اضرب بنتي!! [الأرشيف] - منتديات مسك الغلا

مشاهدة النسخة كاملة : اضرب بنتي!!

مروة عبدالله

10-13-20, 11:18 PM

السلام عليكم جميعا

عندي مشكله و ابي لها حل

انا احب بنتي و اهتم فيها و اراعيها

بس اذا صار خلاف بيني و بين ابوها

احس اني اكرهها و قبل يومين صار خلاف

و يعتبر كبير تخيلو طول اليوم متضايقه منها

و ضربتها تعورت مني .. ادري هالشي غلط

و يمكن اني ما استاهل اني اكون ام بعد اللي

صار .. انا بطبعي حنونه بس مع بنتي عكس

كذا تماما ،، ابي حل للعلم بنتي عمرها 4 اشهر

غربة مشاعر ツ

10-14-20, 12:33 AM

وعليكم السلام ورحمة الله وبركاته
اهلين اختي مروة

الخلاف يلي يصير معك انتي وزوجك
ما تفهمه طفله عمره اربعة اشهر يعني حرام
حاولي لما تعصبي ويصير خلاف
تبتعدي عن كل شي يضايقك واستغفر ربه كثير
صدقيني راح ترتاحين وان شاء الله تصفى الامور بينكم

مروة عبدالله

10-14-20, 01:21 AM

شكرا لك

آسيرة حرف

10-14-20, 03:17 AM

وعليكم السلام ورحمة الله وبركاته

انا احب بنتي و اهتم فيها و اراعيها
انتي فاهمه الحب غلط الحب مو كلام ينقال دون فعل
الشخص اللي نحبه لو يؤذينا مانقدر نأذيه
نتحمل احنى الاذية
انتي ماتحبي بنتك تحبي زوجك ومهتمه فيه ومراعيته
اما بنتك مصدر تحمل لشرك وسوء تفكيرك

و ضربتها تعورت مني .. ادري هالشي غلط
و يمكن اني ما استاهل اني اكون ام بعد اللي
صار ..
عمرها اربعه شهور وانضربت منك لسبب مالها اي دخل فيه
اذا صار عمرها عشر سنوات وش بتسوين فيها تكويها بالنار مثلاً
تبردين بطنك فيها يعني

رحم الله امرء عرف قدر نفسه
فعلاً ماتستاهلين
ولو عندك شوية ندم مو تبحثين عن حل تخلقين الحل لان الله منحك عقل تفكرين فيه

اذكر عندك اخت زوجك ساكنه بشقة مجاوره اتمنى تعطيها الطفله
تظل عندها فتره لين ترجعين عقلك لراسك وتفكرين صح وتكوني قد الامومه وقتها خذيها

لان هذه موب عيشه اللي انتي عايشتها فلاتدخلي الطفله جحيم ماتستاهله

اما انتي بطلي تقرين عن الاكتئاب
وادعي الله يغير حالك للاحسن
واجتهدي عشان تتغيري احنى نعيش في زمن اجتهاد مو تلفظ فقط

الله يشل يد كل من يضرب اطفاله بدون اسباب
اللهم آمين

تقبلي ردي وعبق وردي
آسيرة حرف

عطر النَّدَى

10-14-20, 03:54 AM

هل انت تعانين من اكتئاب ما بعد الولادة ؟
لان ما تقومين به يدل على انك تعانين نفسيا
الطفلة عمرها اربع اشهر وتضربيها !!!
في الاربع اشهر الاطفال يستوعبون مشاعر من حولهم
ولو تنهضتي فيهم بس يبكون فما بالك تضربيها اكيد تتوجع وتبكي
ما يوجعك قلبك لما توجعها وهي مالها ذنب اذا عندك مشاكل مع والدها
استوعبيها ان الطفلة ليس لها ذنب انك انت امها لكن تبقين
امها اللي ممكن تحميها من اي وجع ممكن تتعرض ليه
راجعي نفسك او راجعي دكتور نفسي او اخصائية اجتماعية
لعلى وعسى نفسيتك تتعدل للافضل
وترحمي بنتك من خفة عقلك وايدك

صَوْت المَطَر

10-14-20, 09:51 AM

ضرب طفلة بعمر أربعة شهور هذا بلا ادنى شك مرض نفسي
راجعي طبيب نفسي هذا هو الحل الوحيد لا يقدم على هذه التصرف إنسان سوي

حالياً أنتِ غير مؤهلة نفسياً لتربية طفل بهذا العمر
بل على العكس وجودك معها خطر عليها

فكري بطفلتك ربما تتمادين اكثر في المستقبل وقد تفقدينها لا سمح الله
من أجل سلامتها عالجي نفسك

rooz

10-14-20, 10:15 AM

انتبهي حبيتي بنتك مالها ذنب تحمليها ذنب ابوها .صدقيني لو استمريت بذا التصرف البنت بتضيع منك وعلاقتك وياها بتتدمر ..

