خالدياااات

[سلمان الخالدي]

السلام عليكم ورحمة الله وبركاته

نعم الكثير يسألني لماذ كتبت هذا التوقيع

مانيب في اسمي على الناس بلاس
.......... ومانيب من يبعده ويكتب بداله

السبب انه لاغير اسمي الي اختاره لي والدي ووالدتي واختفي خلف اسم اخر
وهي لها قصه منذ زمن يقارب العشر سنوات ويزيد

وهي من ابيات اقول فيها

شعري كتبته كل ماهب نسنااااس
.........ولا نقلته من جهاز ورساله

تطيب به نفسي كل ماجاني احساااس
..........واكتب معاني مقصده في الجزاله

مانيب في اسمي على الناس بلاس
.......ومانيب من يبعده ويكتب بداله

اسمي انا سلمان من نور نبراااس
.......افخر باسمي في ضلاله وجاله

سلمان

[سلمان الخالدي]

وعليكم السلام ورحمة الله وبركاته

امين أمين أمين يارب جعلكم تسلمون
جعلها شاهده لي بالدعوه لله سبحانه و تعالى

:x117:

[سلمان الخالدي]

الحمد لله الي بنعمته تتم الصالحات وبفضله تحل البركات
اللهم لاتحرمنا من فظلك

[سلمان الخالدي]

مع نزول المطر وسماع صوت الرعد هنا يطيب الدعاء
نسأل الله العلي القدير ان يرحم والدينا وجميع موتى المسلمين
وأن يحفظنا ويحفظكم من كل شر ويديم الامن والامان في بلادنا الحبيبه ويتقبل منا ومنكم صالح الاعمال يارب

[سلمان الخالدي]

ياليت للمنتدى منصه وتطبيق
........ويمنع دخوله دون بطاقة احوال

نبي الاسم واضح ولا فيه تلفيق
.........ناخذ ونعطي مع الذريبن موال

بعض الاوادم كل هرجه خثاريق
..........صورة مقامه بين الاشباح وازوال

ما ينقض الميثاق الا الزناديق
......... ...مثل الذي بين الاجاويد سوال

اشوف بعض الناس ماوده يفيق
........مايعرف التحليل وقياس الاطوال

ماكنه الا الحمص و عيال الاغريق
..........اهداف نفسه عسكريمه وجوال

وجه ذميم وشين ما يبلع الريق
.......... وش عرف الديدان محرم وشوال

وجه الخيانه فيه و الخبث والضيق
............وعن مجلس الغالين مناك صوال

ياراعي البرقع فضحيتك تنميق
...........وانت الفضيحه والفضايح والاغوال

قلوب البشر اسرار مثل الصناديق
.........فيها من الالغاز ومن بعض الاهوال

احدن تقول حصان والاصل بطريق
..........واحدن علينا بدل الشماغ بشوال

يلقى من الشعار للضرب تصديق
.........يجعل شبيه الوسم مغراف فوال

ماينفع الترقيع بشوي تصفيق
.........ما ينفع الا ختم الافعال باقوال

يشبه بقايا القيح وحثال اباريق
...........متسلسل الاحقاد من اعمام واخوال

هذا جزا الي ناقض(ن)للمواثيق
...... ....مادام لا رجال ولا طيّب عوال

سلمان

[سلمان الخالدي]

ما أروع البحر حين يطل عليه العشاق .. وما أشد ظلمته حين تطل منه الذكريات ..

[سلمان الخالدي]

رضى الرّحمن، يسعد الإنسان، ويخسئ الشيطان، ويُذهب الأحزان، ويملأ الميزان.

[سلمان الخالدي]

هذي ياحطاب الندى شيرين شامت
..........هي مسيحيه وقاتلها يهودي

في الصحافه سجلت وقامت و حامت
...........وصورت صدق العباره و الوعودي

من تحت قاع البحر غاصت وعامت
..........وفي الملاقاء ما تنحت للصدودي

العرب في يومنا تاهت وصامت
..........مابه الا بروق مع صوت الرعودي

جروحنا في القدس أطراف وترامت
........مايشيل الرمح محمرت الخدودي

ما بقت في دارها وطاحت و نامت
........شاقها حطين ياليته يعودي

من صلاح الدين قامت و استدامت
........وخالد الي قاد صبيان الفهودي

راحو الي صبحوها واستقامت
..........وركزو راية محمد في الحدودي

هذي إسرائيل ديدان وتنامت
........من عقب يوسف وتاريخ الجدودي

ان بغيت الصدق الأرواح هااامت
.......وبيحت كل الخواطر و السدودي

للمنايا في مصلى القدس سامت
....... والثمن دار البقا دار الخلووووودي





سلمان

[سلمان الخالدي]

