الفيلسوف
10-21-21, 09:02 AM
https://www.mexatk.com/wp-content/uploads/2017/04/%D8%B5%D9%88%D8%B1-%D8%B9%D9%86-Family-1-450x450.jpg
( 2- السياسة الخارجية )
من التحديات اللي بتقابل أي زوجين في أول سنة هو تحديد شكل السياسة الخارجية للأسرة...ووضع تصور للتعامل مع أسر الزوجين والاقارب والاصدقاء والمجتمع بشكل عام . وشكل علاقتهم ببعض قصاد الناس..
وممكن يبقي الزوجين كويسين لما بيكونوا لوحدهم...ولكن أول ما يواجهوا الناس بتحصل مواقف تخلي بينهم مشاكل كتير.. وكتير بتحصل المشاكل بسبب الحموات أو أخوات الزوج أو أخوات الزوجة..واحيانا بسبب إفشاء أحد الزوجين لأسرار البيت (قضية تخابر ).. أو ان حد فيهم بيكلم التاني قصاد الناس بشكل مش كويس...أو الزوج يجبر زوجته علي شكل معين للعلاقة مع أهله ... إلخ
وعشان يتجنب الزوجين المشاكل دي لازم يتفقوا علي شوية حاجات كده
•تجديد النية:
مهم ان الزوجين يتعوّدوا علي تحويل علاقتهم بالناس لعبادة..فكل تحركاتهم في المجتمع مش مجرد واجبات إجتماعية سخيقة ولكنها تحت بند بر والدين أو صلة رحم أو عيادة مريض أو حق جار أو قضاء حاجة أو اصلاح بين الناس...ترسيخ النوايا دي وذكرها بشكل مستمر بيكون باب ضخم للأجر بالاضافة أنه بيهوّن علي الزوجين أذي مخالطة الناس وبيخلي رد فعلهم في مواقف كتير أكتر من رائع.
•لازم الزوجين يتفقوا علي ما يقال وما لا يقال بره البيت . لأن من الحاجات اللي بتعمل مشاكل كتير إن أحد الزوجين يتكلم عن تفاصيل معينة كان الطرف التاني مش عاوز حد يعرفها.
•لازم الزوجين يتفقوا علي تفاصيل الخروجة قبل ما يخرجوا ...يعني لو هيروحوا عند حد لازم يكونوا محددين هياخدوا أيه معاهم وهيقعدوا وقت قد أيه وهيباتوا ولا لأ ..علشان مايختلفوش قصاد الناس ..وعشان مفيش حد فيهم يستغل وجود الناس في تنفيذ رغبته ويحرج الطرف التاني (وده ما يمنعش ان المرونة مطلوبة) ...ولو فيه ظروف جديدة حصلت ممكن تغير الخطة يبقي مفهوم ان الزوج مفوض باتخاذ القرار.
•مهم أن الزوجة تأسس لفكرة انها مش هتقدر تدّي لحد أي وعود إجتماعية إلا لما تستأذن زوجها الأول.
•من الحاجات اللي بتعمل شرخ في العلاقة بين الزوجين إن حد فيهم ينتقد التاني قصاد الناس.
•مهم قوي ان الزوج يمدح زوجته ويمدح تصرقاتها ويعبر عن حبه ليها قصاد الناس....فاكرين لما سيدنا عمرو سأل النبي صلي الله عليه وسلم (من أحب الناس أليك)..قال النبي ( عائشة) ..حسّسّها رغم انكم في وسط ناس كتير انك مش ناسيها...قرب منها واهمس في ودنها وقولّها (بحبك)...أهتم بكل تفاصيل راحتها وهي معاك.
•لو الزوجين اختلفوا بره البيت..ممكن يأجلوا المناقشة لمّا يروّحوا ..(شياطين الانس والجن كتير ..والسحرة كتير ..وانتوا قد التحدي ) .ولازم الزوجة تظهر طاعتها للزوج طول ما هما برة البيت حتي لو مش مقتنعه..ولما تروّح تبقي تشبشبله ...قصدي تتناقش معاه .
•انت كزوج مسئول عن شكل العلاقة مابين زوجتك وأهلك..متسيبش حاجة للظروف ومترميش عليها المسئولية...وأنت أدري بالطرفين ..وعيش يا معلم (الموضوع ده محتاج لتفصيل).
