المساعد الشخصي الرقمي

مشاهدة النسخة كاملة : رد على تصريح ثور الخارجية


خياآل
05-19-21, 11:48 AM
ألا ياثور لقلت : بدوي ! مااحس ابد بقصور
احس ان القصور بكل من قال : ( البدو عيرة )
اشوف بعين حسّاد البدو ياثور زود مرور
اشوف بعينهم لاقالوا البدو : ( بدوي ) غيرة
ألا ياثور من قال : ( البدواة عيب ) قوله زور
أكيد انه نسى وش اصل هالديرة
واكيد انه نسى علم الرجال وفعلها المخبور
واكيد انه نسى منهو يحفظ العهد والجيرة
وكانه في خيالك بعض وصف يدور
ورسم في داخلك صورة رجل مقتاد بعيرة
ترانا اهل الوفا يوم الوفا شح بكثير صدور
وترانا اهل القنا والخيل والشلفا وتكبيرة
وترانا في السماء عقبان وفـ السبّع نمد جذور
ملكنا الارض طول وعرض ديرة وديرة
وترى عاداتنا والسلم ورث من قديم عصور
تعلمنا من الاجداد وحفظنا طيب هالسيرة

وسلامات تطولكم وتعداكم

أعد النجوم
05-19-21, 04:06 PM
والنعم فيك وصح لسانك

الفريده
05-19-21, 05:29 PM
وترانا في السماء عقبان وفـ السبّع نمد جذور
ملكنا الارض طول وعرض ديرة وديرة
وترى عاداتنا والسلم ورث من قديم عصور
تعلمنا من الاجداد وحفظنا طيب هالسيرة


صح منطوق يا فخر البدو

مسكك الغلا
05-19-21, 07:41 PM
صح لسانك واعتلا شانك
صح منطوقك بداوتنا اصل وفخر
ماهي ابد منقود ..
تقييمي والفايف ستارز

خيتك .. مسك الغلا


SEO by vBSEO 3.6.1