((يا نوعي اللي بينهن نادر القاه))

[القارظ العنزي]

يا نوعي اللي بينهن نادر ...... القاه
هو السبب اللي ربطك .... بمصيري
نوعك مرامي بالعرب زين .. شرواه
كل الشروط محققة ...... يالاميري
وانا تراني مثلكم بالعرب ...... جاه
ماني من اللي ينخدع ... بالشويري
اقصى مرامي صوتكم نسمع دعاه
والله ما عندي غيرها في . ضميري
ماني حرامي يسرق الصاحب ارداه
انا عزيز النفس وستر .... القصيري
وان كانك تجهل صوبنا وين مبناه
انشد وتلقى ويننا ....... يا عشيري
جاك الجواب اللي تريده .... وتبغاه
ارجي عساكم تفهمون .... المسيري
وان غبت عني ما نسيناك ... يا ذاه
تبقى الوحيد اللي بحياتي . مديري
اقسمت بالله مثلكم .... ما عشقناه
ولا ظنتي بالقاه وسط ... الخديري
وان ودع الغالي ترى نكسب رضاه
الصاحب اللي في غلانا .... ستيري

[مساحة قلم]

في الضمير والوجدان لا
يوجد غيرها ابدا فهي من اجتاحت
الخفوق
صح لسانك عزيزي
يختم ل3ايام
تقييمي
خمس نجوم

[شموخ الإمارات]

صح لسانك


الله يحفظك

[القارظ العنزي]

صحة أيامك مساحة قلم لاهنت

[القارظ العنزي]

صحة انفاسك شموخ

[أعد النجوم]

صح لسانك شاعرنا

ماشاء الله تبارك الله

شاعر غزير الشعر مثل النهر الجاري

ربي يسعدك على ماقدمت وماتقدم

[القارظ العنزي]

صح بدنك اعد النجوم
لاهنت هذا مما تركته لنا
ولكنك شاعر فذ تتواضع
من طيب معدنك

[احلام عابره]

صح لسانك مدد بلا عدد
يالقارظ العنزي
أبدعت وربي
ودي واحترامي

[القارظ العنزي]

طبت وطاب مرورك احلام