أقشر الحظ....!!!!!!

[بو نوره]

حسبي على الحظ الاقشر مع تصاريفه
شيب براسي و بيد كل حيلاتي !!!

انا من الوقت مونس يا عرب خيفه
فاتح معه كل ظني و احتمالاتي !!

كم شفت و انكرت من مكروه و اعيفه
و اجادل النفس من ذاتي وفي ذاتي

يا كم تحملت وقتي مع تكاليفه !!!
واجامل الناس و اخفي إنطباعاتي

اعطي ولا اخذ ولو زادت تكاليفه !!!
و اجبر كسور البشر رغم إنكساراتي

اتعب لغيري واذب جبال و منيفه
واخفي على الناس همي مع معاناتي

هذا هو الحال في برده وفي صيفه
حزين و الحزن في قافي و ب ابياتي

عندي امل والامل ما بان لي طيفه
و ارسم مواريه في فهرس خيالاتي

بو نورة

[القارظ العنزي]

صح السانك ابو نورة
وان شاء الله حظك قام
ولا يجيك الشر دام عزك

[أعد النجوم]

صح لساتك شاعرنا المبدع بو نوره

ابيات جدا جميلة

يختم ل3ايام مع التقييم والخمس نجمات

[بو نوره]

صح السانك ابو نورة
وان شاء الله حظك قام
ولا يجيك الشر دام عزك

صح بدنك يا بعدي
والله ياخوي شكلها ماكو حظ قايم
يالله بس الله يسترها علينا ياذيبان واحنا بخير

الحظ معاندني......هههههههه....عدي بس عدي


ياحظ...في حقي ورى ليه ماانصفت؟
اوراقــك الـســودا ورى ماانصفـتـنـي

وشلـون عنّـي فـي الملاقـى تخلّـفـت؟
حـتــى شـفـاقـة رحـمـتــك خالـفـتـنـي

مانـي بقـابـل لــك عــذر لــو تـعـذّرت
خــــذلان بـيـبـانـك تـــــرى كـلّـفـتـنـي

إرتــاح لاتتـعـب عـســى ماتكـلّـفـت؟!
ماعـمـر فزعـاتـك وفَــت واسعفـتـنـي

انــا عـلــى حـــرف الـكـلافـه تـعـذبـت
صامدتـهـا بالصـمـت لـيـن جرحـتـنـي

كــم كلفـتـنـي بالـخـفـا لـــو تـصـبـرت
فـيـنـي ملامـحـهـا عَـلَــت واعتلـتـنـي

هــذي حقيـقـة قصـتـي لــو تحـفّـظـت
مـلامـح الـذكـرى طَـغَــت واجبـرتـنـي

[بو نوره]

على تكسّار الهوى ما تحطّمت
صابر ولو بعض التفاكير خابت

قمت و تعثّرت و بعد طيحتي قمت
ولا زلت في صدري من الهم كابت

جمعّت لي صندوق ذكرى و لايمت
فيها الجروح اللي تعصّت و عابت

واليوم عيّت شيمتي ثم تشايمت
والنفس من بعض الطواريق هابت

قلمي

[القارظ العنزي]

ان كانها بالحظ يا سيدي ...... خفت
أموت وحظي هقوته ....... خالفتني
لكني شفت الناس بحظوظها وشفت
اقل مني حظوظها ......... واقنعتني
وشكرت ربي يوم شفت ...... وتلفت
اني لا زلت بخير لو زاد ........ فتني
نصبر وعند الله رزقي ولو .... طفت
ديار غيري رزقتي ......... ما عدتني
وانا بلاية بالحلا من ......... تعرفت
بنت خذاني زينها .......... وافتنتني
ما غيرها بالبيض عاشق .... ووالفت
مير الكرونا دونها ............ عوقتني
مدري رداة الحظ ........ والا تثقفت
وقلت التزم قانون دولة ...... غذتني
والا يمديني يا بو نورة .... تحورفت
ومسكت طرق بالخلا ...... ساعدتني

[بو نوره]

الله على الوقت عيا لا يجمّعنا
اخلف مواعيدك و مخلف مواعيدي

والحظ الاقشر مع الحرمان ضيّعنا
تجمّعت كلها من دون تحديدي

والدمعه الحارقه ليلة موادعنا
لا زالت تشب في قلبي مواقيدي

فرقاً علشانها هلت مدامعنا
لاهوب بيدك سبايبها ولا بيدي

الشوق و الحب أيّسنا و طمّعنا
والحال يفرض علينا كل تفنيدي

حسبي عليه الهوى كم هو يلوّعنا
زودٍ على الحال و عيون المقاريدي

[بو نوره]

ان كانها بالحظ يا سيدي ...... خفت
أموت وحظي هقوته ....... خالفتني
لكني شفت الناس بحظوظها وشفت
اقل مني حظوظها ......... واقنعتني
وشكرت ربي يوم شفت ...... وتلفت
اني لا زلت بخير لو زاد ........ فتني
نصبر وعند الله رزقي ولو .... طفت
ديار غيري رزقتي ......... ما عدتني
وانا بلاية بالحلا من ......... تعرفت
بنت خذاني زينها .......... وافتنتني
ما غيرها بالبيض عاشق .... ووالفت
مير الكرونا دونها ............ عوقتني
مدري رداة الحظ ........ والا تثقفت
وقلت التزم قانون دولة ...... غذتني
والا يمديني يا بو نورة .... تحورفت
ومسكت طرق بالخلا ...... ساعدتني

أحسنت يا شاعرنا وصح لسانك
وبأبياتك نختم
كل عام وانت والجميع هنا في مسك الغلا بالف ألف خير

[بو نوره]

صح لساتك شاعرنا المبدع بو نوره

ابيات جدا جميلة

يختم ل3ايام مع التقييم والخمس نجمات

شكرا لحضورك يا سليل المجد وجعل خوتك ذخر
وكل عام وانت بالف خير يا الامير

[مساحة قلم]

فن التوازن فن لا يجيده الكثيرون
صح لسانك عزيزي

[بو نوره]

فن التوازن فن لا يجيده الكثيرون
صح لسانك عزيزي

صح بدنك يا أصل العرب

تحياتي