يالابس البرقع وفي جلد ثعبان
خبل النحايا بالقشر يدفعونه

نويت ادب كل خبل(ن)وتعبان
هو يحسب الي صفقو ينفعونه

الشعر يبغي رجل مهوب خوان
يويق تال الليل يظهر سنونه

صقر الندى ماهوب يالخبل شيطان
الوجه كالح والنجس في عيونه

في المجلس الي فيه للعز فرسان
ان جا مجال الرد دور معونه

ليت القناع يطيح ونشوف ذيبان
ونعرف لطيفه والحروف الحنونه

ياهاجد الاجواد قبايل وعربان
شكلك من المثلين واقل دونه

ان كان لك مركوب ياصلك صنيان
صبيان نجد(ن) من تعدى يجونه

جزاك يالمختفي من كف سلمان
ودي امرغ جبهتك بالسخووونه

سلمان

[سلمان الخالدي]

اعترف بانني محب لكل من حولي وامهل عدوي حتى يتمادى ثم اقوم بقصع راسه

[سلمان الخالدي]

علينا ان نتعلم من الحياة
الصبر على البلاء ..
والتبسم رغم العناء ..
وأن لا ننكر أبداً العطاء ..
وأن نبقى معكم يا أهل الوفاء .

[سلمان الخالدي]

قالت اسمي ريييم ومن كوكب زحل
شرقي المريخ على أطراف السديييم

قالت انت الشوق و حبك ما رحل
مثل مانعشق قطر فيها تمييم

قالت اقلط ياهلا وراااعي محل
مانقول الا الصراحه في الصميييم

قالت انك في المحاني والمقل
من سنين العمر وعشقي في السلييم


سلمان

[سلمان الخالدي]

لهذا السبب لا اكتب في الشعر كموضوع في قسم المواضيع
وانا اريده بعيدا هنااااااك يتذوقه من يحبه
لان تكرار القافيه في الانشوده او القصيده من الشاعر يعتبر ضعف
ولانه لايوجد ثمة تقييم كما ينبغي للشعر ولا يصلح الشعر يقيمه كل من هب ودب

[سلمان الخالدي]

الحمدلله الحمدلله على شوف السحاب وسماع صوت الرعد على الرياض
الحمدلله على العطاء والخيرات اللهم اشفي وعافي كل مريض يارب واجعل ماصابه طهورا

[سلمان الخالدي]

انا حضرنا الصبح او جينا المساء
جينا للاشواق و الطرف الحزين

ياعسى الله يحفظك ربي عسى
ياكمال الشوووق والعقل الرزين

سلمان

[سلمان الخالدي]

كل شيء جميل يتحقق في الصباح، فأجد فيه الأمل والأمان والراحة.

[سلمان الخالدي]

مافتخرنا بشوف دخان الزقاره
.........وماحضرنا دون افشاء السلام

نكتب المظمون ويشهد له قراره
..........ونرفع التغريد مع سرب الحمام

نلطم الي يدعي فن وشطاره
........الي اسمه مختفي تحت الركام

الي وجهه بارد ومابه حراره
.........من سلالات الهلايم والخماام

نشطره شطرين و نشوف انشطاره
.........من صقيل الحد ومن يمنى المقام

البحر يرجع على اصل انحساره
.........والمجادل يكشفه طيب الكلام

يكشف الرجال خبثه وانحداره
.........يوم غطى الوجه بمعرف غرام

تعرفه في هرجته وزود انكسااره
.........يوم طمن مثل تطمين النعام

ناخذ الطولات على طيب و جداره
...........مع نجوم الليل من فوق الغمام

افتخر في رمز اسمي والاشاره
.........وندحم الي يعتدي وسط الزحاام


سلمان

[سلمان الخالدي]

ماتعودت اني ادور للعطايا
وماجحدنا راعي النفس الكريمه

لي يمين ن تلطم خباث النوايا
النفوس الي بها خبث ولئيمه

صبري صبر الي تقدم في السرايا
مايهزه راعي افكار ن عقيمه

سلمان

[سلمان الخالدي]

يجب ان يكون لها نسخه هنا


يالله عسى ربي من النور يمنحنا
وقراءننا والذكر في القلب نبدي به

وندخل على الله من الي يمازحنا
مدري اسد غابه والاثعل او ذيبه

ليته يقول اسمه ونبدا به يريحنا
نقول له احسنت وماهيب والخيبه

مدري بداية خير والخير صبحنا
والا هجاد الحرب والحرب يحريبه

نسألك يالعالم من الزلات ترحمنا
وعدونا الي صال تبعده وتصيبه

الي يحب الشر وبالعين يلمحنا
ذخيرته اشواق مخطوطه و ترحيبه

الفج واسع ياعساك الخير وافلحنا
يالي صنعت العشق والقلب تسري به

سلمان

[سلمان الخالدي]

