(( القَــدَرٌ موكل بالمنطق )) او (( الصدف )) .

[اسيا]

بالبدايه ؛
حابه اقول قصة حقيقيه 100٪:0741:
وانا شخصياً سمعتها من كلا الطرفين :16:
وحبيت أكتبها هنا :MonTaseR_79:
وبالفعل صارت حقيقـه :0741:

كثير من الناس يقولون أشياء
ولا تلبث سنون أو أسابيع حتى تصيبهم
على سبيل المثال …………..

.
.
.
.
.

انتظروني اكتبها الليله بـ إذن الله تعالى:16:.

[أعد النجوم]

اهلا بك

يبدو انك شوقتينا لمعرفة القصه

في انتظارك

[اسيا]

القصه :
راح احط اسماء مستعاره (( بدال الحقيقيه )) .

عائلتين بينهم صلة قرابه.

عائلة البنت ليلى (( وهي بطلة القصـه )) .
وعائلة الولد سعود (( بطل القصـه )) .

الفارق بين أعمارهم تقريباً ثلاث سنوات:) .

طبعاً عائلة (( سعود )) في يوم من الأيام
قررو يسافرون لـ الجنوب
وكانت فترة اجازه وسفرات ووناسـه .
سافرو العائله (( وبالصدفه ))
قررو عائلة (( ليلى )) يسافرون الجنوب .

وفي الطريق (( اتصل ابو سعود )) على ابو ليلى
وقال له احنا اخذنا بيت لـه جزئين .
الجزء الثاني تعالوا فيه .
وافق ابو ليلى وفي الوصول ..
وبعد يوم شاق (( وبداية يوم جديد ))
قررو يطلعون لـ السوده وفي الأجواء الحلوه .
وكانوا البنات تقريباً
(( في متوسط ، وفي الثانوي )) ..

ليلى (( بالمتوسط تقريباً )) ..

هنا البنات قررو يتركون الحريم الكبار ويجلسون
تحت الجبل والحصى ومن الجهه الثانيه العيال
والرجال .
كيذا صدفه اخت (( سعود )) الصغيره
رقت فوق الجبل ونشبت رجولها بالحصى
هنا البنات قررو يفزعون لها لمن سمعوا صوت
صياحها وكذالك العيال (( علماً ما يدرون ان البنات بيروحون صوبها ))

كيذا فجائه تقابلوا العيال والبنات .
اول ما شافوا البنات العيال نزلوا بسرعه .
بعد ما نزلوا ونزلوا العيال بقى (( سعود ))
وكانت نظراته على (( ليلى )) طلع جواله واخذ لها
صوره ونزل عند العيال ..


هنا انتهى هالجزء . .

[اسيا]

اهلا بك

يبدو انك شوقتينا لمعرفة القصه

في انتظارك

هلا بك .

نورت اخوي:MonTaseR_222:

[أعد النجوم]

النور نورك اختي

ننتظر بقية القصه

[اسيا]

بعد السفره تقريباً بسنين وكيذا ..
وكان فيه يوم عند (( ابو ليلى )) يجون الرجال
ويسلمون على شايبهم ..

هاليوم ام ليلى قالت لـ (( ليلى ))
روحي لـ الحوش وجيبي الاغراض اللي جابها اخوك .
بالصدفه (( ليلى )) وهي طالعه كان باب الحوش
مفتوح وبالصدفه الا (( سعود )) يمر من عند الباب
متوجهه لـ مجلس الرجال .
هو ما انتبهه لها لكن هي انتبهت له .

(( وقتها سعود تزوج وصار عنده بنت )) ..

طالعت (( ليلى )) مع فتحه صغيره بالباب
وقالت بنفسها (( يارب اتزوجـه )) وقتها ما كانت
ابداً بوعيها او ما حسبت لـ هالكلمه حساب

مرت الأيام ورا الأيام ..

(( وقبل ما يتزوج سعود )) راح لـ ابوليلى
وقاله انا ابي (( ليلى )) على سنة الله ورسولـه .

لكن جاه رد ابوليلى (( ليلى محجوزه لـ ولد عمها )) :( .

ومرت الأيام والأيام (( وتزوجت ليلى )) . .
وكانت ما تبي ولد عمها (( لان بين امها وام ولد عمها مشاكل )) ..
بس اهلها ما تركوا لها مجال لـ الرفض ..

