المساعد الشخصي الرقمي

مشاهدة النسخة كاملة : (سرمديه)الشاعر مبارك بن سالم المصلح الحربي(ابن دهيم)


بن مصلح
08-24-20, 03:23 AM
(سرمديه)

غاب عن عيني لذيذالنوم غاب
من غياب اللي غيابه لي خطيه

ما حسبت احساب صده والغياب
لين فاجئني بغيبه سرمديه

لاوصال ولارسول ولاكتاب
ولا رقم جوال يزهم به عليه

لانفع لومٍ ولا فاد العتاب
فيك ياذات الطباع النرجسيه

لو تشوف الحال مني اشلون ذاب
ربما تأخذك فيني مرحميه

صرت مثل اللي يطردله سراب
ضاربٍ له في هجيرٍ جرهديه

ليه ياالمجمول تهوى لي العذاب
ضعت مثل اللي غدا بالمهمهيه

ما تميز الخطأ امن الصواب
ذاجزاء من حبكم ياالغشمريه

كنت بدرٍ في سما حبي وغاب
وغابت أيامي السعيده والهنيه

الشاعر /مبارك بن سالم المصلح الحربي (ابن دهيم)

أعد النجوم
08-24-20, 03:43 AM
صح لسانك وسلم بنانك

ابيات ولا احلى

ماشاء الله عليك

ابدعت وامتعت




يختم ل 3 ايام

خمس نجمات

البـدر
08-24-20, 04:06 AM
صح لسانك ودام قلمك وسلمت
لاهنت


SEO by vBSEO 3.6.1