مشاعر شاعر........ (إِذا ضاقَ صَدرُ المَرءِ عَن سِرِّ نَفسِهِ ..... فَصَدرُ الَّذي يُستَودَعُ السِرَّ أَضيَقُ)

[أعد النجوم]

تطيح من قلبي وتنزل في عيوني

لك الله ان لك قـــدر ومحـــــبة

انا بعدك تزايد بي جــــــنوني

ونار الشوق في قلبي تــــشبه

[أعد النجوم]

رويداً أيها العاشق رويدا

فليس اليوم أفراحا وعيدا

فإنك لو ضحكت اليوم فرَِحاً

غداً تلقى المشقة والوعيدا

فلا تفرح فإن الهم قادم

ودنيانا تخبي لنا الجديدا

تمرد وانفعل إصرخ وجاهر

فما في هذه الدنيا سعيدا

[أعد النجوم]

أمشي مع الناس كني ماشي لحالي

والفكر في ديره والناس في ديره


ماكنت مهتم في الدنيا وانا خالي

والحين قلبي معذب ما يبي غيره

[أعد النجوم]

أغني الحزن واعزف دمعتي حسرة

ألين دمعي يجف وقلبي يبتدي عزفه

من يداوي علت(ن )في القلب معتصره

وانا لوحدي لحالي داخل الغرفه

[أعد النجوم]

ومانفس العزيز تروم قهراً

ولو كان المعيبُ لهُ قريبُ

فلا ترضى بفعلٍ يزدريك

ولا تأتي المعرةَ من غريبُ

[أعد النجوم]

الا ياقلبها الغالي تحمل

ولا تزعل ولا تتعب شعورك

فداك اللي معاك اخطاء من اول

لأنه قاهره دايم حضورك


وانا صاحبك وغيرك ماببدل

وترا العذال قاهرهم بنورك

[أعد النجوم]

حداها الحزن وصارت تشتكي لي

تقول الناس ماخلوني بحالي

الا ياناس وش فيكم عليها

ترا جرح الحزينه عليا غالي

تعالي جعلهم يفدون قلبك

تعالي ياغناتي لي تعالي

[أعد النجوم]

مشاعري لك اشياء مافهمها

يمكن احبك ويمكن ما احبك

بس اللي اكيد ابيك تسمعها

انك عزيز ويهمني فيك قلبك

[أعد النجوم]

اعاند القلب واثر القلب مايصغي

يفكر بأشياء وانا ماودي يفكرها

ان كنت ياقلب ناوي علي تطغي

فما لي ترى غير ربي يدبرها

[أعد النجوم]

إشعلي النار في قلبي واحرقيه

اليـــن يصبـــح كالرمـــاد المنثر

وان كان هذا الشي نفسك ماتبيه

وانك تحبين الخــــفوق المبــــعثر

خـــذيه منـــي انا ماعاد ابيــــه

اخذيه اخــذيه وحبــــيه أكـــــثر

[أعد النجوم]

ودي اسافر عن الاحزان واتغرب

الين القى بغيتي وارتياحي

منهو من الناس قد جرب

ابيه يعلمني بإيضاحي

مدري على مصر ولا على المغرب

ولا اروح لديرت(ن )مابها صاحي

ابي اسهر مع الناس واطرب

اللين تزول من قلبي جراحي

[أعد النجوم]

ارحبي يا هموم وعجلي بالنكد

والله اني لشيلك في فؤادن رحيب

خاطري يوم ابسلى بس مابه احد

يرعى مشاعر حزين(ن) في حياته غريب

السعد وين اشوفه وين اشوف السعد

ويبتعد عن عيوني لا من رأيته قريب


وش تبي يازماني لو عطيته وعد

وش تبي لو خذلته و للمواعد اغيب


ياإلهي رجوتك يوم كلن رقد

ترحم اللي تركني وكان عندي حبيب

[أعد النجوم]

لا تضيق الصدر وتزيد العذاب

ونفسك عزيزه على معشوقها

حاول تدور للسعادة الف باب

والشمس تعطينا أمل بشروقها

ان ماهمتك نفسك يهمونك احباب

اللي تزايد محبتها وزايد شوقها

لا يهمك شخص ينعق كالغراب

والبضاعه الفاسدة ميت(ن) سوقها

[أعد النجوم]

