((يالله بكفر يصحصح دين محبوبي))

[القارظ العنزي]

يالله بكفر يصحصح دين ...... محبوبي
ذنب كبير يرده يطلب ............. التوبة
ذنب يزلزل كيانه يمكن ......... يتوب ي
ورضايه اول بداه وساس ...... مطلوبه
وانا ادري اني ضعيف وعندي ... ذنوبي
لكنه كفر البشر من اشنع ........... ذنوبه
الذنب نوب يجيبك تركع ........ تحوبي
تحس بنار الغلط في الجوف .. مشبوبة
كم مشرك في حياته يرقع .... الثوب ي
والياسلم الرب جدد قلبه ......... وثوبه
الذنب له حسرة تنجيك ....... واتؤب ي
والعجب له غلطة بالشر ....... محسوبة
واللي تذاكا ومسوي بالكفر ........ لوبي
ما ينفعه لفظة بالدين ............ مكتوبة
مسجلة عند ربي بافضل ...... سلوب ي
وسلوب ربي يا نعم الرب ..... واسلوبه
عسى الرسالة حبيبي تاصل ... النوب ي
تشرح شريعة العاشق صوب ... محبوبه
للعشق واجب وفرض وشرع مكتوب ي
وللعشق سنة يا سيد العشق .... ودروبه

القارظ العنزي

[احلام عابره]

طيب ياخي تمناله الهدايه
هههههههه
صح لسانك يالقارظ العنزي
هاذ هالمحبوب مغلبك

يالله تهدينا لحسن..... . الاسلوبي
بالدعاء وكل ن ينال ...... مطلوبه

اقول يالله تهدي قلب.....محبوبي
وكانه طاغي تلهم نفسه.... التوبه

يالله ياغفار جميع ....... الاذنوبي
تنقي قلب صاحبي من..... .ذنوبه

يارب انا سعادته كل. ..... مطلوبي
وتسهل مايلاقى بحياته من صعوبه

[القارظ العنزي]

لو اهتدى راح ما جاني
كل السبب قلة .. ذنوبه
ابيه يكفر سيد خلاني
حتى يجي يعلن التوبة
يصير عندي هو الداني
والقلب يفرح بمحبوبه

كلك ذوق احلام

[مساحة قلم]

صح لسانك يا القارظ :0005:
دعوه للمحبوب بالهدايه
صح لسانك
يختم ل3ايام
تقييمي
خمس نجوم

[القارظ العنزي]

يعني انت صفيت بجنبي يا مساحه
وضد رأي احلام نعم الصديق انت

بقيت وحدي . بلا خلان
وحيد يلعبي . الشيطان
جاني القباطي بالعنوان
واحلام بالضد ياخواني

طبت وطاب مرورك
مساحه قلم لاهنت

[أعد النجوم]

صح لسانك شاعرنا

وصح لسان الشاعره احلام


ثنائي جميل ولا يجيبون الا الجزله



تقيييمي والايك

[نجم ضاوي]

حسبك على الله خليتني اشق ثوبي
كنك .. كما داب . . ونيتك .. مقلوبه


الله يزيحك . من على قلبي ودروبي
وتمشي كما مجنون . . مضيع دروبه


ربي بلاك .. يومك . . ثعل .. ولعوبي
نار منك .. داخل المعاليق .. مشبوبه


ياما سببت ضيق وسببت لي كروبي
رميتني لي طعم .. واساليب ملعوبه


صح لسانك يا .. القارظ .. جميل جدآ ...
ما نثرته هنا لله درك ...
كفيت ووفيت وفالك البيرق ...

... لا خلا ولا عدم ...

[القارظ العنزي]

اشوفك تمشي والموق ..... معصوبي
عصاك بين يديك مثل ........ الركوبة
كل ما نصحتك قلت غصب مغصوبي
البيض يبغني ثم اقول ........... نوبة
الله يصيبك توب عمرك ....... يذوبي
شايب ولا بقلبك لله .............. توبة
الحمد لله يوم اوزن ............ ذنوبي
ما لي مع البيض مثلك .......... لعوبة
دايم انا المظلوم وانت ....... اللعوبي
كسبان منهن انت وانا ........ الجلوبة
اطرد وراهن بالسوالف ...... واجوبي
ذنبي خفيف والا انت تخدع . طروبة
ما كنت قبلك افتهم ........ بالطروبي
ولا الغزل مشيت عالي . ...... دروبه
علمتني وافسدتني ....... يا محبوبي
وغشيتني بالدرس درسك .... نشوبة

صح السانك الضاوي زمان والله عن مشاكساتك
المجنونة دمت بود

[القارظ العنزي]

صح بدنك لاهنت اعد النجوم
اشغلني الضاوي الله يشغله
كنت أقرأ رده وجاني
الرد فجأة من الصفحة
بدون ترتيب غير مقصود
تعرف الضاوي مثل المس
اذا مر. فعذرا سيدي لاستعجالي
بالرد عليه قبلك حفظك الرحمن
مراقبنا الغالي

[نجم ضاوي]

وعدتني .. وعد عرقوبي
وعودك سراب ومضروبه


منت حولي .. ولا صوبي
عقلك .. مع بنت رعبوبه


توهتني .. بظلمة دروبي
غدت هالروح .. مسلوبه


حط في .. كل عذروبي
ونسى نفسه . وعذروبه


واكبر عليك .. يا لعوبي
نار .. بهشيم .. مشبوبه


نشابه وقع . . بعرقوبي
شايب وحباله منصوبه

[القارظ العنزي]

يا هيه يا مشقق .. الثوبي
وانا السبب في .. بلا ثوبه
ظلمتني ليه ...... شيبوبي
وش ذنب عنتر وخرعوبه
وش رايك كلنا .... نتوبي
في لحظة نعلن .... التوبة
والا مشينا على ... صوبي
نلعب مع البيض ... بدروبه
هذي ترسلها على . صوبي
وهذي ترسلها على . النوبة
وهذي على كيف مطلوبي
ونبنيها طوبة ...... وطوبة
جتك النصيحة مع الكوبي
مثلك ترى بان. .... ملعوبه