فوضي

[ahmed 22]

ربما هو الوصف الدقيق لما امر به حاليا
فوضي لا ادري ان كانت ستكون بناءة ام هدامة ..

فبداخلي متخبط
ويبحث عن التغيير ..

في آخر السنوات اغرقت عقلي في العمل
لدرجة انستني ما احب ..
وما كنت اريده يوما ..
او ما كان يمثل الشغف لي ..

لدرجة انني اكتشفت مؤخرا
انني كنت اعيش داخل دائرة مفرغة من الأفكار
تتغير اشكالها ...ولكن تبقي واحدة ...
ازيدها فقط من فيض فلسفة عقيمة
لا امتلك ادواتها .. فتجعلها ممتلئة ...
ولكن تبقي فارغة ..

فضلت الابتعاد عن كل مناطق الراحة
او ما اعتدت عليه في سنواتي الماضية ..

حاليا لا اهتم بتطلعات احد
لا اهتم بما تظنه في شخصي
لا اهتم للكثير من الاشياء
اريد فقط ان اصنع مساحتي الخاصة
من المعقول واللا مفهوم في نفس الوقت ..

اريد فقط ان اتذوق الاختلاف والتفرد
في المعاني والأفكار مرة آخري ان استطعت ..

ان كنت تقرآ هذا الكلام
فلا تبالغ بتوقعاتك ان آمنت....
لا تزايد بما تملكه ان استهنت ..

فقط اريد ان اكون نسخة افضل من نفسي ..
واصقلها ان استطعت ...
وهنا فقط مجرد فرع يطالب بالتغيير
لجذر ملئ بالفروع ..

هي مجرد فضفضة لما يدور في بالي
في تلك اللحظة ... ولا اعلم ما سيكون غدا

فقط اردت ان ابدأ بها مدونتي ..
والعجيب انني لم احب المدونات يوما
ولكن للمرة الثانية افتحها .. :MonTaseR_70:
فحديث النفس احيانا يفيد ..
عندما تسكبه علي صفحات ..

[ahmed 22]

محدودية التجارب عند البعض
تجعلهم شديدي القسوة علي الغير
ويطلقون الأحكام يمينا وشمالا
غير مكترثين بمن حولهم
وفي اقوالهم مثاليين ..
لأن الحياة لم تقسوا عليهم كفاية ..

ولكن كلما زادت معاناتك مع الوقت
تقل مطالبك من الحياة
ولا تكترث لمثاليات قد تعتبرها زائفة مع الوقت ...
فقط تريد ان تجاري النسق العام ..
لأن ستعرف ان هناك ما هو اهم من المثاليات
وهي الواجبات المطلوبة منك ..

في هذا العالم
نحن ندعوا للمثالية في القول والفعل
حتي تقسو علينا الحياة ..

[ahmed 22]

كنت متفائل في البداية لما سجلت هنا الصراحة
ولكن مع الوقت ادركت ان اسلوبي يختلف عن سياسته

هذا لا يعيب المكان .. فهو يناسب من هم فيه ..

حتي الآن كنت اتعرف فقط علي سياسة المكان واعضاءه
واستطلع هل سيتناسب مع ما كنت سأطرحه ام لا ..

انا لا اطرح المواضيع بشكل تقليدي عامة ...
ولا احب ان اناقش من منظور متحفظ صراحة ...
مع انني كنت احاول العكس بشكل جعلني بمظهر الساذج
في بعض المواقف ... وهذا لم احبه .
عامة تفهمت ان اسلوبي لن يناسب هذا المكان ..

ولكن الغريب هنا انه عندما تابعت بعد المدونات
وجدت ان اصحابها يتحدثون بتعالي الي حد ما
عندما يتعلق الأمر باستعراض عضلاتهم الفكرية ..
او نقدهم لبعض الامور الذين يرون انهم اكبر منها
في بعض الاحيان ..
او يطلقون الاحكام والاراء بشكل غريب
كأنهم يعرفون ما بالنفوس ..
وكأنهم عاملونا او ادركوا ماهيتنا الحقيقية ..

وهذا فقط رأيته علي مدي ايام قليلة
فلا ادري هل تلك طبيعة البعض هنا
ام انها صدفة .. عامة لا اريد ان احكم ..
صحيح ان الامر لم يشملني سوي مرة
ولكن الامر مزعج .. عندما اتطرق اليه


عامة انا انسحب من المكان
فرصة سعيدة ..

[ahmed 22]

ممتن لطيب كلامكم وحسن اخلاقكم
لما قرأته في التقييمات ...
شكرا جزيلا ..

واعتذر لعدم القدرة علي الرد في رسائل الزوار
لان تقريبا الخاصية مازالت غير مفعلة عندي ..
ولكن شاكر لزوئك واخلاقك ..
والعذر ان بالغت في انفعالاتي ..
وعلي فكرة طول الرد مش روقان ولا طولة بال ..
مجرد تعود ليس اكثر ..
للاسف ردودي معظمها بهذا الشكل ..
لأنني لا املك البلاغة اللغوية اللازمة للاختصار
او ايصال افكاري بأقل عدد من الكلمات..

[ahmed 22]

روتين

الفعل وقت
والوقت مجرد رقم...
لعين بقت جافة من عقرب اتدفي
بيدور في نفس الفلك ..

عايشة في حياة مصبوغة بذكري مدبوغة
لثواني ملهوفة بتآن من غير حزن ...

اصل القلوب باردة بـ كوفيرته تتغطي
وعاملة مسودة ... بتعد ميت دقة
وفي لحظة تستكفي ..
ترجع تقوم لافة .. في دقيقة تتكفي
أصلا مافيش كفة ..
تعدل ميزان للخوف ..

والخوف ده من بكرة ..
اصل الحياة حرة .. مالهاش قيود وشروط
في وقت تتصنع
وفي وقت تاني من كل قيد .. خلخال تصنع

من غير معاد .. تلاقيها تتزين
تشرب عينيك منها لحتي تفيض
وفي لحظة بتهادن ..
تقبض قلوب لحد ما تسالم ..
تلاقيها تتثاقل وفجأة تتسائل
امتي الجفا بيكون ؟!

نوستالجيا :zz:

[ahmed 22]

ارق

هل صرت عجوزا
حين سهدت
أم شاب الليل علي
وجهي
يعانق ذنبا يمنعه
أن يتصنع
دور الصنم

فحراك اليوم
سكون تام ..
يسابق نفسا دون
طريق..
والعمر صبي
يلحقه..
كي يدرك أملا
صار غريق ..

والليل طويل
لا يرحم
من كان للحب
رفيق
الليل غريما
للقلب
يمزقه إن صار
رقيق
اصراره عالنصر
دقيق
لا ينسي كم كان
يناضل
حتي صار
الأرق صديق ..


نوستالجيا :zz:

[ahmed 22]

انا اكتشفت في المنتدي هنا
ان الانسان الدم بتاعه بيكون من

كرات دم بيضا
وكرات دم حمراء
ونسويات :368:

[ahmed 22]

بعض النقاشات دايما هتكون نهايتها مسدود
لأننا قد نأكل علي نفس الطاولة
ولكن المنيو يختلف ...

ومع ذلك نخوض فيها...
ليس املا في اقناع الآخر
ففي داخلنا نعلم
ان الامر لن يهم كثيرا ان اقتنع ام لا ..
ولكن من اجل ارضاء الذات ..
والاستمتاع مع من يشاركونا المنيو الخاص بينا ..
فهي لذة اكبر حاليا ..

الفوضي الفكرية التي خلقتها الظروف المحيطة بنا
جعلت البعض لا يعلم طبيعة افكاره
او بما ينادي ..
والبعض لا يصرح بطبيعة أفكاره بشكل كامل
لأنه لا يعلم اين هو منها ..
مشتت من الداخل ...
فتظهر الأفكار علي هيئة طلاسم لمن يقرأها
فيساء فهمها فتصنع جدلا .. لا طائل منه ..

الايمان التام بشئ يجعلك تعتنقه بجوارحك
اما الايمان المعلق يتلصص علي جوارحك ..
ويخرج فقط ما يخدم اللحظة الحالية
غير مكترث بما سيعول عليه مستقبلا ..

[ahmed 22]

عندي مشكلة منذ قديم الازل
في عالم المدونات والمنتديات والفيس بوك

وهو فكرة انك لازم تستثمر في زر اللايك ههههه
طالما حابب تكون وسط المجتمع ده

بس المشكلة بحس ان اللوجيك بتاعي مش زابط مع الموضوع

يمكن ده حصل
من ساعة ما قريت مقالة من كام سنة
عن مؤسس زر اللايك في الفيس بوك
جاستن روزنشتاين ...
بيقول الخبر ان جاستن قرر تقييد استخدامه لمواقع التواصل
ووصفهم بمخدر الهيروين ...

وقال انه قلق من ولع المستخدمين لحصد الاعجابات
لانه امر مغري يسبب السعادة ولكنها زائفة ..

وكان بيتندم عن اختراعه لزر اللايك

الواحد من ساعتها تحسه عنده حاجز نفسي من الموضوع
عشان كدا اللايك بتاعي عزيز شوية
وبقلق لما حد يعملي لايك لحاجة كاتبها اساسا

بس الموضوع حلو
لأن الواحد محرر دماغه من حاجات كتيرة ممكن تقيده
بالفكر الطبيعي ..

[ahmed 22]

النقاشات اليومين
دول فكرتني بموضوع زمان كنت كاتبه من كام سنة
اسمه ايهما اصح .؟

كنت كاتبه كالعادة فوق مستوي العشوائية بمراحل ...
الحمد الله ... قمة الفوضي الفكرية

حد يسأل
حابب اشاركه هنا ... ليه ؟

هقولك قمة الرخامة مني ..خليك في حالك


في يوم كنت بقرأ لقاء صحفي قديم لقيته بالصدفة مع عبد الرحمن منصور
اللي هو صاحب فكرة انشاء صفحة خالد سعيد
ودخل الجيش قبل الثورة بكام يوم
وبالتالي وائل غنيم خد الصورة كلها ويمكن ده من مصلحته يعني ...
المهم مش ده الموضوع ..

هو شخص مثقف عامة ودماغه حلوة وده واضح من اجاباته ...
فالرجل اللي بيعمل معاه اللقاء سأله فيما معناه يعني
هل انت نادم عن انك صاحب اشعال الشرارة الاولي للثورة وكدا ؟

المهم الرجل كان جزء من إجابته كالتالي كما اتذكر ____
قاله اكيد لاء .. فلا يمكن ممارسة الحكمة بآثر رجعي فالقرارات يتم اتخاذها بناء علي المعطيات وقتها ...
وبالتالي المعطيات وقتها بتقول فيه فساد ومواصفات دكتاتور حكم 30 سنة
وفيه مؤشرات انه عاوز يورث ابنه بعده .. يعني لازم يكون رد فعل ... يعني لازم يكون في ثورة من الاخر ..
دي المعطيات ببساطة اللي في الوقت ده اتعمل عشانها ثورة ..

طبعا انا مش هكلم علي الثورة ولا حاجة
ارمي الكلام اللي فوق ده علي جمب حاليا ...

من كام يوم فتحت الفيس بوك لاقيت منشور كدا من الجماعة بتوع المقولات وكدا ..
وكان كالتالي :

يقول افلاطون : اذا تجاهلك شخص فهو يطلب منك مغادرة حياته
لكن شكسبير قال " اذا تجاهلك شخص فأعلم أنك الأهم

ايهما الأصح ؟؟

طبعا ده سؤال كانت اجابته بالنسبة ليا في اجابة اللقاء اللي فوق ده بتاع عبدالرحمن منصور
ازاي ماعرفش .. بس هو كدا طالما قررت اعمل موضوع يشمل البوقين دول مع بعض
فقلت لازم اربط بين ده و ده ..
ازاي برضه مش عارف .. بس قلت هشوف ..
والله لحد كلمة هشوف دي ما عارف اكتب ايه لسا ..

ده قادني في النهاية ان في اللحظة دي
اسأل لجوجل سؤال وجودي ..
وهو كيف تصبح حكيما ؟
اول رابط ظهرلي دخلت فيه وقلت اقتبس منه لكلمتين دول

في سعيك للحصول علي الحكمة
يجب ان تعي ما يجب قوله من الكلام أو تركه، وما يجب فعله من الأعمال أو هجره،
وقياس ذلك بالزَّمان والمكان والشُّخوص، فما يصحُّ في موقفٍ يتعطَّل في غيره،
وما يُنطق في زمنٍ يُعاب في غيره،


ده كلام كبير
خلاني اسأل جوجل تاني ايه هي فلسفة افلاطون
عشان اعرف اللي قاده لحكمته اللي فوق دي ..
بما انه يعتبر احد الحكماء اللي كتير بياخدوا برأيه
فايه اللي خلاه واعي لكلامه ده و ايه مواصفات زمانه والشخوص واسلوب حياته

المهم لاقيت انه فلسفته تعتمد علي العقل بشكل تام
بدون الاعتماد علي الحواس في الربط بين الكيانات المتنوعة ..
الكيانات اللي هي الدولة والمجتمع والناس ..
يعني من الاخر العقل المنزوع العواطف والباقي مجرد جماليات
حد تجاهلك يبقي مش طايق اهلك .. هي خلصت علي كدا

بالنسبة لشكسبير فهو شاعر وكاتب وممثل وعاشق ..
يعني مش محتاج اني ادخل اشوف سيرته الذاتية
عشان اقول انه يعتمد علي الشاعرية والعواطف المتأججة والفرص التانية في كتاباته ..
يري الحب في ابسط الامور والتفاصيل ..
يعني من الاخر
هو تجاهلك ولا ماتجاهلكش هو بيحبك غصبن عنك وانت مهم عنده..
ايش عرفك انت .. هي رخامة كدا ..
وطبعا رخامة شكسبير هي اللي خلتني اكتب الموضوع ده ..
لاني قلت برضه الكلام اتربط مع بعضه ولا متربطش هو هينكتب هينكتب ..

فتلك هي خلفية شكسبير ..
تلك هي حكمته .. كما هي حكمة افلاطون اعلاه .. من خلال سنوات طويلة
آمنوا بأفكارهم اللي هي انتجت ارائهم المطروحة علينا في الوقت الحالي ..
بشكل متناقض في بعض الحالات ..
وطبقا لطريقهم المنفصل وزمنهم ومكانهم المختلف
فهذا فليسوف وهذا شاعر واديب
هذا عاش في اثينا القديمة قبل الميلاد ب 400 عام ..
وهذا لم يمر علي وفاته سوي خمس قرون ..
هذا عاش يؤسس لأركان المدينة الفاضلة وبالتالي العدل والصلاح
كانوا بمثابة جماليات لفلسفة تلك المدينة
اما هذا فعاش يكتب عن العواطف الانسانية والنبل
الدفين في الانسان ..

بالتالي
كلا منهم هو ابن واقعه ومعطياته ..
وبالتالي
كلا منا كأشخاص هو ابن واقعه ومعطياته
التي يبني من خلاله قرارته التي
توضح مدي حكمته في الحياة
طبقا لتجربته ..
وبالتالي
لن تكون الإجابة واحدة بالنسبة لكل شخص منا
اذا خص الأمر المشاعر الانسانية ...

أيهما أصح ؟
ليس السؤال الصحيح ..
بل ايهما أنت في قصة حياتك

فهذا ما يجب أن تبحث عنه ...

وبالتالي مقولات الحكماء لا تأخذها باثر رجعي طبقا لحياتهم
بل اختار منها ما يناسب حياتك أنت بمعطياتك أنت ..

[ahmed 22]

للاسف .. الواحد مشوش منذ شهور
لا املك الكثير من الافكار القوية حاليا
ولا القدرة علي الاقناع في شئ ...
ولا حتي اساسات اللغة السليمة ..

تحس ان الواحد عنده بعض اعراض ازمة منتصف العمر
مع انه لسا بعيد عن الاربعين..:thumbdown:

افلاس فكري مضني ... :SnipeR93:
ولكنه اصبح ممتع بعض الشئ :MonTaseR_215:
بعد ان تفهمته مؤخرا :SnipeR103:

شيت
تو ماتش ايموشنز
مينز تو ماتش ايلويشنز :MonTaseR_70:

الواحد يروح ينام احسن

[ahmed 22]

يقول مسافرٌ في الباصِ لا شيء يعجبني،
لا الراديو ولا صُحُفُ الصباح ،
ولا القلاعُ على التلال.
أُريد أن أبكي ..

يقول السائقُ: انتظرِ الوصولَ إلى المحطَّةِ،
وابْكِ وحدك ما استطعتَ ..

تقول سيّدةٌ: أَنا أَيضاً.
أنا لا شيءَ يُعْجبُني.
دَلَلْتُ اُبني على قبري،
فأعْجَبَهُ ونامَ، ولم يُوَدِّعْني ..

يقول الجامعيُّ: ولا أَنا ،
لا شيءَ يعجبني.
دَرَسْتُ الأركيولوجيا دون أَن أَجِدَ الهُوِيَّةَ في الحجارة.
هل أنا حقاً أَنا؟ ..

ويقول جنديٌّ: أَنا أَيضاً.
أَنا لا شيءَ يُعْجبُني .
أُحاصِرُ دائماً شَبَحاً يُحاصِرُني ..

يقولُ السائقُ العصبيُّ: ها نحن اقتربنا من محطتنا الأخيرة،
فاستعدوا للنزول ..

فيصرخون: نريدُ ما بَعْدَ المحطَّةِ،
فانطلق!

أمَّا أنا فأقولُ: أنْزِلْني هنا .
أنا مثلهم لا شيء يعجبني،
ولكني تعبتُ من السِّفَرْ.

محمود درويش ...

المفضلة عندي ..

[ahmed 22]

هيحزّموك …
زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص

النظام العالمي بيقتل
أوقات كتير ..
من غير رصاص

الهوا ..
هيحَصّل المَيّة اللي بقت ماركات
تعددية تعني تعدد الشركات
حرية تعني حق فتح القفص
على الناس اللي ملهاش باب

الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص

حياتك.. مهمة لبياعين الحلم
وفاتك.. مهمة لبياعين القُرَص
حسابك حتى في قبرك ..مهم
رخصة الجنة مهمة لبياعين الرُخَص
و لبياعين الدين
و لبياعين الآخرة اللي هتنصف المساكين

“العالم بيتطوّر” ..
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر.. بتمشي..
من إيد صحاب الجنة..
لصباع صحاب البندقية..
لجيوب صحاب البنك…
دم الغلابة بيتحرق ف التانك…

شامم ريحتهم و انتا بتفوّل ؟…
الغرب هيموّل..
إعمار ِبيار النفط..
لضمان زيادة منسوبات الشفط…
و ضمان بقائك عبد متسوّل…
يا زميل الكوكب المنكوب..
رَكب الحضارة ماشي بالمقلوب…

يا زميل المنطقة المنكوبة…
رَكب الحضارة كان لازم له ركوبة…
العالم .. بيتطوّر…
و انتا شمعة بتتحرق علشان ..
برج التجارة ينوّر..