أدخل على الله ياحبيبي تمهل

لا تجرح القلب وتزيد تعذيبه

ان كان لي خاطر حبيبي تجمل

واترك البعد والهجران والغيبه

ابسألك ياحبيبي يوم انت ماتسأل

ضميرك الحي هل يزعجك تأنيبه؟؟

الله يعين القلب دامه عاش يتحمل

مشاعر النفس والافكار والريبه

يارب فانت العزيز القادر الاجمل

وانت الذي تعلم الخافي وتدري به

انك تعلمني بما كنت له اجهل

ولا اشوف بعين من حبيتهم خيبه

[أعد النجوم]

اله العالمين اليك اشكو

هموما لست اقواها لوحدي

فياربي رجوتك ان تكونَ

معي لو كانت الاكوان ضدي

[أعد النجوم]

الحمد لله الذي بنعمته تتم الصالحات

احب ان ابلغكم اخواني واخواتي بأن الوالده سوت العمليه

وهي الان في الافاقه


اشكر كل من دعاء وسعى وكل من وقف بجانبي في هذه المحنه

اسأل الله العظيم رب العرش العظيم ان يشفي مرضاكم

وان لا يريكم مكروه في انفسكم او في من تحبون


شكرا من القلب اخوتي

[أعد النجوم]

يمه عطيني كل شي(ن) يألمك

وحطي مواجع روحك اليوم فيني

يمه عسى ربي بلطفه يسلمك

وقلبي بكى ياغاليه قبل عيني

يمه انا لجروحك اليوم مرهمك

ياغاليه تفداك باقي سنيني


ياروح قلبي ودي اشوف مبسمك

وارتاح من ضيم التعب والحنيني


وانا لك الله طول هالعمر ابخدمك

ولو مت قبلك بالدعاء لا تتركيني

ادعي لك الله دايم الدوم يرحمك

وغير الدعاء ياحب وش في يديني

https://www.al2la.com/vb/t120566.html#post3024570

[أعد النجوم]

يانفس وش عندك تزيدين همي

خلينا اروح واتسلى بأشعاري

البيت هاليوم موحش بدون امي

والله في قلبي حريق(ن) وناري


الله يشفيها لو ادفع لها دمي

يارب مايصيبها الا حلو الاقداري

[أعد النجوم]

يارب يارحمن ياعالم الحال

اغفر لعبدك زلته والعيوبي

مافادني عم(ن) ولا فادني خال

ومحدن تولاني بوسط الكروبي


ماينفعك في هالزمن غير الاموال

تقضي لزومك لو اتتك الخطوبي

عزي لمن خاطر عشاني بالاهوال

واللي امام الناس يستر عيوبي


واللي يفرحني ويريح لي البال

واللي دروبه ماتخالف دروبي


والله له بقلبي معزه وإجلال

والله يغفر له جميع الذنوبي

[أعد النجوم]

ضاقت الدنيا على قلب الحزين

ياهيه وينك عني اليوم وينك

والدمع عالوجنات ينزل من العين

وانتا مخليني اصارع حنينك

حلفت باللي انزل لنا الدين

اني ابد مازعلك او اهينك

[أعد النجوم]

نزاعةُ القلبِ من أوردتي

تالله إني لستُ أقواكي

خذي فؤادي وعذبيهِ

فإنهُ الذي ياحب أشقاكي

لا تبرحي حتى يسيل دماً

ثم إخضبي بالدماءِ يداكي

لا تتركيه وجودي في أذيتهِ

لانهُ قبل أن تؤذيهِ أذاكي

ثم إجلسي عند جثتهِ

ثم أضحكي من محياكي

وإدعي لهُ أن الله يرحمهُ

فإنهُ قد كان.... يهواكي


https://www.al2la.com/vb/t120595.html#post3026186

[أعد النجوم]

يالله صبرنا على بعد الاحباب

ويارب نلقاهم بذيك الجناني

ان كان راحو وقفلوا كل الابواب

في باب جناتك نشوف الاماني

بفراقهم تبكيهم اليوم الاهداب

والحزن طاوينا بكل المعاني

لا صار كلن يمسك بإيده اكتاب

وكلن يشوف اللي حصل في الزماني

فيارب ترحمهم بلا عقاب وحساب

يامنزل(ن) على النبي المثاني

[أعد النجوم]

يا نفس مافيني اعيش بحسافة

وان كان لابد فقللي من تحسافك

ان كان قلبي راعي العشق عافه

على الاقل الحين احظى بانصافك

اللي على شان موضوعنا التافه

رحنا وتباعدنا ولا شفتي ولا شافك

لو كان فعلا بأن الــــبعد بنــــخافه

كنا لهالحـــب ماعفنا ولا عــــافك

[أعد النجوم]

