((عد النجوم وعدها من غلا الزين))

[القارظ العنزي]

يا عيد ما عينت مسك الغلا . وين
الموقع اللي يسعد القلب ...... قربه
فيه النشاما الوافية ..... والمزايين
يشتاقهم منه على ...... الخير دربه
تشتاقهم كل القوافي مع .... العين
عين شكت بعد الغوالي ... . وغربة
عشرة عمر وسنينها عدة .... سنين
يشهد بها القارظ بروحه ..... وقلبه
يا عيد وصل حرفنا .. .... للعزيزين
مسك الغلا مسك الوفاء ما نغدر به
سلم على اللي مسكنه .. بالشرايين
اللي يحس بفقدنا ..... ... نفتخر به
عد النجوم وعدها من غلا ... الزين
غرو صغير بالهوى زاد ..... .. حبه
الله يجمع شملهم قولوا ...... آمين
شمل القلوب الهايمة عقب .... غبة

القارظ العنزي

[أمَل]

يا عيد وصل حرفنا .. .... للعزيزين
مسك الغلا مسك الوفاء ما نغدر به
سلم على اللي مسكنه .. بالشرايين
اللي يحس بفقدنا ..... ... نفتخر به


...
كل عام وانت واهل مسك بخير
شاعر مميز ونص يليق بحضورك
يعطيك العافية اخي

[القارظ العنزي]

المميز مرورك وحضورك العطر
أمل كل عام وانت بالف خير

[مسكك الغلا]

صح لسانك واعتلا شانك
تغيب وتعود بجديد وكالمعتاد
قصائد جزلة من شاعر جزل
انرت المسك خالي بعد طول غياب
حياك من جديد وآخر الغيبات ان شاء الله

[الساري]

صح لسانك قصيده جميله ومناسبتها ومضمونها اجمل

[القارظ العنزي]

صحة انفاسك خالتي مسك المسك
في مسك الغلا مسك الغلا الغالية
طبت وطاب مرورك وحضورك العطر
وكل عام وانتم بالف خير وصحة وسلامة

[القارظ العنزي]

سرى الليل يا ساري سرى
الليل ما أجمل مسراك وملفاك
أيها الساري طبت وطاب حضورك

[أعد النجوم]

اهلا هلا بك يالذي ساكن العين
يالقارظ الشاعر اللي نحبه

غلاك ماهو يوم ولا بيومين
ياللي يشافينا على الدوم قربه

اخلاقك اللي تكتسبها من الدين
وروحك معا كل المخاليق ذربه

ابسألك ياصاحبي عن هوى الزين
اللي بدونه كني عايش بغربه

جيته وخلاني وحيدن ومسكين
بعده أعاني من لواهيب حربه

قلي وعلمني وش أسوي الحين
هل أتركه وانساه ولا أحبه؟


صح لسانك شاعرنا القارظ

وهذي ابيات مجارة لعلها ترتقي لما كتبت


يختم ل3 ايام مع التقييم والايك

[القارظ العنزي]

اصبر على بلواك مع داعج العين
راع الهوى صبار والحب .. شربه
اصبر عليها وانتظر لحظة الزين
في لحظة تشتاق شوفك وقربه
وان قربت يالقرم تستافي الدين
حسابه يجمع والمواليف . طربة
وانت الذي شرواك راز المزايين
ما ظنتي يحتاج فتوى .. لحربه
لولا الصبر ماحزنا لمغيزل العين
ولا وقفت عطشان حافي بدربه
جاك اجتهادي والتزم بالقوانين
احذر تسرع واسبر للترف سربه

هلا وغلا بشاعرنا الكبير الفذ اعد النجوم
سعدت بمرورك وحضورك العطر وردك الجزل
ولطفك المعهود كل عام وانت بالف خير وصحة وسلامة
وأرجو أن ينال ردنا على مجارانك استحسانكم له ويجد
لديكم القبول دمت بالوجود أخي العزيز

[أعد النجوم]

اهلا باخونا وشاعرنا القارظ

كل عام وانت بخير وصحه وسلامه

مجاراتك تسعد القلب والخاطر ايه بالله

صح لسانك وسلمت ولا هنت اخي العزيز

[القارظ العنزي]

وانت طيب غالينا اعد النجوم

[شاهد عيان]

.

مع ان التهنئه للعزيزين فقط اخوي القارظ :)
لكنك شاعر جزل وذوقك عالي بالشعر يشهد الله
صح لسانك وعلا شانك على هالأبيات المشبعه
واشكرك انت واخوي الشاعر (اعد النجوم ) على مجاراتكم الرائعه
اسعدتونا الله يسعدكم

[القارظ العنزي]

بالعكس أخونا شاهد عيان
انت احد العزيزين بل انت
من ضمن من هنيتهم بالعيد
فالقصيدة موجهة للموقع واهله
وانت واحد من أهله ، وشهادتك
وتقييمك الراقي تاج على رؤسنا
نعتز بها بل هي وسام نضعه
على صدورنا بلرك الله بك
وبحضورك الاروع ومرورك
العطر طبت وطاب فالك
وكل عام وانت بألف خير

[شاهد عيان]

^
وانت بخير وصحه ، الله يعزك ويرفع قدرك ياشاعرنا الحبيب

[سلمان الخالدي]

ياهلابك وغلا يالغالي
وعليكم السلام ورحمة الله وبركاته
تسلم وجعل عمرك طويل ابيات فاقة الجمال
تقبل مروري المتواضع

[القارظ العنزي]

لاهنت شاهد عيان

[القارظ العنزي]

يسلم عمرك لاهنت سلمان الخالدي
ولا هان منطوقك يالغالي

[alandlos]

:MonTaseR_72:

[القارظ العنزي]

طبت وطاب مرورك
وحضورك العطر اندلس