((تفضل وداعي))

[القارظ العنزي]

عطني أمل والا تفضل ...... وداعي
طال انتظاري ليه يا قرة ..... العين
حبك جرى بعروق دمي .... بساعي
متوزع ما بين كل ......... الشرايين
كنت احسبك ملزوم بيه .... وراعي
واثرك بعيد احساس بعد السماكين
انت شعاع العين نعم ..... الشعاعي
من غيركم ماشوف دربي هو منين
ألطف بقلب صار عقبك ..... رعاعي
جاه البلا من شوف زول .. المزايين
حاول تواصل لا تزيد ..... انقطاعي
والله عذابي زاد عقبك من ... البين
انا اعرف انك شيخ بيض شجاعي
مير القناعة عندكم تذبح .... شوين
حاولت عذلان القلب لكن ما طاعي
ما هو جفا لا شك ظرف .. وقوانين

القارظ العنزي

[خياآل]

صح لسانك يالقارظ نص يحمل صور ومعان شاعرية
ننتظر الرد من احلام كما عودتنا &

[القارظ العنزي]

صح بدنك حطاب الغدري لاهنت
ولا هان مرورك العطر ومشاكسة
احلام شي ضروري وحافز دعم
للقارظ لعلها تمر كل الشكر سيدي

[أعد النجوم]

صح لسانك شاعر المنتدى الغالي

بوركت وبورك قلمك العذب


يختم ل3ايام مع التقييم والايك

[عتيم]

*

صــح لـســانـكـ يالقارظ : ولا هنت

[أمَل]

ألطف بقلب صار عقبك ..... رعاعي
جاه البلا من شوف زول .. المزايين...
ويمكن هو مستقصدها
ليعرف مدى مقاومتك
صح الله لسسانك أخي القارظ
شاعر متمكن
تقبل مروري :zz:

[مسكك الغلا]

صح لسانك واعتلا شانك
تغيب وتعود بجديد
كما ترى لشعرك عشاقة
مبدع ولا جديد في ذلك
فأنت شاعر المسك ابدعت

[سالم العامري]

إنكفاء غير مُبرر والمعاليق لاتسطو على الألم
في أخر شطر من القصيدة الأوجاع حائرات
بين الظروف والقوانين ولله من نكد الدنيا
صح لسانك شاعرنا
وطابت لك الحياة ودُمتَ بخير

[احلام عابره]

يالي سكنت القلب وتنوي..... وداعي
بالله وش خليت للناس..... البعيدين

هاذ العتب ياصاح ماله........ دواعي
ظروف غيبتنا ياصاحب...... السنين

لا تطري الفرقا وتلوي......... ذراعي
وتدري انك اقرب من الرمش للعين

والله ماني للهجر ياهيه.... بساعي
لوبعت الغلا حنا جيناك..... شارين

ولا مضيعن غلا بين الخلق ..ذاعي
يا لبى قلبي فدوته الروح.. والعين

شاعر المسك
وسلطان القوافي
القارظ العنزي
صح لسانك ملايين
تقبل مروري ومشاكستي كماهي
دمت بخير

[القارظ العنزي]

صح بدنك غالينا
اعد النجوم لاهنت
ولا هان مرورك العطر

[القارظ العنزي]

صح مرورك .. يا عتيم
عسى ردي بك ... يليق
عودتك نور ..... العتيم
نور شعشع ... بالطريق
نعم الشاعر ... والفهيم
اللي ماينسى . الرفيق
عودتك شيء ... عظيم
ينتظرها كل ... صديق
مرحبا بك ..... يالكريم
يا راع الشعر .. الرقيق
كم من ذوق لك حميم
شعرك عنده . كالرحيق
يشكي دنيا صارت غيم
اعتمت والسبع .. يويق
ما بها خل ........ مقيم
يفزع ان ضاق المضيق

[القارظ العنزي]

صحة روعاتك أمل

[القارظ العنزي]

صح بدنك نجمتنا
ونجمة المسك
غاليتنا مسك الغلا
لاهنت ولا هان منطوقك

[القارظ العنزي]

صح بدنك سالم العامري
طبت وطاب ذوقك الراقي

[القارظ العنزي]

يا حلام من سم الافاعي
شربنا السم ....... اللعين
اسباب الخل ... اللكاعي
اللي ما حن ...... ويلين
من أجله قلت . الوداعي
ارحم لي حب ..... البين

صح السانك احلام وطاب
قافك اللطيف يالذوق