..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة..
هتعيش حمار و تموت حمار…
أخرك تحس بإنتصار لما…
بتولّع الأعلام..
و تدوس على صورة إصحاب الدولار و القرار بالجزمة..

القناة ..
في نشرة الأخبار..
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ
الميديا بائع حق… متجول..

بشرى لابناء العالم التالت م العالم الأول
بشرى لابناء العالم الهمجي م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف… ابو طلق من غير صوت
فيه الجيوش ما بقوش.. لابسين هدوم ميري
و الطيارات …ما بقتش بتوّّزع منشورات اليأس
و البنوك ..مش هيسيبوك تتحبس …بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك… زي اللعيبة ف الماتشات

عالم جديد ..
هتخشه بمزاجك قبل ما نزُقّك
الكهنة فيه.. لابسين بدل و كرافتات
هيأكِّلوك الحقيقة بمعلقة ف بقك
و كسر حُقّك ياللي مش عايز
عالم ديمقراطي رأسمالي سعيد
الشركة فيه…
اقوى من الاوطان

غضبان ؟…أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان
لكن هتعمل إيه …معذور

أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا…
و بتعمل جِميل فيهم..
فيها الخير يا هل ترى ولّا فيها فلوس؟
أمريكا فيها الحلم
و بلادنا فيها كابوس
الناس تخاف ..
امريكا تحميهم..
الناس تجوع..
امريكا تديهم ..

تِكسي بالإيد اليمين اللاجئين …بعد ما إيديها الشمال تعرّيهم
شركة بتهِدّ البلاد و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول…
العالم بيتقسّم بيوت…
العالم بيتقسم لبني آدم و لبنكنوت…
مكتوب على شهود البلاد…
الممسوحين بأستيكة…
أنتَ حر …
ما لم تضر…
أمريكا.

البنكنوت
مصطفي ابراهيم ..

[ahmed 22]

عيدكم مبارك ..

[ahmed 22]

في نقاشات المنتديات
الأغلبية تحتفي بأنفسها وتظن انها الأفضل
لمجرد ان اخرين يرونهم كذلك
ولا يتفهمون ان عالم المنتديات عالم مضلل ..
مضلل جدا .. مبني في المقام الأول علي الانطباعات الاولي
والروابط والقبول .. وهذا يحدث بشكل عفوي..

وبالتالي ليس كل ما يٌكتب يستحق
وليس كل ما يستحق يٌشاد به ..

[ahmed 22]

يجب ان تتفهم بنفسك قيمة ما تكتبه اولا ..
ولكي تصل لتلك المرحلة
يجب ان تظل في مرحلة تعطش دائم لجديد أفكارك
وحتي تستطيع ان تصل لأن تحتفي بطرقك في ايصال وجهات نظرك
اكثر من احتفاء الآخرين بما تكتبه بشكل تقليدي ..

وقبل ذلك ..

المفروض تكون عارف انت فين من ارائك ... قبل ما تصدر احكام علي اراء غيرك
انك تكون فاهم وعارف اخطائك .. قبل ما تشاور علي اخطاء غيرك ..

انك لما تشوف موضوع ارائه مستهلكة وتم طرح اغلبية وجهات النظر
تبحث عن اضيق زاوية تطرح منها وجهة نظرك
و يجب ان تكون رؤية مختلفة عمن سبقك ...
وحتي لو كان سيصيبك عدم التوفيق فيها
ويجب ان تمتلك الجرأة لكي تتفهم أنك لابد ان تخطأ
وانك ستبدو ساذج في بعض الاحيان من شطحات غريبة في ارائك
ولكن ستظل التجربة جيدة مستقبلا ..

وعندما تناقش يجب ان تستمع بوجهات نظرك وانت تطرحها
وتعي ان الامر غير متعلق بما تملكه من ثقافة في المقام الاول
ولا بثقافة من تحاوره ...
ولكن بما تصقله بالتجربة من قدراتك في النقاش..
وبالتالي تقف الند بالند ... تحترمه ولكن لا تفضله علي نفسك ..
هناك الكثير من المثقفين في هذا العالم
ولكن صياغة الكلمات علي هيئة اراء تختلف ..التمرس هي الاداة الاولي ..
التمرس يصنع ثقتك فيما تكتبه ..

[ahmed 22]

انا بستأذن اللي خايف علي عينه من التلوث البصري
يغض بصره عن الصفحة الجاية

هنزل شوية حاجات قديمة ليا هنا
علي سبيل ان كترة السلام تقلل المعرفة وكدا ..

[ahmed 22]

أعيش علي أملٍ
لست أفهمه ..
ولكنه يقنعني ..
اتركه يراوغ
ما تبقي
من أضلعٍ
في جسدي ..
فيأسرني ..

فأدركه أحيانا ..
ولكنه لا يدركني ..
فأدعه
يسبقني لأميال
لأنني
اتخذت ما فوق جوانحه
كبيتي
فما بينها ممتلئ
بما قصه الزمن مني ..

وإن أفقت لعلاقتنا
أجد
هذا الغموض بيننا
يقلقني ..
وإن سألت
أجد
أنني أخاف
التجلي ..

وفي سمري
أنظر لهؤلاء فأدرك
كم غفوت ..
كم عشت علي زينة
من قش ..

و بت أسال
كم تركت الحياة مني
ولما أصبحت بالكم
لا بالكيف ..
فبت أدرك كم
سقطت ..
فأتذكر كم خطوت
فأجدني في نفس المكان
حتي تشقق بي ..
فكم توهمت !!

لحظة واحدة من حقيقة
تجعلني أدرك
أنني لست في الجنة
الذي ظننت أنني تملكتها
لسنوات ..

وبنيت فيها قصري
الذي ليس بقصري
وتخيلت فيها حلمي
الذي ليس بحلمي
وكم كان الفقد صعب
وكم كان الطريق خادع
وكم أن الجنة علي الأرض
اسوأ ما فيها التمني ..
وكم أن الأمل فيها طريق
خطر إن تغذي التملك
فأصبحت فقط مجرد مؤدي ..
علي مسرح أحلامهم بقيت
وفي عرضك الخاص
قد خسرت التحدي ..

[ahmed 22]

ايقاع بطئ بيرمم تفاصيلي
لحد ما سكتي دابت...
اعاهد كل يوم نفسي
وادعي أني أكون ثابت...
وانام والهمة واخداني
وصوت وجداني جداني ..
مستني قرار بكرة في قيد تنفيذ
*
وبصحي من جديد بدري ..
تاخدني العادة بزيادة ..
والفجرية بتعدي ...والضهرية بتنادي ..
وبرضه نمت بزيادة ..
وانسي اني كنت متعاهد من امبارح
وبرضه بأجل المكتوب
ومش بخطي ..
وبرضي بدوري في الدنيا وبختار
أني أكون مظلوم ..
وعشت الدور واتقنته
فاقوم واشكي
و من زمني مليته سطور ,,
ومش ببكي ..
مافيش دمعة بترضي تصالح
خدود جاحد في دور مظلوم..
*
تملي اليوم بيجري ويعدي
وبرضه برمم الصورة
وانحت فيها تفصيلة ..
توضح كل لحظة زهد بتعدي
مع نسمة هوا صافية .. تفكرني
ان نور الشمس بيصالح
ولو أنه ماهوش باقي ...
مصيره يسيبنا أخر اليوم
والاقي في غربته دائي..
*
وارجع تاني ادور علي ضحكة
فاقول واضحك علي نفسي
ده ضوء الشمس لو ثابت
ماكنش فيه لمبة تبقي نيون
ماكنتش عنينا شافت نوم
ماكنتش للسما هنظر ..
ولا اتفاعل مع نجومها ولا أشكيلها
ولا حتي اعاتبها ..
علي كدبة حكايتها مع قمرها
وان جماله كان معدوم...
ظلام كاسح بدون أمل في نقطة نور
ارضها بور ..
*
وتسترها شمسها بضوئها
وبرضه شاعرنا يزغرها بكام بيت شعر
يتغني بأطيافها وينسي اصلها بكدبة
ويبني بيها أحلامنا بدون رحمة
وان شهابها لما يعدي بيحقق أماني
طفلة بتبص لسماها
تتمني امها ترجع من سما غيبها
وما بترجعش ..
أو يبني بيه حكاية نور ما بين عاشقين
وتبقي نجومها مرسي لهوي روحهم
وينسي بحكم البور
أن بكرة هتبقي مرسي لجروحهم ..
*
ما بين الاتنين طريق واحد محله الروح
بتتفكك لما تعيش كدبتها بهواها
بدون معني .. بدون مسعي
وينسي ايمانها بجروحها
وان مسيرها هتتعدل بدون كذبة
بدون ما نخلي للضلمة بدلة نور
مسيرها شمسها تشرق
واعاهد نفسي من تاني
وازود من ايقاع بكرة
لحد ما اعيش في يوم غير يوم ...

[ahmed 22]

كانت الخطة في العيد ده
انه اول يومين نقضيهم عيد ..
وثاني يومين نقضيهم في الكتابة بدماغ رايقة
بعيد عن الضغوط والشغل ...

والحمد الله اقدر اقول
الخطة فشلت :Kq600697:

[ahmed 22]

لحظة صراحة نادرة :MonTaseR_31:

بالعادة فهمت انه عندما تطأ افكاري المنتديات
تكون الانطباعات الأولي عني غير جيدة ..
لا اجيد هذا الأمر بصراحة ..

انا عشوائي بشكل فج واعترف بذلك
احيانا ما اكتبه كارثي و لا يرتقي لصف ثالث :xss:
واحيانا اخري قد تري فيه شئ مختلف ..
لن اقول جيد ولكن مختلف ...

احيانا قد تجد عشوائية في اللغة
واخطاء لا حصر له ما بين فصحي وعامية..
لأنني لا اراجع ما اكتبه في الغالب قبل ارساله ..
واحيانا قد تجده منمق ان اهتممت قليلا ..

و بالعادة هذا يربك من يتلقي ..
وانا اتفهم ذلك .. فانا اريد ان استمتع فقط ..
ولا اهتم كثيرا ..

انا فقط ابحث عن نسخة افضل من افكاري بشكل ما
من خلال تواجدي في المنتديات
بمتابعة نسخ مختلف من الناس بأفكارهم بمجتمعاتهم
ومحاولة النقاش بشكل ما ...

مثلا هنا اكتشفت انني لا اجيد ادارة نقاش بشكل كافي
بقدر ما اجيد التفاعل مع من يطرح نقاش ..

هذا لأنني اكتشفت انني لا احبذ ان اكون في مكان صاحب الجلسة
ولكن احبذ ان اكون من يؤرقه .. :bnat30:

احب ان احلل الانطباعات والكلمات
اكثر من ان اطرح افكار
وبالتالي ما يناسبني اكثر كتابة المقالات
وليس طرح النقاشات ..
النقاشات فقط هي عامل محفز من اجل الاستمرار ..
واداة تعليمية بشكل ما بالنسبة لشخص مثلي
لا يحب قراءة الكتب ...

انا حقا اجيد التحدث عن نفسي :Smok-013:
نرجسي ولكن :Kq600697:

[ahmed 22]

every wall is a door

[ahmed 22]

https://scontent.faly8-1.fna.fbcdn.net/v/t1.18169-9/10989235_10153205468119630_1301866447191277109_n.j pg?_nc_cat=104&ccb=1-7&_nc_sid=cdbe9c&_nc_ohc=dh9AYRT2WRIAX-207Vj&_nc_ht=scontent.faly8-1.fna&oh=00_AT8qEnxn0mcs2EY6Agi6M4tXUhBsd7bgULt0oNW1EAdD 0w&oe=62F56C8F

[ahmed 22]

زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل
مصطفي ابراهيم

[ahmed 22]

https://scontent.faly8-2.fna.fbcdn.net/v/t1.18169-9/10996094_647052145400473_7553971853562850560_n.jpg ?_nc_cat=108&ccb=1-7&_nc_sid=e3f864&_nc_ohc=ut_elHg_XdIAX87HE_L&_nc_ht=scontent.faly8-2.fna&oh=00_AT-0LqYq4xo6-3spSBlednttufo83J5aKYxk_Y-bIjzpSA&oe=62F2D17C

[ahmed 22]

https://scontent.faly8-1.fna.fbcdn.net/v/t1.18169-9/10926188_667812659991088_1722497140370678259_n.jpg ?_nc_cat=109&ccb=1-7&_nc_sid=2c4854&_nc_ohc=i1KYPF6qBIEAX-snEQ9&_nc_ht=scontent.faly8-1.fna&oh=00_AT9D7Q1yLEGwHrFvnCzDPqRVn8awu4DriPMSV3h-7KX0yw&oe=62F4C4A0

[ahmed 22]

https://scontent.faly8-1.fna.fbcdn.net/v/t1.18169-9/10418245_10153290873529630_8344653053909687234_n.j pg?_nc_cat=109&ccb=1-7&_nc_sid=cdbe9c&_nc_ohc=qiOxmGZMgEgAX9irspW&_nc_ht=scontent.faly8-1.fna&oh=00_AT8kN-4ExUzT23xPvNQpYnTOvCwBm0k_ApsOgvfTSCe2zA&oe=62F354E6

[ahmed 22]

https://scontent.faly8-2.fna.fbcdn.net/v/t1.18169-9/10255719_10153135161214630_4916907430231900636_n.p ng?_nc_cat=105&ccb=1-7&_nc_sid=9267fe&_nc_ohc=6Loxi4f4t3EAX-jgeZP&_nc_ht=scontent.faly8-2.fna&oh=00_AT9S6Ea2n1VULSDafHav8STvW1sbgmBjkOmMrBiyjnjn Nw&oe=62F2F6C4

[ahmed 22]

من كام شهر الشيخ ايلون ماسك
استحوذ علي شركة تويتر في صفقة كبيرة
وكانت الشركة خسرانة وحالها غم

فالخبراء الاستراتيجيين طلعوا بقا
يقولوا ده ايلون ماسك ليه بٌعد رؤية
وهو اللي هيعدل المايلة وهيحول مسار الشركة
والرجل طالما دخل الصفقة يبقي ربحانة
وقعدوا يعددوا في المزايا والعبقرية

من اسبوع كدا تقريبا قام صحي من النوم
و انسحب من الصفقة واكيد الموضوع مش بالسهولة دي
وليه تكملة لانها قصة الساعة في العالم حاليا

مش عارف
بس عندي احساس
ان نفس الناس هتطلع برضه تقول

الله علي ذكاء الحاج ايلون
ده لحق نفسه ...
العبقرية في التراجع في قراره
مش في انه يتمم الصفقة :MonTaseR_184:

انا ماعنديش مشكلة مع الرجل
انا عندي بس مشكلة مع الناس
اللي كل وظيفتها في الحياة بتتلخص
في برشامة محفوظة مش بتتغير
في كافة الاتجاهات والحالات

هما اخر جملتين يتلخصوا في كلمة
بس مش هينفع تتقال الصراحة

[ahmed 22]

the underdog effect :MonTaseR_95:

[ahmed 22]

ظلمة شديدة أحاطته حتى اثقلت عيناه , وحين استفاق , احدثوا ثقبا في دماغه . :MonTaseR_195:

[ahmed 22]

اليومين دول الواحد لازم يعرف يقول

مش فاهم
مش عارف
مش متأكد ..

[ahmed 22]

نفسي اعرف الرجل اللي سمي القسم ده
كان بيفكر في ايه لما حط التاتش بتاعته

وضاف جنب قسم المدونات
الاختلاء المباح

لمسة تستوجب حاجة :411:
بس مش عارفة هي ايه :s:

[ahmed 22]

اكاد اجزم ان تلك السنوات
من اسوأ الفترات التي مرت في حياتي
علي مستوي الأفكار ...
فرااااااغ غير طبيعي اخر السنوات والامر يزداد ...
الكلمات حتي لا تخرج بسلاسة علي الصفحات...
ومازلت اعاند نفسي ..

بصراحة لا احب هذا الأمر ..
احاول ان استمتع ولكن لا استطيع ..
اصبحت اميل للتحليل المفرط لكل شئ
حتي اصبح كل شئ باهت ...
في وقت ما كنت لا افكر كثيرا
وهذا كان جيد بشكل ما ..

الأن اشعر انني اجبر نفسي لكي تفكر
ويدي لكي تطبع الحروف علي هذا اللاب توب اللعين

هو اللاب الفقر ده شكله نحس اصلا ..

ولكن عامة اصبحت اري ان محصلتي لا تكفي
والبديهة اصبحت لا تصلح .. والخيال اضبح معدوم

انا اروح انتحر احسن ولا ايه طيب مش عارف :SnipeR93:

الواحد ماكنش متخيل ان الكتابة هتمثله شئ مهم كدا
هالرغم ان الواحد يعني مش علامة مثلا

شكلي بمر بأزمة وجودية :MonTaseR_203::MonTaseR_120:

دنيااا

[ahmed 22]

الواحد لو راح قعد شوية
مع الجماعة الدجالين
بتوع التنمية البشرية دول
هيعلمهم شوية مفاهيم جديدة
عن زراعة البطاطس بالكوسة

[ahmed 22]

هذا الموضوع في قسم المشكلات

لا ادري صراحة
ربما اخطأت التقدير ..
وربما كان من الأفضل ان لا اشارك في شئ
غير مقتنع به ..

لأن غير اقتناعي بحد ذاته قد يكون خيار خاطئ !!
يا اخي النفس صعبة

دايرة وجايرة

[ahmed 22]

بعض الكلمات قد نقرآها من بعيد في القصائد
فنجدها سهلة وبسيطة وجميلة
وقد نقول بسذاجة داخلية
ما اسهل الشعر
وما ابسط الشعراء ..!

ولكن
فلتحاول ان تكتب ما يماثلها
واعدك ان تجد نفسك معدم الفكر والحيلة

من السهل ان تقتبس الكلمات
ولكن من الصعب عليك ان تقتبس تلك اللحظات
التي من اجلها وبها كتٌبت ..

ليس لآن لحظاتهم نادرة ..
ولكن اولا واخيرا هي ملك لهم ..
ولذلك كلماتهم ذو معني يحاكيك ..
لأن موهبتهم انهم قادرين
علي تسييل مشاعرهم لكلمات ..