تسلم يارايق

بديتني بالطيب والطيب معناااك
ولاهي غريبه منك حلو الجمااايل

رايق في تقيمك ورايق في مبداك
اميرنا الي من عيال الحمااااايل

يشهدك لك الغااالين منا ومناااك
شيال حمل(ن) ماتثنى ومااايل

كريم من طبعك يوم الله اغنااك
تسبق وتكسب من الغنايم ونااايل

[سلمان الخالدي]

هنا وقفت محتاراً… فسلمان شاعر مفوه … وانا لست من أهل القوافي
فكيف ارد على هذا الأبيات رداً يليق بها ويناسبها

لله درك يا سلمان .. لقد ألجمتني بأبياتك وجميل مافيها
ياله من اهداء اسعدني كثيرا ..
وماهذا إلا لأنك كريم في مشاعرك

شكرا لك يا سلمان على ابياتك وثنائك واطرائك ..
ستبقى هذه الكلمات خالدة عندي


تسلم يارايق صبحك الله بالخير الله يسعدك في الدنيا والآخرة ويحفظك من كل شر
كلماتك بالنسبه لي احسن واقوى على قلبي من شعري ليه تقول الكلام هذا
كلماتك ستبقى كأجمل وسام على صدري افتخر فيه
وافي وغالي ياغالي

[سلمان الخالدي]

من الذكريات الجميله
اغلى هديه من المراقب بنك بيري منذ زمن
في منتدى محافظة صوير
وكانت انشوده في رد على ابيات لي كان فيها بعض المشاريه والعتاب



هذا وقتك ياقصيدي قوم وقف وارتجل
.........وابدع بوصف الاكااارم وانتهج قافٍ جديد

واسحب من الماء طهوره وبلل الاوراق بل
......ومن صفى قلب الخوااالد طهّر ابيات القصيد

اشهد اني ماعرفتك يالسنااافي من قبل
........بس احس اني عرفتك من قريب ومن بعيد

جيت لك وانا عنزي وقلت عنزي يابطل
........لانوى ضرب الاعاادي صارت ايدينه حديد

وجيت لك وانا عنزي وقلت عنزي يافحل
........لانوى مدح الاصايل مامدح شخصٍ بليد

ماكتبت القاف هذا في طفاقه اوعجل
........لن قافك شد فكري ياعسى عمرك مديييد

ومنتم بحاجه لقافي يالخوالد في الاصل
........دام جد الجد فيكم اسمه الخاااالد وليد

بنك بيري

[سلمان الخالدي]

تعودنا انا نجي ونزور المنتدى عجلين
نزوره ومادخلنا دخلت الغربان والبومه

نزوره ماحملنا الفاس والمنشار والسكين
حملنا الي يزيل الشر وكل افكار مسمومه

نزوه وحنا نحترم اهل الكفو وجليين
نشم العطر وخشومنا ماهيب مزكومه

نحب اهل الندى الي بين اخوانهم ذربيين
وفيهم نصح بالايات والامثال مفهووومه

سلمان

[سلمان الخالدي]

مشيت قدام اخواني للاستراحه في هيت الحبيبه

واقول

ماجلسنا الا نبي احدٍ يجينا
نفتح الابواب ونفرح بالظيوف

الجمال الي تعدى جورجينا
في الدلال الي تقدم للصفوف

العطا للضيف ومحتاج وسجينا
الندى ما نتركه فوق الرفوف

سلمان

[سلمان الخالدي]

حي الجواب الي قرينا ومعنااااه
صاروخ حرب ومن منصة حدودك

فيه الحلا والعشق تكبر مزاياااه
وعليه ختمك في نهاية ردودك

البال يمك انت وابيض محياااه
مدري من الاحلام والا وعووودك

بنيت بيت الحب وحنا رجيناااه
واقفيت عنا ثم شفنا صدوووودك

ان كان قربك عرض حنا شريناااه
غالي ومن الغالين وقبلك جدوودك

سلمان

[سلمان الخالدي]

جهلـتُ عيونُ النَّـاسِ ما فِي داخلِـي
فوجــدت ربـــي بالفُـــــؤادِ بصيـــرَا

يـا أيُّهـا الحـزنُ المسافـرُ فـي دمِــي
دعنـِـي فقَلبــي لـــنْ يكــونَ أسِيــرَا

ربِّي معي فمنْ ذا الَّذي أخْشى إذنْ
مــادامَ ربِّـــي يُحسِـــنُ التَّدبِيـــــرَا

وهـــو الَّذي قـدْ قــالَ فِـي قــرآنهِ
"وكفَــى بربِّـــكَ هاديًـــا ونصِيــرَا"

[سلمان الخالدي]

الاربعاء يوم له طعم غير سبحان الله العظيم
وزاد الجمال جمال الغيوم والفرصه مهيئه باذن الله تعالى لنزول الامطار
واجازه الله يديم علينا وعليكم الايام المباركه ويبارك لنا ولكم في الشهر الحرام ويبلغنا واياكم ايام عشر ذي الحجه

