المساعد الشخصي الرقمي

مشاهدة النسخة كاملة : ســـاكن الشرقــــيّه!!!!!


بو نوره
10-09-21, 09:16 AM
بسم الله أبدأ
::::
ياحبيبي لهفة الخافق طغت باشواقي
والغلا والشوق لك ياساكن الشرقيّه

كل ماهب الهوا مع طلعة الاشراقي
قامت الذكرى تقلب صفحتي المطويه

وكل عرق وكل نبض ينبضه خفاقي
ايتوقف لا قريت اسمك او اسمٍ زيّه

الصبر عيا يعزز خزنة المشتاقي
حافظٍ ماضي العهود وصادق النيه

واتحمل من غرامك حمل ماينطاقي
مايشيله كتف كيف تشيله الألفيّه

كيف اعبرها حروف ونزفها دفاقي
والحروف الابجديه عاجزه موليّه

انت ياللي تلتوي من حسنك الاعناقي
من يلومك لا سكنت ابراجك العاجيّه

خذت خفاقي وعقلي بعدها وش باقي؟
مابقى الا روحي اللي لاجل حبك حيّه

اخذها فدوه لعينك يالغرام الراقي
بس تكفى لاتجازي حسنتي بالسيّه

الله انه لايعود حزة الفراقي
حزةٍ حطت وسط حدب المحاني كيه

حطني في وسط عينك واغلق الاحداقي
وضمني بين الضلوع بلهفه وحنيّه

واذكر انك منتهى الامال والاشواقي
والغلا والشوق لك ياساكن الشرقيّه


بقلمي
بو نوره

أعد النجوم
10-09-21, 11:39 AM
الله الله

مرحبا بعودتك اخي بو نوره


ابيات جدا راقيه بعد طول الغياب

ابدعت وامتعت ايه بالله

صح لسانك مليون ولا يكفون


يختم ل3 ايام مع التقييم والايك

بو نوره
10-10-21, 08:20 AM
الله الله

مرحبا بعودتك اخي بو نوره


ابيات جدا راقيه بعد طول الغياب

ابدعت وامتعت ايه بالله

صح لسانك مليون ولا يكفون


يختم ل3 ايام مع التقييم والايك

الرقي يا اخي تجلى في حضورك
اشكرك بحجم السماء يا شاعرنا الموقر

أعد النجوم
10-10-21, 11:13 AM
ابو نوره

الشهاده لله انك من اجمل الشعراء اللي مروا علي في هذا المنتدى

قصيدك دايمن استمتع به واقراه اكثر من مره

بس ياليت ماعاد تقطعنا وجودك في منتدانا مهم مهم مهم


وما اعتبرك الا اخ عزيز وغالي


اسأل الله ان يجمعني واياك في مستقر رحمته اخي الغالي

بو نوره
10-10-21, 01:22 PM
ابو نوره

الشهاده لله انك من اجمل الشعراء اللي مروا علي في هذا المنتدى

قصيدك دايمن استمتع به واقراه اكثر من مره

بس ياليت ماعاد تقطعنا وجودك في منتدانا مهم مهم مهم


وما اعتبرك الا اخ عزيز وغالي


اسأل الله ان يجمعني واياك في مستقر رحمته اخي الغالي

أهم مافي الأمر الدعاء الأخير
فاللهم آمين

أمَل
10-10-21, 07:55 PM
كل ماهب الهوا مع طلعة الاشراقي
قامت الذكرى تقلب صفحتي المطويه
نص جميل وسلسل
أبدعت دام تميزك

بو نوره
10-10-21, 11:24 PM
كل ماهب الهوا مع طلعة الاشراقي
قامت الذكرى تقلب صفحتي المطويه
نص جميل وسلسل
أبدعت دام تميزك

أمل
الجمال حضر بحضورك
فزانت القصيدة

تحياتي


SEO by vBSEO 3.6.1