((يالعين لا تبكين خل نسيناه))

[القارظ العنزي]

يالعين لا تبكين خل ........ نسيناه
اللي بدأنا بالهجر ......... والقطيعة
والرب يعلم كم كثيب ..... قطعناه
لاجل الوفاء حنا قطعنا ... الفريعة
درب صعيب بالليالي ...... مشيناه
فيه الحيايا تعترضنا ....... سريعة
والذيب الاشهب ولع النور .. عيناه
لو هو بكيفه يلتهمنا .......... بريعه
ما قدرت عشقي تعبنا ..... وويلاه
ولا احكمتنا في احكام ... الشريعة
عشق غدا ما بين حانا ...... وماناه
وانا احسب انه والوفاء له . طبيعة
ليته سقانا مرة ثم .......... سقيناه
سقيا المودة مع عطايا .... الطبيعة
الفطرة اللي بالحنايا ......... لقيناه
روح تتوق لتوأم ........... بالبديعة

القارظ العنزي

[*** سُهيل ***]

صح لسانك الفارظ العنزي يعطيك العافية

يختم لثلاثة أيام

تحياتي

[أمل.]

ليته سقانا مرة ثم .......... سقيناه
سقيا المودة مع عطايا .... الطبيعة

جميل يالقارض
شعرك يصلح مواويل
أن ماخاب الظن اتوقع ع مركاك تدوزن
صح لسانك اخي

[أعد النجوم]

الله الله

شاعر عذب وجميل ك القارظ

لا يأتي الا بالدر النفيس


بوركت يامبدع

[تمرد ذكرى]

ابيات جميله
يعطيك العافيه

[بنادول]

ليته سقانا مرة ثم .......... سقيناه
سقيا المودة مع عطايا .... الطبيعة

ليته وليته ..
المهم صح لسانك يا ايها البناخي المطنوخ كعادة الويلان في كل مكان..


وبس طال عمرك

[احلام عابره]

كل من يغني ويطرب على. ليلاه
وانا جيت البي لهوى بالي سريعه

الصاحب الي من الخلق .تمنيناه
ولو باعه الناس ما نوينا .. نبيعه

رفات الوفا لجل خاطره احييناه
ولا رضينا بالهجر ..... والقطيعه

ياصاحبي يا منية القلب وسلواه
لا والله مالكم بالمعاتب .. ذريعه

من شرى قربنا بالغالي.. شريناه
الوفا في عرفنا دين .. وشريعه

سلطان القوافي
القارظ العنزي

صح لسانك ملايين
تقبل مروري ومشاكستي بصدر رحب
ودي واحترامي

[القارظ العنزي]

صح بدنك سعيل لاهنت
ولا هان منطوقك

[القارظ العنزي]

صح بدنك أمل
هذا من لطفك
لاهنت ولا هان منطوقك

[القارظ العنزي]

ما عليك زود اعد النجوم
انتم مدرستنا بالادب
لاهنت ولا هان

[القارظ العنزي]

مرورك اجمل تمرد ذكرى

[القارظ العنزي]

لاهنت يالبناخي بنادول
مرورك شرف لنا
ولمتصفحي المتواضع
طبت وطاب حضورك

[القارظ العنزي]

عز الله مثلك بالصبايا ....... شريناه
اكيد مثلك يالغلا ............ ما نبيعه
اللي شرانا نجتهد في ....... مراضاه
والياعصنه الليالي ............. نطيعه
ياحلام قلبي من هوى البيض ويلاه
صارت سوالف للهواوي ...... شنيعة
الياصار خلك بالهوى غايب .. صداه
ما لك حياة بالهوى ....... تستطيعه
قالوا قطيعة ليه ما يرحم ...... الآه
قلنا صدقتوا ما تجي ..... بالقطيعة

صح السانك ومرورك العطر احلام