[سلمان الخالدي]

هذا مكان العز والطيب والجود
وهذا هو قسمي للجزل و الفرايد

مانيب في حاجة مزامير مسعود
ولاحاجة لي في الصحف والجرايد

نكتب لذيذ الحرف مع هبت النود
ونبعد عن الوجعان راع النكااايد

نبعد بها عن كل حاقد ومقرود
ومانسأل المجنون وش انت صايد

بيني وبين الخبل الباب مردود
الي عن اسمه ما يدور حمااايد

سماه ابوه وحط في اسمه الكود
يرقى على كبر الخرق والوسااايد

مانيب للصفحات والظلم محدود
الصفحه الي صار فيها القدايد

سلمان

[سلمان الخالدي]

باقة من الورود بقدوم العيد مُعطّرة بالعود لكم يا أصاحب الجود. لكم مِني أطيب التحيات وأصدق الدَعوات أدام الله لكم الأعياد دهورا، وألبسكم من تقواه نوراً، عيدكم مبارك.

محبكم سلمان بن محمد الخالدي

[سلمان الخالدي]

مايهمل الرجال اسمه ومعناه
......الا ان فيه من الخبايا مواري

ومايهمل الرجال ضيف (ن) تنصاه
........ .الا ان خاله مثل طير الحباري

يعرف عقيد القوم بالاسم والجااه
.........ومن واقع اسمه يذكرونه بطاري

في عالي المراقب طيبه بمرقاه
............والقاع يترك والخبب و الذواري

من لا يحمل الطيب قلبي تعداه
.............يحشم وجوده لابسات الخزاري

مانيب من يطلب خرابيط الافواه
............شعري كتبته من خشوم البراري


سلمان

[سلمان الخالدي]

عندما يكون هناااك شي في قلبي له اهتمام يكون هنا في الخالديات

هناك وطن إسمه فلسطين : يموت فيه من لا يستحق الموت على يد
من لا يستحق الحياة
اللهم عجل بنصر اهلنا في فلسطين

[سلمان الخالدي]

يهزني المجمول من بين الاجواااد
ان التفت ايمييين والا شمااالي

فيهم سمو الزين هي رمز الاسعاد
من يوم اشوفه ينشرح كل بالي

نسافر مع البيدا مع كل مداااد
نبي نشوفه على المرقاااب والعالي

احب طبعه يوم ينتابه اعناد
اصيل من عمه وطيب الخوالي

ماهمني المقرود ولو قال وش عاد
مادام يلبس فوق راسه شوالي

مافي يمينه طيب ولا قوة اسناد
وده بنقد للعرب في المقالي

هو مادرى ان صويحبي حب ينقاد
مثل المطر يتبع هبوبه ومااالي

نصحت قلبي منه وعيى ولافاااد
مثل الي صابه جنون الهبااالي

جدانها الي سطرو كل الامجاااد
وخذو من التاريخ كبر المجااالي

طول الندى منهم تقل برق رعاد
تفرح به العربان من اول وتااالي

شرق الرفيعه شرق للحب ميعاد
يطيب عطره مع لذيذ الليااالي

سلمان

[سلمان الخالدي]

من واقع الايام خذنا التجاااريب
ومن كثر ماشافت عيوني تكلمت

نصبر على دنيا بها كل التعاجيب
وندحم بها ولو فيه جرح وتألمت

طيب الفتى معروف نيل المكاسيب
وعزالله اني من الليالي تعلمت

يخطيك سهمٍ وسهمٍ لك يصيب
ومع الفوايد ماخسرت وتندمت

سلمان

[سلمان الخالدي]

وعليكم السلام ورحمة الله وبركاته
الحمد لله على السلامة اخي لا بأس طهور ان شاء الله

عطاء دايم



الحمد لله على السلامه يا الامير

وطهور ما اصابك وتكفير خطايا

والله يجعل ايامك
رضا وعافيه وصحه دائمه

طاغي النظره


الله يعزكم ويسعدكم يالغالين على السلام الذرب والعلم الغانم تسلمون والله وبارك الله فيكم انا اشهد انكم مثلتو انفسكم وبيوتكم الاصيله يامحازم الطيب






بيض الله وجه من ابدا سلااامه
مد يمنى الطيب من قبل الكلام

طاغي النظره في كفه علاامه
ومن عطاء دايم نشوف الاحترااام

صبحنا يبعد غثى الليل وضلامه
ويبعد الي يهتوي شر وحرام

السماجه في حروفه مع كلاامه
بدل اسمه يدّعي حب وغراام

غره التطبيل وابلشنا الهلااامه
غازي من دون محراب وإماام

تنصح المسكين ولا عنده ملامه
راجع للخلف وغيره للاماام

ياكثر ماشالت براميل القمامه
من غثير الخبث وعيال الخمااام

من حروفي علم قوه مع دعامه
والمزور يبقى مع سرب النعام

ماله اسم مع قبيله او زعامه
ومافهم للعلم وشروط النظام

في قبالة شوفته مثل الغمامه
والدواخل كلها تحت الركام

سلمان

[سلمان الخالدي]

