هل تصرفي صحيح

[مشكلتي]

السلام عليكم ورحمة الله وبركاته
أختي تبي تسافر وتترك عيالها برعايتي
ظاهرة اصبحت منتشرة
البنت المتزوجة تترك عيالها لاهلها وتطلع تسافر
الا يؤثر ذلك في الاطفال
السعادة الحقيقية هي لم شمل الاسرة
وصنع متعة جماعية
أنا رفضت الطلب
وأخذت على خاطرها
هل تصرفي صحيح؟

[نجمة]

ايييه ليت حد ياخذ عيالي وابوهم كمان ويخليني كذا بغرفة لحالي اسبوع
ان شاءالله يرمي الاكل من الشباك
اهم شي اجلس مع نفسي حبتين
اخذ نفس
اتنفس شوية
مهو كرها فيهم والله حياته متعلقة فيهم وهم كل دنيتي
لكن
انا بشر
لحم ودم
احتاج مساحة
احتاج اتنفس
والله حتى في نومي احلامي وكوابيسي معاهم هههههههه

شوفي اختك المسكينة بسفرتها لا تحسبيها لمة عايلة وكذا
بتبدل ملابس ذا وبروش ذا
وذا وسخ نفسه
وذا يضارب اخته
وذا يتقفز بالسيارة
وذا يهرب عليهم
وذا عملها ع حاله ويحتاج تبدل
وذي جايه بكشتها الي لازم ساعتين عشان يتفكك ويمشط


بالله ذي تسميها رحلة عايليه
اذا ما تبي تمسكي الأولاد حقك
حقك اكيد الرفض
بس لا تنتقديهم والله واسألي مجربة
اروح الطايف بالأعياد ٣ او ٥ ايام
اغلبها ما ألعب ولا اتهنى كلها التزام ومسئولية
وتنحسب علي سفرة :MonTaseR_49:

من باب النصيحة
قد تحتاجي اختك بيوم
بتمسك لك اولادك وكذا
لذلك حاولي تتبادلي المنفعة وياها

[الخواف]

من وجهة نظري يضحك على نفسه الرجل اللي يقول انبسطت وارتحت يوم أخذت حرمتي معي يوم سافرت ...!!!

في السفر التعب والكرف على الرجل ....جيب وحط ومدري ايش ...ولا تهنا ولا لنبسط في السفر ...............بهذلة وقلة أدب ...


وعلى فكرة ترى السفر اللي لتغيير الجو ..مش واجب وفرض على الناس ......لأن بعض الحريم على بالها ان السفر في الصيفية ركن من أركان الحياة الزوجية ...!!!


والكارثة بعضهم ياخذ قرض أو ياخذ تحويشة عمره أو يشترك في جمعية مع خوياه وكله عشان يسافر مع ست الحسن والجمال اللي مدري وش اسمها ...!!!.....

لكن الشرهة على الرجل اللي بس إذا قالت له حرمته مشينا قال تم ...!!....وهو مايملك إلا راتبه ....



المهم نرجع للموضوع :

الأمر راجع لك سواء أخذتيهم ولا لا .....

وإذا أخذتيهم لا تجلسين تولولين وتصايحين .....لأن محد ضربك على يدك وغصبك .....

يا إما تتحملين تعبهم ولا اعتذري منها .....


مثل هذي الأمور مافيها مجاملة لأن الضرر راح يلحق الورعان ....


( فيه أمور الواحد يقدر يساعد غيره فيها ....ولكن حكاية ان الوحدة ترمي عيالها عند فلانة وعلانة عشان تهيص وتنبسط ..!!...فـ مثل هذي الآدمية مالها حق تزعل أو تاخذ في خاطرها إذا أحد رفض انه ياخذ عيالها ..... )






.........

[M.ahmad]

الرحله العائليه عندنا نحن السعوديين إذا ما أكلنا فيها تراب ماتسمى رحله

أما رحلة أختك أو ماشابهها فهذي ليست رحله بل عزله وهروب من المسؤوليه كأنها أغلقت على نفسها باب غرفتها حتى لو جالت حول العالم .

[الخواف]

الزوج اللي أموره المادية ممتازة ......أول شي يسافر بحرمته وعياله ...يعني يعتبر التمشية لهم ...

ثم بعد مايرجعهم للبيت .....هو يسافر لوحده أو مع شلته ...يعني يكون متفرغ لنفسه ...وبكذا تكون جميع الأطراف راضية ....

[الخواف]

لا نضحك على أنفسنا ...حنا ماينفع لنا إلا البرد ( الشتاء ) .....تروح أنت وحرمتك وعيالك تتمشى في النهار ثم إذا غابت الشمس ترجع للبيت ...وأحلى شي يوم تكون الدنيا ممطورة ومغيمة ....

أما شغلة السفر في الصيف وتدق مشوار بسيارتك مدري كم كيلو .... عشان تروح للمدينة الفلانية الباردة .....وأنت أساسًا طول الوقت في السفر والشمس تدق في جبهتك والمنشفة مغطيبها القزاز اللي جهة حرمتك وعيالك ......عاد شوف كم كيلو ماشي من مدينتك للمدينة اللي انت بتتمشى فيها ...




....

[دُرة]

-

وعليكم السلام ورحمة الله وبركاته
بنسبه لي اشوف الوضع جدا عادي
عيال اختي احسهم عيالي حتى لو راحت مشاوير بسيطه
وطلبت مني اخليهم وياي بخليهم وين المشكله لو اختج
تبي تسافر وتغير جو وترتاح من ازعاج اليهال شوي
بالعكس انا بقترح عليها اني اخليهم عندي وخليها تسافر وتستانس
كم يوم بعيد عن المسؤليه والازعاج يكفي انها اغلب وقتها وممكن كل وقتها لهم
اما بخصوص ان هالشي يأثر على اليهال ماعتقد في اي تأثير تراهم في النهاية
ماراح يبعدون عند خالتهم ومثل مايقولون الخاله ام ثانيه
وفي النهايه القرار لج انتي وهذا مجرد راي .

:رحيق:

[النايفه]

يعني انا ضد ان الزوجه تتخلى عن مسؤولياتها تحت اي ظرف
لا أعارض السفر وفترات النقاهه للزوجين فلا بأس بذلك
لكن يجب تهيئة بيئة مريحه للأطفال
مثل أن يبقوا في بيتهم مع وجود من يخدمهم وبإشراف إحدى العمات أو الخالات
والدنيا سهالات ، يقال " إذا هانت النفس هان دواها "


لكن مايعنيني هنا هو الرد على أخونا الخواف :x147:
عندي كم تعقيب أتمنى بتسع صدرك لها

أولا السياحه ممكن تكون داخليه أو خارجيه
كلٌ حسب استطاعته ، محد يسافر غصب عليه
أي نعم هناك ناس تلعب بهم المظاهر وتخسف ميزانيتهم
هنا نجد أن " السيستم " كله عطلان وليس الميزانيه فقط
ماعلينا .. إسمح لي أعقب على التالي



من وجهة نظري يضحك على نفسه الرجل اللي يقول انبسطت وارتحت يوم أخذت حرمتي معي يوم سافرت ...!!!

