المساعد الشخصي الرقمي

مشاهدة النسخة كاملة : فريد في الهوى نوعي


بكاء بلادموع
09-22-21, 02:25 AM
السلام عليكم ورحمة الله وبركاته

تحيه طيبه لزوار الحرف وجموعي




ما بين الضحكه والضحكه
أميال صمتي ودموعي

حياه ما باين لها سكه
ما بين مرواحي ورجوعي

سنين العمر بتعدي
بتجري ولا بتهدي
مش فارقه كتير عندي
ولا هي اساس لموضوعي

طريقي رسمته فى احلامي
وخطاوي مشيتها فى ايامي
وهيفضل حلمي قدامي
راسمه فى قلبي وضلوعي

عدي يا هوى عدي
وسيب لي حلمي علي قدي
دا لسه فى الحياه وردي
بسقيه والصبر ينبوعي

لسه فى الحياه لسه
قلوبنا بالهوى حاسه
خليني يا ضحكتي أنسى
دموع كسري وخضوعي

ايوه انا اللي كنت زمان
مليان فى الهوى احزان
وأماني فى الليالي كان
في عز ضلمتي شموعي

مبقتش من الليالي بخاف
ولو حتى القمر خواف
ولا بان فى السما واتشاف
كفايه فى الهوى سطوعي

كفايه ان انا انسان
عشت فى الهوى حرمان
وقابلته بضحكة الاحسان
وفريد فى الهوى نوعي



22 سبتمبر 2018
ياسر ابراهيم خليفه

خياآل
09-22-21, 09:19 AM
وانت تقراها كانك تسمع اغنية لعبدالحليم
ابيات ذات شجن يابكاء صح البوح &

سيدهم
09-22-21, 10:00 AM
قصيدة رائعة اخ ياسر
قلم يكتب باحساس صادق
لقلبك السعادة الدائمة

أعد النجوم
09-23-21, 11:56 PM
قصيدة جدا جميلة

بوركت وبورك قلمك العذب


يختم ل 3 ايام مع التقييم والايك

بكاء بلادموع
09-24-21, 01:05 PM
شكرا لكم أيها الأحبه

بحضوركم ازهرت ربوع الحرف
وبحروفكم يزهو الجمال


SEO by vBSEO 3.6.1