ترا القصيد احيان جميل في حزنه

والحزن فيما اكتبه يريح الخاطر

يسعدك ربي لا تضيق ابد منه

واحلى قصيدي كتبته بحزني الماطر

[أعد النجوم]

اللهي لك الحمد والشكر والثناء

ولك الفضل والعز والاجلال والمنه

شليت من قلبي همومي والعناء

وشافيت اللي برضاها ادخل الجنه

واليوم احس اني اعيش بفرح وهناء

من فضل رب(ن) ابد مالنا غنى عنه

[أعد النجوم]

لا تضيق الصدر وتعيش في حسرة

عشان ناس(ن) ماتبادلك بالبِر

معاشر الناس وكل(ن) حسب قدره

لا تعطي احد(ن) فوق قدره فيغتر

المرأه اللي كوتها النار في هره

يا كيف لو هو أدمي جاله الضر

[أعد النجوم]

خلاص مليت ماعاد بي حيلة

وعقلي من الافكار أذانــي

ابدعي الله يزيل الهم ويشيله

القادر اللي ابد مايوم ينساني

[أعد النجوم]

إجرحيني كان يرضيك الجروح

واذبحي قلبي بسكين الهجر

مافيه شي (ن) واضح(ن) كل الوضوح

غير ان قلبي لجل عينيكي صبر

باخذ جروحي ودمعاتي واروح

والله يجازيك عني بالأجر


والله اني بعد فرقاها انوح

ليتها ماودعت قلبي الفجر

[أعد النجوم]

ماجفت الدمعة على خد مسكين

يبكي كأنه فاقد انسان غالي

من هالزمان اللي ترك فيه جرحين

جرح القريب وجرح مافاليد خالي

الله يعين اللي كسر ظهره الدين

حاله حزين ومبتلش بالعيالي

يارب ترزق كل مؤمن بهالدِين

رزق(ن) مبارك طيب(ن) بالحلالي

[أعد النجوم]

https://www.al2la.com/vb/t120951.html





ألا ياموت تكفى مر يمي
وخذني للحياة البرزخية

ولكني أخاف دموع أمي
علي تنزل وتصبح بي شقية

وحب أمي ترى يجري بدمي
ولا أرضى على أمي الاذية

وش الحيلة وأنا الأيام همي
يمر الوقت ودموعي ندية

ولجروحي أجي وأقول سمي
تعالي ياجروحي السرمدية

ولا قد نفّعني خالي وعمي
ولا به حد يرحمني شوية

ولو شفت الأوادم بي تذمي
فا انا أصل(ن)* حليم وماعليه

وأنا مدري وش اللي كان جرمي
عشان أعيش في هذي الأسية

ولكني ولو هالوقت خصمي
أباحاول أفوز بهالقضية

ألا ياموت تعال اليوم يمي
وخذني للحياة البرزخية

[أعد النجوم]

يا أخوان اللي يسأل يقول وش فيك بعد كتابة اخر قصيده

برغم من سوداوية الموضوع

الا اني كتبتها بمرور بعض المشاعر الحزينه فقط

والا انا بخير وماعلي خلاف ومبسوط واموري تمام

[أعد النجوم]

والله ان القلب ياقلبي يحبك

والمشاعر كلها لجلك تنادي

فلا تحسب اذا ماجيت قربك

بأني مابي منك الودادي

ودربي في الهوى قد صار دربك

وحبك يالغلا شربي وزادي

لعل الله يجبر كسر قلبك

ولعلي فيك مااذوق البعادي

[أعد النجوم]

مابكتب الشعر الا لجل عينك

ولو كان الفراق اليوم صاير

لك الله والمشاعر في يدينك

رجوتك لا تكون اليوم جاير

وانا بسألك انت اليوم وينك؟

وانا بسألك جرحك ليش غاير؟

طلبتك دام ديني مثل دينك

على جرحي طلبتك لا تخاير

جعل تبطي حبيبي لك سنينك

ولا تخلي فؤادي منك حاير

[أعد النجوم]

أرجوك لا تشمت بما قد جرا لي

يوم انك تشوفني اطلب الموت

قد كنت انا قبل في قلبك الغالي

والحين انادي لك ولا تسمع الصوت

الله يغــــــفر لك ترفق بحـــــالي

وكني مثل يونس محبوس في الحوت

[أعد النجوم]