في السفر التعب والكرف على الرجل ....جيب وحط ومدري ايش ...ولا تهنا ولا لنبسط في السفر ...............بهذلة وقلة أدب ...



أجل الإنبساط فقط إذا كان مع الشله والأصحاب ! يتسع صدره
وبعدين وين الكرف ؟ بيسوق الطياره هو ؟
مسافر حاله من حال المدام وكل الحجوزات الآن اون لاين
طيب لنفرض ان الرحله بريه
والله لو هي رحلة صيد ليقطع الهضاب والصحاري والوديان ماحسب لها
غير كذا الآن المرأه تقود السياره ، يعني ممكن يتبادلون القياده
وبعدين ترى المملكه كلها تقطعها بمسير يوم على ابعد مدى

نجي للنقطه الثانيه


وعلى فكرة ترى السفر اللي لتغيير الجو ..مش واجب وفرض على الناس ......لأن بعض الحريم على بالها ان السفر في الصيفية ركن من أركان الحياة /

صدقت وصح لسانك


[QUOTE]

والكارثة بعضهم ياخذ قرض أو ياخذ تحويشة عمره أو يشترك في جمعية مع خوياه وكله عشان يسافر مع ست الحسن والجمال اللي مدري وش اسمها ...!!!.....

لكن الشرهة على الرجل اللي بس إذا قالت له حرمته مشينا قال تم ...!!....وهو مايملك إلا راتبه ....



يا انك حاقد على ست الحسن والجمال :)
طبعا سي السيد ماهو طفل عقله معاه يوديه ويجيبه

واذا كان عندهم فائض مادي مالمانع من الترحال والسفر وتغيير نمط الحياه وكسر الروتين
اللي مامعهم أمامهم الطبيعه يسجون فيها ويغيرون جو




الزوج اللي أموره المادية ممتازة ......أول شي يسافر بحرمته وعياله ...يعني يعتبر التمشية لهم ...

ثم بعد مايرجعهم للبيت .....هو يسافر لوحده أو مع شلته ...يعني يكون متفرغ لنفسه ...وبكذا تكون جميع الأطراف راضية .


يعني الرحله مع اصحابه مافيها كرف ومصاريف علشان الحسّابه تحسب :SnipeR95:

طيب تخيل المدام طلبت منه بعد رجعته من رحلة اصحابه يجلس مع الأولاد وهي تروح مع صديقاتها ؟ :عبوث:


المهم ، الله يهنّي كلّ خلّ مع رفيقه


تقبل التعقيب بصدر شمالي


فائق التقدير والاحترام

[صعفق طاش كندي]

وعليكم السلام ورحمة الله وبركاته

معليش انتي غلطانه

من حق الزوجين انهم يسافروا لوحدهم بين فترة وفترة
ورفضك لعدم استقبال عيال اختك اكبر غلط

انتي فاهمه لم شمل الاسرة غلط

فالمفروض انك تدقي على اختك وتاخذي عيالها وتقولين لها
الله يهنيك ويسعدك

وش الفايدة منك اذا مانفعتي اختك بمثل هالموضوع السهل

[كشمش]

.



انا، وانا رجل ..
ما يطمئن ولا يرتاح لي بال .. ولا يغمض لي جفن
لو لي اولاد، وما هم نيمين معي في نفس المكان

ما خربت الحريم، الا من خراب الرجل .. والزمان


يعني اقل شيئ، لو انا ابغى اسويها
وعلى افتراض انا زوج اختك
حاخدك تسافري معانا .. واحجز لك غرفة مع الاولاد
ووقت نبغى نستفرد انا وست الحسن والجمال
نخلي الاولاد عندك .. في رعايتك ومراقبتك :)

.. اقترحي على اختك هالفكرة
ما تدري، يمكن يطلع لك منها سفرة وتمشية مجانية :Silbando:

[علـي]

أختي الكريمة..
ساعديها.. جزاك الله خير
ما الكم غير بعض
و لا تكسري خاطرها مرة ثانية
و لا تنسي أنك قد تحتاجينها بيوم
تحية طيبة اختي

[عطر النَّدَى]

ظاهرة اصبحت منتشرة
البنت المتزوجة تترك عيالها لاهلها وتطلع تسافر
الا يؤثر ذلك في الاطفال
السعادة الحقيقية هي لم شمل الاسرة
وصنع متعة جماعية

بلى يؤثر ذلك في الأطفال
لكن من الناحية الاجابية !
بعض الظواهر صحية إن تم استغلالها لما يفيد المجتمع !
أي بدون افراط وفشخرة كذابة !
سفر الزوجين مع بعض قد يجدد العلاقة
ويضع حد لبعض الخلافات !
ليعود الزوجين بنفسية أجمل وطاقة لطيفة
سيكون لها تأثير على صحة الأطفال النفسية وليس العكس !
كلما أظهر الزوجين حبهم لبعض امام أطفالهم
تشبع الاطفال من ذلك الحب
ويستمر لم الشمل والمتعية سيشعر بها الأطفال
وان لم يتجاوزوا حدود بيتهم !
الحب يلد الحب والنفور يلد النفور
وما أهلك المجتمع الا بسبب
قلة الوعي والتربية العوجاء
التي يراها البعض مستقيمة !!
اذا لا بأس أن تأخذ أختك تجربة
تجدد من خلالها حياتها الزوجية !
وانتِ لك أجر مساعدتها !


خذوا الحياة تساهيل
بعيدا عن تعقيدات البشر !
فقط عيشوا بعيدا عن جعل من الحبة قبة !

[صعفق طاش كندي]

.



انا، وانا رجل ..
ما يطمئن ولا يرتاح لي بال .. ولا يغمض لي جفن
لو لي اولاد، وما هم نيمين معي في نفس المكان

ما خربت الحريم، الا من خراب الرجل .. والزمان


يعني اقل شيئ، لو انا ابغى اسويها
وعلى افتراض انا زوج اختك
حاخدك تسافري معانا .. واحجز لك غرفة مع الاولاد
ووقت نبغى نستفرد انا وست الحسن والجمال
نخلي الاولاد عندك .. في رعايتك ومراقبتك :)

.. اقترحي على اختك هالفكرة
ما تدري، يمكن يطلع لك منها سفرة وتمشية مجانية :Silbando:

تعامل اخت الزوجة .. كخادمه !؟

تتوقع لو اخونها رجال يرضوا بالتصرف هذا ؟!

