((حطمتني واسلمتني للجهالة)) [الأرشيف] - منتديات مسك الغلا

مشاهدة النسخة كاملة : ((حطمتني واسلمتني للجهالة))

القارظ العنزي

11-10-20, 10:51 AM

حطمتني واسلمتني ...... للجهالة
تحطمت آمالنا في ......... غيابك
جيت أتساءل وينها وش .. حواله
ردتني الحراس من دون ..... بابك
بس اتخيل زولها مع ........ خياله
والناس تنشد قارظك ويش رابك
ما يدري المخلوق بقارظ .. وحاله
ما يدري اني عايش في ... رهابك
ما يدري ان القارظ موته ... غزالة
موتي بدا بي يالغلا مع .... ذهابك
والله يا لولا الرب جل ...... جلاله
حفظ عليه خافقي من .... عذابك
اموت من قبل الكتاب .... ورسالة
لكنه ربي أرحم منك .... وخطابك
ياللي جرحت القلب ما لك وما له
اما ارحمي والا ارحمي من عتابك
كنت احسب انك للحنايا ... ظلاله
والا ملاذي بالغلا ........ والتشابك

القارظ العنزي

مساحة قلم

11-10-20, 10:56 AM

مايدري ان القارظ موته غزاله
صح لسانك يا القارظ.... ابدعت
يختم ل3ايام
تقييمي
خمس نجوم

القارظ العنزي

11-10-20, 11:00 AM

صح بدنك مساحة قلم
لاهنت على الختم والتقييم

نجم ضاوي

11-10-20, 11:35 AM

يا للي .. ذبحك الحب .. بيسر سهاله
مدري يا ابو سلمان ويش إللي صابك

تشكي عنا المحبوب .. حالتك . حاله
زود . . عنا همك . . وضيع . . شبابك

الله الله يا ابو سلمان ويش هالأبيات عميقة الجراح ...
ويش سوى فيك الدهر بعدي يا صاحبي ...
شكل الحبيبه قاسيه عليك حيل يا انا فداك ...

صح لسانك وسلم نبض قلمك وروعة بيانك ...
قصيده جزله من شاعر جزل وعذب السجايا ...
لله درك وفالك البيرق ...

... لا خلا ولا عدم ...

القارظ العنزي

11-10-20, 12:31 PM

rooz

11-10-20, 12:49 PM

ياللي جرحت القلب مالك وماله...

رهيب إحساسك ..
صح لسانك..

القارظ العنزي

11-10-20, 01:17 PM

مرورك اعذب روووز

نجم ضاوي

11-11-20, 01:24 AM

بل الكرونا والرجال ... .... الحثالة
اللي صابوني بمقتلي .... لا مصابك
زود على بنت تبيع ...... ... الجمالة
عزي لحالك كان الغضي ما درى بك
القلب يلعي والمداميع ....... سالة
والكبد ذابت مع دواعي . خرابك

طبت وطاب مرورك العطر الندي
ابو ضاوي ابشرك الامور تسرك

خابرك ذيب والذيب صاحب جلاله
والعلم عندي . . كل ضبع ن يهابك

غريبه منك تحسب حساب الحثاله
ويش تغير فيك ويش إللي صابك

خابرك مثل سهيل صعب ن مناله
خطاك الشر . . من إللي . . جرابك

القارظ العنزي

11-11-20, 06:17 AM

يا صاحبي دنياي صارت .... وزباله
تغيرت يحفظ لك ربي ...... شبابك
لا والله الا صرت حالة ...... وحالة
وشلون وان كان الغضي مادرى بك
ما ينفعك تكتب قصايد ...... تساله
الصاحب اللي ينتعش في . خرابك
اللي ذبحني يا بو ضاوي .... جماله
واللي خذلني يوم كدنا .... نتشابك

ضمير الحب

11-11-20, 11:08 AM

ما شاء الله

جميل وبديع طريقة الكتابة

وافكارها جميلة ومتزنة

روعة عاشت ايدك ويسلم قلمك يالغالي

يعطيك الف عافية

نجم ضاوي

11-11-20, 02:31 PM

خذ .. الامور . . بيسر . . وسهاله
كانهم خذلوك . . حنا . . صحابك

خابرك متعلم . . ولا بك . . جهاله
وش لك بشخص مقفي ولا درابك

اخصره . . ويجيك . . لا . . محاله
وترده . . الايام . . يوقف . . ببابك

وتشرب . . من لامه . . أعذب زلاله
وينجلي همك . . وتمتع . . شبابك

القارظ العنزي

11-11-20, 03:10 PM

الجميل هو مرورك
العذب ضمير الحب

القارظ العنزي

11-11-20, 03:18 PM

مرحبا في صاحبي ...... يا جماله
الصاحب ابو ضاوي يا مرحبا بك
نصيحتك وصلت باحلا ..... مقالة
أمشي على ماتقول والزم خطابك
يا راعي الخبرة وراس ... الضلالة
ابليس مايقدر يلحق ....... ركابك
كم وحدة راحت تفقد ...... حلاله
ضيعتها وضيعت قلب رضى . بك
قالوا لي العشاق احذر .... سؤاله
نشدتهم منه قالوا لي .... صحابك
لكن غلاك يفوق شر ....... الوكالة
نكمل المشوار يالله ....... هلا بك

نجم ضاوي

11-11-20, 04:00 PM

ههههههههههههههه ...
الله يصيبك يا القارظ تجرح وتداوي ...
ما تنصاد واكبر علي شرك ...

صح لسانك وسلم بنانك ولا فوض فوك ...
تبغي الصراحه اطربتني ...

لا خلا ولا عدم ...

القارظ العنزي

11-11-20, 04:14 PM

الله يرفع مقدارك ابو ضاوي
ذكرتني بالايام الخوالي ومشاكسات
الغوالي أمثالك لاهنت يابعدي