((يالله يالمعبود يالله يالله))

[القارظ العنزي]

يالله يالمعبود يالله ................ يالله
انت الملاذ ورازقي .......... واعتمادي
اشكي لك حال الحال وضغط ومعاناة
مع جفوة الخلان وظلم .... العباد ي
وابث لك غبن بصدري .......... كتمناه
يا عالم بالغيب وصوت ......... يناد ي
يا رب تلطف رحمتك دوم ..... منجاة
يا منقذ يونس ويوسف ....... وكاد ي
يوسف رجع لابوه ودوم ........ يتمناه
ونبيك يونس عاد وعز ........ البلاد ي
وايوب عبدك اشتكى لك من ...... الآه
وايضا نصرته عقب طول .. الوساد ي
والهاشمي كل بناسه ............ تناساه
ارسل لك الشكوى ونصرت . الجهاد ي
وانا اشتكي لك من بلا وقتنا ...... ذاه
يا رب سنع وضعنا ......... بالسداد ي
افرج على عبد شكى لك ....... خفاياه
واللي جرا له من عدو .......... اربادي
عزي لمن وقته تمطى ......... وتوطاه
وقته توطى هيبته .......... بالعناد ي
ولا به صديق بالعرب يوم ...... ننخاه
غدت حصاني بيعها ......... بالمزاد ي
يا رب جمل صبرنا ......... وما نويناه
من فعل الخير ولو حدتني ... حوادي
ارحم ضعيف ما نسي يوم ...... مبداه
لو عاضبت دنياي واهل . ..... البوادي
لي همة ترقص على كل ......... معلاة
مثل الاصيل اللي بصوتي ...... ترادي
تنشد عن الخيال وتفرح ..... بشرواه
تسعد بشوفه لحظة الكون ....... بادي

القارظ العنزي

[مسكك الغلا]

صح لسانك واعتلا شانك
من التجأ إلى الله ماخاب
جميل ان نناجي الله بكل
مايدور بحياتنا
ربي ييسر امرك

[القارظ العنزي]

صح بدنك نقية
هذا من لطفك

[قيثارة]

اللهم آمين
صح لسانك اخوي
ودام نبض قلمك
يختم لمدة 3 ايام + تقييمي + الفايف ستارز

[القارظ العنزي]

صحة أيامك عزيزتي قيثارة
طبت وطاب تقييمك

[مساحة قلم]

صح لسانك عزيزي ابدعت وتميزت

[بقايا حنين]

عزي لمن وقته تمطى ......... وتوطاه
وقته توطى هيبته .......... بالعناد ي
ولا به صديق بالعرب يوم ...... ننخاه
غدت حصاني بيعها ......... بالمزاد ي

الغالي القارض

الله الله رائع بكل ما تحمل الكلمة من معاني
طرح رائع وتوظيف جميل واسلوب مميز

ننتضر جديدك العذب

صح لسانك ودام لنا قلمك

تقبل مروري القاصر

[القارظ العنزي]

صح بدنك مساحة قلم
والابداع في مرورك العطر

[القارظ العنزي]

صح بدنك لاهنت
مرور باذخ بقايا حنين

[حمدفهد]

وانا اشتكي لك من بلا أهل وقتنا ذاه
يا رب سنع وضعنا ......... بالسداد ي
افرج على عبد شكى لك ....... خفاياه
واللي جرا له من عدو .......... اربادي
عزي لمن أهل وقته تمطى ....وتوطاه
وأهل وقته توطت هيبته ... بالعناد ي
صح لسانك وسلمت يداك الوضاءة وقلبك الطاهر يحفظك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين.
اخوك/ حمدفهد

[القارظ العنزي]

يسلم عمرك اخوي الشاعر الفذ حمد بن فهد لاهنت
ولا هان منطوقك وحضورك البهي الكريم دمت بود