ما رايكم في هذا الفعل

[مشكلتي]

السلام عليكم ورحمة الله وبركاته
وش رايكم في اللي يطلب من المطعم
لأهل بيته والشغالات ياكلون اكل الظهر
اللي في الثلاجه هذي الظاهرة منتشره
كثيرا في الفتره الاخيره هل هذا الفعل صحيح

[M.ahmad]

هذا تصرف سيئ يدل على العنصريه في العائلة داخل المنزل

ولا أستبعد أن تكون هذي العنصريه ممزوجه بالأستعباد

بمعنى أنهم يرون الخدم مجرد عبيد لتلبية الخدمه فقط فإن عصو على ذلك يتم معاقبتهم وحرمانهم من أبسط حقوقهم

وهذا الأمر لا يجوز ولا يرضاه الله ورسوله

بل الخدم مادام أننا إخترناهم ليشاركوننا الحياه داخل منازلنا يضل أكلنا من أكلهم وشربنا من شربهم وملبسنا من ملبسهم بدون تمييز حتى لو كان مصروفهم عالي

فوالله وبالله وتالله لو أحداً منا ذهب للخدمه في بلدانهم لن يرضى يخدم في منزل يستعبد فيه أو يحسس بالدونيه .

[خياآل]

الشغالة انسان وواحدة من اهل البيت وتهف نفسها على اللي تشوف ولاتفكر ان وجبتها بتفقرك إلا بتكسب معها الاجر والبركة ومودة هالشغالة وتذكر ان الخدم اولاد ناس حدتهم الدنيا عليك وماهو بعيد تنحد بكره عليهم الله العالم
الله ابتلاهم بناء ويبتلينا بهم ليعلم من يصبر ويشكر
شكرا كثيرا لك

[حفيد الأكابر]

تقصد الشغالات يأكلن البايت من الثلاجة ؟!
او قصدك اكل البيت ؟!
سؤالك مبهم صراحة !

اذا قصدك اكل البيت فهذا غذاء نظيف وصحي في الغالب
بالعكس هذا دليل على وعيهن اكثر من اهل البيت انفسهم
الي اكلهم كله من المطاعم .. الله اعلم به لا ذمة ولا ضمير
اللهم لك الحمد والشكر ..

[دنيا الغرام]

غير لائق لو اكلت
من المطعم اجسب لهم ليش لا عمري ماسويتها

[حفصة]

يا حظ الشغالات لانهم ياكلون أكل صحي أكثر

[الفريده]

يمكن قصدهم ما تنكب النعم
بس عن نفسي افضل اشتري لهم معي

[مسكك الغلا]

شغالات موجودات وليش المطاعم اذا راعية البيت ماطبخت وهي عندها شغالات ينظفن ويغسلن .. اشوفه تبذير غير
انه عنصرية ... استغرب صراحة

[إنسان لا أكثر]

قالَ رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى )
صدق رسول الله صلى الله عليه وسلم
ياكثر الحالات هذي " على نياتكم ترزقون اذا نيتهم يتخلصو من الاكل البايت ويعطوه للشغالات لو فيه خير لأكلوه ، والي يهين الناس الضعفاء باتدور عليه الدنيا ويرجع مهاناً

[نشميه الحميدي]

صحيح كثير كذا او حتي اكل من امس لكن الحين شغالات :MonTaseR_213:
ماصاروا يسكتوا بذات حق شهور حتي وحده قالت لنا وقتها كنت عند اهلي
حتي ثلاجه تقفلها وحده ثانيه تناديني حماره ياشغاله حيوانه او وسخ البيت
مواعنن والبيت كانس في استراحه حرام والله هي جاءت تاخذ راتب عشان لقمه
عيالها وذله عمرها اشتغلت شغاله ولا ماكان تشتغل في بيوت