اول ما تزوجت كانت بين فتره وفتره تدعي بـ
(( الطلاق )) انها تتطلق من ولد عمها .
وكانت حياتها مشاكل في مشاكل كان دايماً
يشك فيها كان يقفل البيت وما يتركها تدخله
وللأسف اهلها مو مقتنعين بـ هالشيء :(

وصار الطلاق دايماً على لسانها .

وفي يوم من الأيام ولد عمها تركها عند اهلها .
وما صار يسأل عنها وبعد تقريباً نص الشهر
ارسل ورقة (( طلاقها )) الفرحه وقتها
مو سايعتها ..

تم الطلاق بـ حممدلله ..
بعد سنه من زواجها (( واكثر شي مبسوطه منه ما بينهم اطفال )) :) . .


انتظروا الجزء الثاني . .

[اسيا]

بعد (( الطلاق )) تقريباً ..
(( ليلى )) شالت فكرة الزواج من رأسها
انو خلاص ما راح اتزوج الرجال نفس بعض
وووو الى مالا نهاية . .

في يوم من الايام . .

كانت (( ليلى )) جالسه بروحها ..
وجاء ابوها وقال لها (( جاني رجال وخطبك مني ))
هنا (( ليلى )) كان جوابها الرفض .

قال لها ابوها (( فكري وردي لي خبر ))
(( ليلى )) هنا ما تدري منو اللي خاطبها !!
ومستحيه تسأل أبوهاا :(

بعد اسبوع تقريباً (( انصدمت )) من اللي خطبها
ابداً ما توقعت انو راح يخطبها ..
ورفضت . .

قالت امها لها (( استخيري )) . .
وخذي راحتك .
لكن (( ليلى )) رافضه بحكم انه (( متزوج )). .
وحده من اخواتها كانت تقنعها بالرفض .
والباقي كانوا موافقين . .
ويشجعونها توافق . . وقت ما خطبها هالشخص
ما وقف جوالها من الرسايل (( المجهول )) اصحابها
كانوا يسبونها ويدعون عليها . .
وكل مالها تخاف زياده :( . .

قررت بالنهاية تصلي صلاة الاستخاره وبالفعل
بعد ما صلتها كأن فيه احد يشجعها
على الموافقه ولانها ما راح تندم ابد ابد :) . .

خبرت امها بموافقتها . .
ومن بكرا الصباح راحت مع ابوها يسون التحاليل . .

سالها ابوها اساله خاصه وقال (( سعود )) يبي الزواج بسرعه لانه بيسافر عنده عمل ويبي يأخذك معاه . .

المهم الزواج صار بـ اسبوع تقريباً . .
ثلاث ايام راحت تقضي تجهيزات الزواج . .
واليوم الرابع سوت الحنا ..
والخامس الزواج . .

وبالسفر او شهر العسل . .

قال لها (( سعود )) كنت احبك وابغاك من زمان
بس ابوك رفض لان ولد عمك يبيك :(
والحين انتي صرتي حلالي . .

قالت (( ليلى )) وانا وقتها تمنيت اتزوجك وانت متزوج وقتها والحين انت زوجي وبالحلال :( . .

هنا (( كثير مجهولين يسبون ليلى ليه تزوجت متزوج )) والنصيب دائماً يصيب واللي كاتبه ربي بيصير . .

سألت (( ليلى )) سعود ليه تزوجتني وكان جوابه
انوا ابداً مالقى الراحه من بعد ما تزوج . .

والحمدلله الحين عنده (( ابع عيال من زوجته الأولى )) . .
وزوجته الثانيه (( عندها ولد وبنت )) . .

ومرتاح مع زوجته الثانيه . .
ولازالت مشاكله مستمره مع زوجته الأولى . .
وكمان عياله ينادون على زوجة
ابوهم (( ماما )) . .
والله يخلي ابوهم لهم . .
ويعيشون حياة سعيده وبعيده عن المشاكل . .

وبالنهاية ربي حقق امنياتهم ..
وتزوجوا بالحلال . .

وانتهت قصتنا:MonTaseR_65: . .

[أعد النجوم]

سبحان الله النصيب شي لا يمكن توقعه

قصه كانت رائعه

بوركتي اينما كنتي

[الفريده]

يا وجع القلب
لكن الله لا يجعلنا نصيب للي يتمنى غيرنا نصيب
:MonTaseR_11:

رغم اني مستعجله قريتها اسلوبك حلو وخفيف
وما زوتي اكشن ودرامه لجذب القراء
لروحك:MonTaseR_11:

[ابو الملكات]

كنت هنا مع قصتك الرائعه وبنتظار جديد روائع يراعك الماسي
كل الود