بلال يؤذن باكيا في الجابيه

حينما قَدِم عمر رضي الله عنه إلى الشام ، لاستلام مفاتيح بيت المقدس بعد فتحه من قبل الجيوش الاسلاميه
وانتصارهم التاريخي عل الروم النصارى واليهود وكتابة العهده العمريه المعروفه والموجوده حتى تاريخنا.
كتبت سنة خمس عشرة هجرية.
وشهد بذلك كلا من :

١- *خالد بن الوليد . رضي الله عنه
٢- عبد الرحمن بن عوف. رضي الله عنه
٣- *وعمرو بن العاص. رضي الله عنه
٤- معاوية بن أبي سفيان. رضي الله عنه

كانت لحضات انتصار تتطلب اعلان الفرح وقد طلب الصحابه رضوان الله عليهم من الخليفه الفاروق عمر بن الخطاب رضي الله عنه أن يطلب من بلال رضي الله عنه أن يُؤذِّن ،وكان لم يؤذن بعد وفاة النبي صلى الله عليه وسلم فعندما أذن ذّكَّر برسول الله صلى لله عليه وسلم ،
وكانو في موقع يسمى الجابيه في الشام فقد جاء عن زيد بن أسلم عن أبيه قال : قدمنا الشام مع عمر فأذَّن بلال فلم أرَ يوما أكثر باكيا .

وفي رواية : أن بلالا لم يؤذِّن لأحد بعد رسول الله صلى الله عليه وسلم ، وأراد الجهاد ، فأراد أبو بكر منعه ، فقال : إن كنت أعتقتني لله فخلِّ سبيلي . قال : فكان بالشام حتى قَدِم عُمَر الجابية فسأل المسلمون عمر أن يسأل لهم بلالاً يؤذِّن لهم ، فسأله فأذَّن يوما فلم يُرَ يوما كان أكثر باكيا من يومئذ ذِكْرًا منهم للنبي صلى الله عليه وسلم .


بكاء بلال في المدينة المنورة:

لم يُؤذِن بلال لأحد بعد النبي صلى الله عليه وسلم إلا مرة واحدة ، في قدمةٍ قدِمها المدينة لزيارة قبر النبي صلى الله عليه وسلم ، وطلب اليه الصحابة ذلك فأذن، ولم يتم الاذان .

* (تهذيب الكمال في اسماء الرجال )


كم نحن بحاجه الى الاذان من بلال هذه الايام
رضي الله عنه وعن صحابة نبينا محمد صلى الله عليه وسلم

[سلمان الخالدي]

تحيه من كل قلبي لاحبتنا حكومة واهالي دولة الكويت الشقيقه في ايقاف الحفلات
بمناسبة تعرض اهلنا في فلسطين الحبيبه للاعتداء البغيض من بني صهيون
اما بقية المطبعين فنقول لهم شاهة الوجوه قبحكم الله

[سلمان الخالدي]

اللهم أنت الله الواحد الأحد الفرد الصمد الذي لم يلد و لم يولد و لم يكن له كفواً أحد
اللهم عليك باليهود الصهاينة اللهم شتت شملهم وفرق جمعهم واجعلهم وأسلحتهم غنيمةً للمسلمين
اللهم أنزل الخوف والرعب في قلوبهم وزلزل الأرض تحت أقدامهم اللهم أرنا فيهم عجائب قدرتك ياقوي ياعزيز

اللهم كن لإهلنا في فلسطين معيناً ونصيرا

[سلمان الخالدي]

القضيه الفلسطينه قضية دم اسلامي قضية عزة الاسلام قضية الاسراء والمعراج
عندما تولى ابو بكر الصديق الخلافه بعد النبي عليه افضل الصلاة والسلام
قالو له نعيد جيش اسامه ابن زيد لاننا في في وضع حرج في حرب المرتدين
فقال ابو بكر رضي الله عنه قولته المشهوره
والله لا احل لواء عقده رسول الله يقول عمر بن الخطاب رضي الله عنه فعرفت ذلك في وجه ابو بكر بان الله قد شرح صدره للقتال فقاتل الروم والمرتدين على حد سواء ونصره الله

[سلمان الخالدي]

.......