وبعدين والله حرام اربعه شهور وش بتتحمل منك ...
ربي يهديك ...حاولي تضبطي اعصابك وفرغي غضبك باي شي بعيد عن بنتك...لو استمريت بذا الحال بيجيب لها عواقب نفسيه مو حلوه وبتكرهك وتتعقد منك ..
المشاكل اللي بينك وبين زوجك فكري أنو مابيبقى لك غير بنتك تطيعك لماتكبر اعطيها الحين صبر على ابوها عشانها عشان تعطيك طاعه لما تكبر...

ربي يسعدك تقبلي وجهة نظري ..:81:

مروة عبدالله

10-14-20, 12:19 PM

M.ahmad

10-14-20, 01:15 PM

بنتك ليس لها أي ذمب في مشاكلكم أنتي وزوجك

لا تكرري ضربك لها مره أخرى حتى لا تصبح عاده لك كل ماتضايقتي من زوجك ضربتيها

لأن الصغير مصيره يكبر وإذا كبر على قساوه يصبح بشخصيه ضعيفه كثيرة الخوف

لذلك إنتبهي هي أمانة الخالق ونعمته لكما فحافضي عليها

البـدر

10-14-20, 03:13 PM

وعليكم السلام ورحمة الله وبركاته..

اعرف من حبك سبك.. اما من حبك ضربك هذي حصرية في 2020..

والله كسرت خاطري بنتك.. وانكسر خاطري أكثر يوم ذكرتي عمرها 4 شهور... حرام والله تحطين حرتك فيها اذا حصلت مشكلة بينك وبين زوجك.. بنتكم وش ذنبها تصير ضحية مشاكلكم؟

ليش ماتشغلين حالك؟ مارسي اي نشاط ولا اقري قرآن.. واستغفري ربك بدال ما تروحي تهبدينها بعد اي مشكلة تصير مع زوجك..

ترى إذا كبرت راح تنفر منك.. ووقتها بتحس نفسها زي العصفورة اللي تشرد من القفص.. حرة طليقة وبتقول الله لا يعيدها من أم نكدت عيشتي وحياتي

شفتك كتبتي انك رحتي لدكتورة نفسية وبسبب اهمالك للأدوية تصرفاتك خرجت عن السيطرة.. الله يكتب لك الشفاء ويهديك يارب

جودي

10-14-20, 10:13 PM

انتي علاج مشكلتك تتابعين مع دكتورتك

كيف يطاوعك قلبك بهالعمر تعورينها
وحتي لو اكبر

كلكم راع وكل راع مسؤل عن رعيته
اللهم اشفيك وعافيك مما ابتلاك
استل الله لك العفو والعافيه

شطرنج

10-14-20, 10:49 PM

الاسباب
عدم رضى

علاجك القرآن الكريم
يلين القلوب
ويجعل منها قبول للحياه الحاليه والقادمه

وحتى لو كان زوجك سيئ في التعامل
في المشاكل الزوجيه

فأنتي سكن وود وعماد البيت

الزوجه تقدر تغير
ما يعجز عن تغيره الملوك والرؤساء

انتي في مرحله مشتته
والادويه تساعد على تسكين النفس
ولكن العلاج الوحيد الي
يغلب موازين حياتك إلى الافضل
الزمي الانصات إلى القرآن الكريم وقرائته
وانصحك اذا صارت مشكله بينك وبين زوجك
غيري الحديث مباشره أو سوي شي
يخليكم تتقربون لبعض أكثر

الشيطان الرجيم
شاطر ولازم تحطي الشيطان في الزاويه
في ذكر الاستغفار

اما بنتك
تذكري انها من روحك
والروح بريئه ونقيه
وأمانه الله في العباد روابط الحب والألفة والإحسان
بين الزوجين

غير مهتم

10-16-20, 03:18 AM

وش ذنب البنت تكرهينها عشان زعلانه من ابوها
المره جايه عطي نفسك كف كفي شرك عن البنت مالها ذنب

الله يهديك بس ما ودي اغلط

الشيخ حكيم

10-19-20, 01:52 AM

بس اذا صار خلاف بيني و بين ابوها
احس اني اكرهها
ضربتها تعورت مني .. ادري هالشي غلط
و يمكن اني ما استاهل اني اكون ام
بنتي عمرها 4 اشهر

أكيد مش يمكن!

صَوْت المَطَر

10-20-20, 11:21 PM

سمعت كلامكم و اليوم رحت لدكتورتي النفسيه
قالت لي هذي كلها انتكاسات لاني قطعت ادويتي بدون
استشارة طبيب
و انا قلت لها قبل فتره كنت اعشقها مدري وش فيني عليها
هالايام و رجعت لي الادوية و ان شاءالله خير

الحمد لله هذا تطور ممتاز
حافظي على تناول الادوية في وقتها وتابعي مع طبيبتك على الدوام
وبأذن الله لن يتكرر هذا الأمر مرة أخرى
شفاكِ الله وعافاك