اما من يكتب المشاعر علي الصفحات
فهو مجرد كاتب .. ستذبل كلماته
بمجرد ان تكف الكلمات عن اطاعة بنانه
لآنه لم يشعر بها قط ..
ولم يشعر به من يقرأ له ..

ولذلك معظم ما اقرآه تلك الأيام مجرد كلمات تمر عليا مرورا ..
وهذا نابع من شخص لا يهوي الشعر كثيرا ..:Chulo:
فما بالك بمن يهواه ..

[ahmed 22]

بمناسبة الشعر والشعراء
اللي انا مش منهم ...

مرة كنت قاعد بتفرج علي فيلم interstellar
بتاع ماثيو ماكونهي ..

الفيلم معروف عامة .. وكان بيكلم كالعادة
ان الارض خلاص فاضل عليها تكة
ونقول البقاء لله فيها .. وهيطلعوا عليها من صلاح سالم
وكان لازم يدوروا علي كوكب بقا صالح للعيش
وحوار كبير كدا عشان ماحرقش للي ما تفرجش
واغلبه بيتكلم علي الزمكان وحوار كدا ...

المهم اشوف الفيلم واسكت
لا ابدا ..
قمت رازعه قصيدة عامية
من غير اي سبب .. ولا مقدمات ..
و غالبا يعتبر ماحدش فهمها لما نزلتها ولا حبها
وهي اصلا سيئة بس انا بحبها رخامة كدا
والله ما اعرف ليه.. بس عجباني :smoke1:
واللي هيقراها بقا يبقي حظه ونصيبه
اعملك ايه يعني ...
القدر قرر ..


..
.


خط الزمن قادر في يوم يجمعنا
وفي نفس ذات اليوم
لحظة أمل عارجة قادرة تفرقنا ..
عكس الزمن آلة بدون معني
جلاد وما بيرحمش
فارغ مالوش ماسكة
مالوش مالكة
بٌعد في فضاء طاغي علي المعني
بسحره يغوينا
لدرجة النسيان
أنه بأبعاده
هندسته متوازية مع صموده
جواه سواد قاتل
قايم علي غموضه
حكايته والإنسان
مرتبطة بصعوده بأحلامه و الجنة
وأنه ابعد نقطة لوجوده
هيوصل فيها لمحطة
و يستني

وبعدها يرسم الخطة
وبسعادة يتآني
ويترجي
أنه ينول الفهم للمادة
يجمع خيوط الزمن
وبايده يملكها
يوصل لضوء الشمس
من غير ما يلمسها
وفي لحظة ينسي القمر
شريكه في أحلامه
وأول أحبابه
أول ما راح باعه
وأشتري لجامها
وبنورها سجانته
وبحلمه سجانها ..

لحد ما بتحرقه شمسه
وبتفكره
أنه بسيط الفكر والمعني
ومهما وصل علمه
مسيره في محطة
يبقي و يستني

ويرجع تاني لجيرانه
تحتضنه أحلامه
ويستأنس بأوهامه
وأنه في حكم الكون نقطة من الذرة
وانه بحكم البشر فارغ من المعني

لكل حلم رجوع
وأساسه فيه الموجوع
دايما نعادي الزمن
ونحمله المرجوع
وكأنه هو الحالم
واحنا احلامه
وكأنه هو الفعل
وأحنا عداده
وكأنه ماسكين له عصا
بندرسه المنهج
ونحس بالضربة
وكأنه هو الأمل
بنسلمه الفرحة
ونحس بالصدمة
وكأننا ناكرين
في دور عاتبين
متنكرين خايبين
بقينا احنا الزمن
فارغين بدون قوانين

[ahmed 22]

لحظة قبل النوم
في حياتك
دايما سادة
شكك دايما وارد
في نقاء قلبك
ألمك سالب منك
عقلك ...
بره حدود الكون ده سعادتك
انت حكاية في حكم الغيب
بس قريتها بعلم سعادتك
أنت المعني وأنت الكلمة بحكم غباوتك
شايف نفسك غير الناس
قافل زنزانتك بمرايا
فسبحان الخالق في مرايته
لما تكون معدوم المعني
بتشوف نفسك
دايما هايب
دايما هارب
دايما شايف نفسك قصة
من غير قافلة
دايما فاتح شباك أملك
عكس القبلة
دايما ثابت
بخيال هايج
كلك شهوة ..

أنا حاسس بيك
حاسس بيوم قررت فيه تبنيه
طوبة ورا طوبة
وقدرت تكمله بشيطانك
وفي لحظة
ما بين قتيلك وسجانك
قررت تعبد فيها تمثالك
ومن يومها
دايما تناديك
همسة خوف من بكرة
بذنب امبارح
لابس أبيض
من جواك
اسمر مادح
دايما ناسك جوا الصورة
فاضح قلبك بره الفكرة
عامل عاملة ..؟
قاتل لعبة ؟
قلبك جوا في سجن مشدد
حابس نفسه بكبرك يا أعمي
دايما عكس الصورة الحكمة
لما تكون مسلوب النعمة
نعمة أنك تصحي في يوم ندمان
أنك تقرا سطورك واضحة

[ahmed 22]

افتقد النقاشات السياسية

[ahmed 22]

الوضع ممل :MonTaseR_79:

[ahmed 22]

كلامك عن الشعر جميل جدا / على فكره القصيده الي رزعتها للفيلم هل هي المقصوده بـ ( الشعر الحلمنتيشي) ولا هذا نوع اخر ..الصراحه ما افهم كثير بالشعر فحبيت اسألك



والله ولا انا بفهم فيه يا صاحبي ههههههه
انا بفتي بس

وماعرفش اللي انا كاتبه ده يندرج تحت ايه غير انه بالعامية
بس الحلمنتيشي بيختلف عن ده كتير ..

شكرا يا محترم لكلامك الطيب

[ahmed 22]

https://youtu.be/AUARjexCTlQ

[ahmed 22]

سيصبح هذا العالم مكان افضل
عندما يفهم البعض انهم ليسوا محور
اهتمام هذا الكون
وان العالم لا يدور حولهم فقط ..

تواضعوا يرحمكم الله ...
:MonTaseR_158:

[ahmed 22]

والله قسم المشاكل ده قسم ساذج
كل واحد فاضي او اتحجب من المنتدي
يدخل بعضوية مشكلتي
ويقولك اتسلي علي مشاعر الاعضاء شوية
ولا ما تفهمش الناس هنا
عاوزين يعلوا الريتش في المنتدي ولا ايه

امبارح كان مشكلة ام وابنها
والنهاردة واحد بيغدر ببنت وبيطلب ازاي يحل نفسه منها
وبكرة واحدة هيطلب رأي الناس
في انه خان زوجته وعاوز يعترف ليها من غير ما يجرحها ..
وبعد بكرة هيدخل واحد متخلف يدعي انه شخص يشعر بميول مثلية
ومحتاج نصيحة ازاي اندمج في المجتمع

التطور الطبيعي للحاجة الساقعة :dunno:

والمبرر لتقبل انك ترد اننا نقول
خلينا عارفين ان المشاكل موجودة في المجتمع وخلاص

هو بيعمل شو بالمشكلة
واحنا بنعمل شو بشوية الحمية
واثارة الانفعالات والمشاعر في الموضوع
كله غلط في غلط

يا عمي ده اسمه لك وعجن مش اكتر
مشاكل المجتمع لا تنتهي
ولكن من يبغي النصيحة الصادقة
لن يطلبها الا في محل واضح من الاعراب .

[ahmed 22]

تقريبا انا اكتشفت النهاردة
اني بميل لا اراديا
اني اتفرج مباشرة
علي اي فيلم
الارض هتنتهي الحياة فيه
او الناس بتتحول زومبي
او الارض يغزوها فضائيين

انا غالبا والله اعلم
شكلي من جوايا مش حابب الخير للعالم ده :MonTaseR_215:

[ahmed 22]

......................

[ahmed 22]

النهاردة حرفيا عرفت الفرق
بين الناس اللي عايشة في مصر
والناس اللي عايشة في egypt ... :MonTaseR_26:

والله صدق من قال ان القيامة قربت فعلا

[ahmed 22]

being agood man in this world looks alike trying to get a role in mission impossible 4 :MonTaseR_223:

[ahmed 22]

ما عملش حاجة تستحق الذكر
موظف عادي في هيئة حكومية
إجمالي ما يحصل عليه
الف تلتمية و حاجة جنية
لا يعول
و غير مسؤول الا عن نفسه
لا يبوح للأصدقاء العابرين عن أمله او يأسه
كان عادي جدا مضموناً و شكل
مش شرير و مش طيب
مش موهوب و مش غبي
مش مجذوب و مش نبي
و لا حتى عاش قصة كفاح ع اللقمة في بلد أجنبي
تِلهم بتوع السيما يحوّلوها لفيلم
او حتى يوحش حد ساعة الأكل
م النوع اللي تستغرب لو جه لحد ف حلم
بس النهارده ف المنام جالي
واقف على الشعرة اللي بين الوجود و العدم..
فاتح عينيه
ماشي ف شارعهم المليان تراب
خطاويه ما بتعلّمش ورا منه
و كأنه من غير قدم... ع الأرض و كأنه
كان ماشي بس الزمن هوّ اللي ما بيمشيش
كان ماشي و احنا متسمّرين حواليه
لحد ما بلعه الضباب بشويش
يشبه بطل أسطوري و خيالي
ما عملش حاجة تستحق الذكر
غير إنه واقف لسه على رجليه

مصطفي ابراهيم

[ahmed 22]

تجاربنا وحياتنا تختلف عن بعض
قليل اللي عاش بين الناس
وفهم يعني ايه نفس تتأذي
بالكلام او الفعل ..

او يتفهم الشخص اللي يحس احيانا
بوطأة الكلام علي صدره تقيل
حتي لو ادعي العكس .. او ادعي اللا مبالاة
حتي لو هو حابب المركب تسير وخلاص ..

او احيانا شخصيته لو عفوية
بتفرض عليه انه يتطرف في رد فعله بكلام
هو حابب يأذيك بيه وخلاص ويهمشك...
عشان انت اذيته وانت مش حاسس ..
لأن هو بيكلم بطبيعته وانت مش متفهم
لأن لو فيه قصد للاساءة هتلاحظها
لو عايش مع الناس علي الأرض ...

انت لما بتختلف مع حد
بتختلف وانتم مع بعض علي قدم المساواة والعدل في الفعل ورد الفعل ..

اما انك تدنس الفعل برد فعل
بتأذي بيه نفسيه اللي قدامك
وانت مش حاسس لأن بروزك اعلي ..
فده قليل اللي يفهم معناه
وقليل اللي يفهم يعني ايه حد يدوس
من غير ما يحس ...

[ahmed 22]

ما نكتبه علي الصفحات مداد لشخصيتنا ويعبر عنها
وشخصية المناقش لا تنفصل عما يكتبه ...
كلماتك تبرز شخصيتك وتحدد من تكون
و يجب ان نتلمس المعرفة لشخصية من نحاوره خلف الحروف والكلمات
ونتلمس مدي الاختلاف او التوافق بيننا لما تمثله اتجاهاته وقناعاته الشخصية ..
وايضا نتفهم ان كانت العاطفة تقوده او الوسطية او المنطق وهكذا ..
حتي نعرف علي اي خط نقف ..
ولأي هدف سيقودنا هذا الحوار ...
فانا اكتب لاعبر عما يمثل شخصيتي ليس اكثر..

لأنه في بعض الاحيان نقاتل من اجل الدفاع عن قناعاتنا الشخصية تلك
وأحيانا اخري نأخذ دور محامي الشيطان حتي نتفهم الافكار المعارضة لنا بصورة افضل
واحيانا نقوم بتعريض فكرة للنقد من اجل الدفاع عنها وتحصيل المعرفة..
او ارثاء سوئاتها ..
هذا هو النقاش كما افهمه ..

والنقاش كما اعرفه
انه عندما يقوم احدهم بسرد بعض النقاط فيها توجيه للنقد
فالأولوية تكون للرد علي تلك النقاط اولا
وليس التركيز بشكل تام بالهجوم علي ابراز تناقضات الطرف الأخر في البداية
هذا ينقص معني ما تريد ايصاله
بل يؤكد ما قيل في النقد ...
وهذا اقوله كاضافة وليس كحكم
فتلك الاولوية الرئيسية لأي نقاش

[ahmed 22]

تقريبا اول مرة ادخل المنتدي من غير مانع الاعلانات
ويا لها من صدمة

اعلانات بتروج للبهائية
علي اعلانات تانية لا داعي لذكرها

والله الاد بلوك ده نعمة

[ahmed 22]

عالمي الخاص الذي يمثل شغفي
و املأ به اوقات فراغي بسيط جدا
عالم تتكون ملامحه ومفرداته الفكرية
لسخرية القدر
من متابعتي وتآثري لكتابات
اثنان من الشعراء

هما محمود درويش رحمه الله
واخر السنوات
الشاعر : مصطفي ابراهيم

وعندما بدأت دخول المنتديات
كنت من هواة الاستماع
لبعض حلقات الدكتور : مصطفي محمود
رحمه الله ...
واحب كتاباته ايضا المختصرة علي صفحات الفيس بوك ..

لا اقرأ لغيرهم غالبا ..
لم اقرأ كتابا قط .. لم اقرأ قصة او رواية ..

فقط
كل محصلتي من الافكار في هذا العالم
مبنية ومحصورة فقط علي ما اراه في الواقع والحياة
وكتابات اثنين من الشعراء وعالم جليل
والكثير والكثير من النقاشات التي خضتها
او تابعتها من بعيد ...
وكنت احاول ان استعين ببعض المقالات
الموثوقة لفهم ما اقرآه ان استعصي علي عقلي...
ومع الوقت تفهمت ..
اني قد استخدم بعض افكار عن التسويق والتجارة واستفيد من دراستي وعملي
في النقاشات السياسة ... وقد استخدم تجارب سياسية قرآت عنها
للحديث عن بعض المشاكل الاجتماعية والخ ...

الافكار متصلة ببعضها البعض بشكل غريب
ولكن الأهم ان تستغل هذا الاتصال
للخروج بفكرة غير مألوفة ليس اكثر ..
ولكن تفهمت ايضا
ان كل شئ غير مألوف استجد في عقلي
له رصيد سابق في هذا العالم
فقط انا لم اكن أعلم بوجوده
بسبب ضآلة ما تحصلته ثقافيا ...

و لذلك هوايتي كانت حتي وقت قريب
هي ان اقرأ نقاش مثلا سواء قديم او حديث
ولو تعدي ال 100 صفحة .. اقرأ الردود بالكامل ..
ايا كان شكل الردود وايا كانت ردائتها ..
ولكم ستتعجب من كم الأفكار التي تخطر في بالي
من الردود الرديئة في نظر الكثيرين ..
وهكذا كنت اضيف لرصيدي فقط ..

ومع الوقت تغيرت قليلا
وكنت احاول ان افهم ما يفكر فيه الناس
وما وراء كلماتهم وافكارهم بشكل ما ...
هل هم مقتنعين او موهومين او فقط مستعرضين
احب ان اقرأ ما وراء السطور في الغالب
اجدها طريقة لأفهم من اناقشه
وما قد احتاجه لايصال وجهة نظري ..
ولذلك تفهمت ان شخصيتي تحليلية اكثر
ووجدت في الامر حرية اكبر
وبالتالي لا اتبني افكار احد ولا اتكلم باسم احد ..
وخارج تأثير سيطرة الانتمائات ...
خاصة فيما يخص النقاشات السياسية
وهي ما افضلها ..
وفهمت ايضا ان الكلمات علي الصفحات لا تمثل القناعات
انا بصراحة لا يعنيني ان ذكرت علي الصفحات انك مقتنع بما ذكرته
او لا ... ولكن ما يهمني ان يكون له صدي في افكارك
خارج المنتدي والطرح ..
لا اريد منازعة ولا مغالبة ...
استمتع فقط بالنقاش ...

و مع الوقت فهمت
ان عالم النقاشات في المنتديات محير
لأن الغالبية لها فلسفتها الخاصة
ولكن تتبعها بلا هدف في الغالب
ولذلك الاقناع صعب ..
فيصبح الأمر مجرد روتين متبع

لأن الحقيقة في نظر الكثيرين

ان الحفاظ علي الكبرياء اهم من الاقتناع
الهروب عند المواجهة بالأفكار اصبح ترفع عن الجاهلين
الغطرسة الفكرية محل للاعجاب
التواضع للأفكار هو ضعف لا يستميل الناس له ..
اعطائك فكرة عن خطأ متبع في سلوكك النقاشي
هي شخصنة يقصد بها هدم ...

ولذلك اصبحت لا اهتم بما في بطون الناس
بقدر ما اهتم بما اقتنع به ..
واقوله وانا مستريح ..
وحتي وان كان ردائي الثقافي ليس بهذا الثقل ..
ولكن علي الأقل ينطق بما في قلبي..

فيه مقولة لسيغموند فرويد بتقول

عليك بالصراحة او التجاهل فلا احد يعلم ما تشعر به بالداخل ..

وبالتالي
اري ان الصراحة والتجاهل وجهان لعملة واحدة
ليس عليك الا تعلم متي تتداولها ..

للصراحة تبعاتها ويجب ان تتفهم انك قادر علي تحمل تلك التبعات
ولذلك يجب ان تفهم انك ستواجه اتهامات دائمة

انك شخص واهم .. تلبس قميص اكبر من مقاسك
تضئ نفسك بهالة لا تملكها ...

واما ان تتجاهل .. فكما يقال
هو احيانا اقسي من العدوان ...

ولذلك لا احتار كثيرا فيما يفكر فيه الآخرين
انا فقط احرص علي ان احاسب نفسي بسرعة
ان اخطأت ليس اكثر .....

[ahmed 22]

امتي الواحد ينضم لارزع fc

[ahmed 22]

انا كل ما ادخل المنتدي هنا او حتي قبل هنا يمكن
بقيت اقول

لقد هرمنا :24::icon10:

الواحد اول ما دخل المنتديات عامة
كان 70 المية من ردوده اما
في اقسام التسلية او المقهي
وضحك وهزار وهكذا مع اول ناس الواحد اتعرف عليهم
الله يمسيهم بالخير جميعا

حاليا
الواحد فعليا بيفكر الف مرة
لو حتي هيقول السلام عليكم بس

[ahmed 22]

وانا بقرأ عن حوار تايوان ده
والمشكلة بين الصين وامريكا ..

اتفاجئت بمعلومة اول مرة اعرفها
وهي ان هونج كونج اللي تعتبر حاليا من المدن المركزية في الصين
كانت مستعمر بريطانية من سنة 1841 حتي سنة 1997
وبريطانيا كانت عملت كمان عقد ايجار مع الصينيين
من 1898 ولمدة 100 سنة للحيازة علي الاراضي دي..