•أخيرا..ياريت في أول فترة ..يتعود الزوجين انهم يقيّموا أداءهم بعد كل خروجة أو زيارة لحد ما يوصلوا لصيغة مرضية ليهم لسياستهم الخارجية
( 2- السياسة الخارجية )
من التحديات اللي بتقابل أي زوجين في أول سنة هو تحديد شكل السياسة الخارجية للأسرة...ووضع تصور للتعامل مع أسر الزوجين والاقارب والاصدقاء والمجتمع بشكل عام . وشكل علاقتهم ببعض قصاد الناس..
وممكن يبقي الزوجين كويسين لما بيكونوا لوحدهم...ولكن أول ما يواجهوا الناس بتحصل مواقف تخلي بينهم مشاكل كتير.. وكتير بتحصل المشاكل بسبب الحموات أو أخوات الزوج أو أخوات الزوجة..واحيانا بسبب إفشاء أحد الزوجين لأسرار البيت (قضية تخابر ).. أو ان حد فيهم بيكلم التاني قصاد الناس بشكل مش كويس...أو الزوج يجبر زوجته علي شكل معين للعلاقة مع أهله ... إلخ
وعشان يتجنب الزوجين المشاكل دي لازم يتفقوا علي شوية حاجات كده
•تجديد النية:
مهم ان الزوجين يتعوّدوا علي تحويل علاقتهم بالناس لعبادة..فكل تحركاتهم في المجتمع مش مجرد واجبات إجتماعية سخيقة ولكنها تحت بند بر والدين أو صلة رحم أو عيادة مريض أو حق جار أو قضاء حاجة أو اصلاح بين الناس...ترسيخ النوايا دي وذكرها بشكل مستمر بيكون باب ضخم للأجر بالاضافة أنه بيهوّن علي الزوجين أذي مخالطة الناس وبيخلي رد فعلهم في مواقف كتير أكتر من رائع.
•لازم الزوجين يتفقوا علي ما يقال وما لا يقال بره البيت . لأن من الحاجات اللي بتعمل مشاكل كتير إن أحد الزوجين يتكلم عن تفاصيل معينة كان الطرف التاني مش عاوز حد يعرفها.
•لازم الزوجين يتفقوا علي تفاصيل الخروجة قبل ما يخرجوا ...يعني لو هيروحوا عند حد لازم يكونوا محددين هياخدوا أيه معاهم وهيقعدوا وقت قد أيه وهيباتوا ولا لأ ..علشان مايختلفوش قصاد الناس ..وعشان مفيش حد فيهم يستغل وجود الناس في تنفيذ رغبته ويحرج الطرف التاني (وده ما يمنعش ان المرونة مطلوبة) ...ولو فيه ظروف جديدة حصلت ممكن تغير الخطة يبقي مفهوم ان الزوج مفوض باتخاذ القرار.
•مهم أن الزوجة تأسس لفكرة انها مش هتقدر تدّي لحد أي وعود إجتماعية إلا لما تستأذن زوجها الأول.
•من الحاجات اللي بتعمل شرخ في العلاقة بين الزوجين إن حد فيهم ينتقد التاني قصاد الناس.
•مهم قوي ان الزوج يمدح زوجته ويمدح تصرقاتها ويعبر عن حبه ليها قصاد الناس....فاكرين لما سيدنا عمرو سأل النبي صلي الله عليه وسلم (من أحب الناس أليك)..قال النبي ( عائشة) ..حسّسّها رغم انكم في وسط ناس كتير انك مش ناسيها...قرب منها واهمس في ودنها وقولّها (بحبك)...أهتم بكل تفاصيل راحتها وهي معاك.
•لو الزوجين اختلفوا بره البيت..ممكن يأجلوا المناقشة لمّا يروّحوا ..(شياطين الانس والجن كتير ..والسحرة كتير ..وانتوا قد التحدي ) .ولازم الزوجة تظهر طاعتها للزوج طول ما هما برة البيت حتي لو مش مقتنعه..ولما تروّح تبقي تشبشبله ...قصدي تتناقش معاه .
•انت كزوج مسئول عن شكل العلاقة مابين زوجتك وأهلك..متسيبش حاجة للظروف ومترميش عليها المسئولية...وأنت أدري بالطرفين ..وعيش يا معلم (الموضوع ده محتاج لتفصيل).
•أخيرا..ياريت في أول فترة ..يتعود الزوجين انهم يقيّموا أداءهم بعد كل خروجة أو زيارة لحد ما يوصلوا لصيغة مرضية ليهم لسياستهم الخارجية