((يومين والثالث على فراش دكتور)) [الأرشيف] - منتديات مسك الغلا

مشاهدة النسخة كاملة : ((يومين والثالث على فراش دكتور))

القارظ العنزي

11-15-20, 10:34 AM

يومين والثالث على فراش . دكتور
وده يفتش خافي القلب وش . فيه
انا عطيته الخبر والخبر ....... شور
ان السبب في خافق القلب .. غاليه
لكن طبيب القلب جاني .. بمحظور
يقول لي وقف عن العشق ... يا بيه
قلبك لعبه زايد الزين ........ مغرور
قلبك لعبه واحد مشيته ......... تيه
خلا شرايينك ضعيفة .... ومخطور
ما تذكر الخفرات بالقاف .... يا هيه
قلت الحقيقة لو طلب عرق مجبور
اسلم نفسي والمعاليق ........ بيديه
الصاحب اللي شوفته كلها ..... نور
يجلي ظلام الليل في نور ... خديه
ليته يحس بخاطر صار .... مكسور
مثل اليتيم اللي فقد شوف .. واليه
أمه توفت مع جدوده ...... ومقهور
كل يذله بالسوالف .......... ويعطيه
العم عقه والرحم صار ....... مقبور
وعيال عمه ما بهم شخص .. يغليه
محتار في عيشه مع الدمع . منثور
متوسد كفه ولا يمد .......... رجليه
يخاف من خبل يمره على ... الفور
ياطا على خده ويدعس .. مواطيه
يا روح روحي خفف الظلم والجور
وارحم ضعيف يشتكي جفوتك ليه
خليتني كني ذبيح ........ ومنحور
وجبة طعام للضواري ........ تخليه

القارظ العنزي

ضمير الحب

11-15-20, 11:56 AM

طيب ان شاء الله

مابيك الا العافية

عمرك طويل ياطيب

الكلام والشعر الزين

ماتشوف شر ياطويل العمر

ندعوا لك بالصحة والخير

كلامك يوجع القلب والله

ولحن حروفك تفلق الصخر

الله لايراويك مكروه وتكون بصحة وسلامة

قلوبنا معاك ياشاعرنا الكبير

دوم بنحتاج شعرك الجميل الي بنسعد فيه

وترتاح قلوبنا من نشوفه

صح لسانك وعلا شانك

وسلامتك من مرض القلب

ياطيب

بننتظر اخبارك الطيبة

تحياتي

عطاء دائم

11-15-20, 12:01 PM

صح لسانك أخي
ما تشوف شر
ربي يغدق عليك بالعافية ويريح بالك
ويرزقك كل خير

يختم ل3ايام مع التقييم

القارظ العنزي

11-15-20, 12:07 PM

اللهم آمين ضمير الحب
فعلا انت ضميره لاعدمناك
في الوجود يا غالي .

القارظ العنزي

11-15-20, 12:08 PM

مراقبتنا العامة عطاء دايم
صح بدنك ورفع الله قدرك
يا راقية طبت وطاب مرورك

مسكك الغلا

11-15-20, 01:00 PM

ربي يتمم شفاءك
وترجع زي اول وافضل
صح لسانك واعتلا شانك

القارظ العنزي

11-15-20, 01:04 PM

صحة روعاتك مسك الغلا
نورت ي المتصفح حفظك الله

مساحة قلم

11-15-20, 01:24 PM

اي شخص يحاول ان يلعب
بالقلب ويؤذيه لازم نسوي له كرت احمر :670:

ابدعت حتى وانت على فراش دكتور
نسأل الله لك السلامه عزيزي

احلام عابره

11-15-20, 01:39 PM

جيت بقلب موجوع وقلت..... يادكتور
بالله خبرني قلب صاحبي..... وش فيه

ارجوك قل الحقيقه بصدق وعلى الفور
وريح خفوق ن من بين الكل .... مغليه

يومين ودمع العين عالخد........ منثور
والقلب يدعي الله يردله........... غاليه

صاحبي وبانيله بين الحنايا ..... قصور
ولو باعوه الناس انا دونهم. ..... شاريه

اموت قهر لا شفته بيوم.......... مقهور
تفديه كل الحواس والروح.. .....تفديه

صاحبك بغيبتك ياهوى البال....مكسور
ما يدري ايام الشقا لوين..........بتوديه

ضحك الطبيب وقال بيحتو.... المستور
يابنت قلب صاحبك جمر الهوى....كاويه

القارظ العنزي

11-15-20, 01:48 PM

بل نوقفه عند حده
مساحة قلم ، او نغير
قلبه على فراش دكتور
يعني تبديل قلوب حتى
يعتبر المحبون والذين لا
يرحمون طبت وطاب مرورك
غالينا مساحة قلم

القارظ العنزي

11-15-20, 01:54 PM

سلامتك يا صاحبي در . منثور
سلامة قلبك وقلبي .... مفاديه
ياللي غلاكم بالمعاليق محشور
عزيز ودايم على البال . طاريه
تطري عليه كل ما جيت ناعور
والا ديار حولها دوم ...... ناتيه

اشكر مرورك الطيب ايتها الطيبة
والاخت العزيزة احلام عابرة