وطبعا الحزب الشيوعي الصيني رفض انه يمدد عقد الايجار لما انتهي
ولكن بريطانيا لما خرجت من هناك عملت شرط
ان الحياة هناك تستمر كما كانت بنفس الشكل والحريات والنظام
لمدة خمسين سنة قدام يعني حتي سنة 2048 مثلا ..

يعني بيقولك الحياة في هونج كونج
غير الحياة في باقي المدن الصينية كنظام
بسبب الحوار ده ...

الدنيا فيها حاجات غريبة والله

[ahmed 22]

ما أسوأ ما قد يحدث ؟
حقا لا اهتم :dunno:

[ahmed 22]

ان كان هناك ما ينقص في كلماتي احيانا
فهو بسبب انني احاول ..

ان لا اتحدث بما لا أعمل..
والا ادعي ما لم انجزه ..
ولا اكرر ما هو بديهي ..
ولا ابالغ في تفخيم الآخرين

وهذا في عقلي فقط
وربما يكون عقلي يبالغ قليلا او يتوهم
وربما انا مخطأ بشكل تام
من يدري ...!!

لست هنا لتصحيح اخطائي صراحة
بل لأقوم بأخطاء جديدة ...:MonTaseR_195:

[ahmed 22]

سبحان الله
في خلقه شؤون

[ahmed 22]

امتع ناس تتعامل معاها
هما الناس اللي فعليا تحسهم واخدين
منك موقف بدون اسباب واضحة
او بدون تعامل مسبق حتي...
يمكن بسبب انحيازه لافكار معينة
او اسلوب معين ... عادي حقه .
فأنت مش علي هواه
لأنك بتمثل العكس
او شايف نفسه احسن منك
بس مش قادر يعبر ..

المهم
انهم بيخلوا الواحد يضحك من جواه بصدق ..
مش عليه والله ... بس علي الموقف نفسه ..
واحسن حاجة انك تعمل نفسك من بنها وانت بتعامله

[ahmed 22]

ايزي .. الدنيا سهلة
جمعة مباركة علي الجميع

[ahmed 22]

Hello world
hope you're listening
Forgive me if I'm young
or speaking out of turn
But there's someone
I've been missing
And I think that they could be
the better half of me

[ahmed 22]

fake it or believe it
:MonTaseR_45::MonTaseR_45:

[ahmed 22]

حتي الحلم انا استهلكته من كتر خيالي ما اتصوره :MonTaseR_120:

[ahmed 22]

أيام زمان.. لم تكن المرأة في حاجة إلى أي مجهود لإجتذاب الرجل..
فهو دائمآ مجذوب من تلقاء نفسه
كان مجذوبآ.. لأنه لم يكن يعثر لها على أثر..
كان يعيش في عالم كله من الرجال ويعمل في عالم كله من الرجال..
وكانت المرأة شيء شحيح نادر لا يظهر في الطرقات..

ولا يظهر في المدارس.. ولا في المكاتب..
وإنما يختبئ في البيوت داخل عباءات وملاءات وجلاليب طويلة.
ولم يكن هناك طريق للوصول إليها
سوى أن يتزوجها على سنة الله ورسوله بدون معاينة وبدون كلام كثير .
ولم تكن المرأة في حاجة إلى ترويج بضاعتها
لأنها كانت رائجة تتزاحم عليها المناكب.. ويأتيها الزواج حتى الباب...

ولكن الظروف الآن تغيرت تماما.
خرجت المرأة من البيت إلى الشارع..
نتيجة ظروف وعوامل كثيرة
فاصبح الرجل يتمتع برؤيتها بكم قصير.. وصدر عريان...
وأخيرا بالمايوه.. كل هذا ببلاش... بدون زواج..
ونتيجة هذا التطور، كانت نتيجة خطرة..

لقد بدأنا نشبع من رؤية النساء بالروج والشورت والمايوه..
ولم تحمل لنا الحياة الجديدة متعة الرؤية فقط..
وإنما حملت لنا أيضاً متعة أخرى هي.. الهزار.. والمزاح
بحكم الزمالة في العمل ورفع الكلفة.. والجري واللعب..
وتناول الغداء معا والعشاء معا..
والذهاب إلى السينما والمشارب والمطاعم..

وهكذا فقدت المرأة هيبتها.. وأصبحت قريبة وسهلة.
وهذه السهولة أبعدت فكرة الزواج من ذهن الشباب أكثر وأكثر..
وعندما اصبحت المرأة تشارك الرجل في عمله وكفاحه وعرق جبينه..
أصبح لها مثله الحق في أن تروح عن نفسها
وتستمتع وتقضي وقتا طيباً لذيذا.. تنسى فيه العمل و مشاكله ..

ولكن كيف تستمتع.. والرجل لا يريد الزواج ويهرب منه ..
لا مفر إذن من أن تتنازل عن تمنعها التقليدي
وتسمح بقبلة أو حضن او غير ذلك ..

أعطت المرأة نفسها للرجل وهي تبكي في حرقة..
وتقول: إنها تفعل ذلك بسبب الحب والغرام له وحده..
تقول إنها لحظة ضعف.. ولن تعود.. إلا إذا كانت هناك وعود وعهود..

ولكن الرجل غالبا ما يسمع هذا الكلام من أذن ويخرجه من أذن أخرى..
وينام على هذه اللذة المجانية.. وينسى حكاية الزواج أكثر وأكثر....
اصبح الرجل يتردد في الزواج اكثر فاكثر

اصبح يرى الزواج مجازفة تقتضي منه كل شجاعته
اصبح الرجل يرى الزواج تضحية .
.تضحية بحريته وراحة باله في سبيل اقامة بيت لايعرف مصيره
و بانه سوف يصبح ربا وسيدا وقواما على اسرة
وسيصبح عبدا لالف حاجة وحاجة
والف طلب وطلب وخادما لاصغر فرد في هذه الاسرة

ثم إن لذة المرأة الكبرى هي أن تحبل وتلد وتكون أما وملكة على بيت وأسرة.. وصانعة لجيل جديد تربيه وترعاه.. وزوجة لحبيب تؤنسه.. ويؤنسها.
وتتمنع بعشرته وحنانه وحبه واحترامه..

وكيف تصل المرأة إلى هذه الغاية.. في هذه الظروف الجديدة التي قلبت المقاييس.. وقلبت المرأة رجلا والرجل امرأة؟

إن الحل الوحيد هو أن تكف عن إعتبار جسدها
وجمالها وأنوثتها وسيلة كافية وحدها لإجتذاب زوج ..
إن الرجل الجديد طماع .. إنه يطلب أكثر ..
والأكثر هو أن تكون للمرأة قيمة في ذاتها ..
أن تكون على قدر من الذكاء .. على قدر من التعليم. ❝


الدكتور مصطفي محمود / من كتاب عن الحب والحياة
1999

[ahmed 22]

التعليق السابق
كان اقتباس لاحدي صفحات
كتاب الدكتور مصطفي محمود رحمه الله
عن الحب والحياة

هذا الرجل احترم ارائه واحبه
وعندما اقرآ كتاباته في الغالب
اشعر انني اقرآ عن المستقبل من الماضي

ولكن ليس لآنه الفيلسوف والدكتور مصطفي محمود
فسيكون معفي من مناقشه ارائه او نقدها
في عيون الكثيرين

اذا طرحت تلك الرؤية المجتمعية الآن
ستجد اختلاف بقدر الاتفاق ..

البعض سيمدح في النظرة المستقبلية للرجل
ولكن هناك آخر سيقول
ولكن المرآة في الماضي كانت مسجونة
وبلا حقوق .. و بلا وبلا وبلا ...
ثم سيآتي آخر ليندد بأهمية الاستقلال المرآة الاقتصادي
والبعض سيراه تخلف من الأساس ..

وستجد امام تلك الكلمات الف منطق يحاورها
لانه لا يوجد منطق في هذا الزمان
سوي منطق ما نحن عليه الآن ..

[ahmed 22]

My God, amazing how we got this far
It's like we're chasing all those stars
Who's driving shiny big black cars
And every day I see the news
All the problems that we could solve
And when a situation rises
Just write it into an album
Send it straight to gold
But I don't really like my flow, no

[ahmed 22]

في موضوع جلجامش
اللي بيتكلم فيه عن الأجيال
بين الماضي والحاضر ...

فكرني بمقال قريته عن نظرية الأجيال
لكارل مانهايم ... وكان كتابه صدر في العشرينات ..

في جزء منه كان بيتكلم عن تعريف الجيل

و ربط اصلا فكرة نشأة الجيل باشتراك مجموعة من نفس الأعمار
بمعاصرتهم لحدث تاريخي مميز وقيم ...
ولم يربطهم مثلا بفترة زمنية محددة او وقت معين ..

يعني مثلا عندك في امريكا جيل الطفرة
اللي ولذ في اعقاب الحرب العالمية الثانية
كان في طفرة هائلة لعدد المواليد
بسبب ان الأهالي كانوا عندهم رغبة شديد
في تعويض ما فاتهم من وفيات اثناء الحرب ...
و في ظرف17 - 20 سنة كان فيه حوالي 75 مليون طفل
بظروف معيشية افضل ممن سبقهم بمراحل
جيل عز من الآخر .. لأنهم جيل ولد برغبة من ذويهم ..

الجيل ده كان ليه سمات مميزة جدا عما سبقه من الأجيال
وليه الكثير من الامتيازات لم يحصل عليها احد من قبل ..
لآنه جيل ما بعد الحرب .. وجيل التعويض عن الماضي في نظر من سبقهم..

الجيل ده هو من بدأ بالحصول علي الكثير من الاعانات الحكومية
وبرامج التقاعد ..

الجيل ده كان جيل بأغلبه غني ...لأنه حصل علي اعلي مستويات الدخل
وحصل علي افضل تعليم وافضل اسكان ..
وبسبب هذا اصبحوا يرون في انفسهم جيل خاص
وهذا خلق تصور في عقولهم انهم افضل ممن سبقوهم بمراااحل ..

وبالتالي بسبب خصوصية هذا الجيل ورفاهيته
اعادوا صياغة شكل المجتمع بالكامل ..
كما نراه الآن ...

ولكن اذا نظرنا لخصوصية وامتيازات هذا الجيل
سنجد انها اعتمدت علي معطيات واساسات
باخلاقيات من سبقهم ...

[ahmed 22]

حرر الرابط من قبل المراقب العام لإحتوائه على موسيقى واغاني وهذا مخالف للقوانين

[ahmed 22]

الميديا المفتوحة صنعت عوالم موازية من الحقائق
نحن الآن نملك الاف من الحقائق تحت مسمي الاختلاف

[ahmed 22]

العادة بتقول
لما مايكونش فيه محتوي للكتابة
بنرغي في أي سخافة

والنهاردة دماغي رايق
وحابب ارغي مع نفسي كدا واسترجع
ذكرياتي و انجازاتي اللي ما تهمش حد هنا الحمد الله
في فترات الدراسة والتعليم ..:b090:
وادينا بنتسلي ..

المهم

حتي وقت مش بعيد
كان المبدأ الاساسي عندي اني
مش بخاف اغلط .. ولا بخاف اجرب ..
سواء بقا في اللي بطرحه او اناقشه
وقبل كدا في جزء من حياتي ..
خاصة ايام الدراسة ..
ودي كانت نقطة قوة خطيرة
لانها كانت بتخرج عندي حاجات
مش شايفها في نفسي ...

وكنت ببرر واقول اهم من انك تغلط
انك تتعلم بالتجربة ازاي تطلع من الموقف الغلط بشياكة :t:
مبدأ حقير بس كان شغال هههه

ايام الامتحانات في المدرسة مثلا .. خاصة في الثانوية
كنت اقعد اتحدي نفسي قبل الامتحانات بشهرين مثلا
واقول انا السنة دي هجرب اذاكر قبل الامتحان
بيومين واشوف هيحصل ايه ..
والمصيبة اني بصدق نفسي واعمل كدا
ومرة قررت اني ا ذاكر مادة ماكنتش بطيق اسمها
قبل الامتحان بساعتين بس
وطول السنة ماحضرتش فيها غير حصة في درس
و فتحت كتابها او تقريبا كان ملخص مرة واحدة بس
والله العظيم ما اعرف نجحت فيها ازاي لحد النهاردة
مع انها في تالتة ثانوي ..
مش عارف لحد النهاردة هموت وافهم
ازاي المدرس اقتنع بالتأليف بتاعي ..

او كنت اشوف الفورمات بتاع الامتحانات
في السنين اللي فاتت شكلها ايه
واختصر المذاكرة للنص ..

الامتحانات عندنا كنت بحسها غبية برضه
والدراسة والله ما تفيد حد في حياته اساسا ..
الامتحانات ممكن تعرف شكلها ايه مع نفسك
لو لاعبتها سودوكو

يعني مثلا وليكن العربي
فهمت انهم مثلا القصة بيجيبوا قطعتين من فصلين
قطعة من اول خمس فصول
وقطعة من تاني خمس فصول

وهتشوف مثلا اخر خمس سنين في الامتحانات
الفصول اللي جات في امتحانات قبل كدا
وتقلل الخيارات ... بدل ما هتذاكر 10 ولا 15 فصل
هتذاكر 3 فصول ..
وقيس علي كدا بقا في كل المواد الادبية

اما الجبر والتفاضل ولا المواد العلمية والحاجات دي
فكانت في اللذيذ ..
انا كنت اشوف الاسألة والاجابات في الكتب الخارجية
ومع نفسي كدا اتسلي واتعلم طرق الحل
من غير مدرس ولا بطيخ ..

الموضوع فيه ريسك بس كان مسلي ...
وانا اصلا مش بعرف احفظ ..
انا اقرأ كويس علي قدر ما استطيع ..
وادخل بقا اربط الجمل مع بعض .. وربك بيسهلها ..
انا اصلا بستمتع بأي حاجة لما اكون تحت الضغط ..
غير كدا بعمل الحاجة وكأني عاوز انام
وعشان كدا كان عندي شوية قرارات باخدها بيني وبين نفسي غريبة الشكل واللون.. كل ما افتكرها اضحك ..

وماكنش اصلا حد بيروح عندنا مدرسة في ثانوي عشان حاجة تثبت
في الدماغ .... وده كان الطبيعي

وكان الاعتماد علي الدروس بس ...
في الدروس كنت اوريهم وشي كل شهر مرة زيارة ولا اتنين
اللي كان يحرج المدرس انه يقولي ماتجيش تاني
اني اتعودت قبل ما اروح الدرس
اسأل الجماعة صحابي هما واقفين فين
واذاكر اخر درس خدوه ... واذاكر الدرس اللي هياخدوه ..
انا اهم حاجة لما يسأل ارفع ايدي زي العالم القاعدة دي
واجاوب صح .. تحسه روتين مكرر في الدروس ..

وبعدين كان في اعتقادي وقتها او الصورة اللي واصلة ليا
هو ايه اللي المدرس عاوزه غير سمعة
في ان الناس اللي بتروح عنده بتنجح ..
فيكتر الناس اللي بتروح عنده درس السنة اللي بعدها...
فيستثمر اكتر في انه يخليك قادر تنجح ..
بس مش شرط يكون ليك بعد نظر في مستقبلك...
مش شرط تتفهم المحتوي بشكل تام بقدر ما تتفهم
الامتحان هييجي منين ..عشان تقدر تحل ..
احنا كنا بنذاكر عشان الامتحانات
مش عشان المستقبل ..

ولو انت فرضا مش حابب الدراسة او ربما اقل من المتوسط
هو هينبذك قدام اهلك عشان يخلي مسؤليته من فشلك
وده كان بيحصل قدامي ..
بس مش هيخسر العائد المادي منك
ومش هيحاول يعرف القصور عندك
هو هيحاول فقط انه يوصل صورة
انك ماتتحسبش عليه تلميذ وفشل ..


المهم
انا غالبا كنت مثال للطالب الفاشل الناجح الشيك :210:
كنت احب اعمل ريسكات غبية
مش فاهم ايه لازمتها
غير انها ثقة زيادة بدون مبرر واضح
وبتحفز الادرينالين
وسبب استمراريتها لوقت طويل معايا
ان الريسكات دي كانت بتنجح
فأزود في الغباوة ..


لأن الصراحة التعليم عندنا بالقائمين عليه
كانوا عاوزين ضرب النار .. خاصة في المراحل الاساسية..

انا فعليا طول عمري ناقم علي طرق واساليب التعليم بتاعتنا ومش بحترمها
حتي اسلوبي ايام الدراسة اللي كان ممكن يضر مستقبلي
لما بفكر فيه بشوفه هو كان مجرد تعبير عن عدم الاحترام
والكلام اللي قولته فوق بقوله بغصه علي قدر انه كان احيانا بيضحك

مش عارف .. حاسس ان الفرص بتاعتنا
فاننا نعمل ما نحب كانت ممكن تكون موجودة بشكل افضل
لو كنا واحنا صغيرين حد قدر يوصلنا الخيارات بشكل احسن
ويحفزنا بشكل افضل ...
يمكن في مدرسين احسن .. يمكن في مدارس احسن
بس انا بكلم من واقع تجربتي ..

اصلا اسوأ مشكلة بتقابلنا علي الأقل عندنا
ان التعليم مابقاش رسالة وليها قيمة
لأن المدرس في الغالب بيحط الرسالة في جيبه الشمال
وفلوس الدرس في جيبه اليمين هههه

مش هننكر عليه حقوقه ..
بس المفروض المعلم يتفهم قيمة الرسالة اللي بيحملها

والمجتمع يتفهم مكانة وقدر المعلم ويعيد تشكيلها من جديد
لأنه فعليا احنا في الحضيض للسبب ده

[ahmed 22]

شوفت ريل لشخص اجنبي عالفيس بوك
عجبتني فلسفته الصراحة .. قد تناسب بعض الثقافات
وبعض الاوقات ..

لشخص بيسأل صديقه : كيف تري مستقبل اطفالك ؟

فقاله : جدي كان بيسير 10 اميال للوصول الي عمله كل يوم
ووالدي اصبح يسير 5 اميال

انا اقود سيارة كاديلاك
وابني يقود سيارة مرسيدس
وحفيدي سيقود فيراري
ولكن حفيد حفيدي سيعود للسير مجددا

فصاحبه سأله وقاله : ولماذا ذلك ؟

فرد عليه : الاوقات الصعبة تخلق رجال اقوياء
الرجال الأقوياء يخلقون اوقاتا سهلة
الأوقات السهلة تخلق رجال ضعفاء
الرجال الضعفاء يخلقون اوقات صعبة
كثيرين لن يفهموا ولكن عليك ان تربي محاربين .

