((رباه عجل بالفرج يا معيني))

[القارظ العنزي]

والله لولا الله وارجي من ..... الله
يرضى عليه خالقي ..... ويهديني
لارسل بها حمراء عجاجة . تمثناه
حتى يفوق النايم ..... المستهيني
لكني اطلب غاية الرب ... وارضاه
فيه العوض فيه انتقامي . وديني
الدين واضح والشريعة هي الجاه
هي اتجاهي غايتي ..... والعويني
الله من قلب تعايش ........ وبلواه
قلب صبور ما اشتكى ... للدويني
يصبر على بلواه ويكتم .. بشكواه
يصبر على فرقا الاهل . والجنيني
عشرة شهور كنها النار ...... يا ذاه
ياللي تنشد عن بلايه ..... وشيني
كني سجين يفقدونه ....... ولاياه
ما عندهم غيره عزيز ..... فطيني
ما عندهم غير الوزا وكثرة ... الآه
والا القريب اللي خبيث .. ولعيني
يوم يتذكر من بقى الحبس مثواه
يبكي عليهم والمصيبة .. سجيني
لا قادر يطلع ويفزع ....... بشرواه
ولا قادر ينسى الظروف الحزيني
ما غير ينادي ربه ويقول ... : رباه
رباه عجل بالفرج يا .... ... معيني

القارظ العنزي

[احلام عابره]

الله الله
ما اجزل حرفك يالقارظ
ربي يعينك ويفرج همك

ودي واحترامي

[القارظ العنزي]

طبت وطاب مرورك احلام

[مسكك الغلا]

صح لسانك واعتلا شانك
فرج الله قريب بإذنه تعالى
كان الله في عونك أسأل الله
تعالى بأن ييسر لك ماتريد عاجلا
غير آجل وتفرح بلمة اهلك واحبابك
الله كريم

[القارظ العنزي]

صح السانك نجمتنا مسك
الغلا واللهم آمين يا رب