فضفضات زجلية [الأرشيف] - منتديات مسك الغلا

white wizard

02-17-24, 10:09 AM

نعم احببت المارشيملو

حينما تسللت ليلا الي خلوتي
وقالت يا ساحري
الشوق اليك قاتلي
بصوت رخيمٍ كانه هدير
عين ماء دافئة تفجرت
في شراييني
احببت المارشيملو
حينما قالت احوبك
تخدلت اوصالي
وذابت اعضائي
كقطعة من جليد تركوها
في صحراء نجد
في يوم قائظ
اهٍ يا ربي
احصي عيوبي عيبا..عيبا
لا اعلم غيبا
ولكني اعرف الاتي
ان تذكرتها او هفت نسائمها
تلوح سماتي
أسير بين نبضها
وبعضي رحل بين بعضها
والقلب منها لم يستطع الافلاتِ
افتش عنها في نساء العالمين
افتش عنها حتى في ذاتي
استرجع همساتها
والتمس حروفها بين ابياتي
اهدتني شهيقها
وسلكت طريق الغياب
بالله خبروني وانا جليس المحراب
كيف النجاة من حر زفراتي

الساحر...

white wizard

02-17-24, 09:10 PM

حضرتك وصلت لهنا يامش مهندس

ايون حضرتك مين بقى ها علشان ام التقييم دا مش بيقول ههههه

white wizard

02-17-24, 09:28 PM

ايها الالم الراسخ بين احشائي

ايها اليل السرمدي الطويل ..

الا ترتاح يوما

فلم اعد اقوى على المزيد

فلم اعد اقوى حتى

على العويل ..

قد اصبحت الحقيقة عارية

ما عاد يجدي

فن التزييف والتفسير والتأويل ..

لم يبقى ثمّة رجال يخلعون قلوبهم

ويرسلوها نبضا عزيزا شريفا

لا يقبل الرشوة ولا التمويل ..

دمر الانسان والمكان

وبات الحزن لون غزة

والقدس والضفة والخليل ..

لا اريد ان ارى ذلك العالم البغيض

عالم يعلو فيه الباطل زهوا
والحق دوما هو الذليل

white wizard

02-17-24, 09:33 PM

ف الثالتة فجرا
يرقص القلب طربا
تخضر الروح
وتتساقط نبة العشق
ف الصدر رطبا
لا توجد حياة بغير امرأة
محبوبة !!
تُحيل ظلمة الليل نورا
ونصنع من عرقها
المتساقط خجلا
عطرا !!!

هييييح يا الساحر هههههه حنانيك يا رجل

white wizard

02-17-24, 09:34 PM

يهتف من داخلي صدى يقول

لم تعد تلك الأيام تستحق النضال

لا اظن أن وصل الروح بالروح باقيا

حتى ما تبقى فينا مزّقته النصال

حتى اتيت انتِ سيدتي

فكنتِ بلا قصدٍ ترياق

لقلبٍ اسكته العُضال

بهيةٌ شهية أنثى استثنائية

ولولا أني أصبحت اخاف عليك مني

ل أعلنت للناس اسمك باخر المقال

white wizard

02-18-24, 02:36 AM

عودا حميدا يالجميل ��. مرة وحدة مش فاكر متى دخلت��

طبعا مش هفتكر دا من 2021 يعني فات 3 سنين

المشكلة اني بفضل اقول يا ترى مين صاحب التقييم دا اكيد حد من الشلة القديمة اللي طمرتها السنين ههههه كمان حاسس ان فيه ناس كتير مألوفة ما علينا هيبان كله هيبان

white wizard

02-18-24, 12:17 PM

ممكن هي اللي تجيبله السوليتير ههههه منورنا يا ساحر و نهارك ابيض

طيب بالله عليكي يا شيخة شوفي ليا واحدة من بتوع السوليتير دول اهو مهندس بالنهار وبكتب كلام حلو بليل من اللي قلبها يحبه وكمان اسمر وحليوة طول بعرض حاجه مفتخرة النيل رواني والخير جواني أو براني زي ما هي عاوزة خخخخخخخخخ

نهارك بيضحك

white wizard

02-18-24, 10:52 PM

فتاة ٌ بلهجةٍ خليجية
تعتقُ الكلمات حتى
اذا لاح حرفٌ من ثغرها
تسلطنَ الكروان إنصاتا
وأقام وجدُ الكون صلاةً
ودخل النزاعُ في تسويّه
ما بين احداقها
أشجانٌ سِرّيّة
تصطف في عمق روحها
ك جندٍ في سٓريّة
تصادف في الفؤاد المهزوم
نبضةً طَريّة
وسيعةُ الحدقات
ما بين الحاجبين براحٌ وسيع
يطاولُ سماواتٍ عَليّه
مهرةٌ عربية
منصوبٌ فوق هامتها
كرمةٌ لا ينفد خيرها
من هنا ليوم القيامة
حتى أن أسير الحربِ
إذا رمق من طيفها علامة
شعر ب ( الحُريّه)!

الساحر ...

white wizard

02-20-24, 01:45 AM

عارفة
انتي البنت الشديدة
ع البنت الكيوت
لمة غلابة وقت العصاري
قدام قصور
بدل البيوت
زهرة حنان
تطرح كلام
وقت السكوت
طول اليوم
اسمك ف ودني
بتردده نغمة فلوت
عارفة
برغم بعدي
دايما بتهزمني ملامحك
تخليني أضعف
من عود قش
ومهما عيني
شافت وشوش
ما يشوف قلبي
غير وشك وش
بسمع كلامك نغم
رايق ومتعايق
وباقي كلام الناس وَش
عارفة
كنت فاكر
اني بمشي ف طريقك
اتاري طريقك
هو اللي بيمشيني
قبل منك كان قلبي
جعان عشق
لاقيت روحك تفطرني
تغديني تعشيني
أنا اللي عملت على قلبي
باب مقفول
انتي بس اللي مسموحلك
تخشيني

الساحر ...

white wizard

02-21-24, 11:39 PM

يعني اي بنت طبيعية ف الدنيا بتتأثر ولو قليلا بالكلام الا هذه ههههههه يا ابووووي ولا الهوى عنده برود اعصاب اسم الله ولا جراح بريطاني ههههههه مما كتبت لها

https://*************/xn/attachments/images-7-jpeg.7256/

وعاوزك تكون إلي وحدي

احس بدفا انفاسك

بتدَوِب جليد خدي

تكون فارس مواويلي

وف عز العتمه أنديلي (قانديلي)

ولما ابكي تكون

يا حبيبي منديلي

ولو أعطش شفافك

تكون نيلي

ووقت الحزن تغنيلي

تكون صبحي تكون ليلي

ولو مال عليا الكون

تكوني كتفي وما تميلي

white wizard

02-24-24, 03:32 AM

الحب ملوش باسبور
ولا تأشيرة ..!!
الحب دقة قلب مرفرفة
تخلي برد الليل
يقلب دفا
وتخلي العيون
يجافيها النوم
سهد وحيرة ..!!

white wizard

02-25-24, 02:33 PM

ايها الاخوة والاخوات ..