[سلمان الخالدي]

يا أهل المُدن المُسوّاة بالأرض المرفوع ذكرها حتّى السّماء، بُثّوا بعضا من نخوتكم فينا، جرِّدونا من أطماع الدّنيا وأحيُوا ذكر الآخرة فينا، أرونا طريق العزّ وذكّرونا بمجد خالد بن الوليد رضي الله عنه وتدبيره في ادارة الحروب لأنّنا نسيناه بسبب الدنيا الفانيه ، هزّوا أسِرّة نومنا وأيقظوا ضمير الأمّة فينا، ولا تحكموا علينا بأخطاء وخذلان من حولنا بلينا بهم فجُلّ شعوبنا تقدّس تراب أحذيتكم التّي تستصرخ النّخوة فينا.
سلام عليكم اهل فلسطين الحبيبه وجميع منهم حول اكناف بيت المقدس

[سلمان الخالدي]

قال تعالى (إِياك نعبد واياك نستعين)

قال الشيخ بن عثيمين رحمه الله
ينبغي على الإنسان أن يستعين بالله عز وجل في كل شئ حتى في الأمور الصغيرة كالذهاب ، والمجيء ، والأكل والشرب ، واللباس ، حتى يكون مدركا لحاجته متعبدا لربه عزوجل ؛ لأن الاستعانة من العبادة ، وإذا استعان العبد بربه يسر له الأمر وسهله عليه.

مآ دمتُ في كفِ الرحمن آمنا"
فكيف أخشى من المقدور يؤذيني...
سلمتُ أمري للرحمن واثقا..
بأن ربي سيكفيني ويحميني"

لنتفائل بيوم جديد ،،
ربي اجعل لنا من عطائك ما يسد عنا أبواب الحزن والضيق ، ويفتح لنا أبواب السعادة

رب أينما كَان الهُدى فاجعله طريقنا
وأينَما كَان الرضَا فاجعله رَفِيقنَا
وأينَما كانت السعادة فاجعلها في قلوبنا
آمين يارب العالمين

صباح البشائر والرحمة من رب العالمين

[سلمان الخالدي]

عبدالله بن رواحه رضي الله عنه وهو يرتجز
قبيل بداية معركة مؤته


أَقسَمتُ يا نَفسُ لَتَنزِلِنَّه
لَتَنزِلِنَّه أَو لا لَتُكرَهِنَّه

إِن أَجلَبَ الناسُ وَشَدّوا الرَنَّة
ما لي أَراكِ تَكرَهينَ الجَنَّة

قَد طالَما قَد كُنتِ مُطمَئِنَّة
هَل أَنتِ إِلّا نُطفَةٌ في شَنَّه

يا نفس إن لا تقتلي تموتي
هذا حمام الموت قد صليت

وما تمنيت فقد أعطيت
إن تفعلي فعلهما هديت


عبد الله بن رواحة

[سلمان الخالدي]

هكذا، كشفت حرب غزة الأخيرة مجدداً عن مكامن الضعف في إسرائيل
التناقضات والتوترات الداخلية في عمق المجتمع اليهودي الحيرة من مستقبل مجهول، والقلق الناتج من سلبية الرأي العام الاسرائيلي وقلة ثقة الذات بالشرعية الأخلاقية للسياسة الإسرائيلية الحالية، وهو القلق الذي لا يخففه اعتقاد الناس بأنهم أصحاب الحق في العيش في «أرض الميعاد» هذه التي يظنونها «وطنهم التاريخي» أيضاً. وهكذا، استطاعت غزة مجدداً، ببؤسها وشقائها ودمويتها، «تعكير مزاج العدو وراحته، لأنها كابوسه، لأنها برتقال ملغوم، وأطفال بلا طفولة، وشيوخ بلا شيخوخة، ونساء بلا رغبات» على حد قول الشاعر محمود درويش.

[سلمان الخالدي]

يقولون ابائنا ونسمعا بكثره مع كبار السن
باااانت البينه والدين دين الله


ويقول الشاعر النبطي المعروف حميدان الشويعر

من يامن الرقطاء على الساق نادم
ومن يامن الضد القديم يهااان

عدوك لو خلاك يومٍ مهااابه
فهو مسرجٍ للمولمات حصان

هاهي امريكاء الشيطان تحضر بخيلائها واستكبارها
وحضور المدمره (ايزنهور) لقتل الضعفاء والمساكين
المسلمين
ولم تعلم بانها باذن الله نهايتها
اللهم عليك بهم ارنا فيهم مايسرنا عاجلا غير اجل

[سلمان الخالدي]

‏يا الله...
لَسْنَا نَشُكُّ بالفَرَجِ أبداً....
نحن فقط نرقبُه من أيِّ اتجاهٍ سيأتي...
سبحانكَ فإنه لا يُخلَفُ وعدُكَ، ولا يُهزمُ جندُك....

اللهم اهزم امريكا واسرائيل وارنا فيهم مايسرنا عاجلا غير اجل
اللهم صل وسلم وبارك على نبينا محمد وعلى آله وصحبه أجمعين...

