مشاهدة النسخة كاملة : تتلو فنون الهوى والوجد يمليها
السلام عليكم ورحمة الله وبركاته
كل مايكتب هنا ب قلمي والمنقول س اذكر مصدره :)
من عقب ماكان الغلا محتوينا
ونقطف ثمار الحب ونهدي اغاني
صار الجفا والبرد والخوف فينا
وصارت اللحظات حزن واماني
اعتقد اني كنت اكره اكتب قصيده او اتعلم الاوزان وقواعد الشعر
ولكن اول بيت مستقيم كتبته كان مرثيه في صديقي الله يرحمة
يادمعي اللي فوق خدي ترسمت
.............ماتنفع الذكرى في يومٍ تصيحة
~ ♥ ~
٢٠١٢
تكمله الابيات السابقه
من باب قلبٍ يكتم الضيق بالصمت
.............الله يرحم من توفا ويبيحة
فقدت عبدالله ولليوم مانمت
.............فقدت صاحب والليالي جريحة
محمد الحويماني وبيت بسيط جداً وابسط منه مافيه
ولكن المعنى يجذب ويستخدم في الغزل وفي الهجاء وفي كل مايطري عليك ياللي تقرا ض١
وهنا نقول السهل الممتنع وما اجمله لان جماليته بتكون في كل زمان ومكان
فالكلام (الحروف أسراب مثل الحمـام)
فالقصيد (الحروف تطيـر مثـل الصقـور)
الاخ رايق
شكراً على اللايكات واخوك مايعرف للمنتدى لا فتح صفحه فيها ثبت عليها
مايعرف يرجع لها ض١
مطلق الثبيتي ومن منا مايعرف مطلق
شاعر حول شعر المحاورة من العنصريه القبليه الى المعاني الهادفه
او مناقشة امور سياسيه او او الخ
مطلق معاه دكتوراه في الشعر العربي
مطلق عرفناه شاعر محاوره واحياناً شاعر نبط
لكن وش اللي شافه مطلق وخلاه يكتب قصيده بالفصحى ؟
زار مطلق اسبانيا وتحديداً غرناطه واشبيليه وراح لقصر الحمراء على ضفاف وادي يحيط فيه
قصرُ الحمراء هو قصرٌ أَثري وحصن وأحد أهم صروح العمارة الإسلامية المسلوبة في الأندلس. شَيَّده مؤسس دولة بني الأحمر "الغالب بالله" أبي عبد الله محمد الأول محمد بن يوسف بن محمد بن أحمد بن نصر بن الأحمر[3] بين 1238-1273 في مملكة غرناطة خِلالَ النصف الثاني من القرن العاشر الميلادي
حزن مطلق وكتب قصيدته بالفصحى لعلها تحرك وجدان الامة العربية
غرناطة هل يعيد الروح إنشادي ؟ = للقصر للقمة الشماء للوادي
لقلعة كانت الأمجاد تسكنها = أمجاد قومي وتاريخي وأمجادي
للزخرفات "لجنات العريف" لمن = كانو على البعد آبائي وأجدادي
وهل تعود إلى "الحمراء"بهجتها ؟ = وهل يعود "أبو الحجاج" للنادي
وهل يعود إلى الريحان رونقه = وينثر العطر في بهو السنا الهادي
وللسهول التي تمتد باسمة ؟ = كانت مراتع غزلان وآساد
وهل تعود عروس الشعر راقصة ؟ = بين ( ابن عمار) يوما (وابن عباد )
كانت على ضفة (الوادي الكبير) لهم = مجالس من رؤاها يرتوي الصادي
في ظلها يقف التاريخ منبهرا = لرائح من مغانيها وللغادي
الين يقول
