هدايا السناب ورسائل الشكر والثناء

[بوكيه ورد]

السلام عليكم ورحمة الله وبركاته
أسعد الله أوقاتكم بكل خير
زمان عن قسم النقاش
فيه موضوع دايم يجي على بالي،
مدري هو بس عندنا يعني سواليف حريم ولا بعد يحصل مع الرجال..

لمن تهدي لأحد هدية سواء هدية سكن او مناسبة مولود
البعض يحط سنابة شكر باسمك ومرفق، معها هديتك والبعض، لايهتم او انه يضع سنابات معينة لبعض الأشخاص يشكرهم على العام
والبعض يشكر كل من أهداه واحد واحد حتى لاأحد يزعل والبعض يشكر ع العام والبعض، يشكر على الخاص

طبعا معروف الهدية بمعناها، وليس بقيمتها
وكل انسان وذوقه.. والموضوع حساس، عند البعض يمكن والبعض لايهتم..
الشكر والامتنان صفة جميلة..
لكن لكل وجهة نظر
السناب سوى حساسية شوي بين الناس
وأنا بالنسبة لي، ماهو من التطبيقات اللي، أحبها.. بس
استخدمه للمشاركة أحيانا:MonTaseR_207:
وللفضول أحيان
والاستفادة من بعض الحسابات اللي عندها محتوى مميز :210:


ماهي، وجهة نظركم ياترى

:210:

[هـمـس]

..





وعليكم السلام ورحمة الله وبركاته

صبحتي بالخير يا بوكيه وجميع من زار موضوعك

الصراحه هالموضوع ذكرني بموقف

من فترة وحده من الاقارب جابت مولوده واهديتها هديه

وشفتها بسنابها صورت الهدايا اللي وصلتها مع الكروت وتشكر كل وحده بإسمها

الا هديتي ما شفتها نزلتها الا بعد كم يوم

صراحه الحركه حزت في خاطري وتضايقت منها

انا شخصيا ما أصور اي شي يجيني

اساسا من الله ما أحب التصوير ونادر جدا انزل سنابات

واذا بنزل ممكن اصور منظر او شي من هذا القبيل

اما هدايا وصلتني او شي مثل كذا مو شخصيتي ابدا

وصراحه النساء استخدامهم للسناب شات خاطئ تماما

كل شي يصورونه ماعاد فيه خصوصيه بهالزمن

والسناب فتح باب كبير للاستعراض

هي السوشل ميديا كلها ما تعجبني ولكنها ضروره في هالزمن

يعطيك العافيه عزيزتي







..

[صعفق طاش كندي]

هي خليها تجي هدايا بالاول

مو احطها بالسناب وبس .. اطبعها باوراق واسلمها واحد
يوزعها عند الاشارات :x81:

قسم بالله السناب هذا ماسوى خير في العالم

اللي بيهدي يصور
واللي بيتصدق يصور
واللي بيفزع يصور
وتركيب شيلات .. وتصوير بالبطيئ


والغرض كله .. يعنني شوفوا

لو بتكلم عن مصخرة السناب امكن ارجع عليه واحذفه

همس .. صاحبتك هذي ماتحبك >> انقهر

ياشيخه امكن على وقت سنابتك تهاوشت مع زوجها على الهدايا.. لاتدققين ..

[هـمـس]

..





^

ضحكتني الله يسعدك :فطسه:

انا ما علقت على الحدث ولكن مهما كان التصرف يحز بالخاطر

عموما تصوير الهدايا اكثر شي أعارضه






..

[أمَل]

وعليكم السلام ورحمة الله وبركاته
...
حقيقة أنا أشارك من باب اللقافة لا أكثر:iqf03163:
للحين مانزلت التطبيق
مفهومي عن الموضوع أو السناب
هو برنامج إستعراضي
لنمط الحياة
وأنا أعارض وبشده جعل الحياة مسرح مشاهدة
الجمال يكون بالخصوصية
وإذا تبي تشكر أحد ع الهدية
إذا عطاك عبر عن إمتنانك وخلصنا
..
العالم صارت تهتم بالصور أكثر من الواقع

يعطيك العافية ورد

[آمتنان]

كميــة الفضول اللي نشـوفها ف السناب

وتتبع الاخرين لوضعج وظروفج وماتملكين من مال وجاه والخ ..

