((ألطف بروح غردت تطلب الفال))

[القارظ العنزي]

متى تحس بحالتي ترحم ...... الحال
حال تعذب من هواكم ........... شقية
وانت اللي دايم في حياتي على البال
ولا يشغلني عن غلاكم .......... صبية
الطف بروح غردت تطلب ....... الفال
في قربكم تلقى الحياة ....... الرضية
وان ما لطفتم الدهر دحدر ...... ومال
ومالت علينا من جفاكم ....... ... بلية
حنا صبرنا وصبرنا والجفا ...... طال
الله يعوض صبرنا .............. يالهوية
والله يسامح بالغلا زين ....... الازوال
اللي رماني ما نشد .......... بالضحية
خلي ضحى بي يا عرب بين الاطلال
مشى وخلاني بسهلة ......... جرهدية
يا من يوصل الخبر زين ....... الاقبال
قولوا حياتي بالخطر .......... والاذية
يمكن يحن لدمعة سيلها ......... سال
وعين سهيرة نومها .......... شلفحية

القارظ العنزي

[خياآل]

الظاهر انك ماتأكل ولاتشرب ! بس تقرض في هالشعر :2:
بصراحة ماشاء الله عليك على القريحة الفائضة
وإن شاء الله يكون لك ديوان شعري
صح لسانك قبل ماانسى:رحيق: ..~

[شموخ الإمارات]

حنا صبرنا وصبرنا والجفا ...... طال
الله يعوض صبرنا .............. يالهوية



تطمن الله بيعوضك كل خير.. ثق بالله





أنا مع كلام حطب الغدرى وفعلاً تستحق يكون عندك ديوان شعر :81:

[القارظ العنزي]

وشلون ارقد يا حطاب
والذيب بديار .. غربية
النوم غايب والاسباب
وهموم شالت .... عليه

صح بدنك حطاب خلها
على الله لولا الشعر مشيت
اهذري واطب الفية من بدري
طبت وطاب مرورك يالغدري

[القارظ العنزي]

ونعم بالله شموخ كلك ذوق

[احلام عابره]

صح لسانك شاعر المسك
القارظ العنزي
أبدعت وربي
لك ودي واحترامي

[أعد النجوم]

صح لسانك شاعرنا وشاعر المنتدى الكبير القارظ

ماشاء الله منجم للشعر تبارك الله


سلمت
ودمت

[القارظ العنزي]

صحة روعاتك احلام عابره

[القارظ العنزي]

صح بدنك لاهنت
اعد النجوم