وقفت فيها وكان الصمت يلبسها = كأنني بين نساك وعباد
فما رأيت أبا الحجاج يعمرها = ومارأيت بها بهوا لمرتاد
ناديته وعيون القوم ترمقني = انهض فقد عاث فينا الغاشم العادي
وقفت فيها بدمع كاد يخنقني = لغربتي بين أبنائي وأحفادي
فلا اللسان لساني حين أسمعهم = يروون عني ولا الأسياد أسيادي
صح لسان مطلق اسطوره من اساطير الشعر
محد ينكر انه رسم طريق ونهج مختلف لشعر المحاوره
اختي الدكتورة
ونعم الاخت شكراً على مرورك
لا زلت اتعلم منك
حصل موقف ينرفز وفي نفس الوقت يضحك
تخيل ناس بعمرك واحد يروح لابوه يشتكي منك والثاني يشتكي لابوه وعمه
عشان كانوا قاعدين ساكتين واخذت الريموت وشغلت لي فلم ض١
والمشكله كانوا في مجلسي ض١
تصرفي ماهو عيب وحتى لو لو لو عيب بحكم الميانه شغلت فلم
كان تكلموا وقالوا طفه او فلمك خايس
ترا السالفه والله صدق
بس الحمدلله اهلهم طلعوا اعقل منهم ولا عطوهم وجه واكتفوا بالمقاطعه شهر ورجعوا اليوم
السؤال كيف اتصرف معهم ؟ ض١
وكما قال عبدالله المسعودي
عن عيب غيري شاغلتني عيوب
من يشغله عيبه ماشاهد لاحد عيب
وقال :
كم واحداً يلبس ثيـاب الرياجيـل
واليا فتشت اقصاه ماهوب رجـال
.
.
عبدالله المسعودي
واقول انا :
مشيت ف الدنيا بسلم وقوانين
ولاني بجامل من يحب الرخامه
يكفخ قصيدي مثل كفخ الشياهين
فوق السما صيده يبار الغمامه
جاك الجواب اللي عليه العناوين
من شافنا والله ان تبرد عظامه
هيباتنا تعتق رقاب المساجين
وتمسك المجرم طريق السلامه
مرحبا بك ياللي تبارك والله يبارك ب ايامك والسموحه منك مدري من انت ض١
الله يسعدك
الفيلم اللي صارت عليه المشكلة اسمه وقفة رجاله انصحكم فيه
معاني الفلم هادفه جداً وكوميديه
نقلنا ابيات ومقتطفات للعلم عبدالله المسعودي رحمة الله
لكن في ناس ماقد سمعوا فيه وناخذ نبذه بسيطه عنه
عبدالله المسعودي
كان يتباهى ب قوة شعره رغم انه لا يقرا ولا يكتب
ومن كثر ماقريت له وسمعت له احلف بالله ان هذا الشاعر تعلم
لكن عن طريق السمع يعني ممكن كان يروح لمشايخ عندهم علم
او كان يستفيد من مجالسة اصحاب العلم اياً كان
لو كان يقرا ويكتب اظن انه كان ب يكون افضل شاعر مر على الجزيرة العربيه
( وجهة نظري )
للاسف عبدالله المسعودي الهذلي
توفى صغير ولم تنشر له قصايد او تسجيلات لمحاوراته
لكن ناخذ اقتباس من مجالسي كان بينه وبين مستور العصيمي رحمة الله
والموهبة شي والعلم شي ثانـي * سيلـك بلا نـو يانـازل الـوادي
ياقاضيٍ حكمته من تحت كوعه * من لايعـرف الصقـور يتشواهـا
الموهبه شي والعلم شي ثاني :)
وعن حبه للمحاوره وانه لم يجد منها باب رزق
( في ذاك الوقت كانت بلاش )
بداها على شغله وعلى كل شي لدرجة ماكان يلقى قوت يومه بسببها