[ahmed 22]

من زمان وانا اري في الحكم او المقولات الرنانة التي نتداولها
من الشخصيات المشهورة او الكتاب او الفلاسفة او ايا يكن ...

انها حكمة او مقولة لخلاصة تجربة قد عاشاها البعض
بوجهة نظرهم وافكارهم وحظهم مع الحياة
وربما ليس بالضرورة ان تناسبنا او حتي يكون لها اثر قيم
في افكارنا وحياتنا ... والا كانت انطبعت في نفوسنا وما غادرتها ..

وربما تلك ليس افكارهم ولكنهم يتحدثون بأفكار غيرهم
التي تم زراعتها في عقولهم وهم لا يعلمون
ولكنهم مجرد واجهة او باترينة لعرض الأفكار
كما كانت تلك الفترة في العصور الوسطي ..
او حاليا .. حيث يتم تسويق بعض الاقوال اعلاميا
لخدمة بعض الانظمة ..

عامة كلا منا ابن حظه وابن يومه وابن تجربته وابن حاضره ...

وبالتالي قد تجد تناقض في رؤية الحكمة من شخص لآخر
او تناقض من نفس الشخص صاحب الحكمة
ما بين اقوال ماضيه وحاضره طبقا لما مر به لأنه انسان ..

ومع ذلك قد تستحضر كلماته التي القاها دون النظر لما بعدها
لتبرهن بها عن ارائك
الكل يفعل ذلك لأنها ناسبت افكارنا ليس اكثر في وقت ما وتآثرنا بها ..
واحيانا لأن فلانا هو من قالها ونحن نثق به ..
ولكنها ليست بالضرورة ان تكون المنطق الصحيح او الطريق الوحيد ..
بل قابلة للتغير وقابلة للنقد ..
وقابلة لأن نعدل فيها طبقا لما رأينا نحن في حياتنا ..

كل شئ قيل قابل للتغير وقابل للنقد وقابل لأن يكون مرنا
الا القرآن والسنة ..

[ahmed 22]

اشفق علي هؤلاء الذين يجدون في التقليل من الآخرين
وسيلة لبعث الراحة في نفوسهم ..
او يحكمون علي قدرات الآخرين وامكانياتهم
بدون ادني فهم لقدراتهم ..
او دون تفهمهم لمعني الطفرة او التطور
الذي قد يجعل الآخرين يتجاوزنوهم في وقت اقصر مما يظنون ..
وهم مازالوا علي كبرهم ..
وبدون ادني مرونة لتقبل انهم قد يكونوا علي خطأ ..

وبالتالي متعتهم في احكامهم
ومشاركاتها مع دائرتهم البسيطة
الذين يهللون لارائهم اليوم لاسباب واهية ..
ولكن سقطاتهم في انعدام بصيرتهم
وانعدام رؤيتهم للمستقبل ..
وهذا ما يعرضهم لاحكام الكارما ..

[ahmed 22]

لم اقم بزيارة قسم القصص منذ وقت طويل
اليوم قررت في محاولة باهتة ان اكتب ( ق س ك )

قصة ست كلمات ..
اقصر طريق لكسالي كاتبي القصص عامة هي
الومضات او ق ق ج

كنت اليوم احاول ان اسقط علي قانون الغائب
وهو قانون اصدره المحتل الصهيوني عام 1950
لمصادرة املاك ومنازل من نزح عن فلسطين
في بداية الحرب عام 47 ..
في سرقة احترافية تامة .. واثبت تلك السرقة التي قام بها بكل بجاحه
بقانون اصدروه ليتم الاستيلاء علي البيوت وحتي المساجد
لتكون من املاك الاحتلال ....

كم كنا ومازلنا واهنين

[ahmed 22]

يا الله يا ولي الصابرين

[ahmed 22]

احدي الانتاجات الفلكلورية الابرز في الغرب
كان روبن هود ...
روبن هود هو المثال الصارخ للتناقضات الغربية
الذي يسوق لمبدأ الغاية تبرر الوسيلة بسلاسة ..

فارس شجاع يسرق من الاغنياء ويعطي للفقراء
كم هو جذاب هذا الامر في مجتمعات كانت معدمة وتعاني
من الظلم والاضطهاد فتحتاج لأن تسوق الشهامة بالدناءة وليس الكفاح
من اجل التحرر ..

ولذلك حاولت الحكومات الغربية تطبيقه وتسويقه
من اجل تبرير افعالها ودوافعها في الخارج ..

لأن اصبح الامر منوط بمن تؤذيه افعالك
وليس الفعل ذاته ...

واذا كنا سوقنا ان من ستؤذيه افعالنا شياطين وارهابيين
فلا بأس ان نغزوهم او نقتلهم او نحرفهم
فشعوبنا ستساندنا باسم نصرة فقراء ومهمشين هذا الشعب
الذين نتدخل لنكون روبن هود الخاص بيهم ..

هذا كان لفترة طويلة فن لتسويق العهر السياسي الغربي .

[ahmed 22]

كنت بتفرج علي برنامج مقالب

المهم المقلب عبارة ان صاحب البرنامج مستضيف يوتيوبر
عشان يعمل اعلان ..
فبيقوله الاعلان عبارة عن انك هتروج لمنتج معين علي شط البحر
ومعاك موديلز لابسين لبس بحر وبيكيني وكدا يعني ..
وانت المفروض هترقص معاهم وتحضن وهكذا
وهنديك في الاعلان 50 الف دولار
المهم مغزي واضح ... عشان ماطولش في النقطة دي

وهو قاعد مستكنيص كدا علي الكلام ومبسوط بيضحك
وفرحان بالاعلان زي الاهبل ..

المهم

في الاخر الرجل بيقوله المنتج للعلم فيه 20 % كحول
قام صاحبنا وشه قلب الوان .. واتنرفز واتعصب وقلب عنتر
وانا منسحب من الاعلان ولو هتدوني مليون جنيه ..
الكحول حرام ..

بعد كدا كله دخل يسقف ليه
وبرافو وجدع وبتاع ..
الله عليك يا فنان ومبادئك

والله ضحكوني
اصل الكحول حرام .. بس غالبا محتوي الاعلان
اللي كان هيشوفه الاف من الناس ده كله كان حلال

[ahmed 22]

علي طالباب #

لو بتتكلم عن الواقع
ففى الواقع الجيوب هانت كل الدوافع
الديابة هاجت على كل الوقائع والمخارج والمداخل
ففى الواقع ردمنا كل المواقع
ابتذلنا كل المراجع
خمس حروف من الحاء للنون كفاية تثبتلك قصدى
لما اقول على نفسى مسجون البضائع
اصل المؤدى تاجر ولطوب الارض خاضع
كل القروش لفجع الكروش امنا بنظام البدل
سخرنا لخدمة القروش
موافقون على كل بند من قانون الامن العام ْ****

لو الامل فى جنس البشر عشب مزروع
فأرضنا بور وحتى المبانى يابنى أيله للسقوط
بضاعة متعلبة فى قوالب
وجوه كل قالب شنطة بتلمع وعود
شايلها سيادة السياسى المخضرم
عضهروا سعره مكتوب
في قوالب خرسان مصبوب

يا عم بالك خليك فى حالك ابشر الضلام حالك
وقوالم موجات الراديو اخترقت الخطوط
وقف الاغنية
و اربط حبل فى سقف البيت
واشنق دماغ بفراغ السواد مملية ..

لو بنتكلم عن الواقع فاية فايدة الكلام لو العقل لسه حجر
اية فايدة كل الورق لو الحبر لسه حجر
سقط الحجر عاش الحجر نهتف لحجر ونمجد نفس الحجر ....

لو هنتكلم عن الواقع فأولى تعرف ابنك اول حروف الابجدية ..
أ استعمار لكل ثروات البلاد من تجار الاحتكار .
ب بيقراطية لعينة تقيد الطوفان بكوم اختام لو مش جاى على البال .
ج لجنون جنود جماعة مين مسموحلها تدهن كل الجنود بصبغة دين مشوش .
د يسيح دمك فى مستشفى عام وشياطين الارض تضحك

[ahmed 22]

شكرا لكل التقييمات الراقية التي وجدتها
علي مدار الشهور القليلة الماضية
خلال تواجدي هنا ..

اعلم انني مقصر ولا اجيد التعامل حتي بالمثل
ولا املك حس المبادرة صراحة
في أن اترك كلمات لها اثر طيب في النفوس
لانني لا اجيد التعامل مع تلك الامور
ولكنني ممتن ..

شكرا جزيلا ..

[ahmed 22]

“لو دخل كل منا قلب الأخر لأشفق عليه
ولرأى عدل الموازين الباطنيه
برغم اختلال الموازين الظاهريه
ولما شعر بحسد ولا بحقد ولا بزهو ولا بغرور”

د ― مصطفى محمود

[ahmed 22]

في الزمن ده اللي تقوله انت طيب وقاصدها فعلا
يقعد يدافع عن نفسه و يحسسك انك بتشتمه مثلا ..

ماتفهمش ليه اصبحت الطيبة مسبة في الزمن ده ..

ربي اجعلنا من الطيبين ..

[ahmed 22]

من ساعة ما الواحد سجل في المنتدي
كل اللي بيعمله انه يعلق
علي موضوع ولا اتنين ليس اكثر
واحيانا لا بعلق ولا بكتب حاجة ...
والمشاركات بقالنا 3 شهور ماعملناش 290 مشاركة
المدونة لوحدها فيها 80 مشاركة
ومش بدخل في اي حوارات جانبية مع حد
ولا بتطفل علي حد الحمد الله ...

وفي الآخر كل شوية بني ادم ولا اتنين
كل ما اكتب تعليق يرمي بوقين
ومش حافظين غير كلمة يتفلسفون ..

يا عمي ارحمنا منك له ..
عليك و علي الفلسفة
وعلي اللي اخترعها

هي ناقصة ملل ...
خليك في حالك

[ahmed 22]

في اليومين السابقين
كنت بحاول اعرف اكثر عن النسوية
وحركات حقوق الرجال
والافلام دي ...

ولما خلصت كنت بفكر انتحر منتداويا
وانشر مقال عنه هههه

بس راجعت نفسي .
وقلت المدونة اولي باللي هكتبه
مش ناقصة صداع

وبالتالي سأطرح ما يشبه المقال
علي هيئة ردود متتالية
في المدونة وخلاص
وكان الله بالسر عليم ..

[ahmed 22]

مما لاشك فيه ان تزايد نفوذ الحركات النسوية في العقود الأخيرة
خاصة في المجتمعات الغربية
كان لها العديد من الاثار والنتائج
و اضافت الكثير من المعطيات الجديدة
علي الخريطة المجتمعية المتعارف عليها
و كان لها دور في تغيير الشكل العام
سواء ثقافيا او اجتماعيا او دينيا ..
ايجابا ام سلبا ؟
الإجابة واضحة ..

فظهور الحركات النسوية بمطالبها الأولوية
كانت بمثابة الفرصة البديلة للنساء
من اجل انتزاع حقوق كانت بالفعل
مفقودة في وقت ما في المجتمعات ..
ولكن مع الوقت اصبح لتلك الفرصة البديلة تكلفة
بسبب التمادي فيما بعد تحصلها علي بعض
الانتصارات في بدايتها ..
وبالتالي التكلفة كانت
انه من اجل اختيار شئ
في المقابل يجب ان تضحي بشئ آخر
وهنا المرأة بكل بساطة
قررت تضحي بطبيعتها
والمقابل سنتعرف عليه لاحقا ..

يتبع ...

[ahmed 22]

دعونا في البداية نأخذ جانب احدي انتاجات النسوية
ولسخرية الحياة هي التيارات المناهضة ليها ..

مما لا شك فيه ان ظهور حركات حقوق الرجال
في المجتمعات الغربية هي احدي ردات الفعل
لتزايد نفوذ النسوية في العالم
وتماديها بشكل مبالغ فيه ..

فالحركات النسوية في الغرب قوتها
انها ايدلوجية قائمة علي المظلومية التاريخية للمرآة في المجتمع الغربي
وبالتالي النظام العالمي الجديد في الغرب كان يتبني
مبادئ الحركات النسوية من أجل ترسيخها لتناسب الشكل
الجديد للمجتمع وافكاره القائمة علي الديموقراطية والحرية
وغيرها من العبارات الرنانة وكان اول الطريق
هي التخلص من تلك المظلومية

وتحول ذلك مع الوقت لتمييز للمرآة
مدعوم بقوة اعلامية وقانونية وسياسية هائلة
وبالتالي اصبحت الحركات النسوية مدعومة ماديا
بشكل يضمن لها البقاء والانتشار .
ويضمن لها الدعوة لأفكارها بقوة حتي اصبحت
لا تعترف بالواقع ولا الواجبات مع الوقت

وبالتالي تحولت المظلومية مع الوقت من المرآة إلي الرجل .
علي هيئة ردات فعل تنادي بانهاء هذا التمييز الذي طغي مع الوقت
علي حقوق الرجل في منظور بعض التيارات ..
وعلي حقوق الاسرة وبفكرة ان المرآة قامت بتغيير طبيعتها
واسائت لنفسها في نظر تيارات اخري ..
ولكن لم تكن دائما تلك الحركات ذات صدي قوي
لانها لا تناسب النظام القائم عليه المجتمع الآن ..
وبالتالي حركات كان صوتها ضعيف في مراحل كثيرة ..
لأنها كانت تقابل بالسخرية وبشئ من التنمر علي الرجل ..

يتبع ..

[ahmed 22]

صحيح ان حركات حقوق الرجال كما يقال ليها اصول
من بدايات القرن الماضي
ولكن في الغالب ستجدها ان تأثيرها كان يتطور ببطئ
حتي بدأ يزداد مؤخرا
لانها اصبحت الكترونية اكثر
ويتزايد نفوذها علي الفيسبوك خاصة
وشبكات التواصل بشكل عام

وانتهي الحال لتنقسم لتيارين :

تيار الريد بيل _ الحبة الحمراء : لا نستطيع ان نقول انها تيار مناهض
فهم لم يطالبوا بشئ .. ولا يعارضون مبدأ الزواج او الارتباط
بقدر ما انها ذات فلسفة توعوية للرجالو علي حد قولهم
توعية بالحرب المعلنة عليهم من النسوية ...
وتوفير المعرفة بالدعم الاعلامي والقوانين التي يتم
العبث بها من اجل ان يكون الرجل مستعبدا لدي المرأة ..
لكي يحذر الرجال ...


مش عارف انا ايه دخلني في الافلام الهندي دي

المهم

يتبع ..

[ahmed 22]

وتيار الميغتاو اللي هو اختصار :
MGTOW : Men Going Their Own Way
المغتاو : هو تيار رؤيته تتمحور باختصار
علي حد رؤية احد المنتمين له

يري ان الجميع يجامل المرآة
الرجال يجاملونها من اجل الجنس ..
الحكومات تجاملها من اجل الانتخابات
الشركات تجاملها من اجل المال
وبالتالي صارت المرآة تعيش منفصلة عن الواقع تماما
لأن لا احد يخبرها به ..
والجميع يقولون لها ما تريد ان تسمعه فقط ..

الميغتاو كما يدعي الكثيرين هو مرحلة ما بعد الريد بيل
اللي هو التطور الطبيعي للحاجة الساقعة يعني..

لأنه تيار متطرف بعض الشئ حيث وصل لمرحلة معاداة الزواج
لأنهم يجدونه استغلال من المرآة للرجل بسبب
ان الامتيازات التي تحصل عليها المرأة قانونيا
يجعل من الزواج صفقة خاسرة ..

ولكن ما لا ينتبه اليه البعض ان الكثير من النساء في الغرب
تؤيد تيار مثل الميغتاو خاصة والريد بيل بشكل عام ..

ويعادون النسوية وهناك الكثير من الفيديوهات
علي الانترنت لنساء تؤيد هذا الاتجاه
ومن ضمن تلك الأراء مثلا ان بعض النساء
يرون ان للرجل الحق ان يخاف من ان يتعرف علي امرآة
او يكون معها اي ارتباط
لأن النسوية اعطت المجال للنساء
لكي تكون رغباتهم هي الاولوية
فمن السهل ان تجد امرأة مرتبطة تخرج من احد البارات
وتعاشر رجل غريب لا تعرفه سوي اليوم دون اي مبالاة
او اي احتياطات وضريبة هذا الامر فقط هو الندم في اليوم التالي ..

وتلك العلاقات قد تؤدي الي حالات حمل خاطئة
وبالتالي القيام بقتل اطفالهم عن طريق الاجهاض
لكي تستطيع المرأة ان تعيش كعاهرة ..
وكل هذا تحت غطاء حرية غير مسؤلة
ولا تستطيع ان تطالبها بعكس ذلك
والا فسيتنكر منك المجتمع وينقض عليك
وبالتالي يرون في المرأة الغربية حالية
امرأة نرجسية تافهة وساقطة علي حد قولهم ..
واصبح الانجاب من اكثر من رجل
دون الزواج هو شئ تقليدي في المجتمع
ولكن ما يحدث بعد ذلك
هو استخدام هؤلاء الاطفال كذريعة قانونية
من اجل ابتزاز الاباء ولتحصيل المال منهم
ومن الحكومة ايضا ..

وتضامن بعض النساء مع تلك الحركة
لأن النسوية لم تدمر الرجال فقط
بل دمرت النساء كذلك ..
فعلاقة الصداقة بين النساء وبعضها اصبحت لا تطاق
لأن بعض النساء بفعل النسوية
اصبحت احاديثهم تافهة وسخيفة
ولا تتضمن مفاهيم العائلة بشكل كبير ..

وهناك من يرون ان الرجل والمرأة لم يتم تصميمهم بيولوجيا
لكي يكونوا متساويين وبالتالي من الواجب علي المرأة
ان تتوقف عن محاولة تغيير طبيعتها
لأن هذا سيؤدي في النهاية لخراب المجتمع
لأن النساء لا تريد ان تتقبل دورها
حتي ان البعض اصبح ان يتنكر من واجباته
وكيف تجرؤ مثلا علي ان تطلب من المرأة ان تطبخ
او تنظف من اجل اسرتها ..!!


طبعا حتي لا يتم الفهم الخاطئ
انا اتحدث عن الغرب بمفاهيمهم وحياتهم ..
فبعض الأمور تختلف باختلاف المجتمعات

ولكن هذا ما قد يصل اليه الحال في البيوت العربية مع الوقت
وعلي فكرة هذه الفيديوهات محتواها منذ اربع او خمس سنوات
ولكن عندما تراجع ما يحدث عندنا في اخر الايام
عندما اصبحت هناك بعض الدعوات المشابهة لما تحدثنا عنه اعلاه
فستجد أن لسنا ببعيدين في بعض النقاط ..

