يا فرعون مين فرعنك

[الفيلسوف]

https://scontent.fkwi2-2.fna.fbcdn.net/v/t1.18169-9/10613051_203747463129121_2126107534437478188_n.jpg ?_nc_cat=103&ccb=1-5&_nc_sid=9267fe&_nc_ohc=Vi4QEEBIi5UAX_Jdhpp&_nc_ht=scontent.fkwi2-2.fna&oh=00_AT_j3j5k9Wkub2e1kuhxiciene8LFnQ1xna9YdCzFibC JQ&oe=61E0543F


يا فرعون مين فرعنك
واللي يلاقي دلع وميدلعش
جمل صحيحة في حالة نوعية من الناس مش عارفة او مش عايزة تحط حدود limits لنفسها في تعاملها مع الناس...او مش معترفة او مش شايفة او مش عايزة تشوف حدود boundaries الاخرين.
معندهومش (كبير نفسي..او ملهومش كبير) يقول لهم استوب هنا دي حدود الاخرين ..احترمها...حتى ولو هم مش عارفين او غافلين او مش قادرين يدافعوا عنها لأي سبب.
رلما هم مستغلين..او ربما هم مش منتبهين لحدود الاخرين..او بيستعبطوا...او تم تعويدهم من الاخرين انهم يفردوا نفسهم في مساحة الاخرين.
النوعية دي بيجرب الاخرين..بيدوقك..بيشوف آخرك...او ربكا مش عارف آخره فبيسيبك تحط له حد عشان ميتجاوزوش.
)لأ)...(استوب هنا)...بمثابة الفرامل للاخرين...ده اخرك في التعامل...ده حدك اللي متتعداش عليه.
هم زي الكبير النفسي للي ملوش كبير من جواه او من براه.
اول (لا) بنقولها لاولادنا واحنا بنحط لهم حدود..عشان ميتعدوهاش...بنعلمهم..بننظمهم..بننهذبهم...بنحط لهم دايرة عشان هي مش زريبة مثلا ولا فوضى.
والدايرة دي زي ما بتعلمهم التعاون واحترام الاخرين كمان بتحسسهم رغم رفضهم لها في البداية..بالامان...ان العالم منظم وواضح ومحدد..وممكن نثق في نفسنا والاخرين...نقدر نحترم حدود وحقوق بعض.
بس بعض الاسر مبتعملش الدايرة دي او بتبقى ضعيفة..فيطلع الطفل مش عارف حدوده...ولو اتساب بيعتدي على حدود الاخرين..ومبيتاخدش معاه موقف للخرق ده...بيسموه الطفل المدلل...
وبعض الاسر..وفي بعض الظروف دوايرهم دي بتبقى ضيقة ومش موجودة ..فبيتم استباحتهم..وبينكمشوا جوه نفسهم.
المقولة اللي بتقول
اللي هتسيبه من حدودك ومساحاتك هينط فيها ويملاها الاستغلالي والنرجسي والاناني والمستهبل والغافل مبيشوفش حدود لحد.
تعدي الاخرين على حدودنا..اساءة منهم وده حقيقي.
بس ضبط حدودنا مسئوليتنا (مش بالمعنى اللوام ولكن بمعنى انا الريس اللي محدش هيعمل ده لنفسي غير نفسي).
ترك ده لذوق الاخرين او فهمهم او احترامهم...تضييع وقت وتفريط في الحقوق.
واستجداء احترام الحدود منهم ملوش معنى..ازاي بتستجدي من اللي محتل بيتك يطلع منه.
ترك التعدي يمر دون موقف او حساب..هو ده اللي بيفرعن الاخر علينا..وبيعتبر احتلاله حق مكتسب.او حق اصيل كمان.
دورنا مع الاخر ننبه لما يحصل خرق...ولما يتكرر ننبه بحزم مرة تاني وربما تالتة..بس بعدها لازم ناخد مواقف..والا خلاص الخروقات هتستمر.
عدم اتخاذ مواقف احد اسباب اننا بنقول لا مبتتسمعش..او منقدرش نقول لأ...
وعدم قدرتنا عن اعلان لا كتير بيسمح للاخرين بالاعتداء اللي بنشتكي منه.
الخل في الاول والاخر..عندي انا..انا اللي محتاج اتعلم احط حدود واقول لا امتى وفين وازاي..واخد مواقف في حالة عدم الاحترام.