نشوف وش قال ونشوف الجماليات والصور الشعريه والرمزيات
عادي تلقاها في بيت واحد مجتمعه ( مايسويها الا عبدالله المسعودي )
ياخيال يابروق يارعود مسموعه * لكن مايشرب الطير من ماهـا
مافالسنه حب خوخ ورماني * والحال مايسمـن الا مـن الـزادي
مجنون ليلى سقى الرمل بدموعه * عشرين ليلـه وليلـه مايلقاهـا
الممحاوره حرب يفوز فيها لكن بلا غنايم
او مثل الارض اللي مليانه ارزاق لكن مافيها خير
ويقول بعد
المر فالقلب والحلو فلساني * والبغض بالعين والحب بفـؤادي
حاجته للماده ماضرت لسانه
والبغض للي مايقدرونه يدفنه حب المحاوره
شكراً على اللايكات والتعليق
لا زلت اقول نتعلم منج يادكتورة
شاعر الحب متعب التركي يقول :
كنت أجمل احلام عمري بس ليه انكسرت
يازين الاحلام لو ماينكسر باسها
اي والله يازين الاحلام لو ماينكسر باسها
ويكمل ويقول :
والاأنت لوقلت لي نادم وجيت اعتذرت
كان اجمل ابيات شعري ينحني راسها
واحياناً من كثر الحب ودك حبيبك مايعتذر
لكن قلبك يرفض ومشاعرك ترفض تبيه يعتذر عشان يبين غلاك
متعب لقا حل
اعتذر لي عشان قلبي ولك مني ان مشاعري تنحني لك
لحد مايقول
:
مافيه داعي توصيني تراي اعتبرت
فرقاك ذكرى وشعري علق اجراسها
يكفيني البارح إني في عيونك سهرت
وقفت بين العيون السود وانعاسها
إن رحت ماأنت اول اللي راح وان حضرت
قلت الليال الجميله هب نسناسها
قصايد كثيره انكتبت على انها غزل ولكن مو شرط تكون غزل
ممكن تكون حب لمكان او دوله او ثلاجة بيت ههههه
نفس اغنية مشهورة جداً لمحمد عبده
كتبها شاعر بدون فقد الامل بحصوله على الجنسيه الكويتيه
عطوه وعود وعشموه ولكن صار اللي صار
ف راح الى السعوديه واخذ الجنسية
على فكرة القصيده متاكد انها له واللي يفهم بالشعر راح يعرف انها انسرقت
او ممكن باعها لانها اعز ماكتب ويبيها تتغنى من افضل فنان في ذاك الوقت
ولاني اعرفه ماظن انه باعها عشان تحسين وضع او مبلغ مادي :)
فعلياً رغم انه شاعر متواضع لكن في القصيده اللي غناها محمد عبده ابدع
المهم اللي يعرف اسم الاغنية له جايزه ض١
ضاقت الدنيا بشاعر طيب قلبه ضيعه
من يبي بالله يفتح لي غلق صدره وأبوح
*****
الصبر ياهو يعذب والأماني موجعه
(ماقبلني الحظ قولي وين اباأرحل وين اروح)
مخلد القثامي كان يحب بنت وتزوجها وكانت قصته سهله لكن لسانه صعبها
قبل البدو اذا احد قصد في بنتهم ولا شي احرموها من هذا الشخص دليل على ان بنتهم شريفه لم تخطأ مع من قصد فيها
مخلد كان يذكر اسمها دايم في قصايده
المهم رفضوا ولكن مخلد ما استسلم راح وجاب جاهيه من حكام حايل في ذاك الوقت
وراحوا لاهل البنت ووافقوا وكسر القاعده.