يالله يارحمن ياخالق الإنس

أدعوك ترحمني وتغفر ذنوبي

في ليلي الحالك اناديك بالهمس

وانا تراني دايمن لك أتوبي

لو حطوا الدنيا بكفي مع الشمس

وقالوا نحطك مالك(ن) للشعوبي

وبشرط واحد مانبي غيره وبس

ترمي بدينك كل نقص وعيوبي

لا والله الا أقطع وفارق واخس

ماني على ديني ابقطع دروبي

[أعد النجوم]

انا حزين وصاحبي مايقدر

يحسب بأني ما أبيه بحياتي

لكن انا والله قلبي مبعثر

وعيني من الهم عيت تباتي

حطيت حاجز مثل باب(ن) مسكر

عشان الم اللي بقى من شتاتي

لكن نشوف اللي يجي والمقدر

لعل خير الوقت ياصاح ياتي

[أعد النجوم]

ماتت ؟؟ وسمعت الخبر ......كم تضايقت .

رغم انها كانت صغيره وماتت

ادعي لها ربي يغفر لها ويرحمها

وحتى لو ماكنت اوافقها في بعض الاشياء

الا انهااا كانت ذات ابتسامة وروح جميلة



(الله معاك يـ (ســـاز )

[أعد النجوم]

ادمعي يا عيوني وانكسر يا فؤاد

عالحبيب المعذب من جحيم الحياة

والله اني ماأشوف غير وجه السواد

والليالي عسيرة احرمتنا المبات

شل ياهم روحي وانتقل للبعاد

واحرق اللي بقى ثم أرم الرفات

زرعي اللي زرعته شب فيه الجراد

وانتهت ارض روحي واقفرت كالفلات

[أعد النجوم]

الروح ياروحي ترى مرهونه

للي احبه واعشق عيونه

مقدر اعيش اليوم من دونه

وانا عليه اليوم ولهاني


يارب تكفي صاحبي من همه

وتزيل ماحصل من غُمه

وترحم ابوه وترحم امه

من بعدهم اصبح يعاني


ياجعل من اشقاه في وادي

لا فيه ماء(ن) ولا زادي

ويموت حسرة وهو غادي


ونفرح اذا مات هالجاني

[أعد النجوم]

من بعدك الشعر فارقني
ياللي من الناس سارقني

حاولت ابكتب شي لكني

بعدك اللي صار ضايقني

والشعر دون احساس مايكتب

ولو كان شعري اليوم مرهقني


ابسألك وانت اليوم جاوبني

هل ياترى لازلت تعشقني ..؟

[أعد النجوم]

الا ياغاليه وسط الخفوقي

عيوني ما أبد تغلى عليها

وحبك ياغلا يجري بعروقي

الا ياليتني اقدر اجيها

واكلمها بتقدير(ن) وذوقي

واعلمها بأني ذبت فيها


الا ياقلبها ياذا السروقي

سرق قلبي واصبح في يديها

لها عندي بهالدنيا حقوقي

وانا أوعدك ما أبور فيها

وانا أحلف بمنهو كان فوقي

اله العرش ما أزعل عليها

[أعد النجوم]

مع السلامة كان تبغى السلامة
وجودك معي ماهوب في صالحك

انا ترا ماحب كثر الملامه
هذا انا ان كان تبغى اصارحك

دور على غيري...... وكلامي ختامه
اسف اذا كنت في يوم جارحك

[أعد النجوم]

استميحك عذر ياقلبي على جرحك
من جور الايام ولا جور اصحابي

ماعاد صرت اقدر مع الناس اضحك
واصبحت مهموم(ن) بعد ماراحو احبابي

الله معاك ياللي ....... صابني رمحك
ومن بعدها لليوم جرحي مابعد طابي

[أعد النجوم]

ومالي غير ربي يحتويني
أذا أمتلائت* من الدمعاتِ عيني

شعورٌ قد تولدَ في فؤادي
وغير الله لن أجد المعيني

وإني عشت في دنياي أرجو
إله العرش أن لا يبتليني

فإن جاء البلاءُ فيا إلهي
رجوتك أن تقوي* الصبر فيني

فلا في الكون أجملُ من إلهي
حبيبي أنت ثبتني بديني

[أعد النجوم]

