قلب طير

[خياآل]

سر ياقلم واكتب من الشعر بيتين
من شاعر بالشعر مااحدٍ يفوقه
ودي اوصّف ماحصلي مع الزين
واخلي القلم بالوصف ياخذ حقوقه
يازين والله مانويناك بالشين
اللي نوى بالشين ربي يعوقه
مير أنت لاتلعب عليك الشياطين
بظنون من نسج الخيال مخلوقه
وان شفت قلبي كافخ بالجناحين
ترى عروقه روق ودماه روقه
وإذا تساومني على الوصل والبين
جاشي وحْش مافي يدينك سبوقه

[شاعر رومانسي]

سلمت لنا وسلم إبداعك
دمت بحفظ الله ورعايته

[القارظ العنزي]

يالشاعر الشاكي من البوق .. والبين
احذر فتاة الوقت ترها ...... سبوقة
تخدع فتاها بس شاف .... العناوين
من شافها ضيع حلاله ........ ونوقه
والدين يا مشكاي من سدد .. الدين
غير الذي بالشوق خله ....... يبوقه
ضعنا وضاع الحب بين ... المزايين
هذي تشوق الخل وهذي .. تسوقه
والخل ضايع بين مس . الشياطين
مع مس خل طاغي فوق .... سوقه
عجزت اميز مخلص الترف من بين
الناوية بالبوق وبين ........ الخلوقة

طبت حطاب وطاب قافك .. تقبل ما فاضت به القريحة
بقبول حسن كما عهدناك لاهنت ولا هان منطوقك

[عبدالله همام]

صح لسانك
كلمات منتقاة بدقة وإحساس رجل واثق من إخلاصه وصدقه
ما شاء الله كلمات رائعة وجميلة
الله يفتح عليك

[متأمل]

صح لسانك يا حطاب
كلمات حكيمة وجميلة ورصينة
ومفعمة بالحب والصدق


تقديري


ِ

[الفريده]

من شاعر بالشعر مااحدٍ يفوقه

انا اشهد لك يخوي:MonTaseR_11:
صح منطوقك واهديلك ابيات القارض :Silbando:
مقصرتو اثنينكم يسعدكم :MonTaseR_205:

[عتيق]

صح لسانك شاعرنا حطاب الغدرى

[حمدفهد]

صح لسانك وسلمت يداك الوضاءة وقلبك الطاهر.
قال الشاعر/ حطاب الغدري:-

سر ياقلم واكتب من الشعر بيتين
من شاعر بالشعر مااحدٍ يفوقه
ودي اوصّف ماحصلي مع الزين
واخلي القلم بالوصف ياخذ حقوقه
يازين والله مانويناك بالشين
اللي نوى بالشين ربي يعوقه
مير أنت لاتلعب عليك الشياطين
بظنون من نسج الخيال مخلوقه
وان شفت قلبي كافخ بالجناحين
ترى عروقه روق ودماه روقه
وإذا تساومني على الوصل والبين
جاشي وحْش مافي يدينك سبوقه
الشاعر/ حطاب الغدري
=======================
رد الشاعر/ حمد بن فهد المخالده السبيعي:-

على هونك يالشاعر لا يلحقك الدين
من شاعر لقال بيته بالصدق مايبوقه

اوصف ولا تخلي الوصف يبهر العين
والعين تسبق الطير وتعرقل سبوقه

يا ابن الغدري حشاك من قول الشين
حطاب والنعم نلقا طيبه في منطوقه

من عرفك ما ظن يلعب على الحبلين
عاشق ماهر ينتقي بالطيب معشوقة

أهلا هلابك حر اليا مد كفه غدا كفين
كف الوفاء دوم سباقة ماهي مسبوقه

حي اللي ناظم قافه منظوم بحرفين
اليا و النون يشتاق له منه حلو ذوقه
الشاعر/ حمد بن فهد المخالده السبيعي

[خياآل]

صحت ابدانكم وممنون لكم كلامكم الذرب واصحاب المجاراة المبدعين القارظ والمخالدة صحت السنتكم وانشاء الله تاصل كل واحد منكم ابيات خاصة باسمه ورسمه
الف شكر لمن مر وعبر وعطر &

[النايفه]

صح لسانك وسلم بنانك يالغدري

اقدح و خل القلم بالوصف ياخذ حقوقه

[خياآل]

ارحبي يالنايفه وصح كلك
نورتي وشرفتي الابيات&

[حمدفهد]

تسلم لنا أياديك الوضاءة وقلبك الطاهر يحفظك ربي .
اخوك/ حمدفهد