فيه دايما سؤال بيتردد هو ايه اللي بيخليك بتفضل المنتديات عن مواقع التواصل الاجتماعي

الاجابة اصلا من السؤال نفسه لاني ببساطة مش عاوز تواصل اجتماعي ههههههه

انا ف المنتدى بشخصية افتراضية مش بيهتم قوي بالقيود متحرر الي حد كبير

مش بيفكر حتى ف كلامه قبل ما يقوله عكس شخصية المهندس احمد تماما اللي هو شغال

في شركة مالتي ناشيونال واصغر مدير موجود هو المصفى اللي بيجي عليها مشاكل اكتر من

400 عامل بالمشرفين بالمهندسين بتوعهم .. دا غير الضغط المجتمعي والمشاكل المجتمعية

التانية الواحد بيكون محتاج انه ميكونش هو لبعض الوقت .. يعني انا اصلا الناس المقربين ليا

ميعرفوش اصلا اني بكتب ههههه بالرغم اني بكتب باسم مستعار واخدت جوايز كتير حتى

اوقات ارمي حاجه من اللي بكتبه قدام حد ولما يقرأه يفضل يمدح ف الكاتب واحساسه طبعا

انا بكون مبسوط جدا لكن ببين اني غير مهتم هههههههه طبعا ليا اسبابي المنطقية اني

اخبي .. اخر حاجه كنت عاوز اقولها اني مبسوط اني لقيت هنا اصدقاء قدام من ايام غرام

طبعا بعد ما غرام اكله الوبا وللاسف اخد معاه ذكريات حلوه وكتابات مكنش منها نسخ تانية

كل واحد راح ف اتجاه وانا فاكر اني حور قالتلي على منتدى مسك دا وسجلت فيه لكن مع

ضغط الشغل اللي طبعا بيكبر مكنتش بفضى ادخل ولما دخلت نفس الرخامة اللي كانت ف

غرام لازم مشاركات كتير علشان التقييم او الرسايل الخاصة وبناء عليه كان لازم نجري طبعا

على الالعاب ههههههه بس الالعاب نفسها المشاركة فيها حلوة لانها تغيير مود سريع بدون

ما تشغل مخك وتفكر انا مشكلتي الوحيدة ان حد يطلب مني هنا ف النت اني افكر اصلا انا

داخل افضى راسي انت بقى عاوزني افكر وكمان هفكر مجانا ههههههه يا سلام

علشان كدا انا ابعد مايكون عن مواضيع النقاش والاسئلة العميقة الا بقى لو علقت معايا

بس كفاية كدا المرة دي

white wizard

02-26-24, 02:44 PM

تقول أنا مثل الغيمة
تمر وبعدها بتفوت
ماتدري أنها امطرت
بقلبي وجد ووله لغرام
صوته ينسمع رغم السكوت
رقيقة وبريئة وجريئة
وعيونها بحر فيه
الحياة والموت !!!

white wizard

02-26-24, 08:15 PM

كتير وانا خارج من الشغل وبركب العربية

ابص للاعلام اللي في المدخل طبعا لان شركتنا لمستثمر اجنبي ف كان دائما في 3 اعلام علم مصر طبعا وعلم سويسرا والصليب الكبير فيه وطبعا علم الشركة الشعار .. وبعدين مؤخرا حصل

اندماج بينا وبين شركة سعودية تشتغل بنفس المجال اليوم بقى وانا مروح ببص كدا

لقيت علم السعودية ابو سيفين ولا إله إلا الله منور جنب علم مصر ووسطهم علم سويسرا مدلدل كدا ههههه وربنا قلبي انشرح

white wizard

02-27-24, 03:27 AM

يقولون يا جبل ما يهزك ريح ..
اهٍ يا قلبي كم تحطمت على صخورنا
رياح عاتية ، لكن تلك الرقيقة لو شهقت فقط
في وجهك تذوب مثل قطعة جليد تركوها في

صحراء نجد ظهر تموز

white wizard

02-27-24, 10:22 AM

تظل اللهفة
لكن اختنق البوح !!!
نعم يا صديقتي
فما فائدة أن نشيد
بالحروف مروجا
ونبني بحلو الكلمات بروجا
ما فائدة أن نصنع
جمالا بلا روح !!!

white wizard

02-28-24, 03:22 AM

https://encrypted-tbn0.gstatic.com/images?q=tbn:ANd9GcQ7Hz5f_9Os85j3r67udfGzzIIwS5vOd NkuNA&usqp=CAU

أعلن من على وسادتي
أنني يا سيدتي احب الوضوح
ف النهار نهار والليل ليل
ما عهدتني يوماً
ساهمت في تهجين
عروبة الخيل
لم اكن متطفل هوى
ولا أرضى من النساء
زبد السيل
لولا أنك انثى استثنائية
ماكان لهذا الفؤاد
المشبع بانتظار سقوط
اوراق الخريف
أن يميل كل الميل !!!

white wizard

02-28-24, 07:41 PM

اممممم أنا قلت اعمل تحدي ظريف هنا ... الكلمات دي وصف لحد هنا وهي عارفة نفسها كويس واتحداها تعمل لايك للمشاركة..

دي عليها صوت
نغمة فلوت
وسنان ياقوت
والشفة توت
الخد جمر
والشعر سحر
وعنيها بحر
لو يوم نزلت
تغرق تموت

white wizard

02-29-24, 03:52 AM

https://encrypted-tbn0.gstatic.com/images?q=tbn:ANd9GcTEacAc7m9m0iqpTkOn3QvKbD3yiRE13 ADliw&usqp=CAU

انا اللى كنت فاتح فى قلبى
خمسين راق
وبقبل كل الكلام جواه
ولو حرّاق
وهمسة مِسا
مستأنسه
بعطر النِسا
ولقمة لُقا
متغمّسه
رحيل وفراق
وف يوم وليلة
خطفتني!!
ام الرموش
شبعانه سُهد
وعيونها الزرقا
لو شافها جبل
يتهد ...
أما الشفايف شهد
والخدود
صهد ...

white wizard

02-29-24, 01:21 PM

https://encrypted-tbn0.gstatic.com/images?q=tbn:ANd9GcRVfril_CzRqPIE_nG5BJmHz7wa4JTB8 H-SWg&usqp=CAU

ولما قلتلها وفيها ايه

لو تقولي بحبك

قالتلي فيها قبايل

طيب خلاص

وانا كمان مش قايل

حتى ولو العشق سوى

ف القلب الهوايل

مش قايل

مش هقول انك

رقيقة وانك بريئة

وانك ف الحب جبانة

لكن ف القصف جريئة

ولما بس يقلب مزاجك

حاجبك ينقلب ثمانية

والعيون الوسيعة

تبقى حريقة

طيب بلاش تقولي بحبك

لو هترتجف شفايفك

أو هترتعد صوابعك

بالرغم قلبي ماهو شايفك

خابر ان الخيبة طابعك

بلاش تقولي بحبك

ابعتيلي غنوه

تقول بحبك يا اسمراني

تقول جاني الفرح جاني

تقول ان الهوى رمانا بسهامه

والشوق عامل عمايل

ولما قلتلها وفيها ايه

لو تقولي بحبك

قالتي مجنون انت

دا فيها قبايل

white wizard

03-03-24, 04:45 PM

ايوه عارف اني مشكلة

وهو انتي فاكره انك تحبي

شاب مصري اسمراني

دي تبقى حاجة قُليّلة

دا الحب ذاته معضلة

احنا يمكن ما بنعرف

نذوق كلامنا

لكن مشاعرنا حامية مفلفلة

واللي نحبها دي هتبقى ملكة

ولو حتى كانت هدمتنا قديمة مهلهلة

white wizard

03-04-24, 01:51 AM

قولي فقط أنكِ لا تحبيني

دعي لي كرامتي حين تقتليني

لا تقلقي فلن تفزعي

فما بقيت دماءٌ لتُنزف من شراييني

لن أتوسل منكِ رحمةً

إذا ما اعتلت ساقكِ لجبيني

فقط أخبريني...

لما أنا ؟؟؟

فقد كنتُ لكِ بستان عشق

وكنتِ أنتِ رياحيني

لقد نقشتُ حروف إسمك

بين أضلعي ..

أعطيتكِ صكاً لتملُكيني

لما أنا ؟؟!

