الهــوى مقســوم

[بو نوره]

فيها من بيئة الخليج

بسم الله أبدأ
::
::
أنا لي ثلاث ايام ما ذقت طعم النوم
عسى الله يرحم حال من زادت احزانه

اعالج هموم الناس وأمسيت انا مهموم
و حظي المعاند صك قفله و بيبانه !!

ترى مذبح الرجال بالخنجر المسموم
إصابة غدر ما بين قلبه و ضلعانه !

خصوصاً من اللي بالحلا جنسها معدوم
غنوج ٍ حكيها عذب و العين فتّانه !!!

ولا ودّي اكثر بيوت العذل و اللوم
وكثر الشكاوي مالها عندهم خانه

سلامي على اللي حط بالقلب عشر ثلوم
سبب علتي و دواي في داعج أعيانه

مواعيده اللي طولت قبل شهر الصوم
وهالحين زلّ القيظ ما شفت عنوانه !!!

وانا صابر ٍ صبر الجمل والزعل مكظوم
تحمّلت مشروه الخبالين من شانه

اعد الدقايق والثواني و يوم بيوم
لكن الليالي لو وفت يوم خوّانه !!

انا في لجوج الحب ما عاد اعرف العوم
طبع محملي واندار دقله و سكّانه

ولا شك هذي علتي و الهوى مقسوم
من الله عظيم الشان والعرش سبحانه


قلم/بو نوره

[طاغي النظرة]

..


مواعيده اللي طولت قبل شهر الصوم
وهالحين زلّ القيظ ما شفت عنوانه !!!

دور لصويحبك عذر لايصير مصاب بكورونا هههه

صح لسانك على الابيات
نحن امام هامه شعريه مبدعه
تمت بالتميز يابونوره

[رمـآد آلآحسـآسـ]

صح لسانك وعلا شانك ولا فض فوك
لاهنت
دائما مبدع خيوو
سلمت اناملك

[بو نوره]

..


مواعيده اللي طولت قبل شهر الصوم
وهالحين زلّ القيظ ما شفت عنوانه !!!

دور لصويحبك عذر لايصير مصاب بكورونا هههه

صح لسانك على الابيات
نحن امام هامه شعريه مبدعه
تمت بالتميز يابونوره

ههههههههه
يازين روح الفكاهة عندك
شرفتني والله يا الامير

الله لا يخلينا من هالنظرة الآسرة

[بو نوره]

صح لسانك وعلا شانك ولا فض فوك
لاهنت
دائما مبدع خيوو
سلمت اناملك

الابداع ان تجلى يا اختي
فاكيد سيتجلى بحضورك
انتم المكسب والله

صح بدنك يا راقية

[قيثارة]

الله الله ابيات ابداع
صح لسانك ودام نبضك
وبأنتظار جديدك دائماً
يختم لمدة 3 ايام + التقييم

[أعد النجوم]

اخونا الحبيب ابو نوره

دايمن مبدع وقصايدك لها وقع جميل على المتابع

ماشاء الله تبارك الله عليك

ابدعت وامتعت

صح لسانك وسلم بنانك شاعرنا العذب

ربي يسعدك ولا يحرمنا من وجودك بيننا

[حمدفهد]

صح لسانك وسلمت يداك الوضاءة وقلبك الطاهر يحفظك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين. ابداع رائع يستحق الإشادة به لا عدمناك أدب وثقافة وحسن خلق يحفظك ربي.
اخوك/ حمدفهد

[بو نوره]

اخونا الحبيب ابو نوره

دايمن مبدع وقصايدك لها وقع جميل على المتابع

ماشاء الله تبارك الله عليك

ابدعت وامتعت

صح لسانك وسلم بنانك شاعرنا العذب

ربي يسعدك ولا يحرمنا من وجودك بيننا

حضورك يا شاعرنا الكبير وسام وشهادة

اشكرك يالامير

[بو نوره]

صح لسانك وسلمت يداك الوضاءة وقلبك الطاهر يحفظك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين. ابداع رائع يستحق الإشادة به لا عدمناك أدب وثقافة وحسن خلق يحفظك ربي.
اخوك/ حمدفهد

اشكر حضورك شاعرنا حمد
بيض الله وجهك على الكلمات الرائعة
اشكرك بحجم السماء