[إشراق !]

فعلاً الفيلسوف كلمة( لا ) مهمة جداُ في حياتنا وتصنع فارق كبير ،
كتبت فيما مضى عن هذه الكلمة ودورها في حياتنا .
بعض البشر يفهم بالتلميح ان هناك حدود لاينبغي تجاوزها والبعض لابد من التصريح
بكلمة ( لا ) و توقف ..

موضوع جميل جذبني العنوان ,,
خاصةً أنني من المعجبين بالأمثال المصرية ، تُعطينا ملخص تجارب حياة ..
سلمت يمناك الفيلسوف ؛
تقديري !

[خياآل]

طرح هادف فيلسوفنا الراقي
احيان احس اني متعدي حدودي لكن ماباليد حيلة البريك مايمسك هوع هع
الف شكر :MonTaseR_7:

[GeMy]

أولا أحب أشكر حضرتك ع الموضوع المهم دا
ثانيا في ناس بتبقي فعلاً عندها لا مبالاه تجاه تصرفاتها و بتبقي شايفة إنها فعلاً بتتصرف عادي و مفيش أي مشكلة بس العكس هما بيبقوا صغار جدا ف نظر من حولهم و دايماً بيتسببوا في إحراج لنفسهم و لمن حولهم و لابد من وضع حدود لهم لعدم تجاوزهم ف الإساءة سواء كان تجاوز لفظي أو ناتج عن تصرف.. خير الناس مصاحبه هم المتقون الصلحاء، وأما أهل السوء والأهواء الفاسدة فإن في مصادقتهم مخاطر مختلفة، ويكفي للابتعاد عنهم وعلينا أن نتذكر تحذير النبي صلى الله عليه وسلم من جلساء السوء قال: مثل الجليس الصالح وجليس السوء كحامل المسك ونافخ الكير. وفي حديث آخر أن النبي صلى الله عليه وسلم قال: المرء على دين خليله فلينظر أحدكم من يخالل. ومع ما يمكن أن يجلب أصدقاء السوء لمن يصحبهم، فإنهم يتبرؤون يوم القيامة ممن يصادقهم ويعادونه، قال تعالى: الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ.صدق الله العظيم .


مشكور جدا أخي علي طرح الموضوع الجميل و نتمني من الله أن يهدينا جميعا

[أمَل]

لنجيب ع العنوان أولاً
نحن من فرعن المتمادي إلى ان وصل هذا المستوى..
المسافات الآمنة في علاقات البشر
هي القاعدة المريحة
لاتتجاوز هذه النقاط..
وإذا أُبتليت ببليد الفهم هات لا وجميع سيغ النفي وتبعاتها...
كلُ مااتمناه في هذه الحياة أن لا أكون عبئ عاطفي ع أحد.. لذلك أنا أحترم من يحترم غيره..
عندنا بالسعودية يغطون هاللقافة بمسى ميانة..
وتحت هذا التعبير ممارسات تطفلية مروعة.
جعلت العزلة ملاذ للمتعبين من هؤلاء الخلق..
قبل اللاء ضع لك حدود لنفسك وغيرك..
يبقى لمنظورك الفلسفي أخي الكريم رونقهُ الخاص شكراً ولاتكفيك

[النايفه]

نحن نحتاج أكثر من كلمة لا لحفظ خصوصياتنا
ممكن كلمه حاسمه مثل " قف "
وقد تتطور إلى مرحلة. " الردع "
مساحات الخصوصيه تلك مممتلكات شخصيه لك
لايحق لأحد تجاوزها أبدا
للأسف هناك تمادي غير مبرر في اقتحام حياة الآخرين
أكاد أسميها " فوضى اجتماعيه "
طبعاً أنا مع اللين بالدرجه الأولى
ومع نشر ثقافة " صون " الحدود والحريات
وان حدث تجاوز نقلب الطاوله على دماغه :24:

المثل المصري عنوان الموضوع تم استخدامه لدي بجداره كبيره :سكر:


كل اطروحاتك رائعه أيها الفيلسوف
فائق احترامي