المساعد الشخصي الرقمي

مشاهدة النسخة كاملة : مساجلة شعرية بيني وبين الشاعر عتيق (3)


الوله
09-04-21, 11:30 PM




أسعد الله قلوبكم بكل خير


مساجلة شعريه بيني وبين صديقي الشاعر عتيق





البداية من عتيق



ليش عيني ماتشوف اللي تشوف
يا وله ويش السبب عينك ترا

واللحون اللي على نقر الدفوف
جاريه يا ساريه عم جرا

اتهجى واتهيجن بالحروف
واكتب اللي بالمعاني ينقرا

والحبر ينسج حرير و قطن صوف
والخطوط اقشر خطوطك يا أحمرا

نعرف اللي ما يهاب و فيه خوف
ونعرف اللي بالمواقف له زرا

وطيبنا ثابت على حسب الظروف
اللي لو أقدم بها ما أرجع ورا

الشعر ماني على طرقه شغوف
علم اللي قال عن شعري شِرا

*

*


*


وهذا ردي


وقفت يعني على بعض الظروف
والله ان اقهر ظروفي و الهُرى

لا يهمك والشعر عندي ألوف
يدري اللي عن قصيدي ما درى

كل عبد وما نوا بين الصفوف
لو يكون بمكه او أم القرى

ساعة اللي يسمع لضرب السيوف
يتضح من هو وقف واللي جرى !!

كل شاه معلقه تنسى الوقوف
ما تطأ اقدامها أية ثرى

يا عتيق الشعر والمعنى لهوف
اشهد انك شاعر وسيد اشعرا

جاي تسأل ليه انا عيني تشوف
ما دريت ان السبب قل الكرى

أعد النجوم
09-05-21, 02:38 AM
الله عليكم شعرئنا الكرام

ابدعتوا جدا لله دركم


صحت السنتكم



يختم ل 3 ايام مع التقييم والايك

الوله
09-09-21, 12:56 AM
الله عليكم شعرئنا الكرام

ابدعتوا جدا لله دركم


صحت السنتكم



يختم ل 3 ايام مع التقييم والايك

اهلا بشاعرنا الأنيق

صح الله بدنك

شكراً جدا
وممتن لنوورك وكرمك هنا .

يعقوب الشمري
10-05-21, 11:25 AM
نعرف اللي ما يهاب و فيه خوف
ونعرف اللي بالمواقف له زرا

&
&&


كل عبد وما نوا بين الصفوف
لو يكون بمكه او أم القرى


الله الله
ابدعتوا وصحت السنتكم
تقبلوا مروري :)

الوله
10-11-21, 12:32 AM
نعرف اللي ما يهاب و فيه خوف
ونعرف اللي بالمواقف له زرا

&
&&


كل عبد وما نوا بين الصفوف
لو يكون بمكه او أم القرى


الله الله
ابدعتوا وصحت السنتكم
تقبلوا مروري :)

صح بدنك

اسعدني تواجدك يا نقي

كل الود لك .


SEO by vBSEO 3.6.1