يوم راحت حبيبته للحج ارسل وراهم فارس والفارس حركته اسرع من اذا كانوا مجموعه قوافل
وجا يبشر مخلد انهم قربوا يوصلون :)
وقال مخلد :
لبسه غيارا لابعد الله دياره
دفةّ شمالٍ بزرقان الحريري
وزمزم وماه اللي بركةٍ لمن جاه
آلاف يردونه وآلاف صديري
والحال شد وسال دمعي على الخد
ودمل طويلات الخطا للظهيري
عني من سوابي رعاه الجرادي
ديرة سبيع متيهين القصيري
عني نصا الوديان مدعوج الاعيان
وا هني غرسٍ راح له بالحضيري
وا هني جماره وساقي بياره
وغروسه اللي للحبّيب بريري
وان جاء الربيع وان جات حتون المنافيع
يشرب حليب معدلات الدريري
اسهاف ذو اشعاف يرعن الاطراف
يرعن لعشب جاء لنبته زفيري
ترعى القرار ليا اعتقب فيه نوار
من الرحا ويسار مرضي الفطيري
ويرعن قرار النير واطراف خنزير
ويرعن كير وياصلن الجريري
في ظف قب حيل تمشي دحاميل
منزحين العبدلي والصعيري
وخيل الحروب الها عليهن ماجوب
لاشك حاديهم كمام الاميري
وليا اوجهن ايمين يمن القحاطين
كم حلةٍ خلو عمدها نثيري
طاف الثنية ما نوى البوق فيه
لاشك في نيه وانا وين صيري
في ديرة الاجناب لجاء الانياب
سوات شياهنٍ جناحه كسيري
ان سلت عنا عقبكم ماتهنى
انا عليك اعوي عويل وذيري
والا عويل ذياب مع جال ملهاب
مع درب قومٍ ييتمون الغريري
وهرجة طريف إله النشاما مشاريب
ليا طلع فالمجلس المستديري
مجلس رجال ليا حضر فيه عقّال
ليا سلم لا يحضره كل هيري
يعمى العيون ليا حضر فيه شغموم
في عادته يا مال حوس المريري
^ ذكر وين راحت ووش سوت وكانه معها لحد مايشكي حالته وهو ينتظرها لحد ماوصلت :
جيت المقام اشتاف، والناس عراف
وشافت عيوني والخلايق كثيرِ
باب السلام أخذت لي حوله ايام
مناحراً للباب مثل النطيرِ
في الصبح أراعي له، وفي الليل اجي له
مشاعل توضي وليل قميري
وجاني يهيف، أهداب عينه مراديف
فيها المنايا، مثل موج الغديرِ
جاني يتوق اشقح رداي*وسمحوق
من شاف رمق الزين يصبح عثيرِ
مخلد احد شعراء الحب والحرب في نفس الوقت وشاعر حكمة
دليل على هذا القول لما وصى ابنه اذا بتحب حب وحده عريبة نسب
واهلها وابوها واخوانها مسمين
عليك ببنت مجرّب عارفينه
قروم الرجال اللي تنومس نسيبها
أتعب لها العيرات وأتعب لها القدم
وسافر لها لو هو بعيد ٍ مغيبها
تراهم يسوقون الكحيلات في النسب
قحص المهار اللي سريع ٍ هذيبها
تجذب حرار ٍ من معالي وكورها
حرار صقور ٍ من معالي رقيبها
كرام ٍ زعانيف ٍ جزال ٍ نفوسهم
تقضي لوازمها وتأخذ مصيبها
عارض صحي والحمدلله بفضل الله بدا يزول
ان شاء الله س نعود
خذيت درس من هذي الازمه :
ان اكثر البشر سعاده هم الاغبياء :)
تأملت في اصدقاء لي باردين ومهملين وحياتهم لعب في لعب
( من عشر سنين كنت اقول وين راح يوصلون مع هذا الاهمال )
الفرق اللي صار بينا
انا سبقتهم في الدراسه والوظيفه والترقيات
وهم وصلوا للي وصلت له لكن تاخروا سنه او سنتين
وبعضهم ممكن ماوصل للي وصلت له ولكن نجح في امر ثاني
اكتشفت ان الجديه ممكن تختصر عليك مسافه