[سلمان الخالدي]

مايصدق الاخبار ويكذبها الا الواقع وما يحدث على ارض الميدان والجبهه الحقيقيه لم يعد هناك حرب بالوكاله
حرب غزه كشفت الفريقين وقسمت العالم الى قسمين قسم يقاتل بقيادة اسرائيل وهم جنود إبليس الطاغوت
وقسم يقاتل بقيادة العزيرز الحكيم رب العرش العظيم ويختبر فيه الصالحون ولك حرية الاختيار لم يعد هناك لون رمادي سقطت أقنعة الذين يعملون في الخفاء مع اليهود

قال تعالى

﴿ مَّا كَانَ ٱللَّهُ لِيَذَرَ ٱلۡمُؤۡمِنِينَ عَلَىٰ مَآ أَنتُمۡ عَلَيۡهِ حَتَّىٰ يَمِيزَ ٱلۡخَبِيثَ مِنَ ٱلطَّيِّبِۗ وَمَا كَانَ ٱللَّهُ لِيُطۡلِعَكُمۡ عَلَى ٱلۡغَيۡبِ وَلَٰكِنَّ ٱللَّهَ يَجۡتَبِي مِن رُّسُلِهِۦ مَن يَشَآءُۖ فَـَٔامِنُواْ بِٱللَّهِ وَرُسُلِهِۦۚ وَإِن تُؤۡمِنُواْ وَتَتَّقُواْ فَلَكُمۡ أَجۡرٌ عَظِيمٞ ﴾ [ آل عمران: 179]

[سلمان الخالدي]

قال تعالى:
وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ كُلُّهُ لِلَّهِ ۚ فَإِنِ انتَهَوْا فَإِنَّ اللَّهَ بِمَا يَعْمَلُونَ بَصِيرٌ (39)

عندما خرج النبي صلى الله عليه وسلم من مكه الي المدينه
وبعد بنا المسجد النبوي
واخى بين المهاجرين والانصار وكذلك الاوس والخزرج
وبذلك ضرب بني اسرائيل بضربه قويه سياسيا
ومن ثم قام بارسال السرايا قبل غزوة بدر لنأديب العرب كافه حتى صار للاسلام هيبه بالقوه وليس بالضعف ومن ثم قاتل في غزوة بدر وهو في الجيش القليل ونصره الله
ومن ثم طرد بني اسرائيل من يثرب لانهم كان يثيرون الفتن بين الاوس والخزرج

ومن ثم انتشر الاسلام بشكل صحيح من مدرسة النبوه بعد تأديب بني اسرائيل والمنافقين وغيرهم
ولم يخضع ويطبع مع الصهاينه

[سلمان الخالدي]

فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَىٰ أَن تُصِيبَنَا دَائِرَةٌ ۚ فَعَسَى اللَّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ فَيُصْبِحُوا عَلَىٰ مَا أَسَرُّوا فِي أَنفُسِهِمْ نَادِمِينَ (52)
سورة المائده

نعم يقولن لانستطيع ويسارعون في مصادقة اعداء الله
ويكونون مع اعداء الله والتماس الاعذار ليعلم ذلك القوم انه سيأني اليوم الين يندمون على ذلك

بووورك فيكم ولكم احبتنا في ارض الشرف والعز في الجبهه الحقيقيه في قتال اعداء الله قتلة الانبياء قتلة البشر صناع الشر في كل مكان
نسال الله العلي القدير أن لا نكون مع الخوالف الذين تخلفو عنكم ونشهد العزيز الحكيم اننا معكم شرف الامه

[سلمان الخالدي]

قُل لِّلْمُخَلَّفِينَ مِنَ الْأَعْرَابِ سَتُدْعَوْنَ إِلَىٰ قَوْمٍ أُولِي بَأْسٍ شَدِيدٍ تُقَاتِلُونَهُمْ أَوْ يُسْلِمُونَ ۖ فَإِن تُطِيعُوا يُؤْتِكُمُ اللَّهُ أَجْرًا حَسَنًا ۖ وَإِن تَتَوَلَّوْا كَمَا تَوَلَّيْتُم مِّن قَبْلُ يُعَذِّبْكُمْ عَذَابًا أَلِيمًا (16)

بورك لكم احبتنا في ارض الشرف والعز ابنو مساكنكم نسأل الله العلي القدير أن يتغمد شهدائكم في الفردوس الاعلى ويشفي جرحاكم
اللهم نصرك على بني صهيون قتلة الرسل والأنبياء اعدائك واعداء الاسلام

[سلمان الخالدي]

هـــدنّـي ظلــــمُ اليهـــــــودِ
.............. والثــــرى أضحـــى مبــاحْ

قــدسنــا أمســتْ تنـــــــادي
.............. صـــوتها عـــــمَّ البطــــاحْ

مــــنْ تُــــراهُ ســـوفَ يأتي
.............حــــاملاً طُهــــرَ الوشــاحْ

والمـــآذنُ فـــي صــداهـــا
............... تشتكـــي: أيـــــنَ ربـــــاحْ ؟!