يتبع ...

[ahmed 22]

حوار النسوية ده مليت منه حاليا
لان جزء مش قليل من اللي ذكرته كان تعريفي خبري
وحتي الآن لسا مادخلتش الموضوع

ابقي اكمله بكرة او بعده
ان شاء الله

المهم

في مقولة لبرنارد شو لطيفة

بيقولك
الشخص الوحيد الذي اعرفه ويتصرف بعقل هو الخياط
فهو يأخذ مقاساتي في كل مرة يراني فيها
ام الآخرون فهم يستخدمون مقاييسي القديمة
ويتوقعون مني ان اناسبها ..

من رأيي ان الاساسات الفكرية ثابتة
ام المتغير يكمن في المقاييس اللي بتحجم من الاساسات
او بتضيف ليها ..

المقاييس دي بتكمن في التغيير
اللي بنمر بيه في حياتنا كأشخاص
قبل الأفكار ...
لان ده اما بيزيدك تعصب لأفكارك
او بيزيدك مرونة من ازدياد صبرك مع الحياة ..

وفي اوقات لازم تعرف

ان مش عيب انك تسلم نفسك لمشاعرك
وانت بتحكي او وانت بتكتب
لأن ده بيدي طابع للناس انها ترتبط بكلامك

ومش كل شئ خاضع للمنطق والفكرة
احيانا لما بتخضع لاحساسك بيخليك اصدق وانقي ..

الناس عندها دايما تابوهات وحافظينها
ومش قادرة تتخيل ان فيها غيرها ..
لانه ما مرش بتجارب كفاية انه يستوعب
ان في صورة اكبر من اللي شايفها

[ahmed 22]

الحالة الذهنية للشخص
بتحدد انتاجية افكاره ...

يعني فعليا الإنسان فينا
لما يكون قادر في فترة ما في حياته
انه يكون عنده انتاج فكري غزيري
ده بيكون نابع من رفاهية للحالة الذهنية الخاصة بيه

بمعني انه مش مشتت بعمله
مش مشتت في حياته الشخصية
مش مشتت في وقته ..

وبالتالي قادر يخرج من عنده انتاج فكري افضل
وده شئ صعب التحكم فيه بمعطياتنا الحالية ...

الحالة الذهنية ليها دور فعلي كمان
في عملية تقبل الإختلاف ..
بحيث انك دايما تحاول ان الطرفين يكونوا فايزين
هي مش مثالية زايدة
بقدر ما هو المفروض واقع مرغوب

فعليا انا في فترة كنت وصلت
اني كانت احب دايما اني
لما ادخل نقاش ان الطرفين يكونوا فايزين
عن الطريق البحث عن ارضية مشتركة
يتبني عليها الأفكار ...

دايما سر النجاح في اي نقاش
انك تبحث في البداية عن ارضية مشتركة
بحيث تقدر توصل للطرف الآخر ..
حتي لو هو ماعندوش الهدف ده ..

الفكرة ان ده صعب في ظرف التشتت الذهني
وعدم ثبات الحالة الذهنية وبالتالي مش بتحكم انفعالاتك
وبالتالي انت مش بتبحث عن التوافق
بقدر ما بتبحث عن اثبات وجهة نظرك
وده اكبر غلط ..

دايما المفروض مقولة الامام الشافعي
امام عينين كل شخص

رأيي صواب يحتمل الخطأ ورأيك خطأ يحتمل الصواب

[ahmed 22]

مشكلة الجيل بتاعنا بشكل خاص
جيل التسعينات
انه عنده احساس انه شاف كل حاجة
فمبقاش في حاجة بتبهرنا و لا بتبسطنا
مرحلة تشبع بشعة من الافكار..
مع ان فعليا الجيل بتاعنا مش مثقف كفاية
يعني اكيد في اجيال سابقة ماكنتش بتفارق الكتاب

بس الثقافة السمعية والبصرية بشكلها الحالي
اعتقد عملت فراغ في القلوب
وفي نفس الوقت عملت تشبع للعقول

فمع الوقت بقينا نزيف ضحكتنا
في حاجات المفروض تحمل القيمة
لبلدنا مثلا او لحياتنا ..
ومفهوم الملل بقا بيكبر ..

بس مع الوقت والتجارب والحياة واللف
القيمة القعلية اللي بتتمسك بيها
وبترجع ليها في الأخر وبتشعر فيها بجزء من الأمان
ونضحك بشكل صادق
بتكون وسط عيلتك الصغيرة
سواء كنت متزوج وليك اولاد ..
او وسط والدك ووالدتك ..

ده طبعا في حالة الناس السوية

[ahmed 22]

هل تم اختبار مبادئك من قبل ؟

هذا سؤال مرهق

ولكن فعليا الذين لم يتم اختبار مبادئهم
يجب ان يكونوا شاكرين وممتنين لله ..

لأن وقت الإختبار فعليا نسب النجاح ضئيلة
في مجتمعات لا تجيد في الغالب إلا الكلام والشعارات

نفسي اعمل هشتاج باسم

مجتمع فقاعة #

[ahmed 22]

في يوم ما قالها الحاج بروس واين

كل شرير هو بطل قصته

فيلم باتمان النسخة الجديدة
فلسفتها غريبة شوية
فهي قائمة علي فكرة

بطل نخشاه وشرير يشبهنا ..

وده قريته في رؤية نقدية
بتتكلم عن شخصية فيلم باتمان الأخير
والشخصية الشريرة في الفيلم ليها اللي هي زا ريدلر
وبيقارنها بنسخة كريستوفر نولان
وخاصة الجزء بتاع الجوكر

انا قريت فلسفة عميقة وجميلة الصراحة

بس فعليا لو الناس عاوزة تفكر وتتعمق
في كل الهري ده وهي بتشوف الفيلم
والله ما هتفكر تشوفه اساسا ههههه

[ahmed 22]

بمناسبة باتمان
مرة نزلت موضوع من سنة
اسمه Windows 0.23
لحد النهاردة ماكملتش فكرته
ولا هكمل اكيد ..
كان كالتالي

سوبر مان

شخصية الرجل الخارق ظهرت كبداية في الكوميكس
اللي هي القصص المصورة في الثلاثينات
ثم انتقل بعد كدا للاذاعة كقصة مسموعة
ثم للسينما ثم اقتحم عالم المسلسلات ...

دايما هتلاقي كدا بعد كل عقد من الزمان
انه بيتم عمل remake لفيلم سوبر مان ..
بحيث انه يتم الحفاظ علي النسخة الاصلية للقصة
بتاع الفيلم اللي هي باختصار :

سوبر مان اللي ابوه وامه بعتوه من كوكب كريبتون للارض
عشان ينقذوه بسبب انه الكوكب بتاعهم هيدمر
ولما المركبة بتاعته تهبط علي الأرض
بييلاقيه زوجين ...
فيربوه ويخفوا حقيقة انه جاي بسفينة فضائية والخ ..

والصحفية لويس لاين اللي بتشتغل في جريدة دايلي بلانيت ...
والعدو الازلي لسوبر مان ليكس لوثر
و القصة المعروفة ...

وكل remake بيعمل فيلم بثلاثية بطاقم عمل جديد
كل عشر سنين او اكثر بيحكي تقريبا نفس القصة..

ولكن بتكنولوجيا العصر وما فيها او يناسبها
و دايما سواء فشل الفيلم او نجح تسويقيا
بيتم الحفاظ علي نفس القصة والنسخة الاصلية منه
بحيث يتم اصداره في وقت تاني
وفي زمن تاني بممثلين تانيين
و يضيفوا بتكنولوجيا العصر والصورة شكل وابعاد جديدة للفيلم ...
يعني بقا شئ كلاسيكي ومتحافظ عليه ..

القصة ثابتة واللي يملكها جهة واحدة
و ليها حقوق نشرها بتستغلها في القصص مصورة
ثم افلام ومسلسلات وغيره ..

بس المتغيرات في اللي بيقوم بالادوار
وتطور الجرافيك والصوت مع جودة الصورة مع الزمن وهكذا
كما ذكرنا ...

نفس الفكرة هتلاقيها في افلام جيمس بوند
نفس الفكرة هتلاقيها في جودزيلا او كينج كونج

بس ترجع وتقول ان الامريكان ليهم السبق في الابهار السينمائي
لأن فعليا انت ممكن تشوف فيلم سوبر مان او كينج كونج بنفس قصته
بكل اصدار جديد ليه من غير ملل ...

بس مع الزمن تم التجديد في شكل الشخصيات دي وعمل ليها
Cover version
هتقولي يعني ايه المصطلح ده ...؟

هقولك
بمعني انك بتخرج عن النسخة لاصلية للقصة
يعني في القصص المصورة بالذات
هتلاقي ممكن سوبر مان بيتحول لشخصية شريرة
بتحكم العالم بظلامية ..
وبيتم محاربته من اندماج ابطال خارقين تانيين ..
زي باتمان وفلاش و ووندر وومان وباقي فرقة العدالة ...

ونفس الحوار ينطبق علي باتمان لما بيتحول لمصدر ارهاب
والجوكر يكون هو بطل الخير والعدالة
في بعض الاصدارات القصصية من شخصيات عالم ال D.c >>

تسأل وتقول ليه بقا الخروج عن النسخة الاصلية للقصة
والمبدأ اللي اتخلق عشان الابطال الخارقين ..

لأن في وقت ما انت محتاج كجهة نشر للقصص المصورة
انك تخلق ابعاد جديدة للشخصيات
بسبب ظهور منافسين جدد في المجال ده
وبالتالي محتاج تسبق بخطوة قبل ما تقع
وبالتالي الامر خرج من فكرة انك بتصنع بطل يقتدي بيه الاطفال ...
لتجارة واستثمار لأن اكيد مع الوقت
اصحاب حقوق النشر بتختلف توجهاتهم بتناقل الأجيال
وبيموت ناس وبييجي مكانهم ناس كسنة الحياة
وكل شخص بفكره
.. بحيث انه الجديد بيفكر ازاي يحافظ علي الفرخة
اللي بتبيض ليه دهب كصاحب الحقويق دي ..
دون التشبث بالمبادئ الاساسية
... فالمبدأ بيكون انك لازم تخرج عن المألوف ...

عشان تبعد الملل عن قارئ القصص المصورة
اللي هما فعليا فيه مهووسين كتير بيها في العالم
وبينتظروا كل اصدار جديد بشغف...
وبالتالي لازم تصنع جذب من نوع مختلف
عشان تجذب شرايح مختلفة من المتابعين ...

والمختلف حاليا هو انك تجذب الناس اكثر بشخصيات ال heel اكثر
من فكرة البطل التقليدي ..
ال heel اللي هي الشخصيات المكروهة
او البطل اللي ببتحول لشخصية مكروهة ...

لأن الناس في وقت ما بقت بتدور علي الكاريزما اكتر من القصة
وده اختلاف تاني حصل في البشر علي مدي تطورهم اخر كام قرن ..

فبقت الناس تشوف الكاريزما في الشخصية الشريرة بشكل اوضح
واكثر جذب بشكل مختلف عن التقليدية بتاعة الابطال
اللي هو كدا كدا لازم اخر الفيلم هينتصر ..
وبالتالي بتكون مصدر جذب اكبر

زي مثلا الجوكر في باتمان ...
يعني الناس دايما تلاقيها بتشوف الجوكر
بانبهار اكتر من شخصية باتمان اللي هو بطل القصة نفسه ...
يعني يمكن اخد الشو لحسابه مع الوقت
مع كل اصدار جديد للقصة
فيه الرسم بيعبر اكتر عن روح الشخصية
بضحكته وشكله ومع كل تفصيلة جديدة
بتظهر مع الوقت بتركز علي ماضيه وازاي تحول للجوكر ...

ولحد مثلا ما ليث هيدجر اللي هو كان بيؤدي دور الجوكر
في الثلاثية بتاع المخرج كريستوفر نولان
انتحر بسبب اندماجه مع الشخصية ..
لأنه اداها بشكل فريد من نوعه خلاه يترشح للاوسكار بعد انتحاره ..

وبالتالي خلق نوع جديد من التعاطف وابعاد تانية لجذب الشخصية
في عقول اللي شافوا الفيلم وخاصة الاطفال تحت سن 18 ..

المتابع اكتر للحوار ده هيفهمني في النقطة دي ...
وده تغيير تالت في عقول الناس

وده الاصدار الجديد من البشر ..
الشخص اللي بيشوف المآساة اللي بتحول
شخص لشخصية مكروهة او لشخص مجرم بيقتل الناس بدم بارد
وبقت بيصيغ ليه المبررات وبالتالي تتعاطف مع افعاله
فبتصنع شكل جديد مشوه من الناس ...

بسبب فكرة انك عاوز تظهر منتج بفكرة جديدة
تجذب الناس اكتر انها تتابعك ...
فتخرج عن المسار المحدد لشخصياتك
ويمكن الخير بينتصر في القصة ..
بس فعليا الشر الناس بتظهر ليه الحب واحيانا التعاطف
ويمكن تزعل لما الشرير يموت كمان ....

فيه تغييرات في عقول البشر بتحصل مش طبيعية انعكست
علي حياتنا باشكال مختلفة ..

يعني بالمناسبة هتلاقي عوالم مختلفة للشخصيات الخيالية دي
بسبب حقوق النشر وكدا ..

وكل عالم وليه مخترعين لقصصهم
بس بيحرصوا ان الشخصيات تكون متصلة ببعض
لو كانت من نفس الجهة صاحبة الحقوق
بحيث تلاقي اندماج لكام بطل في نفس الفيلم
من غير ما تشعر انه دخيل عليها ..
وده نوع تالت من التغيير عشان يعمل مصدر جذب ينافس بيه ...

يعني مثلا باختصار لمن لا يعلم عالم مارفل
اللي هو بتاع ايرون مان وثور وبلاك ويدو وهالك
وسبايدر مان وعملوا ليهم مجموعة افلام تجمعهم مع بعض
عشان ينافسوا عالم ال d.c

اللي شخصياته الاساسية بتاعته
هي سوبر مان وباتمان وفلاش و شازام والخ
اللي هما يمثلوا فرقة العدالة ...

المهم
الحوار ده مش هتلاقيه غالبا غير في امريكا ...
احنا ماعندناش الثقافة دي
ان احنا نعيد انشاء قصص ابطال خياليين
يمكن بسبب قلة الامكانيات او القدرات التكنولوجية علي مر التاريخ

واحيانا تقدر تقول بثقة ان احنا عندنا ابطال حقيقين علي مر التاريخ
صعب تختار ما بينهم انك تحكي عن عظمتهم
وماعندناش عجز في القدوة
بسبب التنوع فيهم علي مر التاريخ والعصور
فمش محتاج تخترع ابطال خياليين ...
انت فعليا عندك ابطال حقيقين
علي مر تاريخك تقدر تختار القدوة منهم لابنك وتحكيله عنه ..
مش محتاج تخلي سوبر مان الايدول بتاعه ..

حتي في روما مثلا او دول اوروبا القديمة
صعب تلاقي عندهم شخصيات خيالية او ابطال خارقين
دايما هتلاقي قصص حقيقية لابطال حقيقيين خاصة في الحروب
وتزيين صور الاستعمار وغيره .. بس ده ليه حديث تاني عامة ...

بس ترجع تقول يمكن لأن ثقافتهم لسا ناشئة في القرن الخامس عشر
وبالتالي هما يعتبروا قارة جديدة و ناشئة .. من غير تاريخ
وبالتالي بيصنعوا ابطالهم وبيروجوا لشخصيات كرتونية
دور ابطال العدالة والحب لأطفالهم بحيث يعلموهم وكدا
قكرة انتصار الخير علي الشر ويروجوا ليها

وبرضوا يخفوا حقائق كتير
في ازاي انهم عشان يبقوا امريكا ابادو الهنود الحمر .
وعاوزين يجنبوا الحقيقة دي من مخيلة اطفالهم
وبالتالي تصنيع مثالية مزيفة لنشأتهم ..
فبيصنعوا المبادئ الجديدة في عقول اطفالهم بالخيال
عن طريق القصص المصورة في البداية
اللي هي تعتبر فعليا برضه منبع لأفكار ساهمت في تقدمهم
زي الخروج للفضاء وكدا
لأن فعلا معظم الاكتشافات والاختراعات الامريكية كان مصدر الهامها
هو القصص المصورة
يعني مثلا تلاقي كاتب زي اتش جي ويلز
وهو يعتبر احد مؤسسي ادب الخيال العلمي مع جول فيرن
وكان سابق عصره و بيكلم عن اختراعات زي الليزر او حرب النجوم
و تنبأ بوجود القنبلة النوويو
الي هي قادرة تدمر وتخفي ملامح مدينة بشكل ما
او غيره في قصصه قبل ما حد يفكر يخترع او يكون ليها اساس ...
وبالتالي كان مصدر الهام واغراء للبعض
انه يبتكر ويخترع القنبلة وفعلا نسبوا الفضل ليه
مع انه ماكنش يقصد ..

فلما تلاقي ده بيمثل الهام للبعض انه يفكر في اختراع زي ده
او يتطلع للخروج من حيز الارض لاستكشاف الفضاء
ويتطلع انه يستعمر الكواكب او يفهم يعني ايه عوالم موازية
فلازم تعرف ان زي ما القصص دي بتمثل الالهام للعدالة
بتمثل الالهام للتدمير والاكتشاف في نفس الوقت

وبالتالي الشخصية الامريكية ازدواجية في افكارها حبتين
واحيانا متناقضة دون ان تدري
ولبعض الوقت كانت شخصيات فوقية بتنظر للعالم من الاعلي
بسبب ما تم انشائها عليه كشخصيات تحكم علي العالم
بما يتم تصديره ليهم من معلومات من حكوماتهم
اللي هي غالبا بتكون ليها مصالح وتشكيلات دينية مختلفة
وبالتالي صنعوا من شعوبهم
شعوب متقدمة تكنولوجيا ... ولكن متخلفة اجتماعيا
مش قادرة تتعمل مع الغير الا بنظرة الوصي
او صاحب الحكم الوحيد والصحيح
بتتشدق بالمبادئ والحريات وغيره
بس لما الواقع بيختبرها
بتلاقي كتير منهم افكارهم عكس ما تدعوا اليه

وبالتالي سهل تنبهر بالتجربة الامريكية
بس صعب تكررها بنفس معطياتها او القاعدة اللي اتبنت عليها
وبالتالي من الغباء انك تمشي علي نفس المنهج بتاعهم
او تعتبره نموذج تقدر تبني عليه ...

