مشكلتي مع زوجي

[ليالي وقمر]

مرحبا بنات كيفكم ياحلوات :MonTaseR_185:
انا متزوجة صار لي تقريبا 5 شهور يعني عروسة جديدة
وساكنة دور فوق حمولتي
باقول لكم مشكلتي مع زوجي المشكلة السخيفة
وكم مرة فتحت الموضوع معه
المشكلة هي تقطيع لحم الاضحية
بنات اقسم لكم بربي مو سالفة دلع ولا غيره بس والله من طلعت من بطن امي ماقد قطعت لحم اضحية .. في بيت اهلي امي وجدتي يتعاونون عليه يقطعونها تقطيع كبار حق التوزيع واللي يبقى للبيت يودونه الجزار
المشكلة هي الله يسلمكم بالتفصيل
قبل اسابيع جبنا طاري عيد الاضحى ولحم الاضحية انا هنا قلت خليني اعلمه من البداية اني مراح اقطع لحم يوديه الجزار او يجيب عامل يعاونه يقطع القطع الكبار اللي تتوزع او الحمدلله الدنيا تطورت صار فيه مواقع تختارين اضحيتك وتوصلك مقطعه ومغلفه وجاهزه
هو رفض جميع هالحلول وقال تنزلين تحت تقطعين لحم ولا بعد زعل حمدالله والشكر ..
المهم بعد عدة مناقشات وفكرت مع نفسي قلت الشكوى لله باقطع لحمته وانا زوجته وانا مكفولة بلحمته بانزل واقطعها .. المهم امس انفتح الموضوع وقال انه امه بتضحي وفيه اضحية عن ابوه الله يرحمه ويغفر له .. قلت واضحيتك قال لا مراح اضحي .. قلت يعني انت ماقد ضحيت قال لا (قلت في نفسي اجل ليه يكذب علي انه فيه اضحية له ولازم انزل اقطعها والخ)
المهم قلت له خلاص معناته دامك مراح تضحي اجل مافيه تقطيع لحم هالسنة .. السنة الجاية ان شاء الله كانك ضحيت قال خلاص ومد البوز شبرين
المشكلة وين ؟ هو مراح يضحي يعني ماني مكفولة بشي
بس لاني ساكنة فوق اهله .. ويقول صعبة تنزلين الصبح تسلمين عليهم سلام العيد وترقين ما تساعدينهم بتقطيع اللحم ! اللي هي اضحية امه وابوه
شوفوا بنات لو امه بلحالها ولا مافيه احد يعاونها باقول تم
بس خواته 4 كبار وكل وحدة اسنع من الثانية مع خالتي مع شغالة مرة اخوهم هذا اذا مرة اخوهم جت هالعيد ولا لا الزبدة عددهم 5 الى 6 ما شاء الله غير حريم عيالهم اللي يجون من منطقة ثانية وينامون في بيت الحمولة مادري بيقطعون ولا لا .. باختصار العدد يكفي ويوفي يتعاونون عليها .. انا ماني مكفولة بلحم احد .. غير اخوانه اللي يضحون ويجيبون ضحاياهم
الزبدة بنات انتوا وش رايكم حطوا نفسكم مكاني
ورجاء بلاش ردود سخيفة .. ردوا باحترام هل معي حق او غلطانه .. انا مادري دلوني يمكن غلطانة

[M.ahmad]

والله بعد كلامك اللي قلتيه لو كنت أعرف زوجك كان قلت له هذي السنه لابد يضحي ببقره أو جمل عناد لك عشان تقطعينه بنفسك ولوحدك

لأن كان المفروض تتنحي وتقولين له طيب خلاص بقطع اللحم مع عمتي ولو تبي أقطع لحم الجيران كمان أنا جاهزه
ولكن جبتيها لنفسك بدون ماحد يسمي عليك فإنجبر يفرض عناده عليك لإغاضتك .

