المساعد الشخصي الرقمي

مشاهدة النسخة كاملة : يذكّرني القمر ظلّك !


وهج
01-22-21, 09:18 PM
يذكرني القمر ظلك عجب ياللي ظلالك نور
انا اللي ماعرفت الليل لولا عتمة أهدابك

حبستك في السما شمس وعلى وجه السحاب طيور
ونخيل باسق يشرب رضاك ويعطش عتابك

وجلست اناظرك ما رف لي جفن تقل مسحور
أقول ان الجمال انتي وكل العشق باسبابك

هقيت اني ملكتك مادريت ان الأماني غرور
وانك في يدي لين انتحابي الوقت واقفا بك

سقا الله يوم كان اكبر همومك خاطري المكسور
وكنت الضي في عينك وكنت السقم في ثيابك

سقا الله يوم كنتي الارض أنهار وشجر وقصور
ديار نورها من طاقتك .. وأحلامها بابك

عيوني ياشقى عيوني من الجدب الموات البور
أراضي مابها الا ماذوى وانهد في غيابك

أحبك كان لي قلب يجض من الجفا مقهور
وصار اليوم يفرح لو لقى به عذر يشقى بك

.
.




البدر بن عبد المحسن

الفيفي2017
01-22-21, 09:22 PM
اسمه بدر وهو واشعاره دوما جميله كجمال البدر
صح لسانه ولسان الناقل

والله يعطيك العافية على الاختيار الجميل

رونق
01-26-21, 01:28 AM
تسلم يمناك على النقل الطيب
جاز لي ماطرحته هنا
سلمت الايادي
مررت من هنا مع كامل ودي واحترامي

وهج
02-09-21, 12:04 AM
:ah11::ah11:


SEO by vBSEO 3.6.1