((هنيت من عد النجوم بسماكم))

[القارظ العنزي]

هنيت من عد النجوم ....... بسماكم
يرقد ويصحي صورتك تكحل العين
يصبح صباحه بالملاقا ....... رضاكم
وعند المساء مساك في قوله أهلين
وانا سماية غربكم من ....... وراكم
بيني وبينك يا هوى البال .... حدين
فيها جيوش صاحية ..... ماتخفاكم
حتى صيام ديارهم زود ..... يومين
لكن ولانا يالغضي من ......... ولاكم
حيث ولاكم سنة تتبع ....... الدين
لكن لا تنسى بالوفاء من ... راعاكم
يصبح ويمسي لهجته .... الغلا وين
وشلون تنسى واحد ....... ما نساكم
نذر حياته لاجلكم قبل ...... عامين
عايش بالغربة يشتكي من . جفاكم
حتى الرسايل ما تجي ليه .. يالزين
كان الغلط من يمنا حن .... .. معاكم
حقك علينا وحقنا واضح ....... زين

القارظ العنزي

[أعد النجوم]

اهلا بالقارظ من جديد

صح لسانك يارائع

بوركت على هالابداع


يختم ل3 ايام مع التقييم والايك

[مسكك الغلا]

صح لسانك واعتلا شانك خالي

عافاك ربي ننتظر جديدك

[أمَل]

ابيات جزلة صح لسانك شاعرنا القارظ

[القارظ العنزي]

صحة أيامك أعد النجوم
وصح مرورك وحضورك
العطر لقد اقتبسنا من
معرفك عنوان القصيدة
فاصفح واغفر ان لم يروق
لك ذلك دمت بالوجود لاهنت

[القارظ العنزي]

صحة انفاسك خالتنا الغالية
مسك الغلا دمت بالوجود

[القارظ العنزي]

الجزالة في مرورك أمل
وصحة انفاسك يارب

[احلام عابره]

اقول يامرحبا مليون ويسعد .مساكم
ويسعد صباح تكتحلبه بشوفكم عين

اليا غبت عيوني تنتظر لحضة. لقاكم
والياجيت يمي أصبح الشوق شوقين


اطلب من الله بعين الرضا.... يرعاكم
وأشعر بغربة الروح لاغبتلك... يومين

يالي بالقلب ترجح كفة ......... غلاكم
مكانك القلب لوغبت شهور ....وسنين

حياالله يوم وجهت يمنا ......ممشاكم
وعالحرف يااااصح الله لسانك ملايين

سلطان القوافي
القارظ العنزي
صح لسانك ملايين

ودي وتحترتمي

[خفايا الطيف]

صح لسانك مبدعنا ..

صحيح انه مالي في الشعر لاجاريك فيما بحت به ..

لكن اقف طالباً امامك كلاماتك ..

التي اتشرف ان اتعلم منك كيف تمسك القلم لتسطر تلك الانامل هذا الكم الهائل من الجوف العميق لتصاغ بهاته الابيات الجميله ..


سلمت سلمت سلمت يمناك عزيزي ..

دمت بكل الود ..

محبك / خفايا

[القارظ العنزي]

ياللي مي العين من عين ...... ماكم
يا مرحبا بك الف مرة مع ..... الفين
ياللي سكن بين الحنايا ...... غلاكم
بس تكفى قلي من اغلا منك يالزين
سبحان ربي بالمزايا ........ . حباكم
وانا ابتلاني في غواني ... المزايين
سبحان رب ميزك في ..... حلاكم
بنت اصيلة من بنات ..... العداوين
يا جاري اللي ننتظر من .... عطاكم
متى تمر بدارنا وارحب ...... اهلين
يسعد صباحك مع سعادة .. مساكم
وتسلم لي روح نابضة ... بالحبيبين

هلا وغلا فيك سيدة الحرف احلام عابره
وفي مشاكساتك العتيدة يالعنيدة

[القارظ العنزي]

العفو استاذي خفايا الطيف
بل انتم من يرفع من شأننا
بطلاتكم البهية لتدعم معنوياتنا
ومن نكون بدونكم ومنكم نستفيد
بالنقد والتعليق كل الشكر والتقدير
لمرورك العطر وحضورك العذب