((انا الذهب اللي تصوغه على الكيف))

[القارظ العنزي]

انا الذهب اللي تصوغه على الكيف
في خاتمك والا تصوغه ..... قلادة
طب وتخير يا بعد كل من ... شيف
وانت الطبيب اللي يدير ... العيادة
حدد مقامي عندكم بالعرب . ضيف
والا صغير ن ينشدك وين .... دادة
والا حبيب محترق من لهب صيف
عطشان ويرجي من ثميلك . زوادة
والا كبير ناحل الحال .... واضعيف
كبير سن وراس ما له ....... وسادة
أمرك ووجهني وانا سيفك السيف
سيف شطير ويعجبك في .. وكاده
يحميك من كثر الملامات والحيف
ويمسح عدوك في حماط . وكدادة
يالغالي الوافي قليل .. .. التكاليف
عزيز نفس والمواقف ...... زيادة
لك فقدة نشوفها ........ بالمناكيف
يوم الوداع وكل يفقد ....... وداده
الله يقرب داركم ........ يالغطاريف
ويصبر المحزون في فقد .. . غادة

القارظ العنزي

[أعد النجوم]

صح لسانك شاعرنا العذب القارظ

بورك فيك وفي قلمك

يختم ل 3 ايام مع التقييم

[النايفه]

‘
السهل الممتنع

والغزل العذب

القصيده كلها عذوبه

صح لسانك وسلم بنانك

،،

[إرحليّ بسكـآـآت]

صح لسانك.
اعجبتني المفردات.

[القارظ العنزي]

صح بدنك اعد النجوم لاهنت

[القارظ العنزي]

هذا فقط من ذوقك
الراقي أيتها النايفة

[القارظ العنزي]

صح بدنك إرحلي باسكات لاهنت