بو نوره
12-04-20, 08:37 PM
بسم الله أبدأ
::
::
يا سميّ الريم حنا على مفرق طرق
جاك مردودي ولا عاد عندي تشتكي
احسب ان حبك حقيقه واثر حبك ورق
والعهود الاوله كلها صارت حكي
والكلام العذب كرت الغشامه و احترق
افصلي من سلكها يا غشيمه و اشبكي
لو وميض البرق في خدك الايمن برق
عايفك لو هي تهامل دموعك بالبكي
رددي شعري على شان يتعبك الأرق
وان ضناك الشوق حطي الحموله و أبركي
لو تعبت العام فاليوم عندي ما فرق
دام كرسوعي على العز دايم مرتكي
كم بليغ ٍ من عنا الوجد بالكلمه شرق
لا كتم دمعه ولا عاد يحتال يحكي
وكم امين ٍ حدّه الوقت لين انه سرق
وكم سفيهٍ بالغبا لخبط اوراق الذكي
قلم/بو نوره
::
::
يا سميّ الريم حنا على مفرق طرق
جاك مردودي ولا عاد عندي تشتكي
احسب ان حبك حقيقه واثر حبك ورق
والعهود الاوله كلها صارت حكي
والكلام العذب كرت الغشامه و احترق
افصلي من سلكها يا غشيمه و اشبكي
لو وميض البرق في خدك الايمن برق
عايفك لو هي تهامل دموعك بالبكي
رددي شعري على شان يتعبك الأرق
وان ضناك الشوق حطي الحموله و أبركي
لو تعبت العام فاليوم عندي ما فرق
دام كرسوعي على العز دايم مرتكي
كم بليغ ٍ من عنا الوجد بالكلمه شرق
لا كتم دمعه ولا عاد يحتال يحكي
وكم امين ٍ حدّه الوقت لين انه سرق
وكم سفيهٍ بالغبا لخبط اوراق الذكي
قلم/بو نوره