فقط أخبريني

أُناشدكِ بخوفي عليكِ

بحرفي الذي تغنى بحبك

بعزفي بين يديكِ وترنيمي

لا ترحلي هكذا وتتركيني

لا تلجمي قلبي جمرا

أقطعي شكي في هواكِ بيقيني

قولي فقط أنك تحبيني . ...

white wizard

03-06-24, 07:56 AM

اهٍ يا امرأة ً
لم يكتب لي يوما احيا هواها
نقش بدفتر حياتي
ك قولٍ مأثورْ
مصباحٌ اتاني في عتمةِ ايامي
منزوعٌ من فتيلِه النور
ما فائدة ابداعٌ قد
ملأ أروقة المسرح
وقد انصرف الحضورْ
ما فائدة اتساع السماء
لعصفور يهفو للتحليق
بينما الجناحُ مكسور
عشق قد بسطه ذراع الهوى
بينما الكف مبتور
جنة بسطت فوق جزيرة
واستحال العبور!!!

white wizard

03-08-24, 11:12 PM

بقولك ايه ..
ما تيجي نبعد
عن المنظره
ونخلي البساط احمدي
ونبطل مشي
ع المسطره ..
تعالي نشبّك ايدينا
ونمشي
في المدينه
ومعانا كوزين دُره ...!!

white wizard

03-09-24, 02:13 PM

حلو المنتدى

ف الاول عمال اقول ايه يا اخويا مسك الغلا دا وهو مين اللي مسك الغلا اصلا ولو حد مسك الغلا

امال الدنيا كلها الغلا مستشري فيها كدا ليه دا الفرخة بقت ب 240 جنية

اتاري بقى مش مسك يعني قفش طلع مسك اللي هو مسك وعنبر دا هههه ابو ريحه حلوة

لكن المنتدى فيه شخصيات حلوة ومتنوعة ناس تقيلة وناس مجنونة وناس غلــــــــــــسة

وناس مثقفة وناس منفضة للدنيا وناس عقولها فله ههههههه

التنوع دا ف مكان واحد ممتع بصراحة .. على رأي الواد حماقي انا حبيت المقابلة هههههه

white wizard

03-11-24, 01:34 AM

كان دوماً

يدورُ في عقلي سؤال

لم أطرحه يوماً عليكِ

بل ظلّت تردده

الشفاه المرتجفات كابتهال

أكان يستحق الأمرُ أن نضيع ؟

قبل أن يحصد الخريفُ

نبتة العشق الذابلة ف القلوب

ألم نتذكر يوماً

حلو أيام الربيع ؟.

ألم تقرأي يوماً رسائلي!

تباً لكبرك ...

ألم تتذكري !

أم ذابت حروفي مع الصقيع

الساحر...

white wizard

03-11-24, 01:47 AM

قرأت تعليق eve على قصة الجمال أم الجاذبية
أنا دخلت 3 منتديات تقريبا ( ك إقامة) من 2009 وكل منتدى كنت بطرح ف النقاش موضوع الجمال ام الجاذبية وأشوف الردود و الآراء مع اني اصلا بكره اني ادخل قسم النقاش لانه ف الغالب بيتحول لشيء من الجدل وانا بكره الجدل جدا وانا قلت بكره النقاش لكن بجيده لان للاسف من أساسيات مهنتي النقاش والجدل كمان ما علينا المهم أن الرد بتاعها عجبني جدا لانه فيه وعي بكل الزوايا فيه ناس لما بترد على اي موضوع بيكون اللي شدها حتة معينة وتلاقي رده مش متزن تحسه مايل هههه ما علينا

على فكره فيه خلط كبير اصلا بين الجمال والجاذبية عند كتير من الناس .. وبعدين فيه جاذبية جماعية أو جاذبية شعب كامل هههه اه والله يعني أنا شخصيا ممكن اتجوز واحدة لبنانية لمجرد أنها تكلمني بلهجتهم هههه ام الدلع وابقى كدا مبسوط واخر انشكاح هييييح بس ما علينا استغفر الله العظيم يارب

white wizard

03-11-24, 02:34 AM

لفت نظري الجوائز اللي نزلتها الياسمين للمسابقة الرمضانية 500 ريال يعني يطلعوا 25000 جنية
يعني مع زيادة الحد الأدنى للأجور تقريبا راتب 4 شهور لموظف حكومي هيييييح منهم لله اللي عملوا فينا كدا هههه ما علينا أنا هنا فقط علشان اهرج ف مش هسمح اني أخرج بره الإطار دا

الموضوع دا فكرني بموقف ليا اول أما اتخرجت كان فيه مصنع ف الاردن هو تقريبا استثمار أمريكي شغال ف المجال بتاعي وكانوا محتاجين مهندس وانا بعت ال cv وعملت مقابلة اون لاين مع الراجل والراجل انبهر مش غرور والله بس أنا من افضل المهندسين ف مجالي وبفضل الله شغلي ف كل دول العالم المهم انا وقتها كنت مهندس صغير خربج مرتبي تقريبا 1600 جنية وكانوا مبلغ كويس اصلا وقتها ف المهم بعد المقابلة الفنية والامور تمام الراجل بيقولي طيب عاوز كام راتب يا هندسه طبعا أنا لسه ساذج ههههه حسبتها بسرعة كان الدولار تقريبا 6 جنية باين قلت هاخد الضعف ف طلع مني أنا عاوز 600 دولار هههههههه طبعا الراجل سكت دقيقتين كدا وقطع الاتصال هو عاوز رئيس قسم وطبعا ال budget بتاعه كبير فلما سمع 600 دولار قال ايه الواد العبيط دا هههههههه خليه يكلمني بقى دلوقتي هقوله أنا عاوز طيارة خاصة توديني هي ياسمين صبري احسن مني

white wizard

03-13-24, 07:59 PM

الي كل اصدقائي أنا آسف يعني لو مفيهاش إساءة ادب

ايه هو معنى كلمة أمبله دي وياترى نطقها ازاي ههههههههههههههه أنا عندي مشكلة اني بتعلق معايا قوي التفاصيل طالما اتنيلت وقرأت ومش مفهومة من سياق الكلام

white wizard

03-14-24, 08:06 PM

أنا قلبي طيب

مش بتاع مصلحه

فيه ضحكه جايه

وضحكه تانيه مروّحه

ساعات نبيه

وساعات غبي

وساعات معلم

وساعات صَبي

وساعات بيطحن زي الرَحى

وساعات بيسحر

وساعات بيأسر

وساعات بلاقي

سحره اتمحى

وساعات بحس انه فلاتي

ويقوم ليلاتي

على دقة مُرة مِجَرّحه

white wizard

03-16-24, 12:38 AM

فيه حوار حصل انهارده كان مميز حبتين ..

كنا قاعدين انا واخواتي بعد الفطار المهم اختي الصغيرة من فترة صغيرة حضرنا معاها مناقشة

رسالة الدكتوراة ف الكمياء الحيوية ف الكلام تطرق لان حاليا السيدات اثبتوا نفسهم ف مجالات

كتير بعد الخناقة المعتادة مين اهم المهندس ام العالم وف المواقف دي طبعا انا مش بتكلم

لان اخويا الكبير بيقوم بالواجب ههههههه المهم نرجع للموضوع الرئيسي بتاع السيدات

كان البنات تحمست كتير ف رد زوج اختي برد قاطع وقاتل قال ايه بقى

بقولكم ايه

احسن واشهر اطباء النسا رجالة

احسن واشهر الشيفات رجاله

احسن واشهر مصممين الازياء رجالة

احسن واشهر الكوافيرات رجالة

دا حتي للاسف مصممين الرقصات رجالة

لما تبقوا تسدوا ف المجالات بتاعتكم الاول وتتميزوا فيها فكروا تنافسوا ف المجالات التانية

ههههههه وهنا ادرك شهرزاد الصباح فسكتت عن الكلام المباح واكل التفاح ..

white wizard

03-17-24, 03:40 AM

أحللت قتلي..
فقطعت وصلي .؟!
وأبحت جعلي ثكلى غرامك ..!؟
فيا كل من لي؟!
لم الهجر قل لي
وما كان فعلي؟
لأنال خصامك
تكلم لعلي أبوء بفعلي
فذا كان عقلي بمرمى سهامك
وهل يجزى مثلى
بوابل نبلِ ؟
تضعضع كُلي بوقع كلامك
تظن بعزلي ؟
سيثلمُ نصلي؟؟
ويسهل فصلي
ليحُل سلامك ..؟؟
لقد كنت طفلي
بذراً بحقلي؟
وكم تحت ظلي
أنختَ حُطامك ..
قَطَّعت سُبُلي
وأنكرت بذلي
وقد حل محلي
بوقع صدامك
فيا كل أهلي
وصعبي وسهلي
وعلمي وجهلي حياتي امامك
تأنى بخذلي
ولا تطوي حبلي
وتُجْفِلُ رحلي
بطول ملامك
فلا الهجر سُأْلي ولا الغدر شُغلي
أنا منك وجْلي ..
فقل لي علامك ..؟!

