((نعمين في قاف الوفاء حاضر الجاش))

[القارظ العنزي]

نعمين في قاف الوفاء حاضر الجاش
يوم الردي عند المواقف ...... يغيبي
قاف عزيز ويدعم الروح ..... بانعاش
يشفي غليلك يالوحيد ... الصويب ي
اليازهمته جاك في فزعته ...... كاش
مثل الربيع اليانتشر .. والخصيب ي
والا مثل مي المطر يسقي . اعطاش
يسقي كبود تحترق ...... باللهيب ي
يفداك يا قاف الوفاء رجل ... انحاش
ياما حبيته بالجمايل ....... وطيب ي
في حاجتي خيب ظنوني على ماش
عذر البخيل اللي يلوم ..... العزيب ي
لا قدم الدلة ولا قدم ............ فراش
نسل الرخوم اللي تبيع .. الحليب ي
يفخر في بيعه درة النوق .. وادباش
غبوقة الخطار بدار ...... العريب ي
جعله فدا لمغيزل العين ..... وارماش
اللي ترحب بالضيوف .... وتجيب ي
تستر ابوها بغيبته زينة ...... ابشاش
واول اقراها الضيف زبد .. ورويب ي
وتثني بكبش بالثمن فوق .. الكباش
مع منسف للضيف لو هو .. حريب ي
لا عاش من دور على عرق . الاوباش
اللي حصيله من وراهم ..... دبيب ي


القارظ العنزي

[خياآل]

هذا القاف وافي مثل راعيه اهنيئك على الابيات اللي تستحق التصفيق وبحرارة :x126:
هذي الابيات غير صح لسانك

[القارظ العنزي]

لكل قاف ظروفه وانت اعلم يا حطاب الغدري
لاهنت ولا هان منطوقك ومرورك وحضورك
العطر وصحة ايامك يالعزيز الغالي

[مسكك الغلا]

تبارك الرحمن
صح لسانك واعتلا شانك
ابداع لا نظير له في كل
كلمه وحرف ووصف جزله
وهذا ليس بمستغرب على
شاعر المسك

[عتيق]

صح لسانك قصيدة فيها دم و جسد وروح

[القارظ العنزي]

صح بدنك يالجزلة
بنت الجزالة كلها
نقية الحرف نورت
المتصفح

[القارظ العنزي]

صح بدنك عتيق
شهادة نعتز بها
من شاعر فذ

[حمدفهد]

صح لسانك وسلمت يداك الوضاءة وقلبك الطاهر يحفظك ربي.
اخوك/ حمدفهد

[النايفه]

ماجا طاري الكرم بالقصيد الا وارتفع المعنى

علوم تنومس لو هي حكي

فما بالك بالقاف والقصيد

صح لسانك يالقارض

[القارظ العنزي]

صح بدنك اخوي حمد بن فهد لاهنت

[القارظ العنزي]

صدقت النايفة
وما قيمة المرء
بدون مكارم الاخلاق