فاقد سبيل 💔

[سعود الربيلي]

فاقد سبيل

يا وجودي وجد من شرّق هواه وغرّب
وهو بوسط الدايره فاقد سبيل وغادي

وجد من جاه الزمن ،، توه يقوم وخرّب
كل ما سواه وامسى طايحٍ مترادي

عيني اروي جفنك من الدمع لين يدرّب
ودفقي بالصدر دمعٍ منحدر متهادي

عالرفيق الي حملنا له شعور وسرّب
والرفيق اثره بوادي والوفا في وادي

كنت اقول انه معي وافي كفو ومعرّب
لين ما ساوى اخواني بالغلا واولادي

شلته بعيني خويٍ لو زمانه ترّب
احفظه وافديه وامسي معه قبل ينادي

لين ما اصبح كل ما اطلب له وصل يتهرّب
وفي حدود الكبر ولا الغطرسه متمادي

صاحبي للي يجامل فيه حَب وقرّب
ومن يبادره النصيحه صار له متعادي

قولها يا سعود لو تزعل دقون وشُرّب
من ينافق لا يجينا جعل وجه صادي

ودنا بالصاحب ألي لو يعيش مغرّب
يحفظ عهود الرفاقا في وفا وودادي

آه يا عزي لحالي،،حال شاف وجرّب
وذاق من وقته ومرّه شي ماهو عادي

كل يوم يطيح من عيني صديق مقرّب
وكل يوم الوقت يعطيني دروس جدادي

كلمات الشاعر / سعود الربيلي

حرر الرابط من قبل المراقب العام لأنه يحتوي على موسيقى وهذا مخالف للقوانين

[خياآل]

الله الله ياسعود قاف كايف
صور وتعابير شاعرية صح لسانك ..~

[سيدهم]

شكراا جزيلا
لا حرمنا تالقكم ونشاطكم المميز
مودتي

[قيثارة]

ابيات راائعة
صح لسانك اخوي
انتقاء مميز
ربي يعطيك العافية