بقلم صديقتي الغالية عهود منسية.. الشاعرة عائشة الظنحاني بنت زايد .. ربي يحفظها

white wizard

03-20-24, 01:20 AM

الفضفضة حلوة بتكون للنفس زي حباية المسكن بغض النظر عن انت بتفضفض لمين وبتقول كلام مفيد ومترتب ولا لأ وف الأجواء الرمضانية دي
انا هفضفض هنا ب ذكرى اقتحمت بالي كدا عن بداية دخولي الجامعة طبعا أنا بكتب وانا مرسوم على وشي ابتسامة بلهاء عريضة عرض فرعي النيل ههههه ما علينا..

انا بفضل ربنا كنت متفوق ف دراستي اول مدرستي ابتدائي وإعدادي ومن أوائل الثانوية اخويا الكبير كان مهندس ف خلاص انا قررت هدخل هندسة وقد كان ..
اول يوم ليا ف الجامعة بقى واللي انتقل فيه ذلك الشاب القروي ريفي النشأة من رحاب وحدود قريته الي المدينة الكبرى حيث الجامعة .. بالمناسبة معظم اللي أشقائنا العرب يعرفوه عن المصريين من خلال الافلام والمسلسلات دا لا يتعدى 20% من تركيبة الشعب المصري الملايين الكبيرة اللي عايشه ف الريف بتزرع أرضها سواء ف الدلتا أو الصعيد ومتمسكة لأقصى درجة بالعادات والتقاليد والأطفال لسه بتروح الكتاتيب تحفظ القران او حاليا بقى محفظ ومبقاش فيه
فلكة زي ايامنا ههههه ما علينا نرجع لموضوعنا عن اول يوم ف الجامعة ..
طبعا دخلت ببطاقة الترشح وروحت على كلية هندسة وهناك طبعا لفت نظري تواجد انجي ههههه حاجه بيضا كدا وحمرا شغل فاخر من الاخر جاية من مدينة ساحلية وما ادراك ما أبناء المدن الساحلية خصوصا اسماعيلية المهم بردو النقلة كان لها وقع الصدمة هههه من القرية الي انجي ف حصل قفلة ف مخي وبقى هدفي الاول والاخير اني اكلم البنت دي ..
اه بس فيه مشكلة هههه أنا مستحيل ابدأ بالكلام لن أجرؤ طيب وبعدين ف الحوسة دي المهم من الحظ بردو أننا كنا في نفس السيكشن حرف الألف وجه ف بالي خطة وفعلا بدأت في تنفيذها فورا ... اممممم ومرة تانية بقى نكمل حكاية البرنسيس انجي ههههه

white wizard

03-22-24, 11:01 AM

وصباحك فرح يا بلادي

صباح مخصوص

مهوش عادي

صباح امل بيوم افضل

صباح بالورد متعطر

ومتزين ريحان اخضر

وعود ياسمين مع الكادي

صباح فطير وعسل ابيض

وجبنة قريش وعود جرجير

وعيش امي اللي معجون بحنية

ومتسوي ع الهادي

صباحك فل يا بلادي

white wizard

03-25-24, 05:54 AM

أما وقد طلب مني شخص عزيز تكملة القصة بتاعة الأميرة انجي وبن الريف ف نكمل الحكاية
كنت وقفت عند أن أنا اعتمدت خطة معين علشان اتعرف عليها .. احنا خلاص الدفعة اللي هي حوالي 2000 طالب اتقسمت لسكاشن كتير حسب الحروف ومن الحظ أننا كنا ف سكشن واحد الخطة كانت تتلحض ببساطة في اني اخليها تعرف اني معجب بيها طبعا بدون ما اكلمها طب ودا يحصل ازاي أن شاء الله هقولك يا نجم ببساطة مفيش بنت على وجه البسيطة تقدر تقاوم نظرة الاعجاب هو ردة الفعل بتكون مختلفة طبعا وكمان الوقت اللي هي تلاحظ فيه أن الشخص دا فعلا بينظر لها النظرة دي ونظرة الاعجاب مش بتكون نظرة وقحة طبعا فيه فرق كبير المهم اعتمدت الخطة ويوم ورا يوم فعلا انجي بقى كتير ابص ناحيتها الاقيها هي كمان بتبص عليا اه صحيح نسيت اذكر متعمدا اني كنت الشاب الاسمراني الحليوة ابو عيون عسلي ههههه هيييح بس
وبعدين تفوت الايام والشهور ويخلص التيرم الاول وناخد إجازة نص السنة ويبدأ التيرم التاني ولسه النتيجة مظهرتش طبعا هي منتظرة تطوير الأداء ههههه بس انا دا أخري أنا مش ممكن أجرؤ اكلم بنت طبعا هتكسف هههه اه والله العظيم زي ما بقولكم كدا هتقولي طب مستني ايه هقولك هي تيجي تكلمني . اصبر بس أنا جايلك ف الكلام هههه المهم كان عندنا ف التيرم الاول ف اعدادي هندسه 6 مواد منهم 3 مواد متصلة اللي هم الرسم والميكانيكا والفيزياء متهيألي و 3 منفصلة اللي هم الحاسب الآلي والهندسة الوصفية وتقريبا لغة .. المهم السنة دي كانت النتيجة وحشة ف اتاخرت المهم احنا مكملين بقى ف التيرم التاني لحد ما جه معاد الامتحان الشفوي طبعا الامتحان الشفوي دا بيدخل مجموعات صغيرة وبعدين يدخل على الدوك واحد واحد بيكون قدامه كذا سؤال ف ورق مقلوب بتختار سؤال وبعدين تجاوب ويناقشك فيه المهم اول يوم ف امتحان الشفوي ظهرت النتيجة ولأنها كانت وحشة قرروا تظهر فقط 3 مواد المنفصلة والمتصلة يخلوها نهاية التيرم على أمل التيرم التاني يحسن الاول وانا بالصلاة على النبي كدا شيلت مادتين من التلاتة ههههههه أنا حصلي صدمة الواد الفتك بقى اللي على طول من الاوائل هيسقط هههه المهم هنا أنا قلت ف عقل بالي اكيد علشان انت بقيت قليل الادب وانشغلت بالبنات هههه واصلا كل الدفعة كانت متنيلة انجي نفسها كانت شايلة مادتين ض.ج . وبعدين احنا الاتنين نجحنا اصلا وانا درجات الرأفة رفعت المادتين ونجحت بس كنت خلاص اخدت القرار المهم ف نفس اليوم اللي ظهرت فيه النتيجة كان عندنا
امتحان الشفوي وللحظ دخلنا مجموعة صغيرة وكانت انجي معايا ف مجموعتي اليوم دا البنت ماشاء الله كانت قمر هي كانت بيضا وحمرا وعيونها ملونة وكانت بشعرها طبعا سايح ونايح وعملاه قصير كدا ولبسها بقى حاجه من بتاعة البندركدا ههههههههه المهم انا دخلت الامتحان الاول وخلصت ولما خرجت جت اللحظة اللي مستنيها من اول السنة هنا قررت انجي أنها تكلمني وهقول حاجه أنا كنت متأكد انها هتيجي تكلمني ههههه المهم انا خرجت وقفت جنب الشباك فهي جت عليا وقالتلي ازيك يا باشمهندس هو الدوك بيسأل في ايه وهنا المخ القروي الساذج حكم ف قلتلها بمنتهى قلة الذوق والجليطة عامدا متعمدا معرفش اسألي حد تاني هههه وعنها ومن يومها كانت بتعاملني كأني حجر وايام بسيطة وانا تخصصت ف الميكانيكا وهي تخصصت عمارة وما شوفت انجي تاني غير يوم بالصدفة عند محطة القطار واحنا ف بكالوريوس ولما بصينا لبعض ضحكنا بس وقتها مكنتش أنا لسه ذلك الشاب القروي الساذج واكتشفت أنها اصلا مش الاستايل اللي ممكن اعجب بيه ههه بس خلاص

