لاني متزوجه واحد على قد حاله

[لولوه الزعاقي]

السلام عليكم ورحمه الله وبركاته

صباحكم حب وسعاده

انا متزوجه ومعي 3 اطفال الله يحفظه ولايحرمنى منهم يارب

انا لى شهور ماانام زين لانه انا من عائله غنيه ومترفه ربي لك الحمد

اهل زوجى من عائله على قد حالها لكن زوجى يحبني ويحترمي

خوالى واعمامى يعايروني وش له اخذتي هارجال ماغير حش ونميمه

كيف خواتك واخوانك يسافروا ويطلعوا ووانتى بس تجين لنا شاليه بالقصيم
حتى عيالهم يقولوا عيالي وش له ماتسافروا بابا ماعنده فلوس احنا لابسنا ماركه وتعرفوا الاطفال وكلامهم اكيد كلام اهلهم وانه زوجى من قبيله ثانيه
ايه عيالس يشبهوا ابوهم :MonTaseR_26: يحاولوا يضايقونى اي كلامه
قولت لهم حمد لله انه زوجى رجال مو حق رجاجيل هازمن بنت عمتى مطلقه
تعايرني ورديت عليه امي عيب عليس قولت انا ماغلطت اقول كلمه الحق
وش دخلها بحياتي
هاشي السفر عمري ماقارن الله يسعدهم انا حيل تعبانه من الايجار
ابي بيت ملك شلون على الاقل دور بكم اذا كنت بدمام او الرياض
بحاول اجمع مبلغ انا وزوجى نشترك بما انه حنون وطيب وبار في اهله
ناقصي بيت وسلامتكم
السفر لاحقه الحين كورونا هههههههه كل شي صارت رخيصه بذات طيارات الى اوروبا من اتزوجت ماعمري سافر خارج مملكه حدى القصيم بريده تبوك عرعر الحفر باطن وبسس

[BlueCocktail]

عن أبي هريرة  قال: قال رسولُ اللَّه ﷺ: انْظُرُوا إِلَى مَنْ هو أَسفَل مِنْكُمْ وَلا تَنْظُرُوا إِلَى مَنْ هُوَ فَوقَكُم؛ فهُوَ أَجْدَرُ أَن لا تَزْدَرُوا نعمةَ اللَّه عَلَيْكُمْ متفقٌ عَلَيْهِ، وهذا لفظ مسلمٍ.
وفي رواية البخاري: إِذا نَظَر أَحَدُكُمْ إِلَى مَنْ فُضِّلَ عليهِ في المالِ وَالخَلْقِ فلْيَنْظُرْ إِلَى مَنْ هُوَ أَسْفَلُ مِنْهُ.



القناعة كنز لا يفنى

[خياآل]

مشكلة كثير من الحريم اليوم فاضيات ماغير يتلفتن في جنوبهن ويدورن وش ناقصهن هوع هع
وين مسك ترد على هذي :MonTaseR_173:

[مسكك الغلا]

:MonTaseR_38:

عزيزتي دامك مقتنعه بزوجك
وراضيه ع وضعك ليه فاتحه الموضوع
ماهنا مشكله ... ( مد رجلك ع قد لحافك )
اذا ميزانيتكم قليلة الحمدلله فيه اهم شي
عندكم شي تاكلونه وتلبسونه ... حنا بخير ونعمه
بلاش مقارنات ولو احد قال شوفي وفلانه وفلانه
وريهم مقاطع لشعوب ماهي لاقيه تاكل
الحمدلله والشكر لله على نعم غيرنا فاقدها :b045:

[M.ahmad]

انتي مشكلتك أنك تستمعين لكلام الناس وتقارنينهم بحياتك

لو تبطلين هذي العاده السيئه ستعيشين براحه في كنف زوجك

[آسيرة حرف]

الفاضله / لولوه الزعاقي

وعليكم السلام ورحمة الله وبركاته

مساك رضى وسرور مساك رضى من الرحمن


اللحين ابي افهم وين المشكله بالضبط
اذا انتي تحبيه وراضيه عنه وعن عيشتك ليه تعطين مجال لخوالك واعمامك
يتكلمون في زوجك ويقولون عنه كذا
ليه ماتقولين لهم انا مرتاحه ووضعي عاجبني
وانتم مالكم حق تقولون لي ليه
ولا لكم دخل في حياتي يعني لازم اقلدكم ولا اقلد خواتي

بخصوص اطفالك واحده من الثنتين يا انك تفهميهم ان حياتكم مختلفه
ترا الاطفال يفهمون ويشاركون اهلهم
او تتجنبي تجيبيهم يختلطون مع عيال العائله
لا م يتعلمون الرضى وعدم المقارنه
نعرف ان الاطفال يبون كل شيء ولكن مشاركتهم تحد هذا الشيء وتساعدك

