((يالله يالمعبود والعبد ينخاه))

[القارظ العنزي]

الياضاق صدرك قلنا نطلب الله
ربي كريم ويغني .... المستعينا
يغنيني الله عن عفون . القراباة
وعن الخبيث المستهين اللعينا
الله كريم ويعطين ... لو دعيناه
ما هو بخيل بالعطى ... ما يبينا
الرزق رزقه والعطايا ... عطاياه
يا كم عطانا من جليل . وسمينا
والعبد ذنبه والبلا من .. خطاياه
يخطي على نفسه وربه .. يعينا
يالله يالمعبود والعبد .... ينخاه
ترحم ضعيف ملتجي لك حزينا
وحيد وحده ما لقى من .. تبناه
مثل اليتيم المحتري ... للعوينا
انت الولي ما غيرك اليوم يالله
ما لي عوين غير ربي ..... معينا

القارظ العنزي

[آميرآلشوق]

اخي القارض
صح لسانك واعتلا شانك
والنعم بالله قصيدة جزله
ابدعتي اخي الغالي فيها
وننتظر جديد بشوق
دمت بسعادة

[القارظ العنزي]

دام عزك ومرورك
أمير الشوق لاهنت

[مسكك الغلا]

صح لسانك واعتلا شانك
ونعم بالله وربي يسر كل عسير

[القارظ العنزي]

صح بدنك مسك الغلا
صدقت ونعم بالله