white wizard

03-29-24, 04:23 PM

ولسه حكايتك مبهمة

لكن جوايا معلمة

شايفك نجمة زاهية

من بين ضلام الليل

لوحة رسمها بيكاسو

لكنه نسي التفاصيل

white wizard

03-29-24, 04:27 PM

كانت لحظة من عشقٍ خالصٍ

نُقشت على الورقْ

كانت شهاباً

اخترق ليالي قلبي المظلمة

فجأة ثم مرقْ

كانت حلما آتاني في

يقظتي فلما صدّقته إنسرقْ

نارٌ أضاءت أعماقي

هرول إليها وجداني فانحرقْ

كانت أمنية نسجها

خيالٌ لشاعرٍ مختلقْ

white wizard

03-30-24, 11:48 AM

كان عندي مشكلة مع المدرسين وانا صغير اني كنت دايما كتير السؤال
عندي مرض الاهتمام بالتفاصيل لو قرأت او سمعت من احد وكنت مركز
يعني طالما كنت مركز ف خلاص مبعرفش افوت والفضول ياكلني اكل
وللاسف مازالت موجوده هالخصلة علشان كدا بحاول كتير مركزش

مرة وانا في ابتدائي كان فيه ف العربي درس عن العمل او موضوع تعبير وهو كان
درس عربي مش دين لان كان زمايلنا المسحيين معانا ف الحصة المهم المدرس
كان اسمه وقتها الاستاذ والمدرسة كانت أبلة مكانش لسه ظهر الميس والميستر هههه
المهم مش عاوز اطول عليكم مو منشان شيء منشان صحتكم يا غوالي ههههه
المدرس ذكر قصة السيدة مريم وهو بيدلل على ان العمل مطلوب
وان ربنا حتى وهي تعبانه وبتولد سيدنا المسيح قالها هزي اليك بجزع النخلة يعني
علشان تاكل لازم تعمل ..
كان وقتها العيال زمايلنا المسحيين لسه واخدين اجازة بتاعة 7 يناير واحنا وقتها مكناش بنأجز
وكنا كلنا بنحقد عليهم ههههه مهو هم بياخدوا اجازتنا وكمان كانوا بياخدوا لوحدهم اجازة
المهم انا سمعت كلام الاستاذ ورفعت ايدي
طبعا الاستاذ وقتها اول اما رفعت ايدي كان حاسس ياعيني اني هورطه ف مصيبة
قالي قول يا ابو العريف هههههههههه
انا طبعا من مجتمع ريفي وعندنا نخل ف بمنتهى البراءة قلتله
يعني يا استاذ الرطب دلوقتي اخره ف الصيف يبقى السيدة مريم ولدت ف الصيف
امال الواد صبري بياخد اجازة ف الشتا ليه بميلاد المسيح وطبعا صبري كان قاعد جنبي
المهم الاستاذ حصل عنده (error) فجأة روحت مكمل بقى دا بيضحكوا عليهم
وكانت كلمة ما يعلم بيها ربنا ههههههههههه
طلع الواد على ابوه قاله الواد اللي جنبي ف الفصل بيقول كذا وكذا وانا بقى كان عمي
الشيخ بتاع المسجد هههه ياختــــــــــــــــــــــــي وكادت ان تتحول الي فتنة طائفية
ف البلد لولا طبعا ان خالي كان العمدة ولم الليلة هييييييييييح بس اياااااااااام

white wizard

04-11-24, 03:38 PM

في لعبة اوتوبيس كومبيليت كان فيه حد من اخواتنا

كاتب حيوان بحرف الواو وزة ف أنا طبعا قلت ايه دا اسمها أوزة مش وزة وانا طبعا حاضر ببالي كارتون كنت احبه وايد وانا صغير بتاع ياسر و الشهبندر كان يقول اوزتي البيضاء طيري الي السماء وهاتيلي الاخبار
ههههههههه وبعدين سرحت كدا

شوية واحنا ف ايام العيد لما كانت امي طول شهر رمضان تزغط دكر الوز ف بيت جدي القديم وانا عيل صغير

وبعدين تدبحه يوم العيد ونتلم على الطبلية بقى ولازم تديني حتة من الكبدة بتاعته هههههههه

يااااااااااا الله على الدفا والبساطة اللي كنا فيها والفرحة اللي كانت بتخرج من القلب بتلقائية

الواحد فعلا بيحزن لما يشوف اولادنا واحنا بنخرجهم ف ارقى الاماكن وعندهم بفضل ربنا كل حاجه بس

معندهمش لحظات زي دي منحوتة في ذكرياتهم هيييييييح بس ..

في حاجة تانية بقى هزت قلبي بعنف بنت عمى ف العيد هي مدرسة اولى لغة عربية ف مدرسة بلدنا

اللي اختي مديرتها هم الاتنين طبعا اكبر مني قالتلي يا هندسه خد بالك أن دلوقتي احنا بقينا الكبار

مفيش حد هيسد عننا طبعا اخر اعمامنا توفاه الله في رمضان وفعلا هي معاها حق كان ممكن نقصر في واجبات

اجتماعية ونقول عادي بابا هيروح أو عمي هيسد لكن لما تبقى انت الكبير خصوصا ف مجتمع محافظ وعيلة

كبيرة انت بتمثل فرع فيها احساس جديد ويخوف اللي حد كبير خصوصا وانت كنت رامي الكلام دا كله على

الكبار ومنفض يا الله ما علينا.. عيد طيب مبارك على الجميع

white wizard

04-11-24, 07:07 PM

اتزرعت ف قلوبنا
مشاعر جميلة
قوة قلوب بتحب
معجونة بقلة حيلة
بينى وبينك
إحساس موارب
بينى وبينك بحر
فى وسطه قارب
بينى وبينك
كل شئ
رغبة على شعور برئ
مغلوب على غالب
بينى وبينك
كل الناس التانيين
وشروقنا اللي اتولد
فى عزّ المغارب

white wizard

04-12-24, 08:40 AM

بمناسبة العيد أنا إجازة لمدة 7 ايام كاملة ودي بالنسبة ليا إجازة كبيرة ف عندي وقت أتجول كدا بالمنتدى

دخلت مدونات لأعضاء وعجبتني مدونة الياسمين فيها تلقائية وطيبة قلب مع لذاذة ف السرد المهم

وصلت لتدوينة لها بتقول انها حررت مخالفة لصاحب سيارة مش هي اللي حررت طبعا لكن اممممم

بلغت عن المخالفة وطبعا ف الآخر هي اللي دفعت المخالفة هههه بس أنا شوفت الصورة بتاعة السيارة وهي

طالعة على الرصيف كدا تذكرت من حوالي3 أو4 شهور كان عندي اجتماع

في فندق ف التجمع والمكان له بارك كبير دخلت اركن عربيتي اني الاقي مكان فاضي ابدا لفيت مرة والتانية

مفيش فايدة كان الحل اني أخرج واركن بعيد شوية بس أنا طبعا مش هعمل كدا ههههه طلعت فوق الرصيف ف

اخر صف وركنت العربية فوق الرصيف وروحت ساعتين ورجعت اخدت عربيتي ومشيت ههههه

ف لما شوفت التدوينة بقى لقيتني بقول ف بالي أحببتي يا مصر ههههه كمان تخيلت للحظة لو الياسمين