أيـــنَ هـــاتيك الليــالــــــي؟
..............أيــــنَ عشــَّاقُ الســــــلاحْ؟

كـــمْ حلمــتُ فيــكَ تأتــــي
..............تمســـحُ عنــّـــي الجـــراحْ

كـــمْ حلمــتُ أنْ تعـــــــودَ
........... منشـــداً لحــــــنَ الكفــــاحْ

كـــمْ حلمــتُ ..غيــرَ أنــي
............. قـالهـــا .... ثـــمَّ استـــراحْ


(سيهزم الجمع ويولون الدبر)

[سلمان الخالدي]

الى كل من سييير
على الخالديات الله يسعدكم ويجزاكم خير
شاكر لمعاليكم اطال الله في اعماركم نوووورتو ياغالين
ودي اقول بورك فيكم وافارم من كل قلبي ياأمراء

[سلمان الخالدي]

عندما نتذكر ونفتخر ونعتز بالتاريخ الهجري فهو دليل على فخرنا وحبنا للهويه الاسلاميه
ليس الا
نعم نذكر فقط بيوم هجرة المصطفى عليه افضل الصلاة والسلام وتغيير مجرى التاريخ واستبداال الخورافات والخوزعبلات بالدين الحق الدين الاسلامي الذي اخرج البشر من الضلمات الى النور
نعم التاريخ الهجري فقط

[سلمان الخالدي]

اللهم اهل علينا هلال رجب بالامن والايمان والسلامة والاسلام
اللهم بارك لنا في رجب وشعبان وبلغنا رمضان ونحن واياكم في احسن حال
دمتم احبتي في احسن حال حفظكم الرحمن من كل شر

[سلمان الخالدي]

من لبس برقع ويخثرق مايلام
وده إنه ناصحٍ وماهو جريح

موجعينه من تعالو بالمقاام
واقع الحساد ترى هذا صحيح

وده إنه طيب ورجل وهمااام
مادرى إنه يمشي وخايف يطيح

مادرى انه بوم او طير النعام
يوم ماله اسم معروف وصريح

هرجت النمام من تحت الركام
ولوتزين وصفقو له بالمديح

الخمام خمام ومن نيته خمام
ولو تمظهر يشبه الوجه المليح

سلمان

[سلمان الخالدي]

الصبح صبحٍ للرجااال العناتييت
الي بدو في قولهم بالسلااامي

اهل الوفا الي يطردون السرابيت
عقب الغطاوي عن صدوق الاسامي

سلمان

[سلمان الخالدي]

شطرنج اخي الكريم

شطرنج انت الحب والود والجود
اشم عطر القدس من بين اياديك

ماللغلا الي ثار اطوال وحدووود
وكن المعالي فوق راسك وتعطييك

المنتدى لك رمز ويمناك له كووود
حرفك سماوي لون وروحي تحييك

مدحي اكزه كز وماهوب مردوود
يممت به كتفك الايمن يبااريك

يا جعل عمرك يكتب افراح و سعود
وجعل السعاده مشربك دوم ترويك

وجعل السحاب الي تزبر به رعود
يمطر عطايا في ضواحي مغانيك

اخيك / سلمان

[سلمان الخالدي]

احد الاخوه زرته في صفحته في قسم الشعر وسلمت عليه وشكرته على ابياته
وقام الاخ الحبيب بالرد على جميع من زاروه ولم يرد علي السلام وانما اكتفى بالتقييم لي فقط
وكان المفروض ان يكرم الظيف الذي حل بداره ويرد علي السلام فكتبت هذا الابيات معاتبا وبنفس قافيته
هداه الله وارشده لكل خير



سرا بي الهاجوس من شرق الافلاج
وسجلت حرفي من مثايل ايدينا

نبعث جواب ٍفيه من طيب الإنتاج
وشفنا الشكر لاكننا ما خذينا

ماظن يطفى النور وبه شمعة سراج
في المجلس الي من دياره سرينا

في مجلس الغالين مع قشطة التااج
سفره وحلوى وعندها ما كلينا

المجلس الي فيه من سوق الاحراج
يجيه غيري ودون شوفه سلينا

كنت انتظر فنجال من فوق الابراج
واثره من التقييم وحنا اكتفينا

ياصاحبي للطيب سلم و معراج
والظيف حقه من شمال ويمينا

من يكرم الظيفان بالبن في الصاج
عليه حق الضيف ودفع الثمينا

ماجيت انا درويش من ساحل العاج
والا كسير ن والزمن مقتفينا

صكيت بابك وفوق الاقفال مزلاج
عساك تفهم وجعلكم صالحينا

سلمان