لكن ممكن تهلكك صحياً ونفسياً
ثق بالله وكل شي مكتوب والارزاق موزعه وخالصه
كان عندنا صبي وكان متعجب من شي صار قدام عينه
للامانه ذا الشي تذكرته قريب وابتسمت رغم بساطة القصة ومأساتها بنفس الوقت
الا انك لو تتاملها بتنسى شي اسمه هم او تفكير :)
/
يقول في يوم من الايام كنت واقف قدام عماره تنبني رايح ازور شخص قريب لي
المهم ومالقيت صديقي وسالت عنه قالوا راح يجيب الغداء ويجي
ويقول انتظرت وتغديت معاهم ( رزق الله كاتبه لي اني اجي يوم الغدا يجيبه قريبي وصدفه )
ووفرت مبلغ اني اشتري لنفسي غدا لاني كنت اجازه وقتها
١
يقول ماتاملت الموقف ان هذا رزقي الا بعد ماصار شي حزين قدامي
سالت وش الموقف اللي شفته ؟
قال وحنا نتغدا واحد من العمال نسى يشرب بيبسي وخلاه بعد م خلص الاكل
وغسل يده وكان بيصعد السلم ولا يناديه قريبي يافلان البيبسي تعال اشربه
وجاهم فلان وشرب البيبسي وراح وصعد الدرج ويوم وصل قمة الدرج ولا ينهار فيه
ويطيح ويموت الله يرحمه
يقول بعد اللي صار كله قلت وش الفرق لو صعد وهو ماشرب البيبسي او يشرب البيبسي وصعد
قال لقيت ان النتيجة ان محد يموت وما اخذ رزقه وكانت اخر ارزاق هالشخص البيبسي اللي نساه
اخذ رزقه كامل من هالدنيا وتوفى
اعتقد هالسالفه ممكن تريح اي واحد شايل هم اكبر منه :)
ارتاح واركض ورى رزقك لكن لا تنسى دينك و نفسك وصحتك
لان بالنهايه الارزق توزعت واذا مكتوب لك شي بتاخذه
وسلامتكم
ظلامٍ موحش ودربٍ سريته
وجاهي حلم وسيفي دمعتيني
وكأني ارى مداهمه من ذاك المنتدى الى صدفه غريبه
هياا الشعيبي اظن عطتني لايك ض١
عطران الشوارب بعد مانفاهم هذاك المكان صاروا يجهزون نفسهم
في ارض محايده لعوده قويه ولكن السبر ( المباحث ) اكتشفوا مؤامره كيديه
من قبل حزب معكفات الجدايل ومداهمتهم لمدونتي بدون سابق انذار وبدون خبر
ولا اتوقع انها صدفه بحكم خبرتي العسكرية وحسي العسكري تبيّن لنا ان جهازي مراقب
ويبدوا لي ان احد الخونه من اعضاء حزبي وضع لي شريحه او فايروس في جهازي ل يتعقب تحركاتي
المهم احب اقول لقائده الحزب العدو
احترمينا نحترمك حنا في ارض محايده
لا الملعب ملعبنا ولا الارض ارضنا ولا صحتي تسمح والعذر الثالث هو الاقرب < خايف ينجلد
خلونا نسوي معاهده ان حنا مانعرف بعض بس حنا اصلا نعرف بعض
عشان م نخلي الادارة تنفينا بعد حنا ي الله لقينا مكان يضفنا ض١
وتمت :)
امر عسكري :
١- النوم بعين واحده ويسمح بتبديل الشفت بين العينين
٢- وضع الصراصير عند باب المدونه
٣- وضعيه الدفاع وعدم استخدام الاسلحه المحرمه دولياً
٤- يسمح ب استخدام الاسلحة البيضاء ( كرة قدم / علبه ماء بلاستيكيه شرط ان تكون نص تعبئه / قشر البطيخ / العقال شرط ان لا يتجاوز عرضه ٥ / السيارات المزوده بالاصوات المزعجه في حال اقتراب العدو من ردهة المدونه )
٥- لبس ثوب بجامه مقاس m وفنيله منقوعه بماء وطين مقاس XL ( عشان لا شافونا تنسد نفوسهم ومايضايقونا )
