شاله يانديمي وغناه

جاب القوافي راعبي الحمامي
يطرب له الي قرب الشعر وادناه

بعض الشعر تجميع مثل الركامي
النفس تكره منه شوفه وطرياه

وبعض الشعر كنه سحاب الغمامي
يفز قلبك منه لى حل مبداه

حنا ابتلينا في مبدلين الاسامي
الي غدا وجهه يشابه مقفاه

خبيث نفس ونلجمه بالجامي
خبثه عليه ومنه وحنا دعسناه

له صورت تشبه سواد الجهامي
ماشفت له من خير من كف يمناه

عليه من الخيبات مثل السنامي
عن هرج هذا يا رفيقي تركناه

هذا زمان (ن)فيه الجرح دامي
حتى الردي يكتب من الشعر شكواه

مرضى تجوب الدار فيها اسقامي
جميل شكل والبلا في محياه

ربيب دار مثل طير النعامي
يتبع هوا الي تقفاه واغراه

عليك بالي دام عزه ودامي
يكتب ردود الشعر لى حل لقياه

يبدا كلامه بالوفا والسلامي
رفيع شان وعز من ساس مرباه

سلمان

[حمدفهد]

وعليكم السلام ورحمة الله وبركاته

تسلم اخي الغالي طبعا انا ماكتب في المواضيع لحاجه في نفسي
وذكرت ذلك في مقال لي وانما اكتب في الاقسام الشعريه فقط
وهذه انشوده رد تقبلها اخي الوافي وهي باستخدام الاشعه تحت الحمرا


حي الجواب الي مايبي له محامي
في المنتدى مكتوب وحنا قريناه

من شاعرن مايلحقه من ملامي
طيبه مع الفنجال ولا كفحناه

ماغاب طيبن فيك وابعد ونامي
يمناك تكتب وترسل الطيب معناه

وصل الكتاب الي تعلى وسامي
والقلب شاله يانديمي وغناه

جاب القوافي راعبي الحمامي
يطرب له الي قرب الشعر وادناه

بعض الشعر تجميع مثل الركامي
النفس تكره منه شوفه وطرياه

وبعض الشعر كنه سحاب الغمامي
يفز قلبك منه لى حل مبداه

حنا ابتلينا في مبدلين الاسامي
الي غدا وجهه يشابه مقفاه

خبيث نفس ونلجمه بالجامي
خبثه عليه ومنه وحنا دعسناه

له صورت تشبه سواد الجهامي
ماشفت له من خير من كف يمناه

عليه من الخيبات مثل السنامي
عن هرج هذا يا رفيقي تركناه

هذا زمان (ن)فيه الجرح دامي
حتى الردي يكتب من الشعر شكواه

مرضى تجوب الدار فيها اسقامي
جميل شكل والبلا في محياه

ربيب دار مثل طير النعامي
يتبع هوا الي تقفاه واغراه

عليك بالي دام عزه ودامي
يكتب ردود الشعر لى حل لقياه

يبدا كلامه بالوفا والسلامي
رفيع شان وعز من ساس مرباه

سلمان


صح لسانك وسلمت يداك الوضاءة وقلبك الطاهر اخي الغالي يحفظكم ربي عزيز الشأن ويرفع من قدرك بين أهلك ومحبيك ومن تحب دين ودنيا وآخرة.
اخجلتني بردك الجميل لا فض فوك وسلمت يداك الوضاءة وقلبك الطاهر. حبا وكرامة وزيادة احترم وتقدير لكم مني خالص الشكر والتقدير يحفظكم ربي.
اخوك/ حمدفهد