موجودة عندنا بعربيتها ف وسط البلد مثلا ف رمضان قبل الفطار بساعة وهي بنفس الثوابت دي هتكون زي

سمكة زينة حطوها بحوض سباحة كله سمك قرش والله فكرة حلوة هههه اخراااااشي

white wizard

04-13-24, 07:29 AM

أعتذرُ أني أحببتُكِ
وسَقيتُكِ من نبعِ غرامي
يا قلباً خُلق من طهرٍ
من ضلعٍ في جسدٍ سامي
ما كان نقاءه في البشرِ
أو حتى صُنع الأحلامِ

أعتذرُ أني أحببتُكِ
وسقيتُكِ من نبع جنوني
وجرحْتُكِ بغباءٍ حتى
من ألمك تبكيكِ عيوني
والدمعُ ينسابُ ويجري
يكويني ويُجَرِّحُ خدي
وتزيده ف الهجر ِ شجوني

أعتذرُ وأعفرُ وجهي
في ثراكِ يا زهرة عمري
يا وجعاً هد أكتافي
إن أتعب ريقُكِ الشافي
أو أغضب كنتِ لي سمري
أشتاقُ إلى نبرةِ صوتك
ليديكِ تعبثُ بجبيني
إن قلتي يوماً يا أحممد
يزدادُ نبضَ شراييني
أعتذرُ لكن لم أندم
على أني أحببتُك يوماً
ما أشقى أن أحيا بعيداً
فالموت على صدرك أرحم

أعتذرُ أني أحببتُك

8/12/2015 الساحر الابيض،،

white wizard

04-13-24, 07:30 AM

عارفة
انتي البنت الشديدة
ع البنت الكيوت
لمة غلابة وقت العصاري
قدام قصور
بدل البيوت
زهرة حنان
تطرح كلام
وقت السكوت
حلم ورجاء
واسمك دعاء
بتردده نغمة فلوت
عارفة
برغم بعدي
دايما بتهزمني ملامحك
تخليني أضعف
من عود قش
ومهما عيني
شافت وشوش
ما يشوف قلبي
غير وشك وش
بسمع كلامك نغم
رايق ومتعايق
وباقي كلام الناس وَش
عارفة
كنت فاكر
اني بمشي ف طريقك
اتاري طريقك
هو اللي بيمشيني
قبل منك كان قلبي
جعان عشق
لاقيت روحك تفطرني
تغديني تعشيني
أنا اللي عملت على قلبي
باب مقفول
انتي بس اللي مسموحلك
تخشيني

الســـــــــــــــــــاحر

white wizard

04-13-24, 07:33 AM

بالله خبريني
يا بهية الطلّةْ
يا قاتلة بطرف هدب
بغير علّة
كيف كان الغروب
على شواطئك اشراق
أيا بدرا استوطن اركان المحاق
يا وسيعة الحدقات
من انبت بقلبك النوراني
زهرة من (حنين)
يعانق عبيرها الخالد
أنوف عشاقٍ
وهبوا أنفسهم سُدى
لأطراف شعاع
خلف الراحلين
يا رقيقة الطلّة
يا جازمة حروف العشق
بغير علّة
من وضع فيكِ
نطفة التيه حبا
واسكنها برحم الهوى
قرار مكين
من علّم القسوة
اذا تهادت إلى أطراف قلبك
ان تروق وتستكين
من الهم الشغف المميت
أن يسكن بين شفتيك
كجحافل من جيوش
تغزو القلوب
لو تنطقين
هل تصدقين انني
اذا ما هممت
بلمس خدك المرمري
تنازعت يدي
الشمال مع اليمين..!!

الساحر

white wizard

04-13-24, 07:34 AM

لم تَكُنْ رؤيا
بل كانت اضغاثُ احلام
ومضةًمن أمل أنتزعتُها بغتةً
من رحم الأوهام
رضيعةٌ ألقمتُها ثدي الأماني
فشاخت خُصلاتها
قبل حتى أن تبدأ الكلام
لم نكن سيدتي سوى مُدعين
نتبارى في إتقان الأدوار
لم أقل أبداً أننا مخطئَين
لكن لم نكن يوماً أبرار
لم نكن عبدين لشهوةٍ
لكن لم نكن أيضا أحرار
كانت النهاية محتومة
فأهل الهوى لا يرضون الفتات
لن اكتفي منكِ بقطرات غيثٍ
بينما يجري من بين ( شفتيكِ) الفرات
كانت النهاية محتومة
ولن يبقى لقلبي المكسور منكِ
سوى خُصلةَ شعرٍ وبعض الذكرياااات
فحلمنا الذي تشاركناه،
لم يكن رؤيا
بل كان اضغاثُ احلام
الساحر الأبيض،،

white wizard

04-13-24, 07:35 AM

ما عاد شيء يستفز القريحة
كل اوقاتي متشابهة
الظهرُ مثل العصر
مثل اليل مثل الصبيحة
لا حنين
لا اشواق
لا وله
لا فراق
لا شيء جميل تألفه الأحداق
لا عناااااق
كنتُ منذ زمنٍ
أُعربدُ هائماً فوق صدر الكلمات
أُلملم الأهاات من بين شفاه الفتياات
لستُ المسيحُ حتى أكون بلا خطيئه
وما كان قلمي يوماً سليط مثل الحطيئه
خيالي قنبلة موقوتة
إذا ماصادف جمال
تتفجر الحروف تحت قلمي
اشلااااء
كم كنتُ دوماً أقول
ان الخياال لعنة للشعراء
اجوب الأساطير القديمة
افتش عن حبيبي في كل البلاااد
افتش عن شهرزااااد
وما من شهرزاااد
سأظل دائماً
همسة بين ثنايا المشاعر
سأظل دائماً
أنا المقامر
أنا المغامر

أنا السااااااحر،،

white wizard

04-13-24, 07:37 AM

لا تنظر في عيني عند الرحيل
فلن تجد دمعات التوسلِ
فوق الخدودِ تسيل
لن تلمح في عيني
نظرةَ الضعفِ
لقلبٍ ذليل
فقد تبخرَ الحبُ
بنارِ الهجرِ الطويل
تاهت معالمه
بين ثنايا الضباب
لن يُعيد الشوقَ في القلبِ
كل كلمات العتاااب
فقد أدمن القلبُ المسكينُ
السكر من كأس العذاب
ولن يروي ظمأي ماءً
أنشده من خلف
طبقات السراب

دعي الرحيل حبيبتي
بلا وداع
فما جمّلَ الشهدُ يوماً
مر أوقات الضياع

كم كنتُ أشتاقُ
في الليالي الباردات
لدفء لحظات اللقاء
كم كنتُ اشتاقُ
لكلمة أحوبك
تنسابُ ف الأعماقِ كالضياء
كم تألمتُ وكم بكيتُ
وكان يشهد ع الدمع
نجمُ السماء

كان دوماً
يدورُ في عقلي سؤال
لم أطرحه يوماً عليكِ
بل ظلّت تردده
الشفاه المرتجفات كابتهال

أكان يستحق الأمرُ أن نضيع ؟
قبل أن يحصد الخريفُ
نبتة العشق الذابلة ف القلوب
ألم نتذكر يوماً
حلو أيام الربيع ؟.
ألم تقرأي يوماً رسائلي!
تباً لكبرك ...
ألم تتذكري !
أم ذابت حروفي مع الصقيع

الآن إرحلى
لكن لا تنظرين في عيني
عند الرحيل
فقد أدمنت أن احيا
بقلبٍ جريح
الآن إرحلي
لعلني ف البعدِ
يوما أستريح
الآن إرحلي
فقد بُح صوت
العشق مني
ولن اصيح
الآن إرحلي
بعد ان أشهرتِ
في وجهي سيف الفراق
لن أكون يوماً
انا الذبيح

