المساعد الشخصي الرقمي

مشاهدة النسخة كاملة : صوت وصدى وخطيئة!!!!!


بو نوره
05-21-21, 04:43 PM
بيني وبين اخوي مجنون الشعر
"صالح الهلالي"


صوت/ بو نوره:

ياللي بدعت من البيوت الجزيلات
مثايلن تصعب على من نظمها

يا مرحبا سلم الوفا والمروات
ترحيبة(ن) رزت بيارق علمها

بالشاعر اللي له مكانه ووقفات
تحترمه أهل الحرفه ويحترمها

أرسى من جبال القهر والسراوات
وأجود من مزون الغيوم و كرمها

وأنا مع الشعار عندي كرامات
أقرا القرايات السبع وأختتمها

وأفرح بمثلك وأبتهج بالمسرات
قرم ومطاليق العرب نحترمها

يوم أكثر الشعار صاروا دعايات
ما عاد أعرف وجودها من عدمها

بو نوره


صدى/صالح الهلالي


ياللي رسمت من الشعر سبع لوحات
وابداعهـا يشهـد علـى مــن رسمـهـا

ابـقـاك ربـــي عـــد روس الـمـنـارات
مــا ردد اســـم الله جـسـدهـا وفـمـهـا

يا شاعـرن لـو فاتـه الوقـت مـا فـات
عـلـى دروب الطـيـب نـوقـه وسمـهـا

وبالجـزالـه كّــن شمـسـه لـيـا جـــات
أمــيــرةٍ كـــــل الـنــجــوم اتـخـدمـهــا

وان كـان طيـري قـد تعّـدا المـجـرات
بالشـعـر والسـاحـه تـحـاتـي جلـمـهـا

لقيـت مثلـك فــوق وان مــر بسـكـات
روح التواضـع مـا شكـت مـن ندمهـا

من طيبها مجبـور عـن سبعـه ابيـات
ازيـــد والـجـزلـه تــســارع نـسـمـهـا

يــا صاحـبـي سـافـرت يــم الـقـريـات
ولقـيـت طيـفـك فــي هـواهـا ودمـهــا

وانــا تعـبـت مــن السـهـر والمعـانـات
شايـب ومـا لـي بالـجـروح وسهمـهـا

واصلت سيري دون يا اخوي ما بات
وكفـوف روحـي تصطفـق مـن المهـا

وآمنـت بـان الـحـب عـبـر الـروايـات
يبـقـى بـروحــك جـــرةٍ مـــن قـدمـهـا

الشاعر صالح الهلالي


والخطيئة كانت خطيئتي
فالمفترض كان أن لا ارد
فهي بدع ورد
لكن انا قد اخطأت واضفت
لربما لان صالح اكرمني
باكثر من سبع ابياتي فقلت له:


الشاعر اللي رافعن له شعارات
ما كل من يقرا العباره فهمها

يصرف قوافيها سوات الجنيهات
يسلم جنيهاته و يستلمها

راعي مروه من رجال المروات
واجب على اهل المعرفه تحترمها

سافرت صوب طريف وإلا أبانات
وإلا تحج أم القرى مع حرمها

مثلك خبير و عارفن للمسارات
تعرف جديدات الدير من قدمها

والشيب عيفنا الهوى والمرايات
جيوش محدن قبلنا قد هزمها

لمن غزا العارض غدا له علامات
ينقض بطولات الصبا و يهدمها

والحب بعض أحيان سبب جنايات
يسل حال أهل الهوى و يهظمها

و الوقت خلا جمعنا عشرة أشتات
فرقا كما طعم المراره طعمها

و صلوا على خاتم جميع الرسالات
إعداد ما رزت بيارق علمها

وسلامتكم/بو نوره

الفريده
05-21-21, 05:27 PM
صح ألسنتكم وشكرا لمشركتنا أيها ما ننحرم:MonTaseR_222:

أعد النجوم
05-21-21, 09:57 PM
الله عليكم من شعراء

ابداع لله دركم


صحت السنتكم وسلمتوا ولا هنتوا



ماشاء الله تبارك الله


يختم ل3ايام مع التقييم والايك

مساحة قلم
05-22-21, 06:13 PM
سلمت ابو نوره العزيز
ابياتك وابياته جميله
صح لسانكم


SEO by vBSEO 3.6.1