ع العموم

عالقة بذهني وعلى لساني هذي الكلمة لها فترة

شنوا هذا :MonTaseR_197:

[قنصل دبلوماسي]

اذا وافقتي
تزيد نسبة الظاهرة السلبية

قرارك صحيح 100%

الزواج تنظيم وتأقلم

وبيقدرو الزوجين ياخذون راحتهم
حتى لو اخذو الاولاد معهم

تنظيم الرحلة
تقسيم الوقت

اساسا الرحلات خاصة
عند الازواج

تغيير ايجابي من ضغوطات البيت
والشغل منشان يرجعوا متجددين

ترى الي ما يحسبها صح
من المتزوجين

راح يفتح مشكلة جديدة عليه
لما يخلي اولاده عند غيره

وهو طالع رحلة

بيكون حل ازمة الضغوط

وفتح بنفس الوقت
مشكلة رعاية اولاده
المؤقته

غير هذا
كل ما بدهم يطلعوا رحله
يعطونك أولادهم

الله بيكون بعون كل المتزوجين
مشاكلهم مستجده

ويناقشون 17 الف مشكلة
في الساعة

نعم الزلازل الاجتماعي
على مقياس ريختر
الي ما بهز الارض
ولكن يكسر خواطر الطرفين

[عسل أسود]

وعليكم السلام ورحمة الله وبركاته
طلب أختك عادي مافيه شي
ويأثر سفر الزوجين بدون اطفالهم علي نفسية الاطفال لو الموضوع تكرر اكثر من مره بدون تعويضهم
يعني مره سفر عائلي للاطفال اللى في سن راح يتذكرون السفره و متعتها وكيف انبسطو فيها ومره سفره بس للزوجين واذا كان سن اطفالهم صغير و تغيير الجو حيمرضهم و اصلا ماراح يتذكر شي ف الافضل يجلس مع احد ثقه عادي الناس ل بعض كلها اسبوع او اسبوعيين بالكثير وبيرجعو سفرة تمشيه مو هجره

[صعفق طاش كندي]

اذا وافقتي
تزيد نسبة الظاهرة السلبية

قرارك صحيح 100%

الزواج تنظيم وتأقلم

وبيقدرو الزوجين ياخذون راحتهم
حتى لو اخذو الاولاد معهم

تنظيم الرحلة
تقسيم الوقت

اساسا الرحلات خاصة
عند الازواج

تغيير ايجابي من ضغوطات البيت
والشغل منشان يرجعوا متجددين

ترى الي ما يحسبها صح
من المتزوجين

راح يفتح مشكلة جديدة عليه
لما يخلي اولاده عند غيره

وهو طالع رحلة

بيكون حل ازمة الضغوط

وفتح بنفس الوقت
مشكلة رعاية اولاده
المؤقته

غير هذا
كل ما بدهم يطلعوا رحله
يعطونك أولادهم

الله بيكون بعون كل المتزوجين
مشاكلهم مستجده

ويناقشون 17 الف مشكلة
في الساعة

نعم الزلازل الاجتماعي
على مقياس ريختر
الي ما بهز الارض
ولكن يكسر خواطر الطرفين

اذا هذي ظاهره سلبيه بنظرك

اللهم لك الحمد .. نحب هذي الظاهره
مثل حب البدوي لنياقه

يوم يجي اخوي يقول بخلي عيالي عندك كم يوم
بالعكس تزيد الفعاليات عندي
واحرص عليهم اكثر من عيالي
لانهم امانه مؤقته
وضعوا عندي بدافع الثقه
لو اخوي مو واثق فيني ماكان سلمني عياله
لو رفضت استقبل عياله بحجة انه بيطلعون لوحدهم
وانا اتحمل غثى عياله
حايكثر التساؤل من طرف اخوي
ليش ماستقبلهم وليش وليش وليش

الموضوع جدا سهل

بس ارجع واقول

شنوا هذا :SnipeR95:

[غيآآهيب]

بلعكس احس عادي اذا اهتميتي بعيال اختك كم يوم يمكن يدور الزمن وتردين مين يهتم بأولادك
يعني مع مسؤليات البيت والاولاد الزوجة والام تريد وقت نقاهه حتى لو يوم يعني هي مو رمت الاولاد من مسؤليتهم لا ولله بس يعني تحس نفسها مضغوطة نفسيا ترا من حقها ترتاح ومافي حد تلجئله غير الاخت يعني أمنت اولادها عند شخص امين
تصرفك يمكن صح بلنسبه لك لو هل شي تكرر اكثر من مرة بلشهر
بس لو اختك تركت عيالها عندك مرة او مرتين بلسنه اشوف عادي بلاخير عيال اختك مثل عيالك بكرة انتي تتركين عيالك عندها والدنيا مساعدات

[صعفق طاش كندي]

في حاجة تقرقع بخاطري لازم اقولها

اثنين مبسوطين بحياتهم .. يبغوا يختلوا بأنفسهم
بعيد عن ازعاج الاطفال
ياخوان ساعدوهم لاتنكدوا عليهم
الدنيا مروحه عسى الله ياخذكم لجنة عرضها السموات والارض

مو تقعدوا تحجرولهم مثل موظف البلديه

ماتستاااااااهل الشغله

افضل شيئ يقدمه الزوج لأطفاله انه يحب امهم

اذا حب امهم .. زانت امور البيت ونفسية الاولاد

[هـمـس]

..






وعليكم السلام ورحمة الله وبركاته

عزيزتي السائله

شكلك ما تدرين انه فيه ناس مثل حالتي يمسكون عيال خوالهم وعيال بنت خالتهم بعد :MonTaseR_38:

اتكلم جد الخاله مثلها مثل الام

ودائما الاقرب أهل الام وش فيها اذا مسكتي عيال اختك كم يوم عشان تنفس عن نفسها وتستانس

وترجع لعيالها بنفسيه جديده وحلوه ترا الأمهات مساكين طالعه عيونهم

اول شي من الدراسه عن بعد والحين من ثلاث اترام :لا بالله:

الام طول حياتها وهي مضغوطه مفروض اللي حواليها يساعدونها ولو شوي

يوم من الأيام راح تصيرين أم وتحسين بشعور اختك

تحيتي للجميع






..

[هـمـس]

من وجهة نظري يضحك على نفسه الرجل اللي يقول انبسطت وارتحت يوم أخذت حرمتي معي يوم سافرت ...!!!

في السفر التعب والكرف على الرجل ....جيب وحط ومدري ايش ...ولا تهنا ولا لنبسط في السفر ...............بهذلة وقلة أدب ...


وعلى فكرة ترى السفر اللي لتغيير الجو ..مش واجب وفرض على الناس ......لأن بعض الحريم على بالها ان السفر في الصيفية ركن من أركان الحياة الزوجية ...!!!


والكارثة بعضهم ياخذ قرض أو ياخذ تحويشة عمره أو يشترك في جمعية مع خوياه وكله عشان يسافر مع ست الحسن والجمال اللي مدري وش اسمها ...!!!.....

لكن الشرهة على الرجل اللي بس إذا قالت له حرمته مشينا قال تم ...!!....وهو مايملك إلا راتبه ....



المهم نرجع للموضوع :

الأمر راجع لك سواء أخذتيهم ولا لا .....

وإذا أخذتيهم لا تجلسين تولولين وتصايحين .....لأن محد ضربك على يدك وغصبك .....

يا إما تتحملين تعبهم ولا اعتذري منها .....


مثل هذي الأمور مافيها مجاملة لأن الضرر راح يلحق الورعان ....