الساحر الابيض ، 26/2/2016

white wizard

04-13-24, 07:38 AM

قالت لي
اسمعهم دائماً يقولون
أنك ساااحر
تُغازل الفتياتِ
وبقلوبهن تُقامر
قلت لها
صدقيهم
فهن الواشياتُ للزهر
ان يخنق انفاس العبير
هن الحانقات على الماءِ الرَقراق
اذ غادر يوماً قلب الغدير
قالوا عن حُلمي الموؤد غدراً
انه ماكان ابداً بالحياة جدير
انظري في عيني وصدقيني
فأنا ذبيحُكِ الذي تشبثت
روحُه بالاملِ الاخير
لست بسااحر
ما كُنت الا رجل عاشق
ينزف قلمه عبق المشاعر
فقالت بغنجٍ
وهي تداعب الوردات
اممممممممم شاااعر
اذاً قل في يا حبيبي قصيدة
فقلت لتكن اذاً
قصيدة غزل
حرفها مجنون
يصف الخدود
والشفاه والمُقل
فتأملتها قليلاً
وقد تاهت ملامحها
بين اوراق الورد
وقلت ،،،،،،

الخصر ُُ
كالغصنِ الأخضر
والرمشُ
بلا نصلٍ ينحر
والجيدُ
كأنه من مرمر
والخدُ
كعقيقٍ احمر
والصدرُ
رمانٌ مثمر
وشفاهُكِ
بلا خمرٍ تُسكر
ولماكِ
احلى م السُكر
والسنُ
ان يظهر يُبهر
وأ ......

فأطبقت كفها على فمي
وقالت ضاحكة
انت حقاً ساحر
والتفتت باسمةً
تداعب الوردات من جديد

الساحر الأبيض ،،

white wizard

04-13-24, 07:39 AM

صدقيني يا صديقتي
لم اعتزل الناس يوماً
لكني أخشى الخُزلان
الآم الشوگ بأوردتي
اورثني رُهاب الأحضان
حُرّيَتي كألسنةِ اللهبِ
تُحَرّقُني
تُحاصرُني
تُوجهني لنعيمِ السجّان
وكأني فُلک ف البحرِ
الريحُ يُمزق أشرعتي
والبحر كالليثِ الهائج
امواجه تنهش في بدني
والشطُ كسرابٍ خادع
وانتحر بوسطي الرُبان
اصبحتُ كريشةِ فنانٍ
إقتُلعت منها الأهداب
وتبَخرَ زيتُ الألوان
وكعودٍ أضحى بلا وترٍ
هجرته يدُ الفنان
كالجسد يسير بلا روحٍ
وكأنه شبحُ الإنسان
لم اعتزل الناس صديقتي
لكن خبريني
اين ايامُ الطفولة
قبل ان تستوطننا الملاجئ
وتَركُلنا قدم الطُغيان
ونصبحُ بلا وطنٍ نحيا
وتعيشُ فينا الأوطان
صدقيني يا صديقتي
لم اعتزل الناس يوماً
لكني أخشى الخُزلان
هَدمنا بأيدينا منازل
يكسوها أريجُ الياسمينِ
وسكنا جحور الفئران
وقتلنا يَمَامُ فيافينا
ليُطربُنا نعيق ُُ الغربان
وركضنا نهربُ من سجنٍ
فذهبنا الى سجنٍ لكن
تتوارى عنه القضبان

الساحر الابيض 28/4/2017â

white wizard

04-13-24, 07:46 AM

زيديني من خمركِ
علّني يوماً لا استفيق
اريدُ أن احيا بلا زادٍ
إلا من لماكِ
كيعسوبٍ يهفو للرحيق
فمنكِ الأهل والوطن
والإبنة والصديق
يا حُلماً آتاني ذات ليلةٍ مظلمةٍ
بدرٌ يكسوه البريق
يداعبُ قلبي المُنهك
يحرره من قيدِ الرقيق
يقويني ويشُدُّ من عضُدي
ككتفٍ لا يُحنِيها الزمان
كميثاقٍ وعهدٍ وثيق
يسلحُني فأمزقُ الفراق أشلاءً
ليضيع بين أروقةِ الطريق
يُهدهدُني كطفلٍ تتعالى ضحِكاته
آمناً في مهدهِ الانيق
أراكِ كأُنشُودة فرح
عُزفت على قِيثارة
اوتارها شُدت بأضلعي
ترسم البسمة بأحداقي
وتطوي عني الحزن
ببئرٍ سحيق
زيديني من خمركِ حبيبتي
ودعيني أموت بين أحضانٍ أحبتني
كفراشة عذراء تقبل مبتسمة
تعانق ألسنة الحريق

الساحر الابيض ...

white wizard

04-13-24, 10:39 PM

قبل العيد بيوم اللي هو يوم الثلاثاء كنت بدأت إجازة العيد المهم دخلت المنتدى ف لقيت المسابقة الدينية كان باقي على نهاية استلام الاجابات حوالي ساعة أو اقل مش فاكر .. المهم خطر ببالي خاطر قلت ببالي الجائزة بتاعة المسابقة مبلغ كويس وانا هسافر البلد واحنا ف ايام عيد أنا هدخل المسابقة دي ولو فزت أن شاء الله
هتصدق بالمبلغ بتاع الجائزة دا ...

المهم طبعا حليت الأسئلة بسرعة كنت عارف معظمها وفيه حاجات بحثت عنها لكن

تفاجئت أن إعلان الفائزين مش هيكون يوم العيد ف كان قدامي حل من اتنين

اول حاجه اني اسحب المبلغ من حسابي واسيب الباقي على الله أو اني استنى بقى لما يعلنوا ولو فزت

ابقى أخرج الفلوس طبعا أنا بصراحة منفذتش الخيار الاول ههههه امممم مهو 25 الف جنيه تقريبا واحنا خارجين

من مصاريف عيد ولبس عيد وكحك عيد لأخواتي وعزومات رمضان ف الرصيد اجهد وترددت بعدين دخلت لقيت

فيه تصويت طبعا أنا عارف المدير فكر ازاي هو نزل الاسماء بأرقام حسب ما جت الاجابات وحيث اني كنت

اخر حد باعت ف قطعا هكون رقم 15 وانا صوتت على رقم 15 على فكرة ههههه كمان أصدقائي هنا كانوا

يخلوني بفوز مستريح لو طلبت منهم التصويت ل رقم 15 لكن هعمل خير بالغش ههههه المهم الف مبروك لإخواننا اللي فازوا وكل التقدير للمسؤولين

ف المنتدى على تعبهم ومجهودهم .. ناس محترمة فعلا وراقيه بس تصرفاتهم متوقعة شوية هههههه

