كيف يتعامل الشخص مع الاشخاص اذا وضع له مجلس في البر

[مشكلتي]

السلام عليكم ورحمة الله وبركاتة
ماهو رايكم بمن يضع له مكان بسيط في البر
وياتيه ألناس اللي حواليه

والبعض منهم طيب الطبع
والبعض الاخر طبعه غير طيب
عينه دائما على ماعند أصحاب
هذا المكان الذي قدم إليهم



انا اذا كنت صاحب هذا المكان


كيف اتعامل مع الجميع


وهل الأفضل أن الشخص يعلف
حلاله ويذهب افضل




ثم إن الإنسان بطبعه اجتماعي يحب جمعت الآخرين




السوال


انت لو وضعت لك مكان في البر او من لديه مكان في البر فعلا


كيف يكون التعامل

[حفيد الأكابر]

وعليكم السلام والرحمة
والله ياحبيبي العينات ذي تبي تلقها في كل مكان
في الديرة في العمل في البر في البحر في الجو
أو في أي مكان يخطر على بالك ..
ماهو حصر على الي في البر بس
لكن جنب اللئيم واحرص على الطيب من الناس
ولو ما لقيت لك أحد على هواك وشفك منت ملزوم
تبقى معه وعلى قولك أعلف حلالك وتوكل على الله

[بنت ابها]

انتا كيف عايش بالبر بدون تكييف :MonTaseR_5:

[خياآل]

تعامل مع الناس كنك في بيتك رحب وهل مااحد يجيك من قل ماجيك الا واحد يوسع خاطره عندك
علف حلالك واستودعه الله أن الله اذا استودع شيء حفظه
لاتوسوس كل الناس عندها حلالك وعندها خير

[حفصة]

التعامل مع الناس يحتاج الى معرفة الانسان بذاته وبقدرته على تقبل الاخر والتأقلم معه



انا لست انسانة كاملة وليس كل ما اقوله او افعله يناسب الجميع


وبالتالي الآخرون مثلي يختلفون عني ولهم خصوصيتهم في الطبع والتصرف



لو جمعني بهم العمل أتحرى الا تؤثر اختلافاتنا على العمل ويتم التقارب في هذه النقطة فقط

ولو كانت رحلة ومحطة وتنتهي اتعامل على هذا الاساس


رحلة وتنتهي



حفصة

[الخواف]

وعليكم السلام ورحمة الله وبركاته ...


ياحبيبي طالما حطيت مجلس في البر مفتوح للجمع ...لابد تتحمل كل الأشخاص اللي رايحين جايين على مجلسك .....فهذا الشي متعارف عليه في المجالس اللي في البر ....


وإذا كنت ماتتحمل اختلاف طباع الناس وتصرفاتهم فالأفضل لاتحط مجلس عند الحلال ... عشان ترتاح مع حلالك ..




خلاصة كلامي :

شغلة انك مسوي فيها مجلس أبو حمدان ( تشب النار وجنبها دلال القهوة والتمر ومدري ايش ) والفرش والمتاكي حواليها ....فهذي الحركات لاتسويها عند حلالك طالما انك ماتتحمل تصرفات بعض الزوار ...حتى لو كنت اجتماعي لاتحط مجلس عند حلالك ...


اشتر راحتك النفسية واترك عنك هذي المجالس اللي تجمع كل من هب ودب ....


.......

[مِيهاف]

الله ع جلسه البر :نبض:
بالعكس هلّي فيهم ورحبّ فيهم
وعطهم اللي يبون مابينقص منك شي
وانت خذ منهم اللي تبي عادي خليها بينكم اخذ وعطاء
لن تفكيرك كذا م بخلّيك تجلسّ ف مكانك
كل مرا بتغير مكانك والناس هم نفسهم كذا
مايتغيرونّ
طبيعيه بشريه عند البعضّ

[قنصل دبلوماسي]

يتعامل مع الناس
مثلما يتعامل
مع نفسه

لما تظن في الناس خير
حتى لو بعضهم ماهو كفئ

راح يتعامل معك بنفس اخلاقك الطيبة

الفعل الإيجابي
بيعطيك رد ايجابي

والعكس صحيح

التحايا
والمصافحة
حسنات

[العـ(احمد)ـالمي]

وعليكم السلام ورحمة الله وبركاته ...


ياحبيبي طالما حطيت مجلس في البر مفتوح للجمع ...لابد تتحمل كل الأشخاص اللي رايحين جايين على مجلسك .....فهذا الشي متعارف عليه في المجالس اللي في البر ....


وإذا كنت ماتتحمل اختلاف طباع الناس وتصرفاتهم فالأفضل لاتحط مجلس عند الحلال ... عشان ترتاح مع حلالك ..




خلاصة كلامي :

شغلة انك مسوي فيها مجلس أبو حمدان ( تشب النار وجنبها دلال القهوة والتمر ومدري ايش ) والفرش والمتاكي حواليها ....فهذي الحركات لاتسويها عند حلالك طالما انك ماتتحمل تصرفات بعض الزوار ...حتى لو كنت اجتماعي لاتحط مجلس عند حلالك ...


اشتر راحتك النفسية واترك عنك هذي المجالس اللي تجمع كل من هب ودب ....


.......
رتويت لكلام الخواف
الظاهر الخوف وما يعمل هههههههههه

كلامك منطقي جدا

من بغا الدح لايقول أح

[M.ahmad]

مثل نفسك وتربيتك وأستقبل الجميع برحابة صدر ونشراح

ثم قهوهم وإستمتع معهم سواءً بزينهم أو بشينهم

لأننا لو جينا للحق والله ماراح نخلص من القيل والقال وكثرة السؤال

[روحَ]

خلك طيب بزيادة وجاملهم كثير وأنتظرهم ياكلونك
والله يرحمك كنت طيب وتحب الخير

أقصد حط حدود في التعامل ولا تجامل بزيادة
لأن لو جاملت ما راح يتركونك فحالك

والطيب صير طيب معاه

وبس

[حنين']

خلك على طبعك مضياف وكريم
و استودع حلالك الله ولا تنسى اذكارك
والناس أجناس تحصل الطيب و الردي ما عليك إلا انك تجامل و ربي بيكتب أجرك إن شاءالله
خلك على سلمك الأولي و لا تغيره .