((كل نهار المسك ماسك حبيبه))

[القارظ العنزي]

كل نهار المسك ماسك ...... حبيبه
وانا غريت من الغلا .... ما مسكته
دنيا الهوى يا ناس والله ... عجيبة
حظ طلع واحظيظنا طاح ... بخته
يا مسكنا عينت بنت .......... لبيبة
عين الوحش عينه بساعة . شبكته
راحت مع الاقدار ذيك .... النجيبة
راحت وقلب عقبها ....... ما ملكته
قلبي تعلق في فتاة ......... عريبة
يا ليتني يا مسكنا ....... ما تركته
صدق البشر كل يلاقي ..... نصيبه
والمفلس اللي بالبشر ضاع .. بشته
والمفلس اللي باع مية ....... قليبه
وعند العطش ما فاد قرشه وجفته
ما ينفعه جفته وقرشه ..... وهيبة
يوم استوى والموت عمره وصمته
راحت علينا يالعذارى ........ غليبة
وسلمت لخل بالقوافي .... وصفته
فريدة الاوصاف تذبح ...... حريبه
ما مرني بالبيض مثله ...... وشفته


القارظ العنزي

[أعد النجوم]

صح لسانك شاعرنا القارظ

ماشاء الله عليك منبع للشعر


لله درك من شاعر



يختم ل 3 ايام مع التقييم والايك

[القارظ العنزي]

صح بدنك اعد النجوم لاهنت
وكل عام وانت بالف خير وصحة

[أنا فداهم]

صح لسانك و سلم بناتك عز الله كتبت يوم كتبت ..

*

دنيا الهوى يا ناس والله ... عجيبة
حظ طلع واحظيظنا طاح ... بخته

*
عجبني هذا البيت الأكثر من الرائع

لا هلا ولا عدم

[الفريده]

صدق البشر كل يلاقي ..... نصيبه
والمفلس اللي بالبشر ضاع .. بشته
والمفلس اللي باع مية ....... قليبه
وعند العطش ما فاد قرشه وجفته


صح منطوقك شاعرنا
ماننحرم جديدك

[القارظ العنزي]

صح بدنك فداهم
وكل عام وانت طيب
بس لا هلا هذي تبي
تغيير الى لا خلا هههههه
اعلم انها خطأ مطبعي

[القارظ العنزي]

صح بدنك
وطاب اختيارك

[أنا فداهم]

عفواً ع الخطأ المقصد
لا خلا ولا عدم
حسبي ع المصحح الاملائي
هههههههه
:سكر:

[القارظ العنزي]

لاهنت يحصل مع الكل
كل الشكر انا فداهم