بسبب اختلاف الموروث الثقافي والشعبي والتاريخي
وحاجات كتير جدا ممكن نكلم فيها في وقت تاني
ده كان كلام عالهامش
بس عشان هنتهي من القصص المصورة
بس اقدر اقول باختصار القصص المصورة
او الخيالية خلقت ابعاد جديدة للحياة والتفكير
غير اللي بيظنه البعض ...
يعني احنا من بعيد بنشوف الموضوع تافه
بس فعليا الحياة قبل القصص المصورة شئ في امريكا مثلا
وبعدها شئ تاني خالص ... ليها دور مهم في حياتهم وبالتالي
الدور ده ليه ابعاد علي حياتنا ...


يتبع ...

[ahmed 22]

1

نرجع لأصل الموضوع بتاعنا

اللي هو

Remake vs Cover version

او ندخل في الموضوع عاطول

و الصراع الاجتماعي الديني الابدي
الذي مازلنا لم نحسمه حتي الآن ...

الاصالة مقابل الحداثة

دعاة الجديد .و.. دعاة القديم

وهنا نطرح سؤالين

هل العودة للماضي غاية ام وسيلة ؟
وهل كل جديد هو غاية أم غواية ؟

2

المثال الذي قمت بطرحه اعلاه مستعينا بالكوميكس
وما يتم طرحه من اصدارات لاشكال الابطال فيها مع الزمن والتكنولوجيا
كان لبيان مشكلة رئيسية كبيرة في عقولنا نحن كعرب

اذا نظرت للموضوع من الزاوية الذي اراها
ستجد ان التسلسل الذي قام ببناء عقل الشخصية الامريكية من خلال القصص المصورة
وغيرها من الامور ....
هو ما نمر به الآن ... ولكن هناك بالفعل قد تم تشييد البناء وتم الانتهاء منه
وبالتالي هم مجتمع معاصر يعتنق افكار حديثة دون الالتفات
لمسميات مثل الدين والتقاليد وغيرها من الجذور التي كانت اساس لما هم عليه الآن ...

اما نحن فنمر بمرحلة ريبة ما بين التشكيك والنقد ...
البعض يري في الجذور الخاصة بنا او النسخة الاصلية من البناء الاخلاقي لافكارنا وحياتنا
هو اساس لا يجب ان يتم المساس فيه ولكن في نفس الوقت يتسمر امام تطور الغرب وحداثتهم
وبالتالي لا يتحرك ولا يبادر .... اي لا نواكب تطورات الصوت والصورة

والاخر يري اننا يجب ان نبتكر نسختنا من العصرنة او الحداثة حتي نلحق بالركب علي شاكلة الامريكان
دون اخذ رأي الدين او التفكير في المحافظة علي التقاليد والعادات حتي نلحق بالركب ..
وبالتالي يجذبه شكل العالم الحديث دون الدخول فيما يعانيه هذا العالم من عطب او تفكك ..
اي لا يجب ان تلفت للجذور .. وبالتالي ننتقدها ونسطحها ومع الوقت نهاجم اسسها دون ان نعي او ندري ..

3

الامر وما فيه متعلق بالنسخة الخاصة بأفكارنا في الوقت الحالي

لو اردنا ان نشبه الامر بأنظمة تشغيل الكمبيوتر فسيكون الامر كالتالي :

وهو اننا كعرب نعيش في نظام تشغيل windows .98
نسخة بطيئة و مليئة بالثغرات والاعطال
ولكن المميز في تلك النسخة انها الاساس
اي انك لم تصبح بعد في خارج النطاق
ولكنه يتعطش الوصول لنسخة windows xp
ولكنه يتعثر الطريق .. بسبب تشككه في نوايا المجتمع بالكامل ..

وفي حين الغرب يعيش نسخته العاشرة من التغيير window 10 pro >>>
يعيش كل يوم النسخة الافضل من حياته
ولكن قد يتناسي مع الوقت اين بدأ ..
وبالتالي هو متعلق بالتغيير بقدر اكبر من تواصله مع جذوره ..
وهنا سقطته ليست الا ... التي تجعله يسقط دينيا ثم يتطور الامر
لينعكس علي حياته الاجتماعية ... التي تصبح مجرد قمامة ان صح التعبير

4



دعونا نتطرف قليلا في هذا التعليق فقط ...

بدعة الاخلاق الجديدة

ما احتمالية ان تجد فتاة جميلة ولكنها مثلا ترتدي دائما ثياب قصيرة
ولا تفوت مناسبة للتعري علي الشاطئ كل عام ولكنها فتاة قوية
قد تجدها تتصدي بقوة لمحاولات الشباب لغوايتها
وتجدها تقوم بعمل دروس للتنمية البشرية والاخلاقية
وفي نفس الوقت قد تتزوج وتنجب طفلا وطفلة وتقوم بتربيتهم بطريقة رائعة وسوية

اعتقد ان الاحتمالية واردة وبشدة في الوقت الحالي ..

هنا الفتاة من الداخل قد تقول انها مستقيمة
من الخارج قد تحكم عليها بالفجور .... كانسان عربي

تلك الفتاة بتلك الصفات هي من الاصدارات الجديدة في المجتمع الحالي
ان كانت عربية لن تتزوجها ولن تعجب بها
وان كانت غربية قد تعجب بها علي الفور وقد تفكر ان تتخطي الكثير من الامور
فكر قليلا ... وقم بالاجابة علي سؤال صيغته لماذا في اخر سطرين ؟

الفكرة ليست في الفتاة والطريق الذي تتبعه ... فهي مجرد فتاة
قد تكون استثناء في الحياة كالكثير من الاشياء ..

الفكرة فيما يتبع طريقتها للحياة من تناقضات الناس في رؤيتها لها
البعض سيعتبرها مرجع قد نعود اليه عندما يتم الحكم علي الفتاة عندما تتعري
في مجتمع شرقي ..

انت لن تكون محل تلك الفتاة في حياتها ولن تستطيع ان تعرف ما تمر به
سوي القشور التي تظهر لك ليس اكثر. .....
فكم من اناس يعيشون ويموتون دون ان يدري احد بهم وما بداخلهم
وما يمرون به من تزعزع وعدم ثبات ....
لن تعرف ابدا ...

ولكن انت فقط ستعرف ما قد يرريحك بالتجربة ..

الاخلاق الجديدة التي نبعت من الاصدار الجديد من البشر اليوم
ليست بمحل قاعدة تستطيع ان تبني عليها ..
ولكنها استثناء تريد ان تبني به قواعد لشكل الاخلاق والمجتمع الحالي
بما يناسب رؤيتك القاصرة له الان ...

وبالتالي ما قد لا تراه من اضرار في حياة اخرين
قد تبني به اضرار هائلة وتعاسة في شكل وهيكل المجتمع علي المدي البعيد
لمجرد انك تريد ان تتبني فكرة خارج بساطة الشكل الطبيعي للمجتمع
وانه لكي تكون شئ ما ... يجب ان تعيد اكتشاف شئ ما في نفسك قبل مجتمعك ...
ان اعدت اكتشاف شخصيتك السوية التي فطرك الله عليها
ستعلم من اين تبدأ ولأين ستذهب
اما انك تريد الطريق السهل

فكم من سارق وزاني وقاتل ومغتصب ودكتاتور يعيش سعيدا لسنوات وسنوات
ثم يسقط .... فيتمني ان يعود قليلا للوراء
لكي يمحي من حياته تلك اللحظات الزائفة ويصلح ما كان ...
لأنه الأن يعرف انه لن يكون ...


افتكرت انا دلوقتي الاخلاق الجديدة دي كنت جايبها منين هههههههه

[ahmed 22]

من الارشيف الخاص بي عام 2020

في رواية لجين ويبستر فيها جملة لطيفة بتقول :
(ينتاب المرء شعور هائل بالفراغ حين يعتاد أشخاصا أو اماكن او انماط في العيش ثم تنتزع منه )

الاعتياد علي شئ ما قد يمثل ميزان لحياة بعض الافراد فيصبح جزء من روتين محبب
وتستطيع ان تغير فيه بارادتك اذا احتجت هذا النوع من التغيير ...

ولكن فكرة انه يتم انتزاع منك شئ بدون ارادتك ودون استعدادك لهذا التغيير
و كان الشئ ده بيساعد في تكوين الشخص اللي انت عليه حاليا وراضي عنه ..
وكان مالي جزء كبير من حياتك فبتلاقيه بيبقي أكثر ما يؤلمك لأنه بيفرغك من افضل ما تملك ...

لأن افضل ما تملكه هو افضل ما تعطيه للناس .. وما تعطيه للناس بسعادة يعود عليك بابتسامة
وبالتالي ان فقدت جزء مما يكونه ..معناه انك فقدت حلقة من حلقات الوصل مع الناس ..
فحلقة من حلقات الوصل مع نفسك ...

و الفراغ انواع عامة ما بين فراغ روحي او عاطفي او فراغ في الشخصية او الفكر ده غير الوقت اكيد ....

والشئ اللي ممكن يتم انتزاعه منك ممكن يكون فكرة انت كنت قايم بيها واتهدمت
او شخص انت واخده قدوة واتصدمت فيه ..
او حاجات بسيطة جدا أنت مش متخيل انك ممكن لو فقدتها
تخليك فعليا فارغ جزئيا من الداخل وفي حيرة .. ومحتاج تشبع هذا الفراغ ..ومحتاج اللي يزيل الحيرة ي ..

فالفكرة انه لما بتفقد شئ كان مالي الفراغ ده وكان ربما بيكملك روحيا او عاطفيا
بيترتب عليه نتايج بتؤدي لزعزعة شخصيتك وربما تأخد قرارات سيئة وقتية في فترة ريبة انت بتعيشها
قد تؤدي الي انك تفقد جزء من روحك ... او جزء من هويتك اللي تكونت بفضل وجود اشخاص
كونوا بداخلك اثر طيب و ليهم بعض التأثير في مبادئك ..
لان الانسان في زمننا الي حد ما هش الثوابت بفعل عوامل كتير
فيها تراكمات من الزمن والمواقف وبالتالي عماده بيكون اكثر في الناس والاهل و ما يعتقده ..
وبالتالي ان تم تشويش هذا الاعتقاد ..تشوشت حياته واصبحت ضبابية ..

وهنا نرجع للمجتمعات عامة اللي لما تتفرغ من ثوابتها المتمثلة في القيم والمبادئ يوم بعد يوم
بيختل تكوينها ... وده بيحصل بفعل انتهاء حقب تاريخية وتسليم الراية ما بين حاكم لاخر او نظام للتاني ..

الثوابت موجودة .. والمتغير في اللي بيعزز وجودها او بيفقدها ..
والتغير بيحصل في وقت تحول المجتمعات ما بين انظمة حكم كل واحد فيها يملك ايدلوجية مختلفة
او ما بين تحولها ما بين الانظمة الشيوعية والاشتراكية والرأس مالية ..

كل نظام او فكرة بتكون دخيله علي اي مجتمع بتفرض عليها مستجدات .. ممكن تكون نافعة او ضارة ...
بس تراكم الضرر والنفع مع الوقت ... بيخلي ميزان الضرر يكون اعلي
بفعل طبيعة البشر الميالين دايما للسهل ...
فبتنتزع معاها جزء من هويتها طبقا للتكوين اللي بيفرضه كل حاكم طبقا لكل حقبة زمنية
ومدي تأثير عدله او ظلمه والظل بتاعه اللي بيخليه مستمر لقرون لو حتي بعد وفاته ..

وبفضل الفراغ اللي بيحصل في تكوين المجتمعات احيانا
بتخليها تستظل بأخر قشة قوية في تاريخها ولو كانت ظالمة .

لأنها في حاضرها مستهلكة بالضعف حتي لو كان الظل ده كان سبب من اسباب ضعفها
وده يعني من سخرية القدر وكأنه نوع من استهزاء الدنيا بيك ..
ونوع من تذكير القدر بمدي عقلك القاصر اللي فعليا بقا ضال في فهم ما حوله ..

فبتبدأ مع الوقت تأخد الطريق الأسهل دايما في التعامل مع الواقع .. الطريق الأسهل لحل المشاكل ..
وبيكون العبث في الثوابت هو اقصر الطرق لعبور الحواجز اللي بتفرضه المتغيرات عند تقدير المصالح ..

بس المجتمعات ما بتتفرغش من ثوابتها
هي بتتفرغ من العوامل اللي بتساعد علي تقوية الثوابت دي فبتضعفها ....
فبتؤدي الي ان الثوابت بتتعري من اللي بيفرضها ,,
بتؤدي انك بتخلق مجتمع مشوه ... فاهم ثوابته بس مش قادر يتفهم ازاي يقوم بيها ..
متخيل اللي اتجرد منه بس مش قادر يرجعه ...

وهنا بيختل التعرف علي النمط بتاع حياتنا ...
انك تتعرف علي نمط معناه انك ترجع كل حاجة للكاتوجوري بتاعها او التصنيف ..
يعني لو شفت تفاحة تقول دي من الفواكه ماينفعش تقول من الخضروات ..

بمعني ان عقلك بيعمل محاكاة تلقائية بشكل بديهي للوقائع ..
يعني مثلا دلوقتي انا مش قادر اتعرف علي نمط حياتي ..
وبالتالي مش قادر اتخيل ازاي احقق الهدف اللي اتخلقت عشانه وان كنت عارفه ...

بمعني ان الاشياء اللي المفروض بتكون ما انت عليه بقت في طريق مش فاهمه ... الارادة اختلت ..
الاولويات اختلفت .. فالهدف اتشوش .. فأني اتعرف علي نمط حياتي بينتمي لأيه اصبح شئ مستحيل ..

وده اللي حاليا عامل ميزان مختل للمجتمعات حاليا ..
فبتفقد نفسها تحت تأثير كل ظرف مختلف بيحصل ... وبيحصل فين وامتي ..

ومش شرط دايما مثالية المواقف ومثالية الحياة اللي بتترائي ليك خارجيا في بعض المجتمعات
تمثلك نمط للشكل بتاعهم ...
لأنه فعليا انت مش شايف ايه اللي في دواخلهم بيدمر فيهم بشكل خفي ..
انت فقط بيترائي ليك اللي بتفتقده في مجتمعك كانه كنز لازم تسعي وراه ...
بس لما تدخل المنظومة بتاعته هتعرف أنه فعليا بيفتقد لبعض ما تمتلكه انت ايضا ....
وده بيدل علي أننا في عالم متعدد الاستجابة لأوجه الفقد والخسارة ..

[ahmed 22]

من الارشيف 2020

empathy
sympathy

الكلمتين دول لو حطتهم علي جوجل ترانزليت هيدوك معني واحد في البداية وهو (العطف )..
بس فعليا اللي بتوحي بيه كل كلمة مختلف تماما .


الكلمة الاولي : التمقص العاطفي
الكلمة الثانية : الشفقة

انت مثلا لما بتيجي تتعامل مع شخص بيعاني من التنمر
بيكون المفتاح القادر علي تحسين المزاج الخاص بيه هي واحدة من الكلمتين دول ..
والكلمة التانية قادرة تدمره وده علي حسب وعيك وفهمك ...
لأنك ممكن ما تكونش عندك ادراك باللي بتصدره للي قدامك ..

لأنك لما تشفق عليه بتدمر حياته
ولما تعامله بنوع من التقمص العاطفي بتحييه من جديد ..

الاتنين تعاطف .. والاتنين فيهم نوع من الاحسان
ولكن الاحساس اللي بتصدره للشخص اللي قدامك بيختلف باللغة اللي بتخاطبه بيها ...
يا هل انت بتصدر ليه احساس بالشفقة .. ولا احساس بالمشاركة ...

احساس انه مستضعف
ولا احساس أنك بتفهمه انه مثلا لو انت مكانه هتصرف كذا وكذا
وبتحسسه انه قوي وقادر انه يتخطي الفترة دي من حياته ..

علاقة التنمر دي موجودة علي مستوي اكبر في بعض البلدان اللي بتنتمي للعالم التالت
بس الفكرة ان بعض الحكومات بتتنمر وفي نفس الوقت بتعطف _ اضرب ولاقي _..
فتلاقي الحكومات بتعامل الفئة المستضعفة من الناس بشفقة
اكتر منها مشاركة واحساس بيهم وبمشاكلهم ...

عاوزة الناس تطلع ليهم .. مش هي اللي تنزل للناس ...
دايما بيفكروا الناس بفضلهم عليهم .. مش ان لو شئ كويس حصل فده حق ليهم ..

الشفقة دي بتكسر الناس وبتخليهم طول الوقت راضيين بالأمر الواقع ..
احساس انه بيترميلك لقمة واحنا بنتفضل عليك بيها هي النقطة اللي بتكسر الطموح عند الناس ..
وبتعمل ليهم احباط بأنها تواصل للامام .. وان الوضع دايما يبقي علي ما هو عليه ..
... لأنك مهما كنت بتبني في حجر .. مش بتبني في ناس .. البشر اساساته واقعة .

مفتاح المشاركة او حلقة الوصل والامان بين المواطن وبلده في العصرالحديث
اللي المفروض ادارتها بشكل صحيح بيكسر الشفقة هي شبكات الامان الاجتماعي ..

شبكات الامان الاجتماعي .. عبارة عن مثلا نظام معاشات قوي او بدل البطالة
او زي حتي ما بنسميها عندنا في مصر تكافل وكرامة او البرامج الموجهة لصالح الفقراء وكدا ....
واكيد بتكون نسبية بين كل بلد والتانية ... مش هقولك ان مطلوب مثلا تكون تنزانيا زي المانيا ...

بس الفكرة انك تكون مبرمج اقتصادك من سنين تراكمية طويلة انه تكون الاولوية لخدمة المواطن
ده شئ بيصنع التطور والحافز في الناس .. اقتصاد تراكمي فيه جيل بيكمل التاني ..
ورئيس بيكمل رئيس ..مش مجرد انك طول الوقت كل ما حد جديد ييجي عمال يهد ويبني ..
واللي بعده يهد ويبني .. وتخصص كل اقتصادك في انك تبني وتهد طول الوقت ..
المشكلة انك عمال تبني وتهد في مدارس مثلا..
وناسي الناس اللي عمالة تتهد جيل ورا جيل في افكارها .. كأنك حافظ مش فاهم ..

وعمرها ما اتغيرت ببناك لمباني بعكس المفروض توجهك يكون بناء لحياتهم وافكارهم
وهما بعد كدا هيقدرو يبنوا مرة واحد من غير هدد ...

عامة فيه احصائية في الخارج بتقول ان حوالي 36 % من البشر بتتغير حياتهم للافضل
وبيخرجوا من خانة الفقر بسبب شبكات الامان دي .....
لانها بتخلق الحافز للاستمرار .. لأن جزء كبير منهم بيكون جزء من اساس وتطوير البلد ..