white wizard

04-15-24, 12:27 PM

مَضَى زَمَنٌ
كُنْتُ أَحْمِلُ بَيْنَ جَوَانِحِي
قَلْب شَاعِر
يُعْتِقُ الْإِحْسَاس ثُمَّ يَعْصرُهُ
حبْرًا عَلَى وَرَقٍ
يَتَغَنَّى بِهِ الْعَاشِقِين
مَع عَزْفِ الْمَزَاهِر
تَصْعَلكت أَصَابِعِي زَمِنًا
عَلَى خَصْر الْكَلِمَات
تَصِفُ الشِّفَاه وَالْجِبَاه وَالْقُدُود
تَرْسَم حُمْرَة الْوَرْدِ عَلَى بَيَاضِ الْخُدُود
لَمْ يَحْكُمني زَمَانٌ أَوْ مَكَان
وَلَمْ تُسْجَن كَلِمَاتِي بِقُيُودٍ أَوْ حُدُود
كُنْت أَدْفِنُ الْحُزْنَ فِي لَحْنٍ
تَعْزِفه الْأَنَامِلُ حَرْفًا مَنْسُوجًا مِنْ فَيْضِ محْبَرَتِي
وَتُدْندن بِهِ بِلَا وَجَعٍ
هَمسُ الْمَشَاعِر .
كُنْت أَحْمِلُ بَيْن جَوَانِحِي
قَلْبُ شَاعِر
ثُمَّ تَبَدُّل الْحَال
وَذَهَب الشَّغَف
حَتَّى إنَّ الْحُلُم
أَصْبَح تَرَف
لَا شَيْءَ يُثِير ف النَّفْس
كَوَامِنَ الْعَجَب
زَمَنٌ تسَاوِي فِيهِ
النُّحَاسُ مَع اللُّؤْلُؤُ
مَعَ الْحَدِيدِ مَعَ الذَّهَب
ضَاع الشَّغَف وَجَفّ الْحَبْر
رَاحَتْ سِنِين الْفَيْض
وَغَرَس النَّاس فِي حُقُول الْقَمْح الزُّعَاف
رَاحَتْ سِنِين الْفَيْض
وَلَمْ تَمْضِي بَعْد السنواتِ الْعِجَاف
مَات الْحُبُ فِي زَخْم هَذَا الْقَتْل
فِي زَخْم الْعَالِم الْمُتْخِم بِالْغُرَبَاء
هَذَا الْعَالَمِ الْمَأَزُوم
الْمَهْزُوم الْمَجْزُوم مِنْ إِنْسَانِيَّتَه
وَمِنْ رَحْمَةِ السَّمَاء
ذُلّ عَزِيزُ الْقَوْمِ وَراح
يَبْحَثُ عَنْ بَقَايَا بَيْتٍ
بَيْنَ بَرَاثِن الْقَنَابِل يَسْتُرُهُ
مِنْ بَرْدٍ الشِّتَاء
يَبْحَثُ عَنْ ضَوْءِ صُبْحٍ
عَنْ بِسِمَة تَاهَتْ
لَمَا ضَاعَ مِنْهُ الْخُبْز وَالدَّوَاء
نَبْكِي بِلَا دَمْعٍ كَرَامَتْنا
وَنَخَافُ أَنْ يَرَوْا فِي
أَجْفَانِنَا أَثَرُ الْبُكَاء
غُثَاءُ سَيلٍ
فِي صُبْحِ وَف اللَّيْل
والان نَحْسدُ مِنْ بِالْمَقَابِر
مَضَى زَمَنٌ
كُنْتُ أَحْمِلُ بَيْن جَوَانِحِي
قَلْبُ شَاعِر .

الساحر الابيض 15/4/2024.

white wizard

04-17-24, 07:56 AM

قرأت بمدونة اختنا العسل الاسود اخ بقى لو شوية طحينة وفطيرة مشلتتة بالسمن البلدي وحتة جبنة قديمة
ياختتتتي فطور كيلوباترا هههه نرجع للتدوينة بالمناسبة اسم المدونة حلو ضحك ولعب وجد وحب وعميق على
قد بساطته ..

هي كانت بتتكلم باختصار عن ابتذال كلمات الاغاني المنتشرة اليومين دول وان دا بدون رقابة ممكن يعمل مشكلة
وتشوه في تركية الجيل ..

طبعا أنا مع كل كلمة ف التدوينة بشكل كامل بس هنا عاوز اقول ان الموضوع دا مش مستحدث
بالعكس دا من زمان وان التربية على القدرة على الاختيار السليم هو الحل ..

يعني مثلا كان منتشر ايام ما كنت أنا في فترة المراهقة اغاني اسوء بكتير

كانت واحدة بتغنى وتقول حط النقط على الحروف قبل ما نطلع سوا للروف

وانا شخصيا اسمي استعمل ف اغنية من دي حيث قالت احداهن احمممممد الشبشب ضاع

كان فيه بلاوي والله دا غير جاد شويري واسهاماته الحثيثة في إفساد الجيل هذا وقت المراهقة

طيب بلاش دا هل أهل زمان الجدود والاباء مكنش عندهم اغاني بكلمات مبتذلة زي كدا وكان حالهم

احسن مننا ابسليوتلي ههههه دي اغانيهم الشعبية معظمها +18

انا بفضل الله عندي ذاكرة قوية وبحكم اني نشأة ريفية ف الاغاني المتداولة ف الافراح وانا صغير
واللي كانت من عهد الآباء والأجداد كانت من نوعية

يا منجد على المرتبة واعمل حساب الشقلبة وكمان امممم هزيها يا صفيحة الجاز و.... ما علينا ههههه

حتى اسمي تم استخدامه بردو ف حبيبي يا احمد يالي ع الجبهة احمد ما جاشي لا لا ولا خدله بوسة لالا من قعر الكوسة لالا ... واه لو فسرت المقصود بقعر الكوسة هههههه اخراااااشي

نهاية القول إن الاغاني المبتذلة اللي فيها كلمات تدل على التحرش موجوده ف كل زمن الرك زي ما بيقولوا على
تربية ناس تقدر تفرق وتختار صح بين الغث والسمين .. بس خلاص

white wizard

04-19-24, 05:24 AM

وفي الثالثة فجرا اراني
قضيت نصف عمري
في عبثٍ ووجوم
واتسائل من يا قلب
اغواني كي اطاول النجوم
حتى انني ف الهوى
امنت دوما ان الدفاع
خير وسيلة للهجوم
استهواني فقط عشق المختلفات
كمن رسم طريق الرطب
داخل بستانا من شجر الكروم

white wizard

04-19-24, 02:47 PM

وانا بشوف الفيديو دا حسيت اد ايه الجيل دا مظلوم أنه معاش ايام الدفا والبساطة اللي عشناها واحنا صغيرين

حررت الروابط من قبل المراقب العام لاحتوائها على موسيقى وهذا مخالف للقوانين

white wizard

04-20-24, 04:25 AM

ف الثالثةِ فجراً
ضاع الوصفُ من شعري
وما عادت ترسم كلمات
الغزل اشعاري
لمّا لاحت لي
في دُجى الليلِ نوراً
خَبى من حُسنه القمرَ
وقرأتُ حرفها لحناً شرقياً
عزفته شوقاً
وقت السحر اوتاري
يا مُنية النفس
يا مُهرةً تركض بقلبي
ارجوكِ وصلاً
ابوحُ لك فيه بكل اسراري ...

هييييييييييح بس

white wizard

04-20-24, 11:21 AM

حررت الروابط من قبل المراقب العام لاحتوائها على موسيقى وهذا مخالف للقوانين

الاول اسف معرفش أن ممنوع روابط فيها موسيقى ..

تاني حاجه أنا جبت. رابط للفيديو بدون موسيقى اظن أنا كدا براءة ههههههههه عفريت أنا والله ههههه ..

فاكر لما كنا لمة جوه طشت بنستحمى
الحياة كانت بسيطة والدولاب مسمار ف حيطة
وأمهات كانت حويطة مطبخها وابور وحلة

https://youtu.be/0WmFLwzQHaw?si=9BJZkdfyGrJxSJWc

white wizard

04-22-24, 12:43 AM

من كتاباتي الاولى اللي بعتز بيها وكان جزء من مدونة عملتها ليا أختي الصغيرة وانا نسيت اصلا اوصل لها ازاي هههههه ما علينا

https://encrypted-tbn0.gstatic.com/images?q=tbn:ANd9GcS3UWjJMIYcasN7zQ0nIpphT95u61ceK jXyDTHOq_s7sz_xbLkYfn8h9NM&s=10

عصفورٌ صغير
صغيرُ الجناح
يقومُ في سرورٍ
في اولِ الصباح
يرفرف في سماه
ويشكرُ الاله
يغدو الى الحقول
من عدسٍ و فول
يداعبُ الزهور
ويجمعُ البزور
في عُشٍ صغير
ينامُ في سرير
في عُشه امير
بريشه الحرير
وفي يومٍ حزين
بحادثٍ اليم
وقع على التراب
بأحلامٍ سراب
يئنُ ف الصياح
مكسورُ الجناح
بألمٍ مهول
ينظرُ في زهول
واكثرُ الهموم
قطٌ يزوم
يختالُ في غرور
ويضمرُ الشرور
فجاءه اليقين
بمصيرِهِ الاليم
فأغمض العيون
واسدل الجفون
فهو لم ينسى كونه
عصفورٌ صغير

السااااحر