( فيه أمور الواحد يقدر يساعد غيره فيها ....ولكن حكاية ان الوحدة ترمي عيالها عند فلانة وعلانة عشان تهيص وتنبسط ..!!...فـ مثل هذي الآدمية مالها حق تزعل أو تاخذ في خاطرها إذا أحد رفض انه ياخذ عيالها ..... )






.........

الزوج اللي أموره المادية ممتازة ......أول شي يسافر بحرمته وعياله ...يعني يعتبر التمشية لهم ...

ثم بعد مايرجعهم للبيت .....هو يسافر لوحده أو مع شلته ...يعني يكون متفرغ لنفسه ...وبكذا تكون جميع الأطراف راضية ....



..






هذا انت يا الخواف من سنين وهاذي أرائك ما تغيرت

متحامل على جنس حواء بطريقه غريبه

نصيحه مني غير نظرتك وتفكيرك ولا تزوجت بنت الناس ثاني يوم بتشرد

واللي ما معاه الا راتبه بكيفه هو وزوجته يتفاهمون واحنا مالنا في الناس وطريقة حياتهم

وردك الثاني خلاص اجل حتى الزوجه ترمي عيالها وابوهم

وتسافر مع صديقاتها ولا مع أهلها عشان هي تتفرغ لنفسها وترتاح فتره من الغثى







..

[أمَل]

الزواج مسئولية
واللي مو قد العيال والالتزامات
لاتعرس
:26:

[ميريآم]

انا بقول تترك زوجها كمان
وتسافر لوحدها:icon10:

[ahmed 22]

المشكلة
ان السائل بيبرر لنفسه في ان رفضه لمصلحة اخته ..
بحكم ان لا يجب انه يبتعد الاطفال عن الام وكدا ...
بس اكيد مش هتخافي علي عيالهم اكتر منهم ..

ولو هما مش علي قدر المسؤلية
ومش علي قدر رعاية اطفالهم
وهما فعلا كدا ...
فرفضك مش معناه انهم مثلا مش هيسافروا لما ترفضي
بالعكس انتي بتعرضي ولاد اختك انهم يكونوا
تحت رعاية ناس اقل مسؤلية منك
الناس مش بتتغير في 24 ساعة ..
وانتي ليكي مسؤلية صريحة انك خالة ليهم
وهما من كيانك ..

بس من وجهة نظر تانية

الدنيا اخد وعطا ..
و المعروف طالما في اطار اعتيادي
بيتعمل من غير ما ندخل في اسباب اللي بيطلبوه ..

اعتقد لو كان رفضك لاسباب واقعية وهو خوفك من المسؤلية
اللي هتقع عليكي اثناء رعايتك للاطفال
فده مبرر واقعي ومقبول بس لازم تبرزيه بشكل صحيح ..
وده علي فكرة الحالة الاقرب بالنسبة للسائل ...
بس هي فضلت تزعل اختها عن انها تظهر ضعف ليها
مع ان السؤال مترتب بزيادة
تحسه سؤال نقاشي مش داخل دماغي
انه مشكلة حقيقية قعلية لحد ..

اما لو كان تهرب والموضوع في مقدرتك
فأنتي بتاخدي من نفسك قدام فرص ان حد يكون في ظهرك
في اوقات هتحتاجي فيها العون ...
كل معروف بتعمليه بيترد ليكي قدام ..

[شاهد عيان]

.

انا رأيي ان الموافقه او الرفض تعتمد على حسب حالتك وطبعك
اذا انتي راعية روحات وجيات او عندك دراسه مشغلتك ، من حقك ترفضين وبقووه
اما اذا اكثر وقتك جالسه بالبيت واوقات فراغك كثيره ، اشوف انك توافقين على طلبها
منها تسوين خدمه كبيره لأختك ومنها تكسبين أجر في هالعيال اللي بيملون عليك فراغك
وسلامتك ،،

[كشمش]

في حاجة تقرقع بخاطري لازم اقولها

اثنين مبسوطين بحياتهم .. يبغوا يختلوا بأنفسهم
بعيد عن ازعاج الاطفال
ياخوان ساعدوهم لاتنكدوا عليهم
الدنيا مروحه عسى الله ياخذكم لجنة عرضها السموات والارض

مو تقعدوا تحجرولهم مثل موظف البلديه

ماتستاااااااهل الشغله

افضل شيئ يقدمه الزوج لأطفاله انه يحب امهم

اذا حب امهم .. زانت امور البيت ونفسية الاولاد





الحين تبغى تفهمنا انك حريص على اخت الزوجة
لا يصير سفرها معاكم، على قولك، زي الخادمة
لكن جحدك وانانيتك لما تؤثر نفسك على اطفال تبغى ترميهم عندها
تهربا من مسؤوليتك كـ اب/ ام وتروح تسافر بالايام تدور بسطك وكيفك
هذا هو الشيئ الصح !!

الحديث الشريف يقول (كفى بالمرء اثما ان يضيع من يعول)

نصيحة لوجه الله الاخ الكريم
تبغى تسوي فيها ناصح وفاهم شارك برايك بكلام عقلاء في الموضوع نفسه
لا تدور لنفسك قيمة بتعليقات اصلا خايبة على مشاركات غيرك
لان في العموم هذا تصرف مريض ولا اخلاقي
وعشان لا تحظ نفسك في مواقف بايخة وتجيب لنفسك كلام
قسم المشاكل يتطلب مشاركات جادة وكلام منطقي يتقبله العقل
ما هو قسم تسلية على مشاكل الناس وفيهقة فلسفة وكلام استراحات

[أمَل]

عندي تعقيب بسيط
للخواف :34:
إذا للحين ماتزوجت تكفي
كنسل الفكرة
تركيبة شخصيتك
اخر تحديث صدر لها 2005
لذلك الفكرة المبنية
ع اثر الذاكرة من تصرفات أجدادنا وأبائنا..!
غير مناسبة الآن
التقبل والتفاهم
مفاتيح العلاقات
لذلك ماراح اقولك اقرأ كتب تطوير ذات
لكن اسمع شعر
شوف لك دراما رومنسي
هيك شيء
لكن بها العقلية
كفاية تكشت للبر وتشرب حليب نياق
بعدين المعرف الخواف
ولسانك واصله اذانيك:MonTaseR_158:

[سلطان الجبل]

عندي حل جذري لهذه المشكلة
وهي ان يكون للرجل زوجتين او ثلاث زوجات
وكل مرة تطلع واحدة معاه
ويترك عيالها مع عيال الاخريات
وبهذا لا داعي لمنة احد ولا عتاب
احد عليك.. وعيالك يبقون مع امهم
الثانية في امن وامان … ويتربون مع اخوانهم
واخواتهم من الزوجة الثانية او الثالثة

الي عندو اعتراض على وجهة نظري
يتفضل مشكوراً ويعطينا حل احسن
من هذا الذي طرحته هنا ….