اما من ناحية الاجار
ماعندي معرفه بهذه النقطه
ولكن اعتمدوا لكم خطه في توفير مبلغ مالي ان امكن عشان يكون عندكم
مستقبلاً سكن ملك

في خصله ماعجبتني فيك
الشماته اوه صح ماتقصدين الشماته السالفه قهرتك
سؤال ليه انقهرتي انتي مرتاحه مع زوجك صح ليه يضايقك من حولك
يعني اللحين عشانك انقهرتي قمتي تعايرينهم
ان بنتهم مطلقه
انتي عندك علم بالمستقبل ؟
تظمني زوجك للمدى البعيد مايتغير عليك او يطلقك
كلنا نجهل المستقبل وصعب نحكم عليه
يقولون صاحب الشماته مايموت الا عاش اللي بدر منه في الدنيا
الدنيا دواره

فليه تفتحين لنفسك باب كان المفروض انه مقفل
وان تضايقتي وان كان كلامهم سم لاتأذين نفسك بكلمه منك تأثر على حياتك
تجنبي كل شيء حولك يوصلك لمرحلة تتشمتين فيها بدافع القهر
لانك راح تنصفعين من نفس الباب
خاصه انك تكلمتي في وحده ماكانت موجوده وانما دقيتي غيرها بها لانهم ع صله بها
كل انسان يعيش قدره في الدنيا


الله يرزقك البيت والحياه اللي في بالك
تقبلي ردي وعبق وردي مع خالص احترامي لسموك
آسيرة حرف

[لولوه الزعاقي]

كاتبه الموضوع لانه يطققوا وياخذوا الامور تريقه واستهزاء فيني
وانا ماعمري اتشلم الا شماته لكن هي نرفزتني تبيني اسكت لها لا والله
وحده من خواتى بتسافر اوكرنيا اللى طاحوا عليها شعبنا لكن انا عادي قولت لهم
بروح اى مكان داخل السعوديه نعمه واخذ لى شاليه فيها مسبح يومين وارجع البيت
تكفون علموني اتمني بس بيت ملك لي الله يرزقنا منا ومنكم من واسع فضله يارب
يصير اخذ دور ملك الى ربي يرزقه زوجى واخذ فيلا باذن الله اهله على قد حاله ماعندهم امكانيات وانا احتمال اساعد زوجى دامه يصونى ويحبني الحمد لله

[شطرنج]

اهلك هم زوجك واولادك
وبر الوالدين
ومعاملة اهل زوجك بحسنى


وباقي ما تبقى
والله انه لو تتعمقي بحياتهم
تلاقي مشاكل تحصدهم
بسبب ألسنتهم

لا تفكري
ان الله يترك احد بدون عقاب
في الدنيا

ورب العباد ينظر للقلوب فقط
وكل فلوس الدنيا
لا تنجي الشامتين

بكرة راح تسمعي عن الذي يشمتون
فيكم كيف رب العالمين يعاقبهم
في نفس ما يفتخرون فيه


واصبري الصبر الجميل

اما بنسبة لتمليك بيت خاص

هذي بدها تخطيط
وادخلوا انتي وزوجك إستثمار
كل واحد منكم في مشروع

غير اعمالكم الاساسيه

والمشروع يمول بيتكم
بطريقه تلقائية



فيه عندي لكم طريقة
تأسسوا قصر
او تشترو قصر

وهذه الطريقة بدها جهد
ونظرة ثاقبة

وحتى اختصرلك اياها

تأمني صفقة تجارية
لأي شركة

بقيمة مليون ريال
او 700 الف
او اكثر
اهم شي ما تكون أقل من 500 الف


بعدها تكتبوا عقد اتفاق
مع الشركة ومعكم

واحد شروط العقد الاتفاق
ان الشركة تشتري لكم ارض

مقابل الصفقة


واعملوا هذي الطريقة كذا مرة

بعد سنة
او سنة ونصف يصير عندكم قصر

واحيانا تختصرو السنة
وتصير في فترة قياسية


هذي الطريقه عن تجربة

لكن بشرط صوبي الهدف 100%

مافي مجال للخطأ


الله يوفقكم

[حفيد الأكابر]

يوه نفس الشي

[سويت ليدي]

تمسكي فيه والله يوفقكم ويفتحها بوجيهكم
ولا عليك من كلام الناس اللي لا يودي ولا يجيب. (https://sweet-lady-store.com/offers)