لا تشغل الفكر وتزود معاناتك

إن كان إلنا لقاء بيقدره ربي

و إن كنت من فُرقتي أتسيل دمعاتك

فنا على فُرقتك متعذب(ن) قلبي

والحب قد فاتني يومه بعد فاتك

كبرنا وشبنا على تحب واحبي

خذ العلوم إللتي من خافقي جاتك

والله ماينفعك حبي ولا قربي

وإن مالقيتي حبيبك صار بحياتك

فاكيد بنموت ثم ألقاك عند ربي

[أعد النجوم]

اخر قصائدي

https://www.al2la.com/vb/t122109.html#post3107730

[أعد النجوم]

ماعطاني زماني غير هم وجروح
بس بشكي زماني على رب الزمان

والله اني كريم ووالله اني سموح
مارضيت المشقة ولا رضيت الهوان

في الحياة الكئيبة عندي اقصى طموح
إني اعيش طيب واني ابقى بأمان

كم من الناس راحو ومثلهم بانروح
لا تحسّب بتلقى بهالحياة الضمان

كل شي(ن) بقوله مكتسي بالوضوح
حاسب النفس واحرص لا تفك العنان

واطلب الله يربي فيك جسم(ن) وروح
واطلبه عنّك يرضى ويكرمك بالجنان

[أعد النجوم]

هربت من واقعي لاحلام ورديه
واثري بعد بالحلم غثتني كوابيسي

الله لا يعيدك ياذكرى عايشه فيه
عاشت معي ياصاح من يوم تأسيسي

[أعد النجوم]

اخر قصائدي هنا

https://www.al2la.com/vb/t122266.html#post3114143

[أعد النجوم]

بعض البشر فيهم قليل المروه
يأذيك لو أنك أبد ما أذيته

في قلبهم حقد(ن) ويطلع بقوه
بعيونهم يا صاحبي قد قريته

واللي تبي تسويه ذلحين سوه
ماهمني الا خفوقي وصيته

[أعد النجوم]

جميل ما تاخذ من الناس حاجه
والناس تزعل لو تثقل عليهم

لكن إلاهك اطلبه ثم ناجه
والرب يفرح بالعباد ويبيهم

اتروح للمخلوق هذي سذاجه
وتخلي اللي أمّتفضل عليهم

[أعد النجوم]

اخر ماكتبت

https://www.al2la.com/vb/t122812.html

[أعد النجوم]

يارب أمـــي إشفــــــها من ألمــــها
يارب مالـــــــي غيـــــرها يحتويني

أحبـــها وانا أنزعج من سَقــــــــمّها
لو في يدي لا أشيلها وسط عيني

من حـــــبها قلبي بياخذ اثْـمّــــــها
واعطي لها عمري وباقي سنيني

أبلــــتزم يـــــارب موطى قدمــــها
لعلي أدخــــل جنتك يامعــــــيني

[أعد النجوم]

امي لبى قلبها

اخر كتاباتي

https://www.al2la.com/vb/t123046.html

[أعد النجوم]

اخر قصايدي

https://www.al2la.com/vb/t123194.html#post3180315

[أعد النجوم]

لي أخوة(ن) في المسك أغليهم
يـــارب وفقـــــهم وبـارك فيـــــهم

لهم في خافقي أجمـــل مـــحبة
لو يطلبوني اي شي أعطيـــــهم

أخوان وأخوات لهم مني تحـــــية
يارب من غادرات الوقت تحميهم

[أعد النجوم]

اخر قصايدي

شرفوني هنا

https://www.al2la.com/vb/t123400.html#post3196285

[أعد النجوم]

يالفكر لا تشغل فؤادي وتشقيه
خلك بعيد وخلني في حياتي

ياعين صبي دمعك اليوم صبيه
على فؤاد(ن) مات قبل المماتي

[أعد النجوم]

ياقلبها المحزون ليش انت راضي

على حزنها اللي يزعل فؤادي

اما تخلي حزنها يصير ماضي

ولا تخلي فرحها دوم بادي

[أعد النجوم]

يامقدر الخير قدر لي توافيقي
والله إني عايش(ن) عيشه تعل

وان كان ربي ماكتب غير ضيقي
فـــــقدر الله وماشـــاء فعـــل

[أعد النجوم]

يارب مالي غيرك اليوم يارب
تغفر لي الذنب العظيم وتزيله

وانت الحبيب اللي ترى داخل القلب
مالي بدونك ياحبيبي وسيلة

أعيش في داخل فؤادي مية حرب
واللي مثل حالي وش الي يبيله

الخوف والرهبه مع صادق الحب
لك ياإله(ن) ينزل بكل ليله

[أعد النجوم]