وسلامتكم

[نجمة]

ول ول ول
بعض الردود تقطع مثالية
الحمدلله ع نعمة الناس الطيبة الي حولنا
انا وصديقاتي في غربة مالنا بعد الله غير التعاون بيننا
موعد مستشفى
تنويم
كل وحدة تمسك للثانية اولادها
رغم عندي أخت بس لأنها ساكنة مع اهل زوجها
ما اطلب منها
ياما سافروا اهالينا لأعراس ومناسبات وجلسنا في بيوتنا
لا تعقدنا ولا شي

الرفض والقبول من حق أي شخص
لكن الأنتقاد دون تجربة هذي يبي لها انصاف
المفترض الاباء والأمهات الي يردوا هنا
منعا للمتحذلقين بالإجابات
:MonTaseR_56:

[صعفق طاش كندي]

الحين تبغى تفهمنا انك حريص على اخت الزوجة
لا يصير سفرها معاكم، على قولك، زي الخادمة
لكن جحدك وانانيتك لما تؤثر نفسك على اطفال تبغى ترميهم عندها
تهربا من مسؤوليتك كـ اب/ ام وتروح تسافر بالايام تدور بسطك وكيفك
هذا هو الشيئ الصح !!

الحديث الشريف يقول (كفى بالمرء اثما ان يضيع من يعول)

نصيحة لوجه الله الاخ الكريم
تبغى تسوي فيها ناصح وفاهم شارك برايك بكلام عقلاء في الموضوع نفسه
لا تدور لنفسك قيمة بتعليقات اصلا خايبة على مشاركات غيرك
لان في العموم هذا تصرف مريض ولا اخلاقي
وعشان لا تحظ نفسك في مواقف بايخة وتجيب لنفسك كلام
قسم المشاكل يتطلب مشاركات جادة وكلام منطقي يتقبله العقل
ما هو قسم تسلية على مشاكل الناس وفيهقة فلسفة وكلام استراحات





عجبني تقييمك .. :SnipeR95:
وش الفرق بين طاش كندي
وطشقند
الفرق حرف
بعدين في طشقند مطعم ادمااااان
عيال عمي ماسكينه
اذا جيت بتروح اعطيني خبر
ازبطك ياكشمش :SnipeR95:

اكثر من كذا ماقدر ادخل معك في نقاش
لان عنوان الكتاب احيان يجبرك ان تضعه على الرف

[بنت ابها]

السلام عليكم ورحمة الله وبركاته
أختي تبي تسافر وتترك عيالها برعايتي
ظاهرة اصبحت منتشرة
البنت المتزوجة تترك عيالها لاهلها وتطلع تسافر
الا يؤثر ذلك في الاطفال
السعادة الحقيقية هي لم شمل الاسرة
وصنع متعة جماعية
أنا رفضت الطلب
وأخذت على خاطرها
هل تصرفي صحيح؟

انا زيييك اختي تطلبني امسك عيالها بتجدد شهر عسل وارفض :الجوهره:
مو مسؤله عن المتزوجين
لو اختي مريضه وفي مستتشفى وهذا حصل اللاسبوع الماضي وجلست معهم وشلتهم في عيوني
اما ترفيييه اسفه ماقدر عندي شغل ماقدر اشيل اطفال الناس واحمل مسؤليتهم لانهم رايحين ترفيه
عندي طفل من يوم ولد وهو مسؤليتي ولا عمري اعطيته احد يمسكه برغم اني موظفه وشغلي كثير واسافر واخذه معي اي بلد وانا الام والاب له ولا عمري كلمت اخواتي يمسكون ليا طفلي
في ناس ماتبغى تشيل المسؤليه لاتخلفون اطفال اذا مو قد انكم تصيروا امهات :MonTaseR_25:

[قنصل دبلوماسي]

اذا هذي ظاهره سلبيه بنظرك

اللهم لك الحمد .. نحب هذي الظاهره
مثل حب البدوي لنياقه

يوم يجي اخوي يقول بخلي عيالي عندك كم يوم
بالعكس تزيد الفعاليات عندي
واحرص عليهم اكثر من عيالي
لانهم امانه مؤقته
وضعوا عندي بدافع الثقه
لو اخوي مو واثق فيني ماكان سلمني عياله
لو رفضت استقبل عياله بحجة انه بيطلعون لوحدهم
وانا اتحمل غثى عياله
حايكثر التساؤل من طرف اخوي
ليش ماستقبلهم وليش وليش وليش

الموضوع جدا سهل

بس ارجع واقول

شنوا هذا :sniper95:


ترا انا ما برجع لردودي
مو فاضي

بس احد أعطاني تقييم
ورجعت للموضوع

واذا ثاني مرة اقتبست
ردي
اعطني خبر

علشان اعلمك
ان اهل النيوق
له مجلسه الخاص
ورجاله
وضيوفه

ومهوب فاضي
للحياة العصرية

ثانيا
اذا انت تقبل
تكون بدال اخوك
في مهام الزواج

فهذا تفكير حبطرشي

يعني وكأنك
تقول
عادي
اصير اب مؤقتا

لعيال الجيران

كمان الرسول وصى بسابع
جار

والا شنو هذا
الي تتكلم فيه


غير هذا
عادي
تكون العاملة المنزلية
بدال الام


غير هذا
بنظرك
عادي
تروح بدال المخبز
تشتري خبز

تشتريه
من محطة البنزين


وين رايح
في الشربكة


فيه منطق يا اخوي
في الحياة

طريق
الخير مطلوب

ولكن بعقل

[الخواف]

لكن مايعنيني هنا هو الرد على أخونا الخواف :x147:
عندي كم تعقيب أتمنى بتسع صدرك لها

أولا السياحه ممكن تكون داخليه أو خارجيه
كلٌ حسب استطاعته ، محد يسافر غصب عليه
أي نعم هناك ناس تلعب بهم المظاهر وتخسف ميزانيتهم
هنا نجد أن " السيستم " كله عطلان وليس الميزانيه فقط
ماعلينا .. إسمح لي أعقب على التالي



أجل الإنبساط فقط إذا كان مع الشله والأصحاب ! يتسع صدره
وبعدين وين الكرف ؟ بيسوق الطياره هو ؟
مسافر حاله من حال المدام وكل الحجوزات الآن اون لاين
طيب لنفرض ان الرحله بريه
والله لو هي رحلة صيد ليقطع الهضاب والصحاري والوديان ماحسب لها
غير كذا الآن المرأه تقود السياره ، يعني ممكن يتبادلون القياده
وبعدين ترى المملكه كلها تقطعها بمسير يوم على ابعد مدى

نجي للنقطه الثانيه

[QUOTE]
وعلى فكرة ترى السفر اللي لتغيير الجو ..مش واجب وفرض على الناس ......لأن بعض الحريم على بالها ان السفر في الصيفية ركن من أركان الحياة /

صدقت وصح لسانك





يا انك حاقد على ست الحسن والجمال :)
طبعا سي السيد ماهو طفل عقله معاه يوديه ويجيبه

واذا كان عندهم فائض مادي مالمانع من الترحال والسفر وتغيير نمط الحياه وكسر الروتين
اللي مامعهم أمامهم الطبيعه يسجون فيها ويغيرون جو




يعني الرحله مع اصحابه مافيها كرف ومصاريف علشان الحسّابه تحسب :SnipeR95:

طيب تخيل المدام طلبت منه بعد رجعته من رحلة اصحابه يجلس مع الأولاد وهي تروح مع صديقاتها ؟ :عبوث:


المهم ، الله يهنّي كلّ خلّ مع رفيقه


تقبل التعقيب بصدر شمالي


فائق التقدير والاحترام




اقتبست ردك كله لأني ما أعرف أقتبس كل جزئية لوحدها ...زي ماسويتي ...



