((لك الله كم لاجلك بكينا)) [الأرشيف] - منتديات مسك الغلا

مشاهدة النسخة كاملة : ((لك الله كم لاجلك بكينا))

القارظ العنزي

11-01-20, 12:15 PM

لك الله كم لاجلك بكينا ..... . بكينا
كم العين تسهر ليلها ....... ما تنامه
لك الله كم لاجلك نوينا .... ووفينا
لك الله كم لاجلك نعيش ... القيامة
لك الله ماتدري وش اللي .... جنينا
من هموم قلب يشتكي من .. هيامه
انا باسألك عن قلبكم .. ... والوتينا
هو الدم يجري بينهم ..... بالسلامة
والا صابكم في حبكم ..... غرغرينا
مثل روحي اللي بحبكم مستهامة
لعنت الهوى كله وحب ......... لعينا
رماني على درب الخطر .. والندامة
صبرنا سنين لاجلكم مع ..... سنينا
الا تعلمين بصبرنا .......... والقرامة
نسيت اليمين اللي تهز ...... اليمينا
نسيت العهود ودمع ركز .... خيامه
ترانا على نفس العهد ...... والحنينا
مع الشوق وقلب يحتري يالحمامة
انا احساسي ترجع بالوفاء تحتوينا
تروف بحبيب محتويك .. احترامه
متى ترسل البشرى على انك تجينا
وانا بارسل الفرحة عليكم ... علامة

القارظ العنزي

احلام عابره

11-01-20, 02:49 PM

لك الله لغلاكم كم ........ بنينا
قصور في قلب زايد..... غرامه

وزود ن عما بكيتو حنا..... بكينا
واليا مرنا الطيف يالله . السلامه

رحلتو ومن هواكم ما ... ارتوينا
والدمع سطر على الوجنه علامه

لك الله كم بناركم .........اكتوينا
وكم سمعنا من العاذل...... ملامه

متى ياسنين تحني ....وتجمعينا
ما بين الحنايا قامة..........قيامه

القارظ العنزي

11-01-20, 03:17 PM

اهلا هلا بك يالعزيزة ... .. علينا
مفقودنا غابت رسايل . ابهامه
كم اعتلينا بخوتك ...... واعتلينا
وطالت بنا مع قوافيك .. قامة
حنا نبيكم يالغلا ان ..... ... تبينا
هنيت قلبي باللي يحقق احلامه

الفيفي2017

11-01-20, 06:05 PM

التقى النجمان احلام والقارظ فانارا المكان
بجمال اشعارهم كما تنير النجوم مع القمربالليلة الظلماء
صحت السنتكم وسلمت اناملكم ولافضت افواهكم

القارظ العنزي

11-01-20, 06:09 PM

بل النور نورك ايها
الكبير غالينا الفيفي
2017 نورت المتصفح
لاهنت ولا هان مرورك
البهي ومنطوقك الندي

ضمير الحب

11-11-20, 11:03 AM

ما شاء الله

تكتب بكل اريحية وجمال في السر

الله ينور عليك

جميل وبديع طريقة الكتابة

وافكارها جميلة ومتزنة

روعة عاشت ايدك ويسلم قلمك يالغالي

يعطيك الف عافية

القارظ العنزي

11-13-20, 08:52 AM

صح بدنك ضمير الحب