[ليالي وقمر]

والله بعد كلامك اللي قلتيه لو كنت أعرف زوجك كان قلت له هذي السنه لابد يضحي ببقره أو جمل عناد لك عشان تقطعينه بنفسك ولوحدك

لأن كان المفروض تتنحي وتقولين له طيب خلاص بقطع اللحم مع عمتي ولو تبي أقطع لحم الجيران كمان أنا جاهزه
ولكن جبتيها لنفسك بدون ماحد يسمي عليك فإنجبر يفرض عناده عليك لإغاضتك .



اقول تكفى ليتك ساكت
مادري هي متزوجه شخص ولا متزوجة عائلة وقبيلة وجيران بعد
ماتدري تقوم بواجباتها تجاه زوجها فقط ولا تحسب حساب قائمة لواجبات القبيلة والجيران والحارة اللي بالاساس ماهي واجبات
الشي لو يخص اهلها او قبيلتها وجيرانها وحارتها والخ
كان ماعاد شفنا وجيهكم

[مسكك الغلا]

شكلك مدلعة وهذي غلطة امتس من الاساس
البنت تتبع حمولتها وام الزوج بمقام امها
ع فكرة بنت الحرمه هي زوجة ولدها ان كان بها خير
اما بناتها بيتزوجن وان كان بهن خير بيكونن سند وعون لعماتهن
ام الزوج نقول لها عمه ... المراد يابنت ماني شايفه اي مشكله
من الاساس بنت وتتدلع فقط لا غير

[ليالي وقمر]

شكلك مدلعة وهذي غلطة امتس من الاساس
البنت تتبع حمولتها وام الزوج بمقام امها
ع فكرة بنت الحرمه هي زوجة ولدها ان كان بها خير
اما بناتها بيتزوجن وان كان بهن خير بيكونن سند وعون لعماتهن
ام الزوج نقول لها عمه ... المراد يابنت ماني شايفه اي مشكله
من الاساس بنت وتتدلع فقط لا غير

احنا بيئتنا ومجتمعنا نسمي اهل الزوج حمولة او خوال
ونسمي الام خالة والخ
ثانيا اذا على الدلع .. عروس ويحق لها تتدلع
لاحقة على السناعة مخليتها لك حبيبتي مابيها

[عطر النَّدَى]

عندي سؤال
كيف المراة تقطع الاضحية يعني تفصلها تفصيل ؟!
اليست هذه مهمة الرجال او الجزار ؟!
اول مرة اسمع المراة تقطع الاضحية !
المهم عزيزتي
في هذه الامور استخدمي عقلك جيدا
بلاش تهدي باقي ايامك من أجل يوم ممكن ما تفصلي
فيه الاضحية والباقي يتكلف بالمهمة
الا لو حبو يجربوك اذا قدها ولا لا
و واضح أن هذا اللي مخوفك !
أعطي للامور حجمها الطبيعي
وبلا ما تخلقي مشكل من لا شيء

الله يعملك اللي فيه الخير

[آسيرة حرف]

الفاضله / ليالي القمر


الحمد لله بخير عساك بخير

اول شيء الاضحيه سنه زوجك ليه مايبي يضحي عنه وعنك صرتي زوجته ولازم يضحي
هو اول مايضحي لان اهله يضحون عنه وانتي ابوك
لكن اللحين الوضع مختلف هو متزوج والمفروض يضحي عنه وعنك
كيف كذا هذه سنه مؤكده وهي تكون عن الاحياء وليس الاموات
من بغى يضحي عن ميت كثر الله خيره
الا في حاله واحده مو قادر مادياً

وحتى لو ضحى ترا مو شرط تقطعين اللحمه معروف عندنا ومتعارف هذه مهمة الزوج
واذا ماقدر يقطعها يجيب له من يقطع له
الزوجه تطبخ وكثر الله خيرها
لكن مو جزار للتقطيع :xss: كل شيء يبونه للحريم سلامات
والله هذا الشيء مو بس عندنا كل اللي حولنا كذا
التقطيع ع الرجل
والاضحية سنه مؤكده ع كل متزوج حتى وان لم يكن لديه ابناء
طالما انه متزوج عليه اضحيه