المهم يا( النايفة ) على طاري السفر ... أنا ماعمري سافرت برا ....بمعنى آخر النقط الحمرا حقت الحدود اللي في كتاب الجغرافيا ماعمري تعديها .....

وحتى في الداخل ماعمري رحت للجنوب أبها والطايف والباحة واللي حواليها ....


يعني روحاتي وجياتي كلها في نفس منطقتي .....

ومن ناحية مهمتي في الطلعة مع خوياي الخاصِّين اللي أكثر شي أطلع معهم ....هي غسل المواعين ....ومعي واحد ثاني يغسل معي ....


وأكثر شي يطفشني غسل القدر إذا كان محروق ....لكن أجيبه وأجيب أهله اللي خلفوه ... لأنه مش أنا اللي يوقفني قدر محروق أو توقفني ملعقة ( غَرْف الرز المخرمة ) لما يكون الرز ناشب ويابس عليها زي الغرا ....

من الآخر لعبتي غسل المواعين .....لدرجة ان أحيانًا تمسك معي شغلة الغسيل في البيت ...فـ بدون ما أحس بنفسي إذا لقيت شي قدام في المطبخ مش مغسول أمسكه بحماس وأغسله أحلى غسيل ....تطلع نجوم من أطرافه من شدة اللمعان ...


لكن أسوي هذا الشي بمزاجي وبكيفي ...








خلاصة كلامي :

يكرف الرجل مع أصحابه في الطلعة برضاه وبمزاجه ...مش زي يوم يكون مسافر مع حرمته وينجبر على الكرف....وأصلًا مفيش مقارنة بين هذا وذاك ..



ومن ناحية ان الحرمة لها الحق تترك عيالها مع زوجها وتسافر مع صاحباتها مثل الرجل ..!!....فـ هنا مافيه مقارنة بينها وبين الرجل نهائيًا ... لأن على الحالة هذي يقدر الرجل يقول حتى هي تدفع مصاريف البيت مثلي طالما هي موظفة ...


( الحرمة تحب تكون زي الرجل في كل شي ..إلا مسألة انها تدفع مصاريف للبيت مثل الرجل ...ترفض بقوة وتجيب أدلة وغيرها ..يعني تقلب شيخة ومفتية ..وفي المسائل الثانية تخلي هواها هو الشيخ والمفتي .. )



على فكرة أكتب وأنا فكري مع ثوبي ..يبغاله كوي ...

الثوب الأبيض في الصيف ماينفع ......

مافيه أحلى من البرد ..تلبس الثوب الملون أسبوع ومحد يدري انه وسخ إلا إذا إطلعت ريحتك ....







.........

[صعفق طاش كندي]

ترا انا ما برجع لردودي
مو فاضي

بس احد أعطاني تقييم
ورجعت للموضوع

واذا ثاني مرة اقتبست
ردي
اعطني خبر

علشان اعلمك
ان اهل النيوق
له مجلسه الخاص
ورجاله
وضيوفه

ومهوب فاضي
للحياة العصرية

ثانيا
اذا انت تقبل
تكون بدال اخوك
في مهام الزواج

فهذا تفكير حبطرشي

يعني وكأنك
تقول
عادي
اصير اب مؤقتا

لعيال الجيران

كمان الرسول وصى بسابع
جار

والا شنو هذا
الي تتكلم فيه


غير هذا
عادي
تكون العاملة المنزلية
بدال الام


غير هذا
بنظرك
عادي
تروح بدال المخبز
تشتري خبز

تشتريه
من محطة البنزين


وين رايح
في الشربكة


فيه منطق يا اخوي
في الحياة

طريق
الخير مطلوب

ولكن بعقل

فيه موضوع لك رديت فيه ومضى على هذا الموضوع ثلاث اشهر
وصارت لخبطه بالمنتدى وانحذفت اغلب الردود
وبعد ثلاث اشهر سويت رجه طوييييله عريضه
عشان ردك انحذف
الان جاي تقولي اعطيني خبر لاني ماني فاضي
وباسلوب نرجسي واستعلاء

ههههههههههه

شوف حبيبي النرجسيه واسلوب التعالي على البشر
يبغالها انسان حذر مو فاهي

ارجع واقول

شنوااا هذا

[سوارالعسل]

الك حرية القبول أو الرفض شيء خاص فيك

باختصار مابعرف كيف علاقتك مع اختك وهل هي متعودة ع هالاسلوب والا اول مرة و كيف مواقفها معك هل تستحق أو لا برضه الاستغلال مرفوض
الاولاد ماراح يتاثروا وين في حنان وطيبة وطبطبة تلاقيهم مبسوطين

شخصيا كنت احب اضل في دار سيدي :DsC00581: وادلع


الموضوع اخد أكبر منه حجمه

ع فكرة لازم اعرف الجانب الآخر من قصتك وهو موقف اختك

[طاغي النظرة]

!

يمكن الظروف الماديه ماتسمح لسفر المجموعه ..

بعدين هذه رحله استجمام لها ولزوجها ..

ومن الصعب جمع الاستجمام والعائله ..


كان مسكتيهم واسعدتي اختك ..

[أمَل]

عندي حل جذري لهذه المشكلة
وهي ان يكون للرجل زوجتين او ثلاث زوجات
وكل مرة تطلع واحدة معاه
ويترك عيالها مع عيال الاخريات
وبهذا لا داعي لمنة احد ولا عتاب
احد عليك.. وعيالك يبقون مع امهم
الثانية في امن وامان … ويتربون مع اخوانهم
واخواتهم من الزوجة الثانية او الثالثة

الي عندو اعتراض على وجهة نظري
يتفضل مشكوراً ويعطينا حل احسن
من هذا الذي طرحته هنا ….