هذا شي افسـد الحياه وتعب الناس ,,

الكثيـر من الناس اصبحوا يخدعون انفسهم ويخدعون الاخريـن

تفككت علاقات بسبب الهدايا والعزايم واللي نشوفه كله (show) في السناب

ولو بنرفض الواقع هذا !!! / بنخدع انفسنـآ :blush-anim-cl:

لان الحيـاه اصبحت مظاهر لا اكثر ولا اقل

تعايشي مع الوضع وحطي الهدايا واسماء الاشخاص ولا تحاتين :الجوهره:

[بوكيه ورد]

..





وعليكم السلام ورحمة الله وبركاته

صبحتي بالخير يا بوكيه وجميع من زار موضوعك

الصراحه هالموضوع ذكرني بموقف

من فترة وحده من الاقارب جابت مولوده واهديتها هديه

وشفتها بسنابها صورت الهدايا اللي وصلتها مع الكروت وتشكر كل وحده بإسمها

الا هديتي ما شفتها نزلتها الا بعد كم يوم

صراحه الحركه حزت في خاطري وتضايقت منها

انا شخصيا ما أصور اي شي يجيني

اساسا من الله ما أحب التصوير ونادر جدا انزل سنابات

واذا بنزل ممكن اصور منظر او شي من هذا القبيل

اما هدايا وصلتني او شي مثل كذا مو شخصيتي ابدا

وصراحه النساء استخدامهم للسناب شات خاطئ تماما

كل شي يصورونه ماعاد فيه خصوصيه بهالزمن

والسناب فتح باب كبير للاستعراض

هي السوشل ميديا كلها ما تعجبني ولكنها ضروره في هالزمن

يعطيك العافيه عزيزتي







..

الله يصبحك بالنور والسرور عزيزتي همس
نورتيني ياذوق
الموقف اللي صار لك يصير لكثير ناس،
المشكلة انو هم مايفكرون بأنهم ممكن يزعلون الناس اللي ماشكروهم وهمهم الاستعراض،
هذول اتوقع ماتعرضوا لنفس الموقف وحتى لو تعرضوا لنفس الموقف مايزعلون يعني عندهم أساليب اخرى لرد الاعتبار
..
يمكن يدخل في نطاق الذكاء الاجتماعي وانهم يفتعلون مواقف تخليهم يشعرون بالاستحقاق لانهم على الغالب مزاجيين.. يعني مافي شي يزعلهم.. بس هم ممكن يزعلون الناس..
وزي، ماقلتي الحريم ماخذينها استعراض ومنافسه..
يعني شوفوني من قدي.. وممكن يكسرون بخاطر غيرهم من اللي ماتجيهم هدايا فخمة مثلهم..

الله يعافيك ياذوق

[بوكيه ورد]

هي خليها تجي هدايا بالاول

مو احطها بالسناب وبس .. اطبعها باوراق واسلمها واحد
يوزعها عند الاشارات :x81:

قسم بالله السناب هذا ماسوى خير في العالم

اللي بيهدي يصور
واللي بيتصدق يصور
واللي بيفزع يصور
وتركيب شيلات .. وتصوير بالبطيئ


والغرض كله .. يعنني شوفوا

لو بتكلم عن مصخرة السناب امكن ارجع عليه واحذفه

همس .. صاحبتك هذي ماتحبك >> انقهر

ياشيخه امكن على وقت سنابتك تهاوشت مع زوجها على الهدايا.. لاتدققين ..

انتوا الرجال ماتهتمون يمكن ارتحتوا من ذي السواليف
الفشخرة اغلب او بعض النسوان هم اللي يتفشخرون
اتوقع علشان تفكيرهم غير عنكم
بس صح كلامك الهياط والفشخرة زادت في السناب
يمكن تصويركم اغلبه كوميدي للضحك والفلللة وهالشئ مقبول أكثر من الفشخرة

منور صفعش طاش، كندي

[بوكيه ورد]

وعليكم السلام ورحمة الله وبركاته
...
حقيقة أنا أشارك من باب اللقافة لا أكثر:iqf03163:
للحين مانزلت التطبيق
مفهومي عن الموضوع أو السناب
هو برنامج إستعراضي
لنمط الحياة
وأنا أعارض وبشده جعل الحياة مسرح مشاهدة
الجمال يكون بالخصوصية
وإذا تبي تشكر أحد ع الهدية
إذا عطاك عبر عن إمتنانك وخلصنا
..
العالم صارت تهتم بالصور أكثر من الواقع