الله يعين اللي همومه تهده
ان كان ماشاف بحياته اماني

يشعر بأن الناس والكون ضده
وتضيمه الافكار ومنها يعاني

لعل رب العرش يهديه رشده
ويعيش متهني بهذا الزماني

[أعد النجوم]

ان كان بك هم(ن) وعيا يروحي
اسجد لربك يارفيقي وناجه

ادري بأنك ممتلي بالجروحي
والرب مايعصى عليه اي حاجه

[أعد النجوم]

اخر ماكتبت شرفوني هنا

https://www.al2la.com/vb/t123957.html#post3237959

[أعد النجوم]

صحيح غابت وغاب الفرّح وياها
الله يسهل عليها وين ماراحت

ياحزنها ليش دايم تعشق بكاها
ياليتها منك راحت عنك وارتاحت

[أعد النجوم]

أرحبي يالهموم اللي وسط صدري

يامرحبا بك وجعلك دوم للماحي

ابسألك كم بقى لي شي من عمري

عشان باقي العمر أعيش مرتاحي

ياهم عيب(ن) عليك تقلل بقدري

وانا معك من قبل ماتزود أجراحي

ياهم أرجوك فارقني قضى صبري

بنام واصحى واشوف الهم قد راحي ........................ (باذن الله )

[أعد النجوم]

أبيات بسيطه للأخ العزيز والغالي متأمل

وهو يستاهل اكثر من ذلك

ولكن هذا ماجادت به القريحه

وان يعذرني عن القصور





غالي وله في قلبي احلا مكانه
اخوي ذاك اللي على العين والراس

لو ضاق به جوه واظلم زمانه
انا معه كلي شعور(ن) واحساس

مارضى عليه الذل وَلا المهانه
عزيز عندي وغالين بين هالناس

ادعي اذا قال المؤذن اذانه
لاخوي متأمل ولا تجيه الأتعاس

اشيل له حب(ن) وذوق وميانه
راعي العلوم الراقيه طيب الساس

لك في خفوقي ياحبيبي مكانه
ياجعلني ياخوي ماشوف بك باس

[أعد النجوم]

شرفوني هنا

اخر ماكتبت

https://www.al2la.com/vb/t125250.html#post3330226

[أعد النجوم]

https://www.al2la.com/vb/t125833-61.html#post3421071


ياترى من كان يقصد المدير ..........؟؟؟!!

[أعد النجوم]

لك وحشتن ماهي لغيرك من الناس
ياللي على طول الليالي حبيبي

غلاك مثل التاج يوضع على الراس
ليتك لعين اللي يحبك قريبي

ياروح قلبي والهوى واجمل احساس
وانتي الدواء لو كان قلبي عطيبي

ياجعلني ماشوف في الغاليه باس
وياجعلها عني أبد ماتغيبي

[أعد النجوم]

الله لنا ياللي عن العين غايب
تركتنا واحنا نحبك ونغليك

قلبي ترا في غضة الطرف ذايب
ياليتني اقدر اقابلك واجيك

[أعد النجوم]

ياعين لا تبكين كان الشقى جاك
واتحملي همك ولا تذكرينه

ادري زمان الهم غثك واذاك
وادري بأنك ياعيوني حزينه

[أعد النجوم]

اليوم زاد الهم وأصبحت مغبون
مقدر اسوي شي في اللي جرالي

اطلب اله الكون ذا خالق الكون
ترأف بحالي ياعظيم الجلالي

يارب ماني طالبن غيرك العون
وانت الذي تعلم بنفسي وحالي

بالهون ياربي على القلب بالهون
ارحم عبادك وانت الذي خير والي

[أعد النجوم]

تضيق.. لكن لي اله(ن) يفَرّج
أدعيه وانا موقن(ن) بالإجابه

أضحك مع العالم وأحكي واهرّج
والجرح في قلبي يزيد إلتهابه

[أعد النجوم]

اما اضربي بالنار قلبي وهو حي
ولا اتركيني ارتقي للسحابه

ياللي تخطّي خاطري في كل شي
محنا ترا يازين في وسط غابه

[أعد النجوم]

جاني خبر ضيق عليه حياتي
وأصبحت من هول الخبر ما أردي

تسألني الناس هل به شخص ماتي؟؟
واقول ياليت لكن شي أشدي