وسلامتكم


الله يسلمك كاروخ
بربك ذا حل وجذري
لا وناوي تخلف عشرات الاطفال
لو انا بعصر عنترة ماصارت حل جذري
الاخريات ماراح يرحبن بشغلة سفرك انت والمحروسة من شان يمسكون عيالك
بعدين وين التفرغ اللي عندك تطلع ٤ سفرات...
انت فاقمت المشكلة
الزواج او التعدد المبني ع غير حاجة
ورغبة وقدرة
هو مجرد زيادة عدد سكان ع غير سنع
لذلك اخي الكريم
لاتتزوج من الاساس
انت من فئة اللي يحل مشكلة بمشكلة أكبر
قال ايش اربع:MonTaseR_148:

[خياآل]

تصرفك صحيح ومثالي
كل انسان مسئول عن تبعاته ومايحدثه على الارض هوع هع
استغرب من اللي تخلي عيالها عند اهلها وتسافر ! كنهم يتمان
قولي لها انتثبري مع عيالك والا طسي معهم لا تتعب نفسياتهم

[سلطان الجبل]

الله يسلمك كاروخ
بربك ذا حل وجذري
لا وناوي تخلف عشرات الاطفال
لو انا بعصر عنترة ماصارت حل جذري
الاخريات ماراح يرحبن بشغلة سفرك انت والمحروسة من شان يمسكون عيالك
بعدين وين التفرغ اللي عندك تطلع 4 سفرات...
انت فاقمت المشكلة
الزواج او التعدد المبني ع غير حاجة
ورغبة وقدرة
هو مجرد زيادة عدد سكان ع غير سنع
لذلك اخي الكريم
لاتتزوج من الاساس
انت من فئة اللي يحل مشكلة بمشكلة أكبر
قال ايش اربع:MonTaseR_148:

:ah11::ah11:
يا هلا ومرحبا بالاخت الفاضلة امل
العدالة اساس الملك واساس العلاقات
لذلك هذا الذي عنده اربع او ثلاث او اثنين
يطلع كل مرة واحده معاه في سفرة
يعني بالدور كل مرة واحدة بتطلع معاه
يقوم الاخريات بالاعتناء بالاولاد …

نعم اراه حل جذري لعدة اسباب منها مثلا
قد تكون احدى زوجات ما لها اخوات فين
تؤدي اولادها يا حسرة !!!
او عندها اخوات بس صغيرات غير قادرات
على اعتناء بالصغار ..

وعليه انا اتصور ان الرجل لو يقنع زوجته
بان يتزوج 2 او 3 حتى يسيطر على هذه
المسألة وسائل اخرى …

:ah11::ah11:

وسلامتكم

[أمَل]

واضح من طريقة ردك
انو تشوف ان الحياة الاسرية
قائمة بشكل كامل ع الرجل
وهذا خطأ
انتم سبب المشكلة
من المحباة
ونمط التعامل
وين بتلاقي وحدة تتقبل تتزوج عليها
من شان تقبل تمسك عيالك وتروح تستانس
فرضنا لقيت
منو راح تختار لسفرتك الاولى
وماهي معايير الاختيار
لاتقول الاكثر خدمة
والجديدة تبي تدلع
لاتفتح باب لاتستطيع
إغلاقة
ثمن تجلس ع ناصية المقهى تلعن النسوان وسيرتهن
يا أبني الشغلة
انماط وعقول بشرية مختلفة
كيف بتقنع وحده نظرتها
أن الرجل سبب ذوبان جليد القطب الشمالي
كنسسل رعاك الله

[سحاب]

أتوقع السائلة مسكينة هجت وخلت لكم الموضوع :MonTaseR_172:

بالنسبة هل تصرفك صحيح والا لا،، هذا يرجع لك ويرجع لظروفك هل انتِ فاضية والا لا ،،

أما من ناحية هل سفر الوالدين لوحدهم صحيح ،، هذي الصدق ما بلعتها

الأطفال بعد لهم حق في الترفيه وتغيير الجو،، وبعدين مسؤولياتك ليش ترميها على غيرك!!

لو هي ضرورة كان أشوى،،

نعم الوالدين محتاجين لتغيير الجو والترفيه عن النفس شوي بس هل لازم يكون سفر؟

ممكن يغيرون جو بطلعة حلوة وهادية لمدة يوم كامل،، كذا تكون أخف على الأطفال بحيث ان المدة الي بتفارقهم فيها مو طويلة وبعد تكون خفيفة على الي بتحط عيالك عندهم،، ما أظن في أحد بيرفض يستضيف العيال ليوم واحد

[الخواف]

..
هذا انت يا الخواف من سنين وهاذي أرائك ما تغيرت

متحامل على جنس حواء بطريقه غريبه

نصيحه مني غير نظرتك وتفكيرك ولا تزوجت بنت الناس ثاني يوم بتشرد

واللي ما معاه الا راتبه بكيفه هو وزوجته يتفاهمون واحنا مالنا في الناس وطريقة حياتهم

وردك الثاني خلاص اجل حتى الزوجه ترمي عيالها وابوهم

وتسافر مع صديقاتها ولا مع أهلها عشان هي تتفرغ لنفسها وترتاح فتره من الغثى

..


طلعتي زي حالتنا مهاجرة من المنتدى القديم اللي تقفل ....انكبوا عفشنا الحريم بحبهن للروايات لين تقفل بسببهن ...وممكن بسبب ثاني ....بس مدري ..



المهم كلامك صحيح ان مالنا دخل في حياة الرجل وحرمته سواءً كان الراتب يكفيهم أو لا ...


ومن ناحية ان الحرمة راح تسوي زي الرجل ترمي عيالها عليه وتسافر مع صديقاتها ...فـ وضع الحرمة يختلف عن الرجل في النقطة هذي ...لكن ما أعرف كيف أشرح لك ...


ومن ناحية ان بنت الناس راح تشرد بسبب تصرفاتي وتفكيري ...فأنا عارف نفسي اني صعب شوية ...ومش كل حرمة راح تتحملني ....

ولا أخفيك سرًا أتمنى عيالي مايكونوا مثلي نهائيًّا ومن جميع النواحي ....ولا حتى يشبهوني في أي شي ...


ولكن ممكن مع الأيام تتغير عندي بعض المفاهيم اللي أنا كنت شايفها صح ...كل شي متوقع حدوثه ...

على فكرة في أشياء ماكنت يوم من الأيام أتوقع اني أتنازل عنها ...لكن مع طريقة الحياة اللي حنا عايشينها تنازلت عنها ...لأني راح أخسر بعض الأمور اللي تعني لي الشي الكثير ....وش اسوي انجبرت ...

وعلى قولتهم إذا ماطاعك الزمان طيعه .....رغم انه غلط تطبيق هذي المقولة .. لكن أنا طبقتها على نفسي ... رغم اني حاولت أسوي فيها صاحب مبدأ وفكر ومدري إيش ...بس طلعت كل إعلومي إخرطي ......




( قبل ما أنسى .. بالنسبة لي الأخذ والرد مع الأعضاء مجرد كلام وسواليف وفضفضة....مش عشان أقنع الطرف الآخر برأيي أو وجهة نظري ...طبعًا أعتقد أن الجميع كلهم زي كذا ...)




....

[{ المترفة }]

اختك مايحق لها تزعل ، لانه بصراحة هي لو تبي تسافر وتأخذ راحتها وتنبسط كانت ما خلفت عيال ، وانتي من حقك الرفض اذا نتي تعبتي من عيالها

[العنقاء]

وعليكم السلام ورحمة الله



ياعيني لو مافيك تشيلي الاولاد لأسبوع ومشغولة قولي لها :icon10:

اكيد لهم انشطة مشتركة وبتخرج واياهم كثير ماجات على هالسفرية :MonTaseR_163:


ودي اجرب شعور اني اكون خالة :MonTaseR_207: احس باخطف اولادها البسس :الجوهره:


ومثل ماقالوا مسؤوليات الأم كثرت بهالفترة وتحتاج شوية بريك تسترجع فيه طاقتها :MonTaseR_46:

[هـمـس]

طلعتي زي حالتنا مهاجرة من المنتدى القديم اللي تقفل ....انكبوا عفشنا الحريم بحبهن للروايات لين تقفل بسببهن ...وممكن بسبب ثاني ....بس مدري ..