يعطيك العافية ورد

وأنا أرحب فيك وبمشاركتك حتى لو سميتيها لقافة فهي، لطافة عندي طبعا
ماشاءالله أحيي فيك على الرغم انك تقولين عندك لقافة الا انك لقافتك ماوصلت انك تحمليت السناب
لأن عالم السناب فيه ملاقيف ان صح القول او فضوليين
انا حذفته البرنامج كم مرة ورجعته ومازال آخر اهتماماتي
ولكن لابد أمر عليه وأحيانا أبي أشوف أحوال بعض المشاهير اللي ضفتهم واتسلى معهم بسواليفهم
مثل ماقلتي الناس صار عندها هوس،
وبعضهم يزهدون فيما عندهم بسبب مايرون عند الغير
ف ماصار فيه قناعة ورضا
الرجال والنساء السنابيين عموما أصبحوا مايعجبهم أي شي لأن المقارنات تشتغل.. بسبب برامج الصور موب بس سناب
انستجرام وتيك توك..
الله يغنينا بحلاله عن حرامه
غض البصر نعمة
الله يعافيك أمل منورة الدنيا ياذوق

[بوكيه ورد]

كميــة الفضول اللي نشـوفها ف السناب

وتتبع الاخرين لوضعج وظروفج وماتملكين من مال وجاه والخ ..

هذا شي افسـد الحياه وتعب الناس ,,

الكثيـر من الناس اصبحوا يخدعون انفسهم ويخدعون الاخريـن

تفككت علاقات بسبب الهدايا والعزايم واللي نشوفه كله (show) في السناب

ولو بنرفض الواقع هذا !!! / بنخدع انفسنـآ :blush-anim-cl:

لان الحيـاه اصبحت مظاهر لا اكثر ولا اقل

تعايشي مع الوضع وحطي الهدايا واسماء الاشخاص ولا تحاتين :الجوهره:

اهلا وسهلا فيك امتنان
أشكرك على اضافتك
ومعك حق في كل ماذكرتي
تتبع الآخرين مزعج ولكن هو باختيار من سمح لهم بذلك
الناس هي التي تحب تكون محط الانظار برغبتها
حتى يشعرون بقيمتهم يمكن وانهم موجودين في الحياة
وكأن السناب هو الذي يقيس تواجدهم وظهورهم فوق الكرة الأرضية وانهم بخير ومازالوا أحياء وطيبين على أساس انو الناس، مايشوفون بعض الا مع هذي التطبيقات مثل السناب فلمن تسألين عن فلان وش اخباره يقولون لك هذا هو طيب وبخير ويصور في السناب :110:
يعني صار السناب يشرح لك أحوال البشر انو طيب، وبخير
ولو ماطلع سناب ماحد درى عنه :220:
سبحان الله ولله في خلقه شؤون
نورتي امتنان الله يسعدك

[نجمة]

اولا


الحمدلله الي عافاني من السناب والتويتر والتيك توك
والله يثبتني يارب


نجي لموضوعك
اتوقع تصوير الهدايا ولا شي قدام تصوير الصدقات والمعونات :210:
وبعيدا عن الحسد والإدمان والتنمر الي ممكن يجيك ع هذا التطبيق
اعتقد انه الأهل كلهم مضافين والصديقات
مشاكل اجتماعية وقال وقيل من النوع الثقيل
يعني وجع قلب ونكد ع الفاضي


همس اتوقع نست هديتك وصورتها لما لقتها :nosweat:

يعطيك العافية ع الموضوع :Dl3:

[بوكيه ورد]

اولا


الحمدلله الي عافاني من السناب والتويتر والتيك توك
والله يثبتني يارب


نجي لموضوعك
اتوقع تصوير الهدايا ولا شي قدام تصوير الصدقات والمعونات :210:
وبعيدا عن الحسد والإدمان والتنمر الي ممكن يجيك ع هذا التطبيق
اعتقد انه الأهل كلهم مضافين والصديقات
مشاكل اجتماعية وقال وقيل من النوع الثقيل
يعني وجع قلب ونكد ع الفاضي


همس اتوقع نست هديتك وصورتها لما لقتها :nosweat:

يعطيك العافية ع الموضوع :dl3:

ارتحتي نجمة الله يسعدك أحسن لك

الله يثبتك والله يثبتنا جميعا ويصلح أحوالنا

اتوقع تصوير الصدقات والمعونات يدخل في الرياء
مالا داعي التصوير

زي ماقلتي فيه حساسيات عزمتني وماعزمتني
وطلعوا ولاقالوا لنا..
فيه ناس ماتعرف تراعي مشاعر الغير للأسف

الله يعافيك نجمة منورة الله يسعدك