هنا الامان مش بيكون بداعي الشفقة بتكون بداعي البناء
وانك ماتخسرش في انسان قادر بعقله انه يقومك بعد كدا ويساعدك بدماغه ...
ومش مجرد بتديله فلوس .. في برامج للتغذية وبرامج تعليمية وحاجات كتير بتأسس لبناء مواطن ..
اكيد البرامج دي مش هتمنع الفقر او هتمنع مظاهر التشرد في اي بلد ..
بس بتخفف بنسبة كبيرة من انخفاض العقول القادرة علي التطوير .
بتدي نفس لحياة ممكن تضيفلك بعد كدا وتقدر تنقل تجارب وضعها بانها تحسن فيها لما توصل بعد كدا ..

و قوة شبكات الامان في اي بلد يعتبر المقياس للمزاج العام ان كان للافضل او للأسوأ ..
المزاج العام للفئة المتضررة الأكبر او الفئة الغالبة في البلاد
من اللي عايشين في الفقر و ما قبل الطبقة المتوسطة ...

لأنها هي اداة الوصل بين وطن وابنائه ... يا هل البلد عندها احساس بأبنائها او لا ..
بتعطيهم الاولوية في قراراتها او لاء ...يا هل فعليا الناس عندها قدر من الامان كافي
لما تتعثر في حياتها بأنها هتجد شئ ولو بسيط هتستند عليه ولا لاء ..

يا هل المشاركة دي هتكون لمستحقيها او لاء ..
ويا هل الشبكات دي قادرة علي احداث طفرة في حياة بعض الناس
بأنها تخرجهم مثلا من حلقات الفقر لمستوي افضل او لاء ....

يا هل هتقدر تكفي الناس من اسألتها ولا لاء ..
الفكرة مش انك تديهم قرشين يعيشوهم يومين فكدا انت قمت بدورك ..
كدا انت يا دوب بتتصور انك بتتطهر من ضميرك ...
طول ما الناس بتتسائل .. طول ما اعرف ان المزاج العام متوتر ومتردد ...

بس هتلاقيه دايما مساند لبلده ...
لأن الدول بتبرمج عقول مواطنيها علي حسب ما الامر الواقع بيتفرض كإرث متواصل لسنين طويلة
طالما مافيش حلقة كسرت الروتين الفكري المتواجد ...
مافيش اختلاف في لغة كلامك مع الناس ..
وبالتالي مافيش شحنة جديدة بتدفعها في الناس انها تواصل وتستمر ...
بس حافزهم بيكون وطني فقط .. ودي الحاجة الوحيدة اللي بيربيها اي نظام في بلد ..
ما تقولش ايه اديتنا بلدنا .. قول هتدي ليها ايه ..

بس فكرة انك تغرز العطاء من غير مقابل ..علي قدر ما فيه زهد من الناس ..
علي قدر ما فيه نرجسية منك .. لان المواطن هيقوم بدوره في الدفاع عن بلده ..
بس انت مش هتقوم بدورك انك تحييه في بلده.. فلما ينتهي الدافع الوطني ..
بيظهر الدافع الشخصي .. كلها احاسيس مؤقتة .. مافيش دافع مستمر ..
وحتي الدافع الوطني ممكن يقل من جيل لتاني .. نتيجة احساس بالنقمة بيزيد ..

لأن احساس انك تكون راضي بقضاء الله شئ ..
وانك تكون راضي بالامر الواقع ده شئ تاني ... ده بيأخرك كدولة سنين ضوئية للخلف ...
لانه احساس مخفي من الناس طول ما الحياة ماشية وانت طول الوقت بتجري من غير امل ..
احساس اختلافه بيقوم دول وبيهدم دول ...لانه احساس من غير طموح ..

ولو الطموح اتوجد هيكون في الغالب شخصي .. مش لصالح البلد ...
ولو الصعود اتوجد لشخص هيكون غالبا لاتجاه شمال انت بعد كدا بتيجي بتنبذه
وبتخلق قصص بتتحكي بعد كدا ان ازاي الظروف الصعبة خلقت وحوش ..
ان ازاي الفكرة اللي خلقتها بداخل الناس مع السنين عملت جواهم في الغالب تشوهات نفسية
وشروخ طول ما حلقات الايمان بتقل نتيجة الانهيار الاخلاقي للمجتمع
اللي هو دايرة مفرغة من الظروف اللي خلقتها بتعاملك مع الفئة المستضعفة من الناس ...
يعني بتلاقي الناس عايشة في دواير ..
فصمود الفرد تجاه المحن والاختبارات بيبقي اصعب ..
لأنك مش مخلي حياته اسهل او اولوية ليك ..

اخيرا مافيش مبرر لدولة انها تربي احساس الضغف وقلة الحيلة في ابنائها..
الا ارث طويل من سوء الفكر وقلة الحيلة مش اكتر اللي اتبنت بسنين اطول ..
وصنعت برواز لطيف لدكتاتورية القرار واالآنا وازدواجية المعايير
والاهم من ده كله تكبر في عدم الاعتراف بالخطأ والمواصلة فيه للنهاية في بلاد العالم التالت ..
لأنه كله بيتهيأ ليه انه مافيش حساب قريب ..

[ahmed 22]

من الارشيف 2021

كل يوم بنكبر وكل يوم الاحداث حوالينا بتكتر
الهواجس في دماغنا بتزيد ..
افكارنا متشعلقة بتناقضات المجتمع حوالينا
اللي بيفرض علينا كل يوم اننا لازم نكون جزء من التناقض ده
ونتقبله لا وكمان نمارسه بكل ما فيه ..
الحياة بتجلدنا وده انعكس علينا و بقينا علي ذاتنا في زي جلادين ..
ومع ذلك بقا مطلوب منك في الباطن انك لازم تعادي كل افكار اتربينا عليها من صغرنا
وكل قضية كنا مؤمنين بيها عشان فعليا
انت مطلوب منك تفهم ان احنا مالناش يد اننا نغير من واقعها
تم استهلاكنا واستنزافنا في اكتر من بصورة
وبأكتر من طريقة ومن اكتر من طرف ..
بس في العلن وبالشعارات تظهر ولائك ليها وحبك فيها ...
مطلوب منك تكون اتنين طول الوقت ..

هتتفزلك وتقولي مين ده اللي بيطلب منك ...
هرد عليك واقولك ومين اصلا قالك انك مهم تشوف اللي بيطلب
دي مجرد برمجة ذاتية جوانا لاخطاء كتير عشناها من غير مانعرف
ازاي نتداركها ونصلحها ومواقف كتيرة ماخدنهاش
في وقت كان محتاج مننا اننا ناخد موقف ....
فبقت في ال dna بتاعنا مع الوقت ..
لانها اخطاء مجتمع بالكامل مش شخص واحد
مجتمع كان محتاج ياخد خطوة لقدام ويتغير ..
بس اكتفي انه يتغير عليه اللي منه بس ..

المهم ان كل يوم الحياة بتمص من طاقتنا وافكارنا واحلامنا كتير
كل يوم بنسيب ورانا حاجات مهمة مش بيعوضها غالبا
فرص في المستقبل
كل يوم غالبا بينضاف لعمرنا رصيد سلبي من الحياة
تحس ان النضج او بداية استيعابك للدنيا لعنة لناس كتير
مش نضج اوي يعني هو نضج بصورة قاصرة

يا هل النضج انك تكون مستوعب
ولا النضج انك تكون قادر انك تغير باستيعابك حياتك
مش عارف ..
بس انا شايف ان مابقاش في حد ناضج في الحياة دي
كل الناس مراهقة في زي مسنين ..

هو مش تشاؤم علي قدر ما انه واقع بيقابل ناس
المهم اننا كل يوم بنتغير ..
مفهوم التغيير بين الايجاب والسلب نسبي من شخص للتاني
ومتغير في كل فترة بنعيشها في حياتنا
كتير من الناس ماعشتش لحد اللحظة افضل لحظات حياتها
ماوصلتش للبرايم بتاعها
وممكن تنتظر وقت طويل جدا لحد ما تبدأ تعيش
لحد ما تستوعب هي عاوزة ايه من حياتها اساسا

كتير من الشباب بيقعد يسأل نفسه ايه السبب في أنه مش راضي دايما
ليه حظه مش حلو و ليه دايما الاكتئاب اسهل طريق لقلبه ولافكاره ..

وعلي فكرة الأسوأ من كدا
انك تكون فاهم انت فين وقادر تشخص
بس ماعندكش أي رد فعل
تحس انك متكتف في مكانك ومش قادر تنهي
حلقة لسنين طويلة من تراكمات في حياتك
وصلتك لنقطة انت مش فاهمها او مش قادر تخرج براها
وانت عارف انها الحضيض بتاعك ...

تيجي تبص مثلا حواليك
هتلاقي كتير من الشباب حاليا بتعيش احلامها في احلام غيرها
يعني لما تلاقيك بتتبع مسيرة نادي ولا لاعب كورة وعاوز تحس بانتصارك
في انتصارهم ..
وبتشعر بالرضا لده .. دي بقت لذتك من الحياة
ده بقا اكتفائك لحد ما توصل لسن
تحسن فيه انك عشت في احلام غيرك اكتر ما عشت لنفسك
احنا بنكلم في مجتمعات تعدادها بالملايين ..
اكيد انا مش بوصف حالة في ناس
انا بوصف ناس في حالة ... وبالتالي هما الاغلبية
وفيه اكيد اللي اختلفت حظوظهم في الدنيا عشان يكونوا هما المرجعية ..
زي طبيعة الدنيا عامة .. لازم يكون فيه فيد باك ليك عشان تبني عليه فكرة عن المجتمع
وهما فين وانت فين منهم ...؟
حتي هما علي فكرة بيعانوا من انهم مصدر اهتمامك بيهم
بس بيتصدقوا بوقتهم عليك .. وبكلامهم اللي بيبسط جزء فيك
وكأنه بيكافئك انك كنت متابع ليه او مشجعه ..
وانت بتاخد المكافأة دي عشان تحس براحة جواك ..

وممكن من وقت للتاني تلاقي نفسك بتتفرج علي شباب في اليوتيوب بتلف حوالين العالم
وشايف المثالية في حياتهم مثلا ...
غالبا ده واقع مضلل بيخليك عندك دايما قلة رضا عن حياتك
بسبب تجربة انت ماستكشفتهاش وانت اصلا مش عارف هي هتلائمك ولا لاء ..
بيتصدرلك التجربة بالمونتاج ..و ان الحياة سهلة
والفلوس بتحسها سهلة برضه في حياة ناس كتير ...
وبتسأل نفسك دايما ايه الحال لو انت هناك مكانهم
او اخدت فرصتهم ..
دايما بيتصدرلك المثالية في الاحداث حواليك ..
وغالبا كتير من الناس مابقتش قادر تفلتر .. العيوب والمزايا لكل حاجة ..
مافيش شئ نازل من الجنة .. شايفة الحياة دايما بالمونتاج ..
بيقص كل العيوب ومكفي عنيه فقط بجمال المزايا ..
وبقي اعمي عن الواقع بشكل تام

السوشيال ميديا ولا التليفزيون ولا اليوتيوب ولا الافلام
بتصدر ليك دايما صورة حلوة .. جرافيك جميل لحياة انت بتشوف نفسك فيها
بس في الغالب هتلاقيها بعيد عنك ..
فبتكون زي انسان واخد بنج طبيعي .. مش عارف مكانك فين في الدنيا

اعتقد ان فيه امراض جديدة في العصر اللي احنا فيه بقت
اخطر من الطاعون والكوليرا والحاجات اللي كانت من قرن فات
وكان بيموت فيها ملايين من البشر ..
لأن الامراض الموجودة حاليا
بتحكمها الشهوة بشكل اساسي اللي هو يعتبر من الخطايا السبعة المميتة
غريزة في البشر فيها نهم و محتاجة دايما اشباع
شهوة الشهرة .. شهوة الفلوس .. شهواتك الشخصية
وازاي بقت سهل جدا انك تلاقيها او تحيد عن طريقك
عشان تكون مغروس فيها وانت سعيد ..
سعادتك الوقتية بقت غالبا اهم ليك من سعادتك الكاملة
طالما النهاردة بيعدي ومستني يخلص وفي نفسه الوقت عاوزه يطول..
عشان في لحظات في يوم جديد انت مستنيها
ولحظات تانية عاوز تعملها تجاوز وتمحيها من يومك ..

احيانا انك تقنع نفسك ببداية جديدة بعد موت ملايين من البشر
اسهل كتيرمن أنك تحاول
تقنع ناس انها مش عايشة اساسا ولازم تدخل حرب مع نفسها
عشان تموت امراض كتيرة اتكونت فيها وبقت جزء اساسي منها
عشان تبدأ تعيش من جديد ...

[ahmed 22]

من الارشيف 2020

دايما فقه التراكمات بستد إليه لما الأمر بيخص دراسة واقع مجتمعنا
بالأدق .. تحليل عدم قدرتنا للتعامل مع واقع معظم مشاكلنا .. او تشوشنا تجاهها بشكل عام ..
وعندي ايمان بطبيعة الحال ان دراسة التراكمات هو مفتاح علاج امتنا ..

الفكرة ببساطة أنك لازم ترصد الحاضر و تستقرأ الماضي وتقوم بتحليلهم
فتحدد بيه نوع الرسالة او العلاج المراد بيه اصلاح الواقع الحالي
وعلي اي اولوية يجب ان يرتكز هذا الاصلاح لصناعة مستقبل افضل ...

في مقال قريته جزء منه بيتحدث عن فقه التراكمات والاسلام

كان بيتحدث عن اهمية دراسة التراكمات في التحكم بالواقع والمستقبل والمصير
وربطها بدعوة الرسل في عصور مختلفة وعلي اي اساس استندت رسالتهم
بدراسة التراكمات اللي اوصلت امتهم لما هم عليه
وكيف تم تحديد العلاج علي هذا الاساس لاحلال المفاهيم السليمة
بديلا لرجعية افكارهم

هقتبس جزء منه

تراكمات الجريمة الاقتصادية في قوم شعيب عليه السلام جعلت العلاج النبوي
لها في ترسيخ قيم التعاملات الشرعية السليمة من الخبث و الغش،
و تراكمات الجريمة الأخلاقية في قوم لوط جعلت دعوة لوط عليه السلام أخلاقية بالدرجة الأولى،
و تراكمات عقدة العلو و الاستعلاء في ثمود جعلت دعوة صالح عليه السلام
تركز على ضعف المخلوق أمام جبروت الجبار، و تنبه على خطر الاغترار بالقوة،
و تدعو لنبذ الكبر الذي جعلهم يتباهون بتحدي الخالق، و إرجاع الإنسان إلى حقيقته،
و هي أنه عبد ضعيف أمام قوة الخالق العظيم.
كما يتحدث القرآن عن سبب الجمود الفكري، و موت المنطق، و يربطه بالتقليد الأعمى
الذي تراكم في العقل الجمعي السلبي للكفار {إنَّا وَجَدْنَا آبَاءَنَا عَلَى أُمَّةٍ وَ إنَّا عَلَى آثَارِهِم مُّقْتَدُونَ 23}
[الزخرف: 23]، و لا يتوقف القرآن هنا في توصيف التراكمات تلك،
بل يحدد العلاج انطلاقًا منها، فيستعمل الحجاج العقلي و الحوار المنطقي لتفكيكها و هدمها،
تمهيدًا لإحلال مفاهيم الحق مكانها، {قُلْ إن كَانَ لِلرَّحْمَنِ وَلَدٌ فَأَنَا أَوَّلُ الْعَابِدِينَ}[الزخرف: 81]
دعوة للتحرر من التقليد و من ربقة عقيدة الآباء، نحو رحابة الفكر و التأمل و السؤال.


مش حابب ادخل في تفاصيل تزيد من طول الموضوع ..
ونرجع نقول انه عامة فقه التراكمات مالوش وزن في عالمنا مع انه هو مبدأ التعامل مع الحياة ..
وبالتالي بنفتقد جزء كبير من العقلانية في التعامل مع ازماتنا لأننا بنتخلي دايما عنه
لما الأمر يتعلق بالتخطيط للمستقبل مع أنه ركن رئيسي في عمل اي خطة..

اولا علينا ادراك اننا في حالة من الجمود الفكري
الذي لا يستطيع استيعاب القيم الحقيقية التي تقوم بيها الامم
ولا قيمة ادراك ان لكل امة علاج يخصها وحدها ...
ولا قيمة ادراك أن تقليدها لامم اخري يؤخر من عملية اصلاحها
لأن هوية واحدة هي فقط التي تخصها وهي القادرة علي ان تلم شتاتها ..

فعليا احنا كأمة بمن يمثلها نعيش في حلقات مفرغة.. فلا نتيجة ولا وصول
نتحرش بالحاضر دون النظر في تراكمات تكوينه
( الزمن والمكان والعنصر الأهم .. وهم البشر ) ..
وتراكمات تكوينهم داخل هذا الحاضر وسماتهم وواقعهم...
وبالتالي نخطأ في تكوين الحقائق التي لا تجعلنا نتعامل مع مشاكلنا بشكل يوازي الحدث..

وبالتالي بتكون خططنا بقرارتنا بخطاباتنا عالعالم
منظمة عندما تراها العين وتسمعها الاذان لأنها تناقش من هم في نفس الحاضر ...
من يناسبهم حكمك ويتناسب مع استيعابهم العاطفي لكلمة ( حقيقة تفصيل )
علي ايد ترزي يعي كيف يتم تسكين عقليات من هم في عالمه ..
ولكن في الحقيقة بعد فترة من الوقت تصبح مشوشة عندما يحاصرها التاريخ
وعندما نتيقن اننا مازلنا في نفس المكان ..

ربما تستطيع من وقت لاخر ان تلقيها عالعالم بثقة لأنها مزخرفة بشعارات عالمية
ولكن فعاليتها صفر في واقع مجتمعك ... لانها مجرد شعارات سطحية لا تناسبه
وتتمني كل يوم أن تكون علي حق في حين أنك متيقن أنك في طريق معاكس ..

وعندما تتشدق بالعلم .. ..
تتخلي عن الهدف الرئيسي الذي تم وجود العلم بسببه وهو الحفاظ علي الإنسان
وبالتالي لا تستطيع ان تتعامل مع طبيعة الحقائق التي يقدمها لك ...
وهي انه كلما تكشف شئ جديد .. تكشفت معه مجاهل جديدة ..
كانت تستدعي حقائق أصيلة ..لتشييد مبادئ حكيمة ..
تسمو بالبشر لا أن تهلكهم بما هو بخس ورخيص .
لانك جعلت من الإنسان في عالمك ارخص السلع ..
وتلك اول حقيقة يجب ان تدرس تراكمات الوصول لها ...