المهم كلامك صحيح ان مالنا دخل في حياة الرجل وحرمته سواءً كان الراتب يكفيهم أو لا ...


ومن ناحية ان الحرمة راح تسوي زي الرجل ترمي عيالها عليه وتسافر مع صديقاتها ...فـ وضع الحرمة يختلف عن الرجل في النقطة هذي ...لكن ما أعرف كيف أشرح لك ...


ومن ناحية ان بنت الناس راح تشرد بسبب تصرفاتي وتفكيري ...فأنا عارف نفسي اني صعب شوية ...ومش كل حرمة راح تتحملني ....

ولا أخفيك سرًا أتمنى عيالي مايكونوا مثلي نهائيًّا ومن جميع النواحي ....ولا حتى يشبهوني في أي شي ...


ولكن ممكن مع الأيام تتغير عندي بعض المفاهيم اللي أنا كنت شايفها صح ...كل شي متوقع حدوثه ...

على فكرة في أشياء ماكنت يوم من الأيام أتوقع اني أتنازل عنها ...لكن مع طريقة الحياة اللي حنا عايشينها تنازلت عنها ...لأني راح أخسر بعض الأمور اللي تعني لي الشي الكثير ....وش اسوي انجبرت ...

وعلى قولتهم إذا ماطاعك الزمان طيعه .....رغم انه غلط تطبيق هذي المقولة .. لكن أنا طبقتها على نفسي ... رغم اني حاولت أسوي فيها صاحب مبدأ وفكر ومدري إيش ...بس طلعت كل إعلومي إخرطي ......




( قبل ما أنسى .. بالنسبة لي الأخذ والرد مع الأعضاء مجرد كلام وسواليف وفضفضة....مش عشان أقنع الطرف الآخر برأيي أو وجهة نظري ...طبعًا أعتقد أن الجميع كلهم زي كذا ...)




....







..









اول شي انا ماني من قوم الروايات ومو هذا السبب

وبعيدا عن هالجانب عشان لا نكون طلعنا خارج ايطار الموضوع

لا وضعها مو مختلف

حتى الرجال لما يكون كل يوم والثاني مسافر مع اصحابه

ورامي عياله ما ينفع مو بس المرأة

ومسؤولية الابناء مسؤولية مشتركه بين الأب والأم

مو الأم بس اللي تربي وتسوي كل شي حتى التربيه لازم الأب يكون له دور فيها

والاثنين مسؤولين عن رعيتهم

واللي مو فاهم هالكلام لا يتزوج خصوصا من معشر الشباب

الاغلب نظرتهم التربيه ومسؤولية العيال بس ع الأم

الأب وظيفته بس يروح الدوام ويستلم راتب ويصرف بس

موجود او غير موجود مو مهم

وبس










..

[مِيهاف]

خليتيها ظاهره اجتماعيه ؟ حسستيني وكانه شي جديد يصير !
من زمان وحنا صغار كانو اهالينا يخلون اخوانا الصغار تمسكهم اذا يبون يروحون مكان
وبعدين ذي اختك عيالها كنهم عيالك
مافيه شي تخدمينه
بكرا انتي نفس الشي تزوجين وتبين تسافرين مع زوجك
وعيالك مين يمسكهم غير اهلك !!

[الخواف]

بعض الردود تقول : خذي عيالها لأنك مستقبلًا راح تحتاجينها عشان تاخذ عيالك .!!!!!؟


مش معقول هذا الكلام .....لأن فيه أمور الشخص مايقدر يخدمك فيها ...يعني فوق طاقته ....



فـ مثلًا بعض البنات ماتتحمل الأطفال لمدة ساعات بسيطة ...فمابالك لما تجيها أختها وتقولها خذيهم عندك 15 يوم ولا 20 يوم عشان بتسافر للترفيه ..!!... وطبعًا بعضهن الأمر عادي تتحمل ...


فـ لازم مراعاة الفروق الفردية بين الناس ......فـ أنتي إذا كنتي تتحملي عيال أختك الصغار لمدة أسبوع أو أكثر ...فـ غير من البنات ماتتحملهم ...


لو كان الأمر ضروري فـ هنا نقول أنها راح تكسب أجر على تحملها المشاق اللي راح تواجهها من عيال أختها ....





خلاصة كلامي :

لا تحمل الناس فوق طاقتها بحجة انهم بكرة راح يحتاجونك ....فـ أنت عندك قدرة التحمل والصبر وعندك برود أعصاب وسعة صدر .... ولكن غيرك يفتقد هذي الأشياء وصعب جدًا انه يكتسبها ....

فـ أُطلب منهم حاجات يقدروا عليها وماتسبب لهم إحراج معك ..........


أكره شي عندي لما تاخذ شي من غيرك عن طريق سيف الحياء أو عن طريق استغلال حاجته لك مستقبلًا ...


ونعيد ونكرر : لابد من مراعاة الفروق الفردية بين الناس من جميع النواحي ...فهناك أمور أنت تتحملها ولكن غيرك مايتحملها حتى لو ضغط على نفسه عشانك ...

بعضهم يتمنى يخدمك بعيونه لكن لا تحرجه بطلبات مايتحملها نهائيًّا ....وبكذا راح تخسره بسبب انك ما اقتنعت برفضه واعتذاره منك ...





.............

[وهـم الذكــريات]

السلام عليكم ورحمة الله وبركاته
أختي تبي تسافر وتترك عيالها برعايتي
ظاهرة اصبحت منتشرة
البنت المتزوجة تترك عيالها لاهلها وتطلع تسافر
الا يؤثر ذلك في الاطفال
السعادة الحقيقية هي لم شمل الاسرة
وصنع متعة جماعية
أنا رفضت الطلب
وأخذت على خاطرها
هل تصرفي صحيح؟

الاثنين تصرفهم خطأ
اعتذرو من بعض وتصالحو

وشكرا
....

[حفصة]

بالعكس انا اقبل

اخي وزوجته حصل توتر بينهما وانا اول واحدة شجعتهم على السفر للتقرب من بعض كزوج وزوجة وليس اب وام وطبيخ وفلوس والبنات بقوا مع اخواتي لاني بعيدة

والحمد لله جابت نتيجة


حفصة

[سآرح]

وعليكم السلام ورحمة الله وبركاته
يعطيكم العافية
بكل تأكيد يتأثر الطفل أو الأطفال
وتصرفكم ليس به مايعيبه بل تصرف شجاع وحكيم
ليتهن يحذونه؛فلم الشمل بالحل والترحال مهم
بترابط الأسرة وهناك أمر أخر آلا وهو إن تعرض الطفل
لزجر أونهربغياب الوالدين فسيؤثر على نفسيته مستقبلا.