وبعدين تعالي اهل زوجك اهلك بغيتي تساعديهم ذا شيء يرجع لك منتي مجبوره ولاهي عيب ان قلتي لا
وزوجك فين بيكون وقت التقطيع ليه مايساعد اهله
وليه من الاساس مايبي يضحي ؟
غريبه العائله ذي يضحون عن الاموات والاحياء لا
خليه اذا عنده استطاعه يجيب اضحيه ويضحي عنك
خلاص مسؤول عنك هو


بينما انا ما اشوف ان فيه مشكله منتي مجبوره تساعدين احد
ذا شيء يرجع لك انتي
فما اشوفها مشكله من الاساس انك رفضتي
حقك وابسط حقوقك
عساهم لاقطعوا لحمه ولا ذبحوا اضحية


تقبلي ردي وعبق وردي مع خالص احترامي لسموك
آسيرة حرف

[نواهل]

صراحه هو غلطان في جزارين وفي ناس تقطع وتغلف ليش يرفض
بس تصدقين هو معذور يعني هذي عويدهم لزم يكون ريحة البيت الصباح لحم
انت قطعي معهم وهم ما حيضغطون عليك بحكم انك عروس ترى اضحيه اهون من تقطيع ذبيحة رمضان
ودام عقله كذا انتي بشطرتك اقنعي اهله ع الذبايح الجايه او اشرحيلهم وضعك
او الافضل والاصح تعتبرينها تجربه جديدة وتتعلمين لانك لو مشتغلتي حيصيرو يقولو ليش بس هي ومشاكل مالها اخر الله يعينك ويقويك


ملاحظة : ادلع حلو لكن لا تخلين الغرور يكون مصحب لدلعك عشان ما يخرب علقتك مع اللي حوليك
انتي ببية جديدة الحين بعيد عن اهلك حولي تتركين اثر طيب تخليك المحببه لهم

[ليالي وقمر]

لا احنا مجتمعنا غير للاسف .. ياليت التقطيع ع الرجال
احنا عندنا الرجال يذبحون ويسلخون ثم يدخلونها على الحرمة تقطعها وتجزئها
ياصبر ذالحرمة تربي وتنظف وتقطع وتطبخ وتنفخ ولا يملى عينهم شي يدور الشي اللي ماتسويه

[العـ(احمد)ـالمي]

بما ان الرجال هم اللي يذبحون ويصلخون
المفروض هم اللي يقطعون الذبيحة وهذا الحاصل عندنا
لان المرأة عليها التنظيف والغسيل والطبخ واعمال كثيرة
فلازم يكون فيه مساعدة بين الجنسين حتى تستمر دورة الحياة
وانا اشوف ان زوجك غلطان خصوصا انك باقي عروس ربي يسعدك
بس حاولي تمسكين العصا من المنتصف واعتبريها تجربة جديدة
ويمكن تتعودين عليها بعدين ويصير الوضع عادي وتكسبين محبة حمولتك

[صعفق طاش كندي]

اذا هذا اسلوبك بالرد

مالوم زوجك لو حط على راسك حبشيه

مدري احس دلعك زي دلع عبد الناصر الدرويش
يوم قلد دور عروسه بمسرحية طارق العلي

https://youtu.be/F30v_TTOKb8

[خياآل]

نفس القصة تتكرر في كل بيت
زوجتك ماقامت تساعدنا !
خواتك جالسات وانا كني شغاله اركض بينهن !
الحريم ومناوشتهن مع بعض ماتنتهي
المشكلة الضحية هالرجال المسكين امه وخواته من جهه (ورى ماتسنع حرمتك )
وزوجته من جهه ( انا ماني خدامه لهلك ) تقطيع في هالمسكين بالكلام شيسوي الرجال يشق ثوبه يهج عنكم
على فكرة نفس القصة صارت لي بس كنت انا في طرف الولف هوع هع
تونا متزوجين من شهرين
وجبت زوجتي تسلم على اهلي تعايدهم
وذبحت الاضحية وسلخت ابوها اللي جابها ههههه
خليت الذبيحة مقطعة مفطح والجنوب
ورجعت اتقهوا مع الوايف هوع هع ونقرمش في المكسرات والحلى وتدخل اختي هجوم كاسح ! تقول لزوجتي وراء ماتقومين تقطعين ضحيت رجالك !
البنت استحت ماتدري وش ترد
واقوم انا قلت احشمي البنت هذا بيت امك وابوك ليش تقوم تقطع كل حرمه تسنع بيتها وبيت اهلها
الى الان حرب البسوس مستمرة من سبع سنين والنفوس شينه بين الحريم
ارجع اقول حنا الضحيه ودامك عايشة بنفس البيت قطعي الضحية الله لايهينك يالنشمية وفكي زوجك من المشاكل :ورده:

[شطرنج]

قالتها اخت هارون الرشيد
حينما قالت
(نحن نساء مع رجالنا ورجال مع غيرهم)

وكلام اخوي
حطاب الغدرى
الخلاصة


انتي انظري للموضوع
من نظرت زوجك
مو نظرت اهل زوجك

لأن في الاول والاخير
زوجك هو اهلك


على فكرة
عامة
الرجال يحترمون ويعزون الزوجه
الي أفعالها افعال رجال

ولها مكانة ومقام في كل مجلس عائلة
حتى في غيابها

[عبدالله همام]

بصراحة ما قصروا الأعضاء في الردود
باختصار عليك اولا بترك الغضب والعصبية
وعليك بالتأني في الرد على زوجك او غيره.
ثانيا بغض النظر على وجوب مساعدة أهل زوجك
أو عدم الوجوب اذكرك بوصية كانت توصي الأمهات
بناتهم بها عند زواجهم إلا وهي
(كوني له أمة يكن لك عبدا)
لا تتعاملي معه بندية كلما تواضعت أمامه وسمعت كلامه كبرت في عينه،
وإذا كان ابن اصول ما بنسى لك هذه المواقف
ويحفظها لك ويردها بالمثل في معاملتك ومعاملة اهلك.
فلا تأخذي الأمور بعصبية بسطيها واكسبي قلب زوجك

[لولوه الزعاقي]

هههههههه موضوعك بالصميم انا لو بمكانس لا طبعا نقول كلمه الحق
لو حقتس ايه اما اهله لا وش دخلنا فيهم مساله لو تقطيع او مساعده او طبح او تنظيف
يدروا زوجته ولدهم لكن اذا فيه اشياء ثانيه انه يطلعوا او يسافروا او شي خاصه بينتهم مايتكلموا حلو وحده تكون علاقته رسميه مع اهل زوجها ايه ام زوجي :ah11: على عيني وراسي لكن خواته او اخوانه لا والله :MonTaseR_4: قعلتهم ههههههه بكره مايجي من وراهم الا مشاكل قال وقيل ناس تتدور على انفسها سالفه مشكله انس معاهم بالبيت ههههههه صادقه يعطونهم 200 زياده يجي كل شي مقطع وبعد اجر ولا هلاك اهل بيت
يكفي عليس عيالس وبنتك وبسسس

[صعفق طاش كندي]

هههههههه موضوعك بالصميم انا لو بمكانس لا طبعا نقول كلمه الحق
لو حقتس ايه اما اهله لا وش دخلنا فيهم مساله لو تقطيع او مساعده او طبح او تنظيف
يدروا زوجته ولدهم لكن اذا فيه اشياء ثانيه انه يطلعوا او يسافروا او شي خاصه بينتهم مايتكلموا حلو وحده تكون علاقته رسميه مع اهل زوجها ايه ام زوجي :ah11: على عيني وراسي لكن خواته او اخوانه لا والله :montaser_4: قعلتهم ههههههه بكره مايجي من وراهم الا مشاكل قال وقيل ناس تتدور على انفسها سالفه مشكله انس معاهم بالبيت ههههههه صادقه يعطونهم 200 زياده يجي كل شي مقطع وبعد اجر ولا هلاك اهل بيت
يكفي عليس عيالس وبنتك وبسسس

هذا النموذج خطر على صحة البنات

انتبهوا