لماذ شباب القصيم يختلفون عن شباب المناطق الاخرى

[مشكلتي]

السلام عليكم ورحمة الله وبركاته
عندي سؤال نفسي اعرف اجابته
وش أميز شباب القصيم عن المناطق الاخرى
الان ماشاء الله عندهم موسوم التمور
قريت خبر في صحفية انهم يوزعون لجميع
مناطق المملكة

[حفيد الأكابر]

بما اني من أهلها فأنا بجاوبك بشكل مختصر
اهل القصيم عرف عنهم من قديم الزمان انهم
اهل جد وعمل ومثابرة في التجارة
وهذا لا يعني أن المناطق الأخرى هم اقل منها بهذا الشأن
لكن اهل القصيم عرفوا وتميزوا بالتجارة ولا ادل على ذلك
إلا رجال العقيلات كانوا لا يدعون بلد من البلدان المحيطة
بها إلا ولهم قدم سبق في التجارة والتعاملات التجارية معها
وهم قد عرفوا بذلك من قديم الزمن ، وربما شبابهم ورثوا
جينات آبائهم فلذلك تجدهم مميزين في مجال تجارتهم وريادة الأعمال
هذا ما أحببت قوله وحسب

[إحساس طفله]

ي عزيزي
اهل القصيم معروف عنهم يحبون التجاره في كل شي ماشاءالله ..
يحبون يشتغلون ويجتهدون .. عشان كذا تلقى عيالهم مثلهم ..
مو مثل باقي المناطق .. اغلبهم يجتهدون بس الباقي دلوعين يبون احد يصرف عليهم ..
او تلاقي واحد عنده شهادة الابتدائي او المتوسط ويبغا يكون ع مكتب ولا مدير ..:MonTaseR_54:

[M.ahmad]

اللي يميز رجال ونساء القصيم أنك تلقاهم في كل مكان من كوكب الأرض
حتى لو تروح صحراء خاليه من البشر والحيوان والنبات ستجدهم مخيمين وشابين النار وتعرفهم من لهجتهم

أجمل مافيهم أنهم يرددون على ألسنتهم كلمة (( ماشاء الله )) بإستمرار ، ولو تدقق معي في ذلك ستلاحظ أنهم يذكرونها أكثر من أعداد أنفاسهم وهذا دليل على الفطره السليمه التي فطرو عليها

وأشين مافيهم أذا زارو دوله أو منطقه أو بلده أو مقاطعه أو حتى قريه يسببون طفره في مواقف السيارات لدرجة أن الأهالي ينجبرون يوقفون سياراتهم في أماكن بعيده عن منازلهم

وأغرب مافيهم انك لو وجدت قصيمي إشترى طياره لا تستغرب فيه يحولها لديزل

اللي بس نفسي أعرفه عنهم شيء واحد فقط وهو :
(( وش بينهم وبين أهالي حايل ؟ كل ماسألت أحد فيهم وين رايح قال بروح عند خوالي في حايل ))
يعني حبكت يكونون خوالك من حايل ؟ ليش مو من أي منطقه أخرى ؟

ولكن أولاً وأخيراً يظلون القلب النابض لسعوديه .

[مسكك الغلا]

القصيم منطقة زراعية واغلب انتاجها التمور لذلك ليس بمستغرب
والسكان الاصليين للقصيم هم مزارعون وتجار تربو على ذلك منذ
الصغر .. والقصيمي غالبا حريص ليس بخيل انما حريص فهو يدرس
اي مشروع قبل الخوض فيه من جميع النواحي .. هذا ماعرفناه عنهم
والعقيلات هم اساس تجار القصيم كانو ينتشرون بكل مكان لكسب رزقهم
وهذا ليس بعيب

[خياآل]

معك حق ومن وجهة نظري ان السبل مهيئة لهم للانجاز والتميز بسبب امتلاكهم لشخصيات لها نفوذ ووجاه وسبق في الريادة في شتى المجالات داعمه لكل تطلعاتهم
إذا ذهبت إلى الدولة فهم الوزراء
إذا ذهبت إلى العلم فهم العلماء
إذا ذهبت إلى التجارة فهم التجار ( العقيلات ) كانوا هم المحرك لااسواق الشام والعراق
إذا ذهبت إلى الخير والاحسان فهم اهله
إذا ذهبت إلى الصلاح فهم اهل الصلاح والتدين
إذا ذهبت إلى للتربية والثقافة والمعرفة فهم السابقون
إذا ذهبت إلى لاهل البر والرحلات والقنص فهم رقم واحد
هذه العوامل تجعل من شباب القصيم مكوك انساني في سماء السعودية

على فكرة انا لست من اهل القصيم في الاصل لكن جابنا الحظ الطيب لها &

[بنت عنيييزيييه]

زي ماقالوا لك
لاننا من وحنا صغار رابين على التجاره وعلى الشغل ماحد يستنكر على الثاني هالشي بالعكس كلن يقوّي الثاني ع التجاره ومنها تمدد الموضوع ����