٦ - شراء جميع الحلويات والمعجنات والموالح وبيعها بالباطن بسعر اعلا ( حرب اقتصاديه + حرب معنويه عشان مايتجمعون ويخططون علينا )
تمت :)
بعرف بس الحين كيف عرفوا اني انا هذاك اخوهم ؟
اوكي صدفه داهموني بس كيف عرفوا وانا هنا مغير شخصيتي ١٨٠ درجة ض١
الى معكفات الجدايل :
١- الرجاء عدم استخدام الملاس ضدنا
٢- عدم استخدام النعال اللي ارضيتها صلبه ض١
٣- سكروا درايش مدوناتكم اذا تجمعتوا مو ناقصين ازعاج
٤- عدم الحنه روسنا ماعاد تتحمل حنتكم
٥- في حال تجمعتوا خلوا وحده تسولف وكلكم اسمعوها مو لازم كلكم تتكلمون بنفس اللحظه
اجهزه التنصت تعطلت من كثر ما احتارت ماتدري تسجل اي سالفه واذا سجلت مانفهم وش تقولون
٦- ورق العنب اذا بتطلبونه او بتسوونه الرجاء نبيه بدبس الرمان الحامض مانحبه
تمت
للتذكير : نقطة ١& ٢
اسلحة محرمه دولياً
اختي نجمة
ماشفت منك الا كل خير طوال ال٣ سنين زاملتك في ذاك المنتدى
واشهد بالله انك اخت عزيزه وانك راعية فزعه
ارسلتي رسالة اعتذار قبل الاختفاء ولكن شاءت الصدف ان نلتقي في هذا الصرح المحترم
وكل مايحدث من بينا هو مزح بين اخوه لا اكثر والقلوب مافيها الا البياض
قد سمحت من الهوى حلوه ومره
لو هبوبه شرق وانسامه رقيقه
محمد السهلي
بيان عاجل :
الى اعضاء حزبي الكرام تم جلب بضاعه مدعومه ( سعر منخفض ) من الزيت الافغاني والخروع
استلموا حصتكم من شعبة الامداد والتموين وكل واحد يفرك فروه شواربه بالزيت
ماش شواربكم ماهي مثل شوارب القاده اللي اسرتهم اللي م تتسمى
يقولك اللي م تتسمى نتفت شواربهم بملقط شعره شعره كنوع من الاهانه والتعذيب
ومن هذا المنبر اقولها تعذيبك ماراح يخوفنا وبنربي شواربنا
ومن هذا المنبر اقولك فكي اسر :
١- عبرود الطلقه
٢- خشم البِندق وليس ( البُندق )
٣- خرشوف كلاشنكوف ( شيشاني الجنسية )
٤- محتزم بملعقتي ( حافر الخندق )
٥- شلاح مشلح مشيلح شالح شايل سلاح
٦ - بهاراتي بارود سلاحي ( طباخ معسكرنا )
واحب اقولك الحكمة كما قال الباكستاني
بحر واحد سمك انواع
الحزب واحد والرجالات انواع
انتبهي
الاغاني الشعبية جمالها واقعها وبساطتها
احاسيس الطبقه المتوسطه بعيداً عن مشاعر اصحاب النفوذ
من سهرة عطران الشوارب عند محول ابو عذاب في منطقة الصباحيه
https://youtu.be/6OuQDgNmDj0
القصيدة تشرح واقع الشاعر وغناها بدر الغريب
مافهمت اخر تعليق
هل تواجدي لمتابعه المدونه ولا وش ب الضبط ض١
نتابع من يتابعنا
حتى لو كان مباحث من العدو ض١
احد الاصدقاء الافتراضيين في مكان غير هذا المكان
طلب انه يتواصل معي واتس اب واحرجني
ما احب انقل احد من عالم افتراضي للواقع
انا احب نفسي هنا واحب اللي في العالم الافتراضي مثل اسرتي
اياً كان خلك معي هنا فقط
الواقع ما احتاج اضيف فيه اشخاص زياده
والآن بروح ادور لي تصريفه ماتزعله ض١
الهوى ياسيدي ماله امير
وانت سيد البيض تلعات الرقاب
الشيخ محمد بن راشد
اكره العناد ي ناس ولا احب اعاند مع اني عنيد وش الحل ض١
التضحية شي صعب اذا كان محد يقدر :)
نجمة والله م عرف اسوي لايك ولا اعرف اسوي شي علميني وابشري
ماحب احد يتفضل علي خلي لايكاتك لك
اختي الدكتوره
المقصد طال عمرك
الارزاق موزعه لا تحرص على الدنيا
اجتهد لكن خل عندك ايمان ان الله معك والارزاق موزعه واذا لك نصيب في شي بتاخذه
لا تيأس لا تشيل هم لا تتعب لا تفكر وركز باللي انت فيه الآن
لا يضايقك تاخيرك لان بالنهايه بتوصل
اذا المهمل وصل
انت ي المجتهد بتوصل وبتوصل طريق ابعد
اعتقد كلامي المقصد منه الاشخاص الحارين ض١
الحراره دخلتني المستشفى ومايدرون وش فيني هههههههه
حتى انا مدري وش فيني لين سبحان الله خفت الاعراض شوي شوي
كنت عايش في ضغط شغل ومشروع نشتغل عليه
ولما انتهى المشروع ووافقوا عليه
اتصلوا علي تحقيق ب يشوفون المبلغ مبالغ فيه ولا فعلاً قيمة المشروع
ولما قدمنا اسعار الشركات لهم وطلباتنا وووالخ
تمت الموافقه
المهم بعد هذا كله
بيّن التعب والضغط وشد الاعصاب
بوصل رساله ارفق بنفسك وبس سلامتك وعفاك
وشكراً على مرورك
لا عادت الايام ومافات ماعاد
والطيب مات ولا غدا له خفاقه
ولا صرت ماتعرف معاريف الاجواد
بكره يدوسك من هوى له خناقه
ارشيفية
صرتي على اطلال المحبه تحنين
وانا اعرف اني غالي ورحت غالي
رصيفنا والباب وغيمة محبين
وضحكة امل وسنين كنها ليالي
وحلمٍ بنيته صار ساسه من الطين
هبت عليه رياح ظلم الموالي
وحنانك اللي مانسيته لهالحين
ونور الحياة اللي بقربك ضوى لي
نسيتني ؟ وينك ؟ تراني من سنين
ادورك ياغلا حبيبٍ عنى لي
يامن غديت اقرب من الجفن للعين
ويامن توقى وسط فية ظلالي
ياطيف عمري وانت فيني ملايين
وياقافي الاول وبحري وجالي
ويا اعذب الحان الشعر والدواوين
وياكل حرفٍ في خيالي وبالي
احب قربك وللقصيده عناوين
اوجاع بعدك ثم دمعٍ سرى لي
البعد يطعن وسط صدري سكاكين
وفالقرب ياحظي وياطيب فالي
فيني من الوحشه دموع المساكين
وفيني من اللي قد طرى لي ، طرى لي
انا مثل ليلٍ فقد من يضاويه
وحزني بحر لكن محد يعومه
بعرف وش علاقة الشتا بالتويكس
مو معقوله انساه وف الشتويه يطري علي ض-
اوكي نقول المنتديات افضل من السوشل ميديا
لانه اكثر افتراضيه وجماليه وخصوصيه
بعيداً عن السياسه والهم والنكد
تاخذ طاقه ايجابيه وتطلع منه :)
اي فكره سلبيه تمرك او وسواس
قول للفكره
وقفي
وتجاهلها
وبدلها بفكره ايجابيه
شوي شوي تلقى عقلك يبدا يفكر صح :)
مساء الخير
الوحده راحة او شقى ؟
اللي يسال
اذا لغز او لا
( العناد )
انا عنيد جداً لكن طاقة اني اعاند نفذت ض1
يعني الحين ممكن اسوي شي مو مقتنع فيه
عشان اريح راسي
احياناً اقول يمكن النضج له دور صرت اشوف اشياء واجد ماتستاهل العناد
خواتي اللي افتخر اني اخوهم في هذا العالم الافتراضي /
الدكتورة ، نجمة
شكراً ع اللايكات
جميل مايطرح في المدونات
شكراً لكم على هذا الابداع
ختمت جميع المسلسلات المصريه الكوميديه
مدري وش اتابع الحين :)
في برنامج اسمه الفرنجة
سخيف وكل شي بس كنت احب اتابعه
لانه كان يورينا الفرق بينا وبين الغرب
اخلاقيات الاعلام اكثر شي شدني
البرنامج كان يسوي مقابله مع اجانب بعد نهاية التقرير
وكانوا يسالونهم ليش مثلاً اعلامكم شريف
قال الضيف لان حنا نحترم عقل المشاهد
شدني كلامه ( نحترم عقل المشاهد )
عكس اعلامنا سيء وقت الازمات يفرق مايجمع
يتبلا مايقول الحقيقه
ممكن يطلعك غلطان وانت صح
طيب ليش ؟
المشكله مو في اعلامنا
المشكله في مجتمعنا اللي ( يسوي ضجه )
واحياناً ً يصفق وهو يعرف انه تظليل وكذب
واحياناً يصدق اشاعه عشان يروح مجلس ويسولف عنها هو وربعه
وغيره الكثير
ا
فعلاً
العيب في عقل المشاهد :)
ارشيفيه
حبيبي الاول تراني من سنين
شاعرك والجرح منك فجره
خليتني مابين حتفي والحنين
والغياب ان طال ماله تذكره
مدري يبان النور ولا مايبين
دفنت حبك والليالي تظهره
معكفات الجدايل بدوا يهاجمونا ع الخفيف
من حسن حظهم اني مداوم من الصبح :)
اسرتي الافتراضيه
تصبحون على خير
استودعتكم الله جميعاً
اختي نجمة تبي تعدل الموقف بس جابت العيد
قبل لا انام
وقالت /
ههههههههه دعوتي لازالت كما هي // اربع حريم للبشتوني يارب هههههههه /موفق بدوامك ^^
---
انتي دعيتي علي ي ريم ههههههههههههههههه
الله يرزقنا بوحده بس تكون شخصيتها طيبه ولطيفه وماتحن وم تنكد وتعيد الكلام وماتسولف واجد ض١
لي متى نظرات البعض للمدخن انه انسان فاشل او سيء
اوكي انا ك مدخن استحي اني ادخن ونادر م ادخن عند احد
لكن ارفض النظره هذي عمر العاده هذي م كانت تحكم على اخلاق الشخص
ما اجملك يالعجمي
ليت كل الناس لا منها بغت تحكي تغني
الحكي صار اصعب من معافر الخيل النشيطه
ما اجمل هذا البيت اللي يحكي معانلتك والاجمل حضورك الفارق
https://youtu.be/iatofp2JNQ0
مشتهي برياني ي جماعه :x126:
جزاك الله خير على نصيحتك
ب اذن الله نتركه من غير شر
واكلنا برياني
والشتا واضحه بدايته اللي خسرنا ف الصيف ب يرجع دبل :)
اليوم خميس والمنتدى هدوء ض١
انت من حزب :
١- شاي حبق
٢- شاي نعناع
-
افضل الحبق جداً
ماسك لي زاويه ف المنتدى واعلق على اي شي واعطي لايكات ض١
واضح فاضي وانتظر دوامي يخلص
اختي ( الزغييرا ) شكراً ع اللايكات ض١
مثل اللي شاده حيلها وترقع ل اخوها الچببر تبيه يطلع احسن واحد هههههههههه
خبر حلو وقلت اشارككم فيه
قبل سنتين دخلت دوره عندنا في الشركه اللي اداوم فيها
اني اكون استاذ اعطي كورسات تدريب لأي شخص حصل على ترقيه
وقتها لما دخلت الدوره قالوا لي ماراح تفيدك لان صعب تنقل لهذا القسم
لكن الحمدلله سجلت اسمي ومن بين ٨٠ شخص اختاروا ١٠ وكنت من بينهم
-
صحيح المكان اللي نقلت له نفس مميزات مكاني
لكن نرتاح من نظام الشفتات ونداوم صبح
واريح من ناحية ضغوط العمل
الحمدلله
اخوي رايق
شكراً ع اللايكات
اخوي متأمل
شكراً على اللايكات
والله ي جماعة الواحد ماعاد يعرف وش الاسامي
يلخبط